~~~ الجزء 127 من واش طيبتي اليوم ~~~ التجديد ، التغيير

[زينب 83]

ام طيري الجنة ليك وحشة حبيبتي توحشناك حنونة

دائمة الحمد ماتسهزاوش فيها راهو لي صرا لها ماشي ساهل لا قدر الله يقدر يصر لها تعفّن لداخل لذا لانو كي انفجرت الزائدة الدودية هذاك الصديد لي فيها و لى في كرشها اكيد الاطباء راهم نظفوه لكن مع ذلك حاذروا لانو الصراحة الطب عندنا يخوف ، ربي يشفيها يا رب و يعافيها و يقر عين والديها بيها ، و يرجع ولادتك على خير

[زينب 83]

تسلمي فروحة ربي يسهلك في ولادتك يا رب و يقر عينك بمولود معافى

[فرح العمر]

صباح الخير على كل الحلوات البطبوطات ليزا واسمهان و عازفة و الزينوبات الزينات و الريفية و ام هديل و الجميييييع

[أم هبوبة]

صباح الخير علىكم
ان ساء الله تكونوا بخير
عازفة سامحيني ما نيش ندخل للكوزينة بزاف شوية ظروف راه عندي منعتني بصح اعلموا انكم في القلب و ساساعة نطلب طلة وراء الخفاء
شفت بعض الصفحات لانه ما شاء اللله الصفحات راهم يجروا
الكل يعطيكم الصحة بدون استناء راكم روعة و فوق الروعة ما شاء الله عليكم و يباركلكم في صحتكم و صحة اولادكم
دائمة الحمد الف لا باس على بنت اخوك ربي يشافيها
عازفة التحلية نتاعك فور و ادا حطيتي الوصفة قوليلي وين راه
الاخت الي شرات الخاتم نقلها تلبسيه بالصحة
زينب 83 بصحتك التحويسة مسبقا و الحمد الله راه رجع نشاطك و التارتولا الي حطيتيهم روعة و كل شيئ من يدك ما شاء الله
اسمهان ان شاء راك لاباس و استمتعي بالجماعة ما فيش احلى من لمة الاهل
ليزا بصحتك الخرجة مع الاولاد و التحليات الي كليتيهم روعة
هادا الي تفكرته نزيد نتفكر و نولي
غدايا كسكس بالمرقة طلب من الاولاد و الزوج لاني ما عملتوهش البارح
هدا التحلبة عملتها البارح ما تضحكوش على الشكل لانه المورال كان 0000000000000 بديت غير نلبز و نعوج

[هندة 74]

صباحكم سعيد اخواتي ان شاء الله نهاركم مبروك رحت ظربت كلة على هذوك الاطباق الرائعة تسلم ايديكم

اختي ام اسمها79 البارح برك وين كنت في قالمة راهي تسلم عليك رحت زرت الوالدين
اختس ام طير الجنة لاغوسات تاع هذاك القاطوا ربي يخليك

ربي يزيدكم من نعيم يوم موفقك نروح نكمل شغلي ومن ياعد نحطلكم المينيو تاع اليوم

[wahibaazel]

زصباح الخير لكل الملتحقات ،اسمهان اهلا بيك يا الفحححلة ،
زينب انا رحت عندي عامين لحديقة مع الدخلة انتاع باتنة نظن اسمها افسديس ذك يدخلو الباتنيات يقطشوني لغلطت في الاسم المهم من حيث محترمة جد محترمة وما فيهاش الغناء وماينة لي حكاتلك عليها الخت تسلكي مع الدخلة ،هذه مليحة المهم هوما محترمين احسن من تاع سطيف

[الجمان]

واخيا خلصت المراحعة والله عينيا حوالو
شكرا ليكم البمات فرحتوني بردودكم
اولا ربي يشفي جميع المرضى ان الله رؤوف رحيم
اختي زينب ايجي عندي وانا نشبع اختي الكسكس ونزيد نفتلك شكارة وتديها وتروح هانية راهو كسكس جيجل ما يتشبعش
اختي ليزا نعم هداك عصبان
عازفة الناي الله يخليلك هداك اللسان لي يقطر عسل
وما شاء الله على حراير بلادي كل وحدة باسمها

[عازفة الناي]

اشرقت شمس الصباح و لاح في الافق نورها
صباح المحبة و الامل
احلى صباح لاحلى لمة
وليت شاعرة ههههههههههههه

[mosta*limoges]

صباح الخير و الأنوار و الفل و الياسمين
أنا ليوم قعادي في الدار نو راهي دايرة

[عازفة الناي]

ام طيري اهلا و سهلا بالطيبة الغالية اشتقنا لطلتك البهية و كلامك الراقي الشجي
باروكك رااااااائع كروعة قلبك ربي يخليك
استاذتنا الغالية دائمة الحمد ربي يشفي بنت خوك و يزيل عنها الضر يارب....... وان شاء الله توصل والدتك بكل خير وتسعدي برؤيتها
رانا كامل قلوبنا معك ..و القهوة اممممممممممممم من عندك ليها بنة خاصة
وهيبة صباحك زين راكي نشاط اليوم ربي يبارك واي مساعدة رانا في الخدمة
ام اسماعيل اشرقت الانوار واش الاخبار
هندة اسعد الله صباحك و شكرا على الدعوة
زينب 83 صباح الورد يا غالية باينة راكي معولة على التحويسة اديني معااااك هههههههههههه بصحتك مسبقا
اسمهان يا عسل ... بصحتكم اللمة عند اللميمة وتحية لكل الاهل ... ماننساوكش من التحليات
فروحة الزينة احلى صباح من اسمك يدخل الفرح للقلب الله عليك
ام هبوبة العزيزة عذرك مقبول حبيبتي ... والتحلية تسلمي كي نحطها نقولك عليها
ويارب يزيل عنك كل كرب وكل هم و يفرحك اممين ياعلي يا حكيم
موستا صباح النور عزيزتي
وش غداكم ههههههههههههههههههههه

[ام طيري الجنة]

احلى صباح على احلى بنات و سيدات المنتدى الشاطرات الله يبارك
دائمة الحمد الله يسلمك حبيبتي تتوحشك الجنة و بالشفا على بنت اخوك و على ميمتك طهورا ان شاء الله
زينب 83الحبيبة و الاخت اسمهان الحلوة الله يفرحكم و ربي يحفطكم و يتوحشكم الخير يا احلى الاخوات و الاخت هندة حبيبتي هاهو رابط القاطو اللي ما يكلف لا وقت لا مصروف و بنيييييييييييييين بشكل رهيب
https://www.djelfa.info/vb/showthread...ferrerid=50597
عازفة المحبووبة الاخت وهيبة ام اسماعيل فرح العمر ام هبوبة الجمان المستغانمية الليموجية ههه صباح الانواااااااار على الامورااااااااااااات

[lyzzabel]

صبااح النوور و السروور على اغلى الاحبااب و نهااركم طيب
داائمة الحمد الف لاابااس على بنت خووك والله حاالتها خطييرة ما نكدبش علييك انا ولد خاالتي عاايش في فرنسا و اخته طبييبة في مستشفى بارييس و صرااله نفس الشيء كانو عطلة هنا فالبلااد و مرض داوه ايييغجون لفرنسا اتطرطقتله لاابانديسييت فالطرييق ،، دارووله العملية و نقااوله ملييح رااكي عاارفة هادي فرنسا و ما أدرااك ما الطب تما ،، املاا فطن و من بعد بدااو المضاعفاات مع حمى جد عاااالية و الآلام قرييييب روح فييهاا مزية اخته جراات بييه و وقفت معااه سينون الأطبااء و الممرضيين دارو خدمتهم و خلااص ،، و بقدرة ربي سبحاانه و بمعجزة من عنده بشوية بشوية بدا يريح ،، مانييش باغية نقلقك مي صرااحة كي قلتييلنا على بنت خووك تفكرته ،، و ربي يشفيها و يعافيها و يهدي الأطبااء و يوقفو معاها ،، سامحييني يا الغاالية لاكان قلقتك

و أححححلى صبااااااح لأحلى صباااااح عااازفة القلووووب مواااااااااااح
وهييبة بصحتكم التحوييسة و ربي يعااونك فالعرضة و كيما قالولك الشيراات وصفاات المساابقة رااائعة و عندك l'embarras du choix
فااطمة صبااح الفل حبيبتي و بصحتكم السرديين و السباقييتي
تفكرت أمي الغاالية أم رييمة بصحتكم الزيتوون بالكبدة والله فرحت بزااااف كي عجبك و ربي يخلييييك على الثقة و على الكلاام الحلو موااااااح
ام نسريييين يا عمريييي عااااش من شااافك والله لييك وحشة كبيييييييييييييييييييرة يعطييك الصححححة 5لى كلشي حطيتييه و سلميلي على حبيبة قلبي نسرييييين
صبريييينتييي طلييتي و 6ربتييي يااك على باالك بلي عندك حباباااتك يتوحشوووك ،، سقسيينا علييك شحاال من خطرة ،، انشالله فوتو العرس غااايا و انشالله رااكي لااباااس و خليتي العااائلة في أحسن الأحواااال ،، هيا ما تغيبيييييش عليينااا
اسمهااان واقيلاا خصك نوااظر صححح كيما قالتلك زينوووبة ههههه
فرح العمر و ام هندة و ام زكريا و ام اسماعييل و زينوووبة و قااع لبناات صبااحكن ورد و مسك حبيبااتي
ام هبوووبة التحلية راهي تباان فييييلم يعطييك الصحة و ربي يفرج علييك و على كل مهموووم اللهم آمييين

فطووري مازاال مودددر كي نلقااه نقوللكم خخخخخخ

اللهم بك اصبحنا و بك امسينا و بك نحيا و بك نموت و اليك المصير

[ام طيري الجنة]

صباح الانواااااااااااااااااار و الف موااااااااااااحااااااااااااااااات ليك ليزا الحبيبة و ربي يبارك فيك على كلامك الزين
انا فطوري تاني راه مودر كي تلقاي فطورك قوليلي ننقل عليك هههه

[أم ماجد]

المشاركة الأصلية كتبت بواسطة oum islem

اسمهان هذي طريقتي في عصير الجزر
نقشرو نقطعو دوائر نحطو في كوكوط ونغطيه بالماء نحطها على النارتغلي نغلق الكوكوط وندير الصفارة حتى يطيب الجزر مليييييح
مكسيه بالبرا وهو ساخن ونضيف علبة ياوورت مشمش والسكر ونضيف الماء اذا كان ثقيل وعصير ليمون وبرتقال وخليه يبرد مليح
وقدميه اولادي يموتو عليه انا ديما نحضر معجون الجزر ونخبيه ومنو ندير عصير الجزر يعني نزيد غير الماء وعصير الليمون والياوورت
هذي الطريقة قديمة وزيدي شوفي لبنات ممكن عندهم افكار جديدة

انا نزيدلو الموز امممممممممممم

[wahibaazel]

عازفة الله يحفظك ويرزقك الزوج الصالح عاجلا غير اجل ،اكيد ذك نهبلكم بالاسئلة .
ليزا اختي عندك الحق ،عندي صحبتي طبيبة مختصة في جراحة الاطفال تحكي العجب عن هذا القسم ،قاتلي كاين حالات مستعصية ماشي السرطان مثلا التهاب البيريتوان هو غشاء ،قاتلي نغلق على الطفل ونقولهم ممكن ما يعيشش لخطورة الوضع ،لكن يحدث العكس بقدرة المولى عزوجل ،قاتلي سبحان الله هذا السارفيس فيه رحمة غريبة وكاين لي يحبسلهم قلبهم اثناء العملية مثال ذلك ولد سلفتي ،ثم بقدرة الرحيم اللطيف يولي ينبض .هي دايما تسبح الله عزوجل وخاصة في عملها .بإذن الله تتعافى بنت اخ دايمة الحمدلكن مع المراقبة .
غداي حميس وكسرة،ونروح نخمل الدار ،راهي ما تنشافش .