♦○• "تحَدّيات و إبْـدآاع في رِحَآاب رَمَضَآان 彡•○♦[[قسم الطّبخ و المأكولات]]

[•~ندية الجوري~•]

المشاركة الأصلية كتبت بواسطة نبض الفؤاد

يا سلام.....طبعا ممكن....يا اختي.ندية....انا انتظر الاجابة.....طبعا رانا كل يوم نطيبو بصح مش كل يوم نصور المراحل....هذه الوصفة بالدات عجبتني....بنينة ....ممممممم........وفيها تغيير....على الاقل بالنسبة ليا.ولعائلتي ....هههه.....ما طليتش في قوقل على رأي ام حمزة......بصح خديت فكرة من tv...ايا بالتوفيق....يا حراير......صحا صحوركم.....

السّلام عليكم و رحمة الله و بركاته ...~

تستطيعي إضافة الإسم على صوّرك التي نسيتي وضع ورقة معها

لكن ...
حــاولي اليوم مع صوّرك تحطي إسمك و إسم المُسابقة
و ضروري تصوري نفس المكان تاع أمس
أو أي شيء يوحي انّ كلا الصّور لكِ

المشكل ليس عندي و لكن لتجنب كثرة الكلام و التّشكيك

نظن الأمر واضح أختي نبض الفؤاد
كل الأخوات هنا راح يهتمو بحصريّة الصّور

الله يوفقك لكل خير
.

[•~ندية الجوري~•]

بالنسبــة للأخوات المُشاركات في التّحديات
الله ييسّــر أموركم و يوفّقكم لما فيه الخير

و من خبرتي هنا أنبهكم
أنّ أهم شيء يشدّ النّظر هو جودة الصّورة و الإضاءة
و الزّاوية لي تصوري منها أطباقك
لتكون أكثر أناقة و جاذبيّة

كوني فنانة في إلتقاط الصّور
☺
...~

[أثيلة]

السلام عليكم و رحمة الله و بركاتها
انا قمت بتحضير الطبق الرئيسي و لكني نسيت و ضع الورقة و ليس هدا بل اني لم اكن اعلم بالامر حتى ذكرتني صديقتي اريج 07 بارك الله فيها
ساقوم في التحلية بإستعمال نفس الصحون في التحضير حتى لايسشكك في و اضع ورقة معها هل هذا كافي للأمر؟

[انا هي رزيقة]

يا يما انا ثاني مكنتش علابالي بامر هذه الورقة يا خي اول مرة نشارك في مسابقة ... خخخخ و الطبق خلاص درتو و عييييت تع الصح تع الصح باه درتو و نزيدلكم سر متقولوه لحتى واحد راني طبقت حتى المقبلات و السلاطة نهار كامل تع البارح واقفة في الكوزينة به نديباراسي من المسابقة .... خخخخخ هل يكفي وضع "مشتركة في مسابقة و للابداع فنون" فوق الصورة نفسها افيدونا يا مشرفات سينون تعبي راح على الفاضي يا لهوي .... خخخخخ

[اريج 07]

ههههه بعتلك رساله باه نبهك لقيتك مدرتيش خخخ دوماج انا مزية ليوم نديرو والشكر موصول لاخت نبض الفؤاد والله لو مش هي مكنتش راح نعرف شكرا اختي

[انا هي رزيقة]

و اسمحولي لوضع هذه الملاحظة يا مشرفات كان من الواجب وضع امر هذه الورقة في اول صفحة المسابقة كي يسهل الاطلاع عليها بالنسبة للمشاركات لاول مرة في هذا النوع من المسابقات. و انا متفهمة جدا امر حصرية الصور هذا لكنني لن استطيع فعلا اعادة تحضير الاطباق بالرغم من بساطتها لكن فعلا وقتي ضيق جدا جدا و ان لم يكن هناك حل لهذ الاشكال فلن يكون عندي من خيار اخر سوى الانسحاب . حظ موفق للجميع

[جنة الفردوسْ]

ااااااااه انا خلاص طيبت وعلاه تعاودو تعبونا هك ؟؟ كان من المفروض الورقة تتحذ كشرط من البداية ....واش تقصدو بجودة الصورة؟؟ اذا كان هاتفي ماهوش ماركة والصور ماخرجوش ملاح واش ندير؟؟؟؟؟ ياخي المهم الطبق اما الباقي فهي امور ثانوية.... ارجو الافادة والله انا غلبت مانقدرش نعاود كلش من جديد

[أم_فراز]

المشاركة الأصلية كتبت بواسطة .ܨنَــدٍيّــةَ الرُّوحْ ܨ.

و عليكم السّلام و رحمة الله و بركاته ...~

يا مراحب ..نوّرتي

يُمنكِ الإنظمام ..أهلاً و سهلاً

كوني في الموعد يوم الإثنين بإذن الله
و بعدها سأضبط القائمة النّهائية
.

وعليكم السلام. فرحتيني ربي يفرحك . ويعطيك على قد نيتك. انشالله نكون في الموعد .اي حكمتني الخلعة هههه. درك نبدا نمخمخ واش ندير ههههن. ولو انو الطبق الي كنت راح نشارك بيه درتو وماصورتش الخطوات. بصح باذن الله نطيب طبق اخر. انا الي عجبني في هذه المسابقة هي حلاوة التنافس وخفة دم المشرفات والمتنافسات. رمضان كريم. وربي يقبل صيام الجميع

[حياتي كلها امل]

السلام عليكم حبيت نستفسر على امر الاسم على الورقة انا حضرت التحلية وما عملتش الاسم لكن وضعت الاسم علي الصورة والطبق الرءيسي هذا وين عملتو بصح الاسم على الورقة لازم في كل المراحل والله انه امر متعب يا نديه الروح جاوبيني وشكرا

[•~ندية الجوري~•]

السّلام عليكم و رحمة الله و بركاته ...~

طابت أمسيّتكم مُبدعاتنا الفُضليات ..
و تقبّل الله منّا و منكم صالح الأعمال

بــداية أعذروني ...
أمر الإسم و إسم المُسابقة أشرنا إليه و من البداية
الأمر ليس وليد اللّحظة ..

و بــداية نتمنّى منكم مُـــراعاة شروط المسابقة
و القراءة الجيدة لمحتوى الموضوع
قبل المشاركـــة و طرح إستفساراتكم ،
لتسهيل المتابعة على فريق العمل...

- قائمــة المُشاركــات و أبواب التّسجيلات
مفتوحة أمام جميع عضواتنا الفُضليات

- لا يُسمح بمُشاركة عضوة في أكثر من مُسابقتــين
[ كل عضوة لها الحق في إخيار مُسابقتين من بين الأربعة لتُشاركَ فيها ]
كما يَحِق لكِ المُشاركة في مُسابقة واحدة

- أن تكون الأعمــال المطلوبة حصريّة و من إنجاز العضوة
و تكون المواضيع مُرفقة ببعض صوّرَِ خُطوات العمل
+ ورقــة بالجانب مكتوب عليها إسم العُضوة و عنوان المُسابقة


- تفتح كــل عضوة موضوع التّحدّي في مواضيع مُستقلّة
في الأقسام المُخصّصة
للمُسابقات الخاصّة بكل قسم
؛؛؛و تحجز ثلاث مُشاركات مُتتالية
-الأولي لتّحدي الأوّل
-الثّاني للتّحدي الثّاني
و المُشاركة الثّالثة للتّحدي الثّالث


الأسبوع الرّابع للتّصويتات و تقييم لجنة التّحكيم

♦○• "تحَدّيات و إبْـدآاع في رِحَآاب رَمَضَآان 彡•○♦











♦♦♦♦♦♦♦


هذا كتوضيح ....

لمن ظنّــو أنّنا قصّرنا في هذا الشّأن
أو أنّنــا نريد لهم تعباً و إعادة عمل




و تسهيلاً و فقط لهذا الأسبوع
نظراً لــِ قُربِ موعد إدراجِ المواضيع



سأتساهل في بـ هذا الشّأن
لكن لا يُقبل ذلك للأسبوعين القادمين بإذن الله


و رمضان في البداية و لازالت الأيام

و أكيد أكيد ؛ لن تتوقّف إحداكن َّ

عن تجهيز و طَهـــوِ أحلى ما تصنعه أناملها


أمْ ماذا سيكون في قادِمِ الأيــامِ


ألن تطبخو؟؟؟





مُلاحظــة بالنسبة لتصوير الخطوات


ليس شرطاً ان يكون العمل و التّصوير خطوة خطوة
أربع صُورٍ عنِ المــراحــلِ كافية


معها ورقة بها إسمك و منتدى الجلفة
أو إسم المسابقة



******




فيما يخص مــا ذكرته عن جودة الصّورة


كان ذلك فقط كإجابة على الأخوات اللّواتي تحدثن

عن أمر أنّ الطّبق لا يعجبهم
فيعيدو تطبيق طبق آخر


أنا ايضاً ليس لدي غير الهاتف أصوّر بــه ...


ما قصدته هو في التّصويتات أو الإستطلاع

يكون غالباً للأكثر جاذبيّة من حيث الوضوح




نتمنى فكرتي تكون واضحة


و دُمتمْ بمودّة
و صحَّ فطوركم
.

[•~ندية الجوري~•]

حتى لا يختلط الأمر مرّة اخرى...
يــوم الإثنين تفتح كــل عضوة مُشاركة في التّحدي
موضوع خاص بها في هذا القسم
بعنوان موّحد
❊♨مُشاركتي في تحدّياآت و إبداع في رحاب رمضاآن[إسم العُضوة]♨❊

يوم الإثنين عندكم الوقت من السحور إلى نهاية اليوم ...
من خافت أن لا تُناسبها الظّروف تحجز موضوع غداً
و لا تضع فيه الصّور .... ترسلها لي لكي اضعها عنها ...
و لمّا تأتي تعدّل موضوعها كما تُريد

أيّ إستفسار ...تفضلن..~

[•~ندية الجوري~•]

بقيت محيرة كيفاش نديرو حل للأخوات لي كملو و ما كتبو أساميهم
و أنا نقلي في البوراك جاتني فكرة
غير كمّلته جيت نكتبها قبل ما طير من راسي لمّا نشبع ☻


☺

في نفس الصّحن لي وضعتو فيه طبقكم الرّئيسي
و على نفس الطّــاولة و غطائها

ضعو الورقة المكتوب فيها إسمكم
+ إسم المُسابقة منتدى الجلفة
و صوروهم
نظن ما فيها ولا صعوبة
ورقة بخط اليد أو تطبعوها ... و تصوروها على ذات الخلفية

فهمتوني
رزيقة و البرنسيسة و أريج السُّكّرة

تفاهمنا
☺
.
...~

[اريج 07]

ههههههه ندية الغالية والله ضحكتيني و انا لي درت هذا كل انا لي نبهتهم خخخخخ درتلك مهرجان رمضان رمضان مي متخافيش انا غدوى ندير الطبق و التحلية سما انا راح نمشي على القوانين خخخخخخ والله غضتيني تاع الصح ربي يعينك و يكون معاك حبيبتي و صحى فطورك يا احلى من السكرة
🍨🍨🍨🍨🍨🍧🍧🍧🍦🍦🍦🍦🍰🍰🍰 هههه هاذو حلي بيهم sur طلعولك سكر ههه تسلميلي😉

[جنة الفردوسْ]

سلام...اختي مانقدروش نديرو طبق رئيسي من وصفات المنتدى؟؟

[زينب 83]

السلام عليكم و رحمة الله و بركاته

اسفة لغيابي لضروف خارجة عن إرادتي لكن ندية الحلوة كفت و وفت

جنة الفردوس الطبق الرئيسي لا يهم ان من وصفات المنتدى و من خارجه المهم هو الإبداع غاليتي

متشوقة كثيرا لرؤية ابداعاتكن غالياتي

اعتذر مرة اخرى ندية لغيابي