مــــجلس **جوهرة رمضان** هنا ملتقانا اليومي

[صاحب الامل]

السهرة اليوم في قسم التدابير المنزلية

https://www.djelfa.info/vb/showthread...post3991316928

[ام حمزة22]

سلام لبنات هادي غيبة عندكم بزاف ما بنتوش ان شاء الله المانع خير
بالتوفيق

[OM AYA]

سلااااام انا عن نفسي راني كاااوووووو

ولبنات كل ما ندخل ما نلقاهمش نخرج بلخف بلا حس
الا فريواة تلاقيتها لول لبارح في سهرية غير شوي برك

انا نروح نوجد الحلوى ما نعرف اذا نلحق
راني تعبت بزاااف مع الجري نتاع العيد و الطيااب و الحلوى درت نوي بلونش

[souheila dz]

جمعة مباركة بنات ان شاء الله تكونوا بخير
بالتوفيق في التحدي الأخير
ام اية ربي يعينك

[OM AYA]

شكرااااا سهيلة

[OM AYA]

تم ارسال المهمة و لله الحمد

[OM AYA]

هيا سطوووف فريولة وينكم

سطووف يا الله طلي راكي كثرتي على ما وصاوك ادخلي واحكيلي وش درتي فيها

يا الله سلام راح ياذن نروح نفطر

[fatma1977]

Om a ya saha ftou re k rani men mobayli chwweya ma negderch men ayni rire alajalkom nodkhel

[OM AYA]

صح فطوركم فطووم وش راكي وش راهم والديك وعجوزتك
رانا كامل معورين عينينا من التيليفون ربي يجيب الخير

[صاحب الامل]

مساء النور للجميع

وصح فطوركم

****

لكل بداية نهاية

واكيد بعد مشوار دام قرابة شهر اليوم نسدل الستار على اكبر مسابقة في منتدى الاسرة والمجتمع

مسابقة عشناها بحلوها ومرها

اجتهدتم

ابدعتم

واهم حاجة لمتكم

اللمة الرائعة والجو العائلي الذي لم يغادرنا طيلة فترة المسابقة

نشكر كل الاقسام المشاركة معنا

نشكر كل المشرفين الذين سهروا على نجاح هاته المسابقة

نشكر كل الاعضاء اللي تابعونا

*****

واكيد كلمة اخيرة

كلكن فائزات
لانكن بالمختصر مبدعات


**************

[fifiarch]

دعاء اليوم السابع و العشرين
أللّهُمَّ ارْزُقني فيهِ فَضْلَ لَيلَةِ القَدرِ ، وَ صَيِّرْ اُمُوري فيهِ مِنَ العُسرِ إلى اليُسرِ ، وَ اقبَلْ مَعاذيري وَ حُطَّ عَنِّي الذَّنب وَ الوِزْرَ ، يا رَؤُوفاً بِعِبادِهِ الصّالحينَ .

نتمنى تكونو كامل بخير

انا مشغولة جدا على بيها مادخلتش

[OM AYA]

شكرا فيفي راك تعبت معانا زااااف
اخ عمر شكراا الكلام الطيب والمشجع

[Maria dadi]

مساء النور عليكم لبنات واش راكم
انا كيما قالت ام أية راني ندخل كي مانلقا حتى وحدة نخرج واش راكم دايرين فيها ام ايوش رتاح ابنك
فطوم واش رآهم والديك وعجوزك سطوف وينك وفريولة عدت ماتبنوش سهيلة واش راكي اخت
لبنات صح فطوركم هيا من بعد

[fifiarch]

دعاء اليوم الثامن و العشرين

أللّهُمَّ وَفِّرْ حَظِّي فيهِ مِنَ النَّوافِلِ ، وَ أكْرِمني فيهِ بِإحضارِ المَسائِلِ ، وَ قَرِّبْ فيهِ وَسيلَتي إليكَ مِنْ بَيْنِ الوَسائِلِ ، يا مَن لا يَشْغَلُهُ إلحاحُ المُلِحِّينَ .

انا مشغولة قليلا لذا قليلة التواجد

لي عودة ان شاء الله اول مانكمل

صح فطوووركم

[OM AYA]

شكراااا حبيبتي ام دادي عالسؤال
وليدي ارتاح الحمد لله وانا راني مع التحضيرات نتاع العيد راك علابالك الجري ما يخلاصش
لبنات ان شاء الله غيابكم خير
فيفي بارك الله فيك عالادعية وربي يعينك
سلامي لكل البنات بلا ما نسمي باه ما يزعفوش كي ننسا كاش وحدة
صح سحوركم