سلسلة حلويات مميزة .. موضوع يخص المبتدئات و حتّى المحترفات

[صابرة2013]

بارك الله فيك

[yacef hayet]

yatik saaaaaaaaha 444444444 chokrane ala el madjhoude

[الحب و الوفاء]

راني نستنى على احر من الجمر

[imane khaled]

في الانتظار ما طوليش علينا

[yacef hayet]

Elf mabouk habibti ala nadjah fi mastere lakouba doctora enchaellah wa zawdje salih wa doria salha testahli koul kheir amine

[لسومة 41]

بارك الله فيك

[#نُورْ أَمِيرَةَ الأَخْلاَقْ#]

بارك الله فيك

[#نُورْ أَمِيرَةَ الأَخْلاَقْ#]

محنشة سبكيتي



250غ لوز مطحونة مع 125غ سكر سنيدة+ 3ملاعق زبدة+قليل من قرفة+2ملاعق ماء زهر+قبصة مسكة حرة.
250غ ورقة بسطيلا تطحن في الة حادة على شكل شعرية سبكيتي.
نآخد عقدة لوز ونعمل بها قضبان متوسطة طول حتى يسهل تحكم بها تلف عليها سميطات ورقة وتسقى بزبدة مذابة وتقطع مثل صورة تطهى في فرن متوسط . ثم تسقى بعسل ساخنة

[madie]

allah yatik essaha

[عماني نور]

السلام عليكم و رحمة الله و بركاته ،،

آآآآني جييييييييت


و جبتلكم معايا وصفة البتي فور الي وعدتكم بيها ~


أياا نبداو بسم الله " قبل ما ننعس اليوم تاني "



المقادير :

250 غ مارغرين لابال (( ذايبة و باردة ))

150 غ سكر عادي .

2 بيض

فانيليا

1 خميرة

فرينة من 400 - 450 غ

التزيين :

كرز مصبر ،، أو بندق

الإضافات

المقادير الي الفوق هوما الي خدمنا بيهم فالمعهد ،، و الوصفة ناجحة 100/100
بصح انا ياخي نحب نخترع شوية

يتسمى زدت من عندي حاجات باش تجي الوصفة ألذ و أكثر هشاااشة ،، و كي جربتها وحدي فالدار صح خرجت هاااااايلة و قالولي جات خير ملي جبتيها معاك

الحاجات الي زدتها انا بكل بساطة " زيت و مايزينة "

الكمية الي زدتها نوضحهالكم فمراحل التحضير




طريقة التحضير :

قبل كل شي ،، لازم تذوبي الزبدة ،،ترجعيها في بواطتها ،، و تخليها تبرد
ممكن تدخليها للثلاجة باش تجمد بسرعة ،، بصح اذا خليتيها لمدة طويلة ،، كي تخرجيها خليها تطرى شوية (( يعني كي تخدمي بيها لازم تكون طرية ))

علاش رانا نذوبو و نبردو ؟؟

- باش انحو منها الماء الي فيها

يعني بعد ما تجمد الزبدة ،، نديرو بصباعنا 3 ثقبات في أماكن متفرقة

و نفرغو الماء الي فيها

ماتتخلعوش من كمية الماء الي يهبط

مام انا اتخلعت


المهم ،، بعد هاذ الخطوة ،، نخلو الزبدة تاعنا تطرى شوية ،،

(( أنا هنا زدت الزيت ،، بعد ما صفيتها من الماء ،، كملت عمرت علبة الزبدة بالزيت ،، يعني فرغت الزيت حتى اتعمرت العلبة ))

نحطوها في صحن عميق ،، و نضربوها ملييييييييييييييح بالباتور " مليييييييييح X ملييييييييييح " و نبداو ندخلولها السكر بالشوية



واصلوا الخفق ~

ممبعد نكسرو البيض ،، و نزيدوه بالحبة ،،

و نبقاو نضربووووو

نزيدو لافاني أو مبشور الليمون أو البرتقال

نخلطو الخميرة مع الفرينة مع لافاني " انا هنا زدت كأس صغير مايزينة "

و نزيدوهم للخليط بالشوية



حتى تتلم العجينة

ماتجينا يابسة ،، ماتجينا طرية بزاف

تشبه شوووية لعجينة الصابلي شوفوا


نديروها فاللمبوط أو بوش آدوي و نشكلوه كيما حبينا ،، طويييل ،، مدور

أنتِ و ذوقك ^^

زينييه تاني حسب الذوق ،، كرز مصبر أو بندق ،، ممكن لوز ،، و ممكن ماتديريلو والو ،، و فالأخير تلسقيه مع بعض بالمعجون أو الناباج

~
ندخلوه للفرن الي يكون مسخن من قبل على درجة حرارة 180

نخلوه يطيب حتى يحمار

" عسوووه لأنو يتحرق بلخف "


و كي يطيب

خليه يبرد شوية ،، و زينيه تاني حسب الذوق

شوفوا انا كيفاش زينتو


و هاذي هدية مني ليكم




أيا فرحوني بتجاربكم ،، راني نجيبلكم وصفات اقتصادية نوغمالمو

اخدمو و فرحو رواحتيكم و فرحوني معاكم ^^

[عماني نور]

المشاركة الأصلية كتبت بواسطة bent.alwah

الله أبارك عليك وربي يحفظك من كل بلاء والشر ولي فيه الشر
بالتوفيق في حياتك الدراسية والعملية والحياتية
ننتظر جديدك

آآآمين ياااارب ،، مشكورة حبيبتي على المرور الطيب و الدعوة لكِ بالمثل و أكثر ان شاء الله ~

المشاركة الأصلية كتبت بواسطة المبتدئة

رانا فالانتضار نور نوضي بكري ههههه

هههههه والله غير نضت بكري ،، بصح لهيت بالشغل " فرزت دوزاني ،، وجدت قشي باش نروح للإقامة الجامعية :'( كي نتفكر بلي راني مولية للميزيرية تع لاسيتي اطيحلي الدمعة

ادعووولي لبنات ربي ييسر أموري و اموركم كااامل ان شاء الله ،، و يبعد عليا و عليكم ولاد الحرام " و بنات الحرام اكدووولي عليها "

المشاركة الأصلية كتبت بواسطة yacef hayet

elf mabouk habibti ala nadjah fi mastere lakouba doctora enchaellah wa zawdje salih wa doria salha testahli koul kheir amine

ان شااااء الله يااااربي

يبارك فيك حبيبتي ،، و يعطيك الصحة على الدعوة الهااااايلة كيما انتِ ^^ ،، ربي يعطيك و يمنيك و لكِ بمثل ما دعيتِ لي و أكثر ان شاء الله

المشاركة الأصلية كتبت بواسطة الفتاة المحبوبة

محنشة سبكيتي






نآخد عقدة لوز ونعمل بها قضبان متوسطة طول حتى يسهل تحكم بها تلف عليها سميطات ورقة وتسقى بزبدة مذابة وتقطع مثل صورة تطهى في فرن متوسط . ثم تسقى بعسل ساخنة

وصفة سهلة و تبان مليييييييييحة ،، يعطيك الصحة اختي

و عجبتني فكرة اننا نقطعو الديول كيما الشعيرية " نسييها بإذن الله و نشوف كيفاش تخرج "

نستنى المزيد من الوصفات

بارك الله فيك
250غ لوز مطحونة مع 125غ سكر سنيدة+ 3ملاعق زبدة+قليل من قرفة+2ملاعق ماء زهر+قبصة مسكة حرة. 250غ ورقة بسطيلا تطحن في الة حادة على شكل شعرية سبكيتي.

[عماني نور]

و لكلّ من مرّت من هنا ~

باركَ الله فيكِ

لا حرمني الله تشجيعكِ

[ام ندى 87]

مشكوره اخت نور على الوصفه حتى انا جربت وصقه مشابهة لهادي وخرجت روعه كيما لي تباع برا واحسن
عجبتني طريقة التزيين حابه نخدم منو كميه ونخبيها فاكونجيلاتوغ لضياف الغفله هههههه

[عماني نور]

المشاركة الأصلية كتبت بواسطة المبتدئة

مشكوره اخت نور على الوصفه حتى انا جربت وصقه مشابهة لهادي وخرجت روعه كيما لي تباع برا واحسن
عجبتني طريقة التزيين حابه نخدم منو كميه ونخبيها فاكونجيلاتوغ لضياف الغفله هههههه

المشاركة الأصلية كتبت بواسطة المبتدئة

هههههههه والله غير عندك الحق ،،

مممممم شهاني البتي فور تاعك ،، جا يعمر العين ماشي كيما الحبيبات الي درتهم انا

يعطيك الصحة

و اتحفينا بالوصفة خلينا نشوفو طريقة جديدة ،، بالاك تخرج خير ملي جربتها انا

[asmagirl90]

اهليييييييييييييين نور حنونة مبروك المااااااااااااستر والله فرحتيني ووصفاتك هايلة يعطيك الصحة
اما على الرابط هاهو https://www.djelfa.info/vb/showthread.php?t=1420547
راهو في قسم دردشة العرائس وماذابيك افتحيلنا موضوع جديد خيييييييييير لانو ماناش ندخلووو فيه فهمتي رانا نستناو فيييييييييييييك