الورشة الساادسة روبة الفراشه سطايفية

[mer19iem]

ya3tik saha

[ذكرى11]

يعطيك الصحة و بصحتك الروبة

[lila2007]

المشاركة الأصلية كتبت بواسطة stayfiya

السلام عليكم
بونسوااار واشراكم شوي
هيا اليوم نديرو عفسة ساهلة و باهية
الموديل شفتو يتباع و اكيد بزاف منكم شايفينو انا بغيت نشريه لختي بصح خممت قلت خسارة السوارد يروحو فيها غالية و مافيها والو
و انا عندي الكتان راهم الفاليزات معمرين نهار طول و ماّ تلم و تخبيلنا هههه شهرة يعني و انا مين نحتاج ماعليا غير نحل الصانصور نتاع الفليزة زيييييييييييييييط و نجبد بالسرقة و ماتشوفوش غير لكان تخيط هههههه ماتخلي ما تقول تهدر تهدر و تسكت ثاني راهم تبيريماو اخاه
نوليو لموضوعنا خرجت منو طووول
احححم
الروبة نتاعنا تحتاجي 1 متر و نص بيزو بيزو من الاحسن خاطر يتكسل و تحتاجي طرف كتان فولار 1 -متر و نص
الروبة
ربي يسمحلي صورتها في الفيترينة يعني مسروقة و الاكيد كون حكمني مول الحانوت فجخني بكاش حجرة
و انا رسمتها من بعد ما خيطتها خاطر الاخ عمر قاللناارسمو روبات دار و من بعد بطل ما حطهمش
هاهي



و هاذي عند الحانوت اي تكون مرتو ولا ختو معانا في المنتدى و تقولو ثاني ندي دعوة الشر




طبقي الكتان على 4 و تحطي القياسات نتاوعك



و الكتان ثاني لي نديروه من فوق نطيقوه على 4 و يكون مجمول في لكتاف معناها ما يتخيطش


و من بعد تخلي الخلف مجمول
و الامام راحين اولا نحلو الرقبه و نقسمو وسط الخصر و هدا الطرف راحين نخدمو علية بياسة طبق الاصل بالجرنان







و باش نتحصلو على النقشات لي يجيو في النص بلا ما نفزدو فصالة الكتف و فتحة الذراع ركزو ملييييح
اسناوني دخت
نشرب شوي قهوة
امم تبعوني نقطع الجرنان كيما راكم تشوف او الجرناااان ماشي الكتان لا توخضونا فيه هاه و تبعدو الطراف على بعضاهم كيما راكم تشوفو
اكوم تشوفوووو؟؟؟



و بعدما صارو عندنا زوج طراف ما عندعم حتى معنى نكفوهم من جهة الرقبة نحطوهم على الجزء العلوي لي فصلنا بيه و نخيطو الوسط و نلمو الزيادة لي عملناها بنقشات علابالي هنا تتخلط شؤي بصح اني صورتلكم شوفو


نقطعو الطراف لي على الجيهتين
و في نفس القياس نكملو نقطعو الجزء السفلي تماماا بصح ما طيشيهمش نعاودو نقلبوهم
كاين صورة ناقصة هي لي تبين التقطاع من فوق للتحت من الامام و الخلف و فيها يركب الكتان لي فصلناه





في الرقبة بعد ما نجمل الامام و الخلف نخيط مليح بالبيي ولا كيما تحبو باش جي خياطة انتيك حبيبتي





هذاك ال vلي درناه في النص بعد ما نجملو الروبة رايحين نحطو فوقها بروش باش نبهيوها انا درت بروش و زدت حرجتو على لحواشي
و كي تخلصي سرفلي الكتان في لحواشي ساير داير
و هذا شكلها كي تخلاص انا ماعجبتنيش ملييح ملييييح







و انتهى هيا قولولي صححيتي و ماااتنساااوش لي زيتوااال
بون نويي يالبوقوصات نتاوع الشرق و الغرب و الشمال و الجنوب و الوسط
و السلام عليكم و رحمة الله و بركاته

444444444444444444444

[didouu]

ya3tik alf saha

[جوري لؤلؤة]

والله فنانة وعليك لكلام

[يايا21]

ستايفية فووووووووووووووووور فووووووووووووووور

[lilya staifia]

شكرا بزاااف على المجهودات تاوعك ديما نهز تصاور لي تحوطيهم راكي هايلة
اني نتعلم في الخياطة كون غير نلقاك انا تاني من سطيف

[يايا21]

الله يحفضك من كل شر معلمة تاع الصحة واش كون اديري ركن لتعليم الخياطة وتعلمينا ماشى خير شكرا

[houdaben]

روعة اختي الله يبارك فيك

[R I A D]

يعطيك الصحة أختي السطايفية على المجهود المبذول

[حكاية زمان]

خرجتيها تهبل يعطيك الصحه .... روعه

[djazia87holi]

باااااااااااااااااااااااااارك الله فيييك

[ام رهام]

[sousanabn]

ma kfanich l folar 1.5 klila kifech ndir dorka dabro 3lia

[sousanabn]

rani nesena za3ma haba n3ayed fiha l folar mayelhakch l taht nesenak ya stayfia dabri 3lia