اقتباس:
المشاركة الأصلية كتبت بواسطة farah112
الله يعطيك الصحة سطايفية كفيتي و وفيتي
الله يعطيك ما تتمني
سألت هاد الصباح في الحانوت قالي 34500دج راس الماشينة و الموتور الكل gemsy و قالي خيرلك تشريها تخيط طول يعني لي تدير الزيقزاق ماش مليحة على خاطر مع الوقت تمشيلها la memoire يعني يا تخيطي بها يا تعملي بها الزيقزاق 1 من 2
ما عرفتش نشري gemsy ما عليهاش?
على هاد الشي حبيت نسقسيك انتي احسن من مول الحانوت هو حاب يبيع برك بصح انتي مجربة
انا مش راح نشري درك برك حابة نفهم مليح بش ما نتكلخش
|
شوفي ياختي راهي غاليه. و كيما قتلكم هاذ لماشن كامل كيف كيف غير اذا كان موتور سيلونسيو. مليحه اما قصة تخيط و دير الزيقزاق انا نفصل لي تخدم زوج حوايج. بالنسبه للدار. خاطر ميش راح تخيطي من الفجر لليل. كيما الخياط في لاتوليي هذاك صح يحتاج مشينه دروات و ومشينه سورجي. باش مايكونش الدرك على وحده و تفسد راكي فاهمتني ؟ انتي اذا ليك اشريها تخدم زوج حوايج لي اخترعها هكذا ماشي غالط
اقتباس:
المشاركة الأصلية كتبت بواسطة mestghanmiya
السلام عليكم شكرا اخت سطايفية و بارك الله فيك البارح حطيت موضوع في قسم الطلبات على هذه المشينة و نعتتلي الاخت ام ورود ربي يجازيها هادا الرابط راني فرحانة بزاف كي لقيت مشينتي كيما مشينتك من فوق سانجير و الموتور جامسي ماتخافيش ماكيش وحدك ههههههه و البائع نصحني بيها قالي مليحة بزاف و شكرا ثانية على الموضوع هادو ليام راني لاتيا مع ماما راهي مريضة من بعد يلا مافهمتش كاش حاجا راني نقولك ربي يجعلها في ميزان حسناتك ان شاء الله
|
ابا مليح كون جات العكس كون تبادلنا
![1](images/smilies/1.gif)
ربي يشفيلك لميمه انتلاي فيها
اقتباس:
المشاركة الأصلية كتبت بواسطة ام ايمنt21
|
ااااااامين دعوة ترد الروح الله يهنيك ختي
اقتباس:
المشاركة الأصلية كتبت بواسطة **ام هدول**
السلام عليكم
بارك الله فيك اختي السطايفية مواضيعك كلها في القمة الله يجازيك كل خير يغالية
عندي سؤال لمشينتي كما تعرفي مشكلتها من قبل بدلت لها البنيون عند الصانع وكي جبتها من عندو
وقعد نسي فيها بدات تشدلي الخيط من تحت ومن الفوق يتقطع وكي سالنا الي خدمهالي يقول مزال لها تريقلاج
وانا كرهت من ادي وجيبي لعندو ومنكدبش عليك توحشت الخياطة عندي بزاف مخيطتش
هادي صورتها
مايشقاش توريهالي راني حفظتها ولات صاحبتي ههههههه
وهنا كي راهي تشدلي الخيط
![](https://www14.0zz0.com/2015/04/08/10/442622350.jpg)
|
صافي راكي حاكمتها على لا قروند ههههههههاي
اوكي هي هنا مشكلتها الخيط الفوقاني مرخوف كي يغلبو تاع الكانيت يجبدو لعندو اتاكدي من مسار الخيط و و ثاني لاطونسيون نتاعك. لازم تقعدي تشبحي و تجربي حتى تتعدل لخياطه الابره نتاعك روماركي والا راهي مقلبه باش ما تقطعلكش الخيط لازمك تفهميها و تسايسيها. هاذي ريحة الميقريه هههههه. بالتوفيق ام هدوول
اقتباس:
المشاركة الأصلية كتبت بواسطة *منى*
السلام عليكم
أختي السطايفية لقيت في حانوت ماشينة كيما نتاعك بصح ماركة gmsy قالي ب2850 وقالي على وحدة أخرى تاع الفليزة بيضاء قالي لورجينال ب 2500 واش تنصحيني نشري الله يسترك
|
مليحه و ين لقيتيها ؟ واش اسمها البيضا اذا نتي راكي تخيطي غير ليك في الدار و ميش دايما يستحسن البيضا ماتديش ليسباس و ساهله للاستعمال و التنقل و في اي وقت تخيطي ما ديرش الحس كيما لكبيره . مع نتي خفيف ضريف يوجعك راسك تنوضي تخيطي و تضربيلهم كوكوطه شربه هههههه