مسابقة مهرجان السفرة المميزة

[*توبــــة*]

المشاركة الأصلية كتبت بواسطة tokio hotel

حتى انا ولادى قالوهالى و قالولى ربى يستر كى تكملى تقتلينا بالشر ههههههههه

صباح الخير حبيباتي
رانا نتبعو فيكم وشوقتونا نشوفو المهرجان
وبحتهم أولادكم
طوكيو حبيبتي مرسي مرسي على الرسالة فرحتيني يا الحبيبة ربي يفرجك

أكيد نعرفك متبخلي علينا بحتى حاجة...........معليش في غرك حبيبتي نستنى
الموضوع تاع المسابقة ونفهم مليح...........بالتوفيق

[نائلة]

صباح التنافس هههه

كيفكم وكيف أحوالكم

قريت كل الردود عجبتني الدردشه

تقريري عن سير ترتيباتي للمشاركة في المسابقة الراااائعه

تقريبا كلشي خالص عندي باقي ترتيب الصور واختيار ما هو أحسن وما يلائم جمال عيون عضوات المنتدى الغالي
بالنسبه للأطباق حاولة كل جهدي تكون منوعه ان شاء الله تعجبكم
المشكل أني نسيت نصور بعض المراحل في كل طبق
وكيما قالت أم حمزة وزينب كل العائلة في البيت صارت تتحدث عن المسابقة هههههه
ويقولوا ياريت دايما كاين مسابقات انا معاهم في التنافس لكن مش معاهم في غسيل الموااااااعن هههههه


بالتوفيق للجميع

[زينب 83]

أهلين نائلة

ماشي شرط تصوير جميع الخطوات ، ام كوثر قالت الطريقة باختصار و قالت لي تحب بعد المسابقة دير مواضيع لوصفاتها اميد ماكان حتى مشكلة

و بصحة العائلة اكيد اطباقك رايعة ما شاء الله عليك مبدعة في كل المجالات

انا ليوم درت حاجة وحدة و لعشية بلاك ندير حاجة اخرى اذا كتب ربي

[oum sabrin]

مساؤكم سعيد لبنات واش احوالكم
يعطيكم الصحة على النشاط و بصحتكم ما طيبتو
انا ليوم صبحت مع الطبق الرئيسي و طبق جانبي و و لعشية نكمل المقبلة و السلاطة و بعض السقايط و نحاول نصور السفرة على جيه
غدا ان شاء الله ندير التحلية و الحلويات ان شاء الله نقدر راني عيانة شويا ومع الام الدورة اعزكم الله دارت فيا حالة و لكنني اهوى الطبح
ادرا واش يقولي زوجي في المساء
غدوا ان شاء الله نقرعجلكم هههههه

[مطبخ الاحلام]

السلام عليكم

بصحة عيالكم ف كل التطبيييقااات حماس في حماااااااااااس

زنوبة ايه ختيتي طبق الجانبي هي مقبلات هههه مانيش عارفة علاش قتله طبق جانبي ههه

انا راني خلصت كلش حبيت نسال ام كوثر الا نقدرو نطرحو مواضيع او حتى اخر نهار ؟؟ خايفة غير تكملي كونيكسيو

توووبة يلا هلا منورة ختيييييييييييتو واش راكي

[um alaa]

مساء الانوار يا غاليات ماشاء على النشاط ربي يقدرنا جميعا
انا راني عند اهلي راني كل يوم ندير حاجة راكم تعرفو حالة التربية
امهم راني درت السلطة و الطبق الرئيسي وممبعد نكمل
ربي معانا
سلام

[ام حمزة22]

السلام عليكم
واش راكم ان شاء الله تكونوا انتم ومل العائلة بالف خير
الله الله عيكم بنات راكم ناشطين
ام الاء ربي يقدرك على التربية وربي يحفضلك وليداتك وبصحتك العطلة

اختي زينب علاه ترفدي الراية وتنسحبي ما نخلعوكش بكلامنا انا وجدت الطولة عادي مثل اي يوم في رمضان وحتى الصور ما عنديش خبرة فالتصوير مثلك او مثل الاخت نائلة ربي يحفضها
انا كثرت الصور وما علاباليش للان واش نخير فالسابق كنت درت مسابقة جوهرة رمضان كان فيها الطبخ والاعمال الفنية والخياطة كانت غير نهال وام كوكو مسلكيني في تحضير الاكل انالتهيت بالخياطة لاكن السفرات والماكولات هما لي كانو قايمين بيها ربي يحفصهم

لبنات تحياتي ليكم جميعا الحاضرين والغايبين
بالتوفييييييييق

[tokio hotel]

سلام حبيباتى
علاه لازم نصوروهم فى طاولة مع بعض
انا درت كل وصفة وحدها
النجدة ام كوثر كفاش ندير وااااااااااااااااااااااااااااااااااااااااااع

[زينب 83]

مساء الخير طوكيو

لالا ماشي شرط ، حتى انا مادرتش كلش مرة وحدة ، ام كوثر قالت تقدرو تصورو و نخدمو كل حاجة وحدها ، لانو شكون يقدر يدير سفرة كاملة خاصة لذا ماكنش بزاف أفراد في العيلة ، ماتتقلقيش حبوبة عادي و اذا حبيتي شرفي الردود الأولين تاع الأخت ام كوثر

[زينب 83]

ههههههه ام حمزة قاعدة تصبري فيا ، التصوير ماعندو حتى علاقة الطبق كي يعود مليح خاصة من يديك لعزاز اكيد راح يكون رووووووعة حنونة راك مبدعة في كل مجال ربي يحفظك ، و انا والله هاذي المرة غير عيانة و عندي ظروف لكن نموووووووت على جو المنافسات ، بالتوفيق للجميع

[tokio hotel]

المشاركة الأصلية كتبت بواسطة زينب 83

مساء الخير طوكيو

لالا ماشي شرط ، حتى انا مادرتش كلش مرة وحدة ، ام كوثر قالت تقدرو تصورو و نخدمو كل حاجة وحدها ، لانو شكون يقدر يدير سفرة كاملة خاصة لذا ماكنش بزاف أفراد في العيلة ، ماتتقلقيش حبوبة عادي و اذا حبيتي شرفي الردود الأولين تاع الأخت ام كوثر

شكرا حبيبتى رانى نستنى بفارغ الصبر

[ويناروز]

السلام عليكم

برافو عليكم لبنات
راكم خلصتو
يعطيكم الصحة
بالتوفيق

[ام حمزة22]

المشاركة الأصلية كتبت بواسطة زينب 83

ههههههه ام حمزة قاعدة تصبري فيا ، التصوير ماعندو حتى علاقة الطبق كي يعود مليح خاصة من يديك لعزاز اكيد راح يكون رووووووعة حنونة راك مبدعة في كل مجال ربي يحفظك ، و انا والله هاذي المرة غير عيانة و عندي ظروف لكن نموووووووت على جو المنافسات ، بالتوفيق للجميع

الله يسلمك حبيبتي على الكلام لي قلتيه
اما التعب والله رانا كيف كيف انا ملي توفات عجوزتي ربي يرحمها نحس غير بالصماطة حتى حاجة ما تعجبني بصح راني استدرج قواي من هاد المنتدى ومن عضوات المنتدى الحلوين الطيبين مثلك وبالمشاركة في مثل هاته المسابقات رايحين ننساو تعبنا وهمومنا
ربي يوفق الجميع

[ام حمزة22]

المشاركة الأصلية كتبت بواسطة راحـيل

السلام عليكم

برافو عليكم لبنات
راكم خلصتو
يعطيكم الصحة
بالتوفيق

وعليكم السلام راحيل
الله ييلمك لعقوبة ليك تكملي ونتمتع بابداعك
بالتوفيييييييق

[نائلة]

مساء الورد عزيزات الطبخات المتميزات

قولولي ويكتا نحطوا الموضوع لازم يوم 29 ولا نقدر نحطواه من ظرك خايف الكونكسيوا ديرها بيه