~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[جهينة اليقين]

غزالة نحن اتفقنا على الاكل الصحي اذن حاولي التعود على راءحة الكركم انا عندي عادي جدا وحتى الاولاد فهو يدخل كثيرا في الوصفات المغربية وكما قلت فهو مقوي للمناعة وينقي الكبد وملون طبيعي احسن من الكولوغو الاصفر فهو يسببالسرطان اعاذنا الله منه انا ندير بيه البرانية بكل انواعها وخصوصا فالبركوكس مع الجاج ومرقة حمرا ممممممم وكي سمعت بلي صحي وما عندوش اثار جانبية راني ما نستغناش علي في طبخي تقريبا ولازم نرحيه بيدي ما نامنش هذي صحتنا واضربي طلة فالنت وشوفي فواءده

[arwa alaa]

صباح الخير عليكم واش راكم
يوم موفق للجميع

[arwa alaa]

اختي خهينة عندك حق اواحد التوابل لازم يرحيهم وحدو الي مشري معرف منقي ومغسول ولا كيفاش حوالو حنا في العادة نديرو زوج رحيت في العام وحدة قبل رمضات ووحدة قبل العيد الكبير وتقول عجوزتي كي يترحى الافاح والفريك كلش ساهل في التوجاد لرمضان

[ادرة مكنونة]

مشكورة.اختي.سمراء.الدنيا.على.النصايح.القيمة.والقنا عات.التجميلية.هايلة.انا.ندير.في.زيت.اللوز.مليح.ياس ر.يبيض.ويرطب.وحتى.الشعر.يقويه.ويلمعوا.

[oum sabrin]

السلام عليكم و رحمة الله
أسعد الله صباحكم بكل خير
سمورتنا ربي يحفظك و يحفظلك عائلتك الكريمة على كل ما تقدمينه
عجبوني بزاف الأقنعة لي قدمتيهم و حبيت نطبقهم في اقرب فرصة دونتهم و كي نخرج نشري واش ناقصني و نطبقهم باذن الله
البارح درت تنظيف الجدران و النافذة و الباب و الارضية عميق للصالون و جوزت على كل المنزل
قعدتلي خزانة الاواني و نفرشو
بالتوفيق للجميع ربي يقدركم على اشغالك

[oummalak]

السلام عليكن حبيباتي
اسفة عن تاخري في الالتحاق بالدورة
بوركت اختي سمراء فكلك خير وكل ما حطيتيه في هده الدورة حكم وعبر وكنوز
ان شاء الله معاكم متاخرة في صالوني لان الضيوف من الاحد وانا معاهم كل يوم فوج ما عليه ما يجيك غير الي يبغيك
الجانب الديني راني مقصرا كثير معاكم الانطلاقة ان شاء الله
كي نفضا نحط بعض التحضيرات لرمضان
سلامي ولي عودة بحول الله دمتم بخير

[غزالة1]

السلام عليكم
صباحكم ورد
اختي سمراء نسيت سؤال اخر
هل هناك فرق بين زيت الجليسرين و الجليسرين السائل في الصيدلية و هل الزيت يباع عند العشاب
جهينة شكرا على الايضاح لكن المشكل في التذوق ساحاول وضعه بكمية قليلة جدا

[سمراء الدنيا]

السلام عليكم و اسعد الله صباحكم
برنامجي لليوم تنظيف مدخل البيت و الدرج و اعادة فراش الصالة
غدا غراتان بادنجان
اليوم قصرت في الجانب الديني ربي يغفرلي و يهديني ما نضتش بكري صليت على عجالة و ما قريتش في المصحف كنت نحفظ ولدي عندو فرض في التاريخ و الجغرافيا

غزالة من الافضل اذابة الشمع على حمام مائي بصح انا مخخصة انية صغيرة خصيصا للشمع فندوبها مباشرة على النار
بالنسبة للجليسيرين شريتو من عند دار المعجزة ب 40 الف و لقيتو في السوق الاسبوعية نفس العلبة ب 15 الف تحيري هههه
حوست في الصيدليات ما لقيتوش لا سائل و لا زيت لقيت كريم راني نعمل بيه ترطيب للوجه

و الوصفة فيها زيت مش سائل

ام ملاك مرحبا من جديد انا قلت نسيتينا هياو انت و ام امجد نشجعو لبنات و نحمسوهم في انتظار انضمام الامنيات

[سمراء الدنيا]

تمت اضافة الصور في المشاركة 91 و 92
الاسبوع الثاني ان شاء الله راح يكون للمطبخ

شكرا جهينة على النصائح حتى في بيتي سنوات من للي استغنينا على الملون و عوضناه بالكركم حتى عدت ما نعرفش نطيب بلا بيه
كل يوم نقول نحكي على التغذية الصحية و ما يكفينيش الوقت انتم ديما طلو على الصفحة الاولى كل ما نلقى وقت نعدل فيها باش تبقالنا مرجع

[افكار خياطة]

السلام عليكم
راني حابة نصبغ الشمبرة وحدي إذا ممكن الأخوات يساعدوني لأن عمري ما صبغت وحدي وسمعت من الكثيرات أنهم قاموا بالصبيغة وحدهم
وش نشري نوع الصبيغة وكم الكمية والمستلزمات اللي معاها

[الأمنيات]

السلام عليكم
راني متبعه معاكم سموره من بعيد نقرا هههههه
الجانب الديني راني نحاول هاد الايام نوض قبل الاذان باش نقدر نصلي ركعات ونقرا بعض الاحزاب
حابه نختم قبل ما يدخل شعبان
من بعد نصلي ونسبع ونقرا الورد ونرجع نرقد
نعاود نوض على سبعه نوض ولادي ونخرج نمشي والفت الرياضه ملي بديت الرجيم لازم ههههه
كي نكمل نرجع ندير القهوه وكي يخرجوا ولادي والزوج ندخل للمنتدى نصبح على لحباب
من بعد نصلي الضحى
ونبدا الشغل انا ما نتبعش اي برنامج نخدم بمزاج صراحة كل يوم واش ندير
اليوم درت الغذا وعجنت خبز بالشعير والنخاله وشوي فرينه درت مطلوع
من بعد نحيت ريدويات تاع غرفتي وغرفه بناتي
درت حمله لغرفة بناتي وغيرت الديكور وعدلت الادوات تاع بنتي الصغيره نحيت كراريس ماعندهاش فايده
من بعد رحت طيبت المطلوع وتغدينا وهاني جيت ههههه
يعني نخدم حسب الي نقدر راكي عارفه سموره ركبتي واش دايره فيا
حاولوا دخلوا الشعير والشوفان في الغذاء تاعكم صحيا مفيد
هادا واش تفكرت

[الأمنيات]

الان نتكلم عن مواد التنظيف الي تستعملوها في تنظيف الحمام والمرحاض اكرمكم الله
ما نوع المنظف الي تستعملوه ؟
كيفاش تتعاملوا مع المرأت تاع الحمام تمسحوها ديما البخار ديما كاين ههههه
ادوات الحمام شونمبوان وتابعيه وين تحطوهم وتاع ولادكم وين بلاصتهم؟؟؟
ايا لكم المجال دردشوا وناقشوا
الدار داركم لا تنسوا هاد المقوله

هادا موضوع كنت حطيته جهة المتزوجات وجبته لكم باش نستفادوا كامل
نتمنى التفاعل

[zahozo]

باااااااارك الله فيك

[الدر المكنون 7]

[الدر المكنون 7]