دورة خطواتي الواثقة لأصبح ربّة بيت متألّقة

[randa3]

المشاركة الأصلية كتبت بواسطة فراشات العمر

بالنسبه للباس والله انا لخرة في خواتاتي ماعرفش نلبس ونشري برك ونحكم في الاولى حتى تكره مني
مريا انتي تحكي وانا نضحك قلت بلاك تعرفني وتهدر عليا نحب نلبس بصح فهموني كيفاه نشري نلم الوارد ونشري مرة وحدة ولا نخيط ولا كل مرة نخطف حاجة

ضحكتنيني يا فراشات العمرانا تاني كي قريت وش كتبت ماريا ملاك وليت نقول وقيلا راهي ساكنة معايا
المشكلة انو ساعات لما نخرجو مع كاش وحدة وتشري نحبو نعاندوها على اساس انو يمكن نلبسوها حتى ولو ماعجبتناش اوانها مش من الستيل تاعنا وبالتالي هاذوك الحوايج نشروهم بلا مانلبسوهم ويبقاو عام ورا عام في الخزانة. ونبقاو نلبسو برك الحاجة الي تجينا مريحة
اوااااااااه لازمنا نبدلو هاذ العقلية ونتعلمو نلبسو
البركة في الفراشات الي معانا هنا ان شاء الله يعطونا آرائهم وتجاربهم

[أريج13]

اللهم صل و سلم على سيدنا محمد و على اله و صحبه اجمعين
السلام عليكن يا فراشات
روتيني الديني و الجمالي تم تنظيف الباب الخارجي و الكولوار و الدرج تم و بعدما وجدت الكسكس دخلت لغرفة النوم خرجت الفراش شمستو و ألملابس وضعتها في سلل ووضعتها تتشمس و راح نبدا في فرزها و ما نخليش من غيرواللي نحتاجو
جمعة مباركةةللجميع

[ام شمسو محمد]

ماريا الموضوع اللي حطيتيه تاع التعامل مع الزوج تحفة وشامل يعطيك الصحة
ماتنسايش تقرعجيلنا غدوة على العرضة الحكم النهائي على ربة المنزل يكون في هذي المناسبات (امتحان....هههههه) شكلها،طيابها،ضيافتها،حديثها،اطفالها،ماعنها،اثاثها، قوتها الذهنية
حنا عندنا الطفلة كي تقدر تدير عرضة يزوجوها (بصح انا توترني العرضات مانقدرش نركز)
ريحانة رانا نسناو فيك سخفتيني بالحمام المغربي اللي درتيه

[ام شمسو محمد]

لبنات عصر الجمعة مظنة لاجابة الدعاء ،اللي في قلبها حاجة تسال ربها وتبشر...في انتظار عودة العضوات اركان الدورة غيابهم تسبب في وحشة

[ادرة مكنونة]

شوفوا هاد العلب عجبوني ياسر

[خوخة02]

سلااااااااام يا حلوين واش راكم
ام شمسو نبغي نقرا ردودك نحس عندك اجابات فلسفية تدل على انك امراة مثقفة ما شاء الله
صح موضوعك ماريا حول التعامل مع الزوج والاعتناء بالنفس قيم جدا شكرا لكي
انا ضرسة العقل راهي قاتلتني راهي غير ماناضتليش راني ف29 سنة وراهي تبان بالعقل شكون اللي صرالها هاكا تقولي
وليدي عندو 9 اشهر وراني شاكة بالحمل والله معلابالي مع اني ولدت قيصري الدوخة الوجع الم في الراس الله يجيب الخير

[خوخة02]

الدرة المكنونة علب هايلين ياريت تحطيلنا الطريقة

[ادرة مكنونة]

اختي خوخة هزيتهم من النت عجبوني

[ادرة مكنونة]

اخواتاتي راني قريب نكمل الكوزينة كوزينتي بسيطة ياسر وصغيرة ولماعن بسيطة لكن والله حبيتكم وحبيت نكون معاكم الجانب الجمالي نكحل عينيا كل صباح وندير السواك انا نحب الزينة التقليدية اما المستحضرات منحبهومش زيد انا كبيرة عمري فايت الربعين وولادي كبار وجهي نغسلو بصابون الجزر مليح للبشرة ندير عطر ونمشط شعري ونعود زوينة ههههههههه
ومننساش نبدل قندورة جديدة ايديا نديرلهم زيت اللوز من الليل ونطيب القهوة ونوض اولادي وزوجي ونقعد معاهم نحس روحي ملكة هههههههه

[ام شمسو محمد]

اهلا وسهلا خوخة و شكرا للاهتمام ربي يعينك و يشفيك حنونة

[ادرة مكنونة]

هذه كواليس كوزينتي كي نكمل تنظيفها نوريلكم الباقي

[خوخة02]

شكرا ام شمسو
الدرة المكنونة الله يدوم هناك ان شاء الله ويصلح اولادك لما يحبه ويرضاه

[ام براهيم الخليل]

السلام عليكم والله توحشتكم بزاف راني معكم دائما ولكن ما نقدرش ندخل من الهاتف الدرة المكنون عجبتني البساطة انتاعك ربي يخليك ويدوم الفرح اعليك

[جهينة اليقين]

السلام عليكم حبيباتي توحشتكم غيرتوني كاش نهار نحط لكم كوزينتي عندي مشكل فالتصوير والذراري ما يحبوش يصورو لي يشدوا لي غير من بعد من بعد

[ام آدم]

السلام عليكم حبيباتي اعتذر لعدم وضع مشاركات على الرغم من انني لا افوت قراءة كل المشاركات وذلك لاختلاف يومياتي
فانا اعمل بنظام المناوبة 3 ايام من الثامنة صباحا الى الخامسة واحيانا الى الثامنة مساءا و 3ايام لا اعمل
في الايام التي اعمل بها روتيني يقتصر على تحضير الطعام باكرا السادسة صباحا وهي وحبة لا بد ان تكون سهلة وتطيب في لاكوكوت لوبيا عدس شربة خضر حمص ...........
وهي وجبة الغداء والعشاء في نفس الوقت
مساءا بعد العودة للمنزل مراجعة لابني وغسل اواني وترتيب خفيف للمطبخ والمنزل
اما ايام الراحة وهي في الحقيقة ايام الجهاد فهي مخصصة لغسيل الملابس دش للاولاد عمل تنظيف عميق للارضية مسح الغبار تحضير وجبات تقليدية تحضير الكسرة تنظيم الملابس في الخزانة وو.................