|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
وصفات من حراير مطبخ وش طيبتي اليوم
|
أدوات الموضوع | انواع عرض الموضوع |
2014-06-07, 19:39 | رقم المشاركة : 1036 | ||||
|
قطع سكالوب داند أو جاج في الفرن الراااائعة ريهام نحضرأولا الحشوة نفور شوية سلق ألي يكون منقي و مقطع و مغسول كما تقدري تفوريه أوراق و كي يطيب قطعيه لكي الاختيار قلي حبة بصلة صغيرة مسكرفجة مع 2 فصوص ثوم في شوية تاع زيت أو خليط زيت مع زبدة مع التحريك بعدها زيدي السلق لمفور و قلي مليح و رشي الخليط بالملح و شوية فلفل أكحل و خليه فوق النار حتى ينشف من السائل ألي فيه بعدها طفي عليه وجدي خليط فيه حبة بيض + فص ثوم مرابي + قرصة ملح + قرصة فلفل أكحل و بض قطرات خل حوالي نصف ملعقة قهوة و خلطيهم بالفرشيطة أحكمي قطع السكالوب ألي عندك و رمديهم بخليط البيض من الجهتين و نقطريهم بيدك من زائد تاع البيض فرشي كل قطعة على طاولة العمل و ديري كمية من الحشوة تاع السلق في طرف من القطعة و بعدها أغلقي القطعة ديالك كما نعملو البوراك و احكمي كل قطعة بكيوردون أو بيك فروي واحدة فقط أدهني صحن الفرن بكمية مليحة من المارغرين و بعدها ستفي قطع السكالوب في الصحن الغلقة تكون للتحت و زيدي حطي حوالي ملعقة قهوة تاع مارغرين طرية فوق كل قطعة دخلي الصحن في الجهة الوسطى للفرن ألي يكون مسخن مسبقا على 200 درجة راه ما يديش وقت في الطياب يحمار من تحت ثم أشعلي الفرن من فوق و اذا نشف شوية من المارغرين زيديلو ما تخافيش بعض القطع من المارغارين راه اجي روعةةةةةةةةةةةةةةة كي يطيب تخلصي من الكوردون و قدميه و بصحتكم ملاحظة
بالصراحة بالنسبة لي نحبو هكذا سامبل
لا حول ولا قوة الا بالله العلي العظيم
|
||||
2014-06-07, 20:00 | رقم المشاركة : 1037 | |||
|
دجاج ديزوسي و محشي للمتالقة ريهام الحشوة قلي بصلة في شوية زيت كي يبدا ينشف الماء ديالو زيدي اللحم المرحي و قلي و بعدها أضيفي حوالي فص ثوم كبير مرابي و تبليه بملح و كمون و فلفل أكحل و خليه ايطيب و بعدها زيدي حبة كبيرة طماطم مسكرفجة و خلطي وقبل ما يطيب زيدي عليه كمية من المعدنوس المقطع صغير و اذا حبيتي زيدي في الأخير شوية لوز مقشر و مرحي متوسط و محمص للبنة و طفي عليه غلي الروز ديالك في شوية ملح و زيت و اذا حبيتي ضيفي زعفران للتلون و بعدها صفيه ثم أدهنيه بشوية سمن أو زبدة في اناء خلطي الروز مع خليط اللحم المفروم و زيدي بيضة مخفوقة باش يحكم الخليط ديالك مالازمش ايجيك جاري كما تقدري تطيبي الروز مباشرة مع اللحم المرحي بلا ما تغليه ومرقي بالماء أو مرق تكوني طيبتي فيه عظام الجاجة خاطرش الروز لازم يطيب غلي حوالي 3 حبات بيض حسب حجم الجاج ألي عندك في ماء و بعدها قشريه بلا ما تقطعيه ذوبي كمية من السمن و زيدلو ثوم مرابي و فلفل أكحل + القليل من لاموتارد + ملح + شوية كمون فرشي ورق الشفاف على طاولة العمل وحطي الجاج ديالك فوقه بعدها أدهني بالفرشاة الجاج ديالك من الداخل بخليط تاع السمن جيدا حطي حشوة الروز باللحم المفروم في جهة واحدة من الجاج و أعملي شق كما نديرو في المقروط و حطي على التوالي حبات البيض المغلي و بعدها زيدي أغلقي باش يغطى البيض و تتحصلي رجعيه حربوش بعدها ابداي ترولي بمساعدة ورق الشفاف أو قطع بلاستيك عادية و لفي حتى تتحصلي على رولي أحكميه الجاج ديالك بخيط المطبخ باش احافظ على شكله كما تقدري تحكميه بالكوردون وجدي صحن الفرن و فرشي فوقو شرائح من البصل + قطع من الطماطم و حطي الجاجة ديالك و أدهنيها كامل مليح بخليط تاع سمن ألي معطر بالثوم و ألي بقالك من السمن فرغيه فوق البصل و الطماطم و تقدري تزيدي حوالي نصف ملعقة قهوة طماطم مصبرة /علب لخليط السمن ضيفي شوية ماء حوالي كأس و دخليه لفرن سااااااااااااخن و خليه ايطيب و مرة على مرة سقي الجاجة ديالك بالعير الي يكون في صحن الفرن باش ما ينشفش و راه ايزيد انكهو قبل ما تشعلي الفرن من فوق زيدي البطاطا المغلية و خليهم بتجمرو مع بعض تقدري البطاطا بلا ما تغليها و تزيديها في الأول هكداك خضرة راهي الحشوة طايبة اذن غير الجاج ألي يحتاج الطياب و اذ ا ما زال ماطابش و راه نشفلك الطبق زيدي شوية ماء ساخن على الأطراف وغليها اكمل ايطيب ملاحظة تقدري تغيري في الحشوة تاع الجاج ديالك كما تحبي مثلا بدل الأرز ديري خضار كما البطاطا و الجلبانة مع الزيتون و تقدمي الجاج ديالك بالأرز لكي الاختيار |
|||
2014-06-07, 20:48 | رقم المشاركة : 1038 | |||
|
الوصفة للعزيزة ريهام دائما خبزة تاع المعدنوس أو المعدنوسية 500 غ لحم مرحي حبة بصل كبيرة مسكرفجة 2 فصوص ثوم 4 حبات بيض ملح فلفل أكحل قرصة قرفة مرحية ربطة كبيرة معدنوس أو ربطة و نصف صغيرة مقطعة رقيق 4 ملاعق كبار فرينة ½ باكي خميرة حلوة مارغرين + زيت التحضير في مقلاة قلي البصل في شوية زيت و مارغارين و قليه مليح مع الملح زيدي اللحم المرحي و حركي رابي فصوص الثوم و زيدي قرصة القرفة و فلفل أكحل و خليه ايطيب تماما في وعاء خلطي البيض + كمية العدنوس المقطع + الفرينة + خميرة الحلوة رشي شوية ملح و فلفل أكحل زيدي الخليط ألي حضرتيه في المقلاة و حركي مليح ادهني مقلاة ديالك بالمارغرين مام من الأطرف و من الأفضل تكون مقلاة تيفال أو أي نوع متلاصاقش حطيها تسخن مليييييح فوق النار و فرغي خليط المعدنوسية فوقها بعدها غطيها و نقصي على النار كي تشوفي الأطراف نشفو أقلبيها بالاستعانة بغطاء و قبل ما تحطيها في المقلاة زيدي أدهنيها بالمارغارين باش ما تلصقش و رجعيها فوق النار باش تحمار من تحت بلا ما تغطيها و هنا تقدري تزيدي على النار ملاحظة ممكن تطيبها في صحن الفرن كما موسكوتشو تقدري تعوضي اللحم المفروم بالدجاج مثلا قطع تاع صدر و تزيدولو شوية ماء باش ايطيب و بعد ما يطيب صفيه فتتي الجاج و ألي في الكسكاس و كملي المراحل عادي زيديلو كما اللحم المرحي البيض+معدنوس+فرينة+..... دخلي الخليط ألي فرغتيه في صحن فرن و بعد ما يطيب من تحت و من فوق خرجيه و هو سخون سقيه بشوية من المرق ألي يكون طاب فيه الجاج و صفيتيه و خليه تبرد و بعدها قطعيها و المرق ألي بقى قدميه باش ألي يحب يزيد مع التقديم حسب
الرغبة إضغط هنا لرؤية الصورة بحجمها الطبيعي. |
|||
2014-06-08, 17:19 | رقم المشاركة : 1039 | |||
|
حميص مخلل للفنانة ريهام نفور الفلفل الحار ونرحيه ونديرلو 2 فناجل خل وفنجال زيت وسنة ثوم وحبات زيتون اخضر ونديرو في علب المايوناز يجي هايل خاصة كي يطول ملاحظة برك كي يفور خليه يتقطر ليلة كاملة إضغط هنا لرؤية الصورة بحجمها الطبيعي.
للأمانة نقولك عزيزتي بليك أول مرة نجربو و درت كميه بالهبلللل ههههههههه رغم أنه في دارنا نديروه بنفس الطريقة لكن بالفلفل الحلو برك نقصو من كمية الخل و نعوضوه بلاموتارد و تخليه في الثلاجة و استمتعي بيه فنانة |
|||
2014-06-08, 20:58 | رقم المشاركة : 1040 | |||
|
قطع و ارمي او افير اوقسول للغالية ريهام 16 |
|||
2014-06-10, 19:07 | رقم المشاركة : 1041 | |||
|
فوندون نواغ |
|||
2014-06-10, 19:09 | رقم المشاركة : 1042 | |||
|
قاطو الـ pain depice |
|||
2014-06-10, 19:16 | رقم المشاركة : 1043 | |||
|
قــآآطو نيسلي: |
|||
2014-06-10, 20:31 | رقم المشاركة : 1044 | |||
|
مربى المشماش |
|||
2014-06-10, 21:03 | رقم المشاركة : 1045 | |||
|
ام اماني77 |
|||
2014-06-10, 21:03 | رقم المشاركة : 1046 | |||
|
ام اماني77 |
|||
2014-06-10, 21:31 | رقم المشاركة : 1047 | |||
|
روعة و شكرا |
|||
2014-06-10, 21:34 | رقم المشاركة : 1048 | |||
|
روعة و شكرا على الابداع |
|||
2014-06-11, 11:22 | رقم المشاركة : 1049 | |||
|
معجون المشمش بطريقة شاوية حرة |
|||
2014-06-11, 23:43 | رقم المشاركة : 1050 | |||
|
جزاك الله حيرا على المجهود |
|||
الكلمات الدلالية (Tags) |
مطبخ, الدول, حراير, وصفات, طيبتى |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc