أنت تسال والقانون يجيب

[hodayena]

واحد يعرف ابي يخدم في البريد قالو وصلت 3 حوالات بريدية كل واحدة فيها الاولى فيها 10ملاين والثانية فيها3ملاين والثالثة فيها 3ملاين 600الف لكن نفقة الابن لم يبعثها


ارجوك واش هو قصدو من هذا العمل
واذا مرفدتهاش ورجعتها هل تعتبر انو سمحت في المال
مفهمتش هذا الانسان مزال مبلغتوش وراح يبعث في المال واش هو قصدو
وماهي الاجراءات لي ندريهم

[nabil ofc]

المشاركة الأصلية كتبت بواسطة hodayena

واحد يعرف ابي يخدم في البريد قالو وصلت 3 حوالات بريدية كل واحدة فيها الاولى فيها 10ملاين والثانية فيها3ملاين والثالثة فيها 3ملاين 600الف لكن نفقة الابن لم يبعثها


ارجوك واش هو قدو من هذا العمل
واذا مرفدتهاش ورجعتها هل تعتبر انو سمحت في المال
مفهمتش هذا الانسان مزال مبلغتوش وراح يبعث في المال واش هو قصدو

راه في يدك هو لي يتقلق ليس انت لانه من المفروض يخلصك بالمحضر لانه هو الدليل الحوالة ليست دليل
راكي فهمتي العبارة هو لي يتقلق
تحبي تستانفي مزال عند الوقت ....

[hodayena]

المشاركة الأصلية كتبت بواسطة nabil ofc

راه في يدك هو لي يتقلق ليس انت لانه من المفروض يخلصك بالمحضر لانه هو الدليل الحوالة ليست دليل
راكي فهمتي العبارة هو لي يتقلق

يعني حتى لو وقعت ورقة التسليم لا تعتبر دليل لتسليم المبلغ
في الحقيقة لا اريد اخذ المبلغ لكن اريد فقط ان افهم ما قصده قانونيا من هذا الشي الي عملوو
وهل اذا رديتلو الحوالات يعني قانونيا راني سليمة ولا تعتبر تنازل عن المبلغ

[ورود ياسمين]

المشاركة الأصلية كتبت بواسطة nabil ofc

الوكالة ديريها عند الموثق عندها قوة قانونية
انت ما تحطي ولا ورقة جاوبي بعريضة فقط
عقد منح الشقة لمن ومن طرف من ؟
الشقة لمن تابعة عاليا على اسم من

ايه نطلب الإطلاع على المرفقات فقط
الشقة تابعة لديوان الترقية و التسيير العقاري بابا كان يخدم في الجامعة
العمال كل أعطوهم شقة في 87 هذاك هو عقد المنح مكنوب فيه بلي منح منزل لأبي فقط
والعقد الثاني لحطوه في المرفقات عقد الإيجار مكتوب فيه كم سدد أبي كمبلغ أولي و شحال لازم يسلك كل شهر فقط
الشقة مكتوبة بإسم أبي سدد هو 15% قبل وفاته و بعد وفاته سددت أمي 85 %
بالرغم أنو الوصولات بإسم أبي كاين لقالولي ممكن الخبير يأخذ بعين الإعتبار الوصولات المؤرخة بعد وفاته
وأكيد لسدد هو لكان ساكن لهي أمي و حنا مش أعمامي و الله أعلم

[ورود ياسمين]

المشاركة الأصلية كتبت بواسطة nabil ofc

نحي مذكرة جوابية اكتب طلب اجل للجواب
نحي وذلك للاطلاع على المرفقات وديري
ولتمكيني من الرد نلتمس اجل للاطلاع على الملف
نحي جميع التحفظات
لالا اطلبي اجل فقط هو يحدد التاريخ
ديري زوج نسخ مع انك تقدري متكتبيهاش معليش اديهم معاك اذا ديرولك وكالة ادي نسخة مصادق عليها معاك + الاصلية

علاه زوج نسخ؟+ماما لديري توكيل فقط ولا لازم خوتاتي ثاني؟
ياخي نورمال كي نرودو في ثلاث في عريضة وحدة و نكتبو أسماءنا في 3 ولا كل واحدة وحدها

[nabil ofc]

المشاركة الأصلية كتبت بواسطة hodayena

يعني حتى لو وقعت ورقة التسليم لا تعتبر دليل لتسليم المبلغ
في الحقيقة لا اريد اخذ المبلغ لكن اريد فقط ان افهم ما قصده قانونيا من هذا الشي الي عملوو
وهل اذا رديتلو الحوالات يعني قانونيا راني سليمة ولا تعتبر تنازل عن المبلغ

لا مترجعيلوش راني بعثتلك رسالة وتفهمي قصدي

[ورود ياسمين]

يشرفنا أن أتقدم إلى سيادتكم بطلب تأجيل القضية رقم و المجدولة لجلسة و ذلك لتمكنيني من الرد نلتمس اجل للإطلاع على الملف.
و عليه ، نلتمس من سيادتكم تأجيلها و نتمنى الموافقة على طلبنا هذا. هذي نخليها؟ألا يوجد تكرار سامحني هبلتك معايا
لكم منا سيدي فائق الاحترام و التقدير

[hodayena]

المشاركة الأصلية كتبت بواسطة nabil ofc

لا مترجعيلوش راني بعثتلك رسالة وتفهمي قصدي

لم تصلني الرسالة
ارجوك فهمني قصدك
واش ندير نجبد المبلغ والا نردو كيف العمل مع هذا الانسان وواش كان قصدو من هذا الفعل ادري انو لم يعملها عبث بل من طرف المحامية ديالو

[nabil ofc]

المشاركة الأصلية كتبت بواسطة ورود ياسمين

ايه نطلب الإطلاع على المرفقات فقط
الشقة تابعة لديوان الترقية و التسيير العقاري بابا كان يخدم في الجامعة
العمال كل أعطوهم شقة في 87 هذاك هو عقد المنح مكنوب فيه بلي منح منزل لأبي فقط
والعقد الثاني لحطوه في المرفقات عقد الإيجار مكتوب فيه كم سدد أبي كمبلغ أولي و شحال لازم يسلك كل شهر فقط
الشقة مكتوبة بإسم أبي سدد هو 15% قبل وفاته و بعد وفاته سددت أمي 85 %
بالرغم أنو الوصولات بإسم أبي كاين لقالولي ممكن الخبير يأخذ بعين الإعتبار الوصولات المؤرخة بعد وفاته
وأكيد لسدد هو لكان ساكن لهي أمي و حنا مش أعمامي و الله أعلم

الاخت هذه الشقة منحت لابيك عطاوهالو ولا لازالت باسم الديوان يعني انتم تخلصو الايجار لا توجد ملكية باسم ابيك؟
اذا كانت باسم ابيك وحتى تعينو خبير كفاش تثبتي بانه الام لي كانت تخلص وليس اعمامك
جميع واحد ميحضرش توكلي عليه في ورقة وحدة
ولكن عندما تجاوبي وحدة للقاضي ووحدة لمحامي المدعي

[nabil ofc]

المشاركة الأصلية كتبت بواسطة ورود ياسمين

يشرفنا أن أتقدم إلى سيادتكم بطلب تأجيل القضية رقم و المجدولة لجلسة و ذلك لتمكنيني من الرد نلتمس اجل للإطلاع على الملف.
و عليه ، نلتمس من سيادتكم تأجيلها و نتمنى الموافقة على طلبنا هذا. هذي نخليها؟ألا يوجد تكرار سامحني هبلتك معايا
لكم منا سيدي فائق الاحترام و التقدير

بالاحمر متكتبيهاش المهم راح يفهم بانك تريدين اجل للجواب
اكتبي يشرفني وليس يشرفنا

[nabil ofc]

المشاركة الأصلية كتبت بواسطة hodayena

لم تصلني الرسالة

المهم راح توصلك معليش نعاود نفهمك المقصود انت الان ضمنتي المبلغ لي بعثو بالحوالة هو بعثلك الدراهم كما نقولو بالعامية حتى يغويك ويسكتك وهكذا يتجنب الاستئناف والمحاكمة من جديد ويتجنب الزيادة فالمبالغ
انت الان راكي ضمنتي الاموال هذي لي معضم المتقاضين يطولو باش يخلصو
تستانفي وطالبي بالزيادة وحكاية عطالك ولا لالا متحكيش عليها
عندما يصدر قرار نعملو محضر حساب وثم نهدرو على المبالغ المتبقية + النفقة تع الابن

[أسية24]

سلام اخي لوكان يستانف طليقي ومايبلغنيش انو استانش هل يسبب لي ضرر ام لا لانو الى حد الان لم يبلغني لابالاستئناف ولا بالنسخ
العادية
وسامحني مرة اخرى الله يفتح عليك
انا اعتبر عملك الخيري هذا زكاة للعلم الذي وهبه الله لك في هذا المال بارك الله لك في علمك ومالك واولادك

[أسية24]

سلام اخي لوكان يستانف طليقي ومايبلغنيش انو استانش هل يسبب لي ضرر ام لا لانو الى حد الان لم يبلغني لابالاستئناف ولا بالنسخ
العادية
وسامحني مرة اخرى الله يفتح عليك
انا اعتبر عملك الخيري هذا زكاة للعلم الذي وهبه الله لك في هذا المال بارك الله لك في علمك ومالك واولادك

[hodayena]

المشاركة الأصلية كتبت بواسطة nabil ofc

المهم راح توصلك معليش نعاود نفهمك المقصود انت الان ضمنتي المبلغ لي بعثو بالحوالة هو بعثلك الدراهم كما نقولو بالعامية حتى يغويك ويسكتك وهكذا يتجنب الاستئناف والمحاكمة من جديد ويتجنب الزيادة فالمبالغ
انت الان راكي ضمنتي الاموال هذي لي معضم المتقاضين يطولو باش يخلصو
تستانفي وطالبي بالزيادة وحكاية عطالك ولا لالا متحكيش عليها
عندما يصدر قرار نعملو محضر حساب وثم نهدرو على المبالغ المتبقية + النفقة تع الابن

شكرا واعذرني لتعبك معي
اه يعني منجبدش الدراهم ونخليهم وندير استئناف
او نجبدهم وندير استئناف
ارجوك في هذه النقطة بذات فهمني
لانو اذا جبدتهم وهو جاوب راح يمد وصل التسليم المبلغ في الرد ديالو ولا راني غالطة

[ورود ياسمين]

المشاركة الأصلية كتبت بواسطة nabil ofc

الاخت هذه الشقة منحت لابيك عطاوهالو ولا لازالت باسم الديوان يعني انتم تخلصو الايجار لا توجد ملكية باسم ابيك؟
اذا كانت باسم ابيك وحتى تعينو خبير كفاش تثبتي بانه الام لي كانت تخلص وليس اعمامك
جميع واحد ميحضرش توكلي عليه في ورقة وحدة
ولكن عندما تجاوبي وحدة للقاضي ووحدة لمحامي المدعي

لا صاي تاعو بإسمو و ماما سددت المبلغ كله طلبو في 2003منا لإستخراج العقد فريضة+بطاقة التعريف كل الوراث
بقية الوراث رفضو (أعمامي) . المهم العقد لم يستخرج بعد
عادي حنا نقولو سددت أمي و إذا يقدرو ينفو ينفو عادي جدا بينهم و بين مولاهم
أوكي البنات يحضرو عادي نتوكل على أمي فقط