وصفات حراير الكوزينة الجزء الثاني

[أم ماجد]

ربي يخليك حبيبتي
الوصفة كيما حطتها الاخت ربي يجازيها
500ع زبدة 3صفار بيض كاس وربع كاس سكر قلاصي عصير ليمونتين زائد القشور كاس نشاء بصح نصيحة نقصي النشاء الفاني ونصف باكي خميرة وتلمي بالفرينة تتحصلي على عجينة طرية خليها ترتاح من بعد حليها وما تحليهاش رقيقة بزاف ديري بالطابع المربع من بعد كي طيب لصقي كل زوج بالمعجون وديري قلاصاج الليمون عصيرليمونة وزيدي السكر الرطب مغربل وشوية ملون اصفر وديري فوق الحبة وزيتي بالبابيون
انا مازال مادرتش القلاصاج نزيد عدا ان شاء الله كمية اخرى من بعد نقلاسيه

رحمة 2014

[idron0]

صاابلي موكا كارامييل شوكوولااا lyzzabel

250 غ مارعريين طرية ،، 150 غ سكر رطب ،، زووج صفاار البيض ،، فانيلاا ،، قهوة سرييعة الدوباان مدوبة في شوييييية مااء ،، 2 م ك كاوكااو محمص و مطحوون رقييق ،، كااش تااع شاي مايزيينة ،، م ص خمييرة الحلوياات و فريينة
نحط في وعااء كل المكوناات بالتدرييج و نلم العجيين بيدي بلا ما نعجنهاا ،، نحلهاا و نقطعها دواائر من الأفضل و نطيب الصاابلي على درجة 180 ،، نخلييهم يبردوو و ندوب كمية من الكابرييس على ناار قليييييلة مع معجوون المشمااش و نخلط باستمراااار ،، نلصق كل زووج حباات ،، و ندوب شوكوولاا سودااء ،، انا نديير ambassadeur نقطعهاا و ندوبها مع شوييييية حليييب و نخلط بالملعقة حتى يولي أملس ،، نغطي كاااامل الوجه تااع الصاابلي و نحط في وسط كل حبة ،، حبة شوكوولاا maltesers او حبة مكسراات او اي حااجة عندك للديكوور ،، و كي ينشفو ملييح نمسحهم بالملمع الغذاائي الذهبيي او البروووونزي و بسسسسسسس ،، يجي خفييييف و بنييييين علااامة.

[lyzzabel]

المشاركة الأصلية كتبت بواسطة تاجرة

اختي الجلجلان ميجيش مر

المشاركة الأصلية كتبت بواسطة تاجرة

وتاني انا قالولي خلي المشوك يبرد و عسليه بالسخون

المشاركة الأصلية كتبت بواسطة تاجرة

ارجو منك الرد راني نستنى فيك تردي عليا

أهلاا حبييبة
لاا أبداا ما يجييش مر الجلجلاان تحمصييه و ترحييه يعطي بنة رهييييبة للقاتو و بالنسبة للعسل انا نفضل نعسله و هو سخوون بالعسل داافي بااش يدخل فييه ملييييح ،، آسفة على التأخيير في الرد حتى اليووم شفت أسئلتك ،، و أي استفساار خلووه هنا و بإذن الله نردو علييكم

[ROSELUISE]

بارك الله فيك

[zaho207]

Slm stp khasni ndawab chokola bayda w ndireha couleur mais kifah stp rodoli

[ROSELUISE]

عيدكم مبارك وكل عام وانتم بخير

[أنواار الإيماان]

idron0 اختي كل عام وانت بخير و صح عيدك
بارك الله فيك على كل شيئ والدعاء اليومي كان رائع مشكورة وربي يتقبل وراني شفت حلوياتك في الكوزينة يعطيك الصحة ومووووووووووواح ههههه اكيد تعرفيها راهي مبطبطة نتاع العيد
سلاااااااام

[idron0]

وصفة لمخاخ ام محمد تاج

4 كيلات فرينة و كيلة ايدام وزوج مغارف سكر قلاصي ورشة ملح ونعجن بماء الزهر تجي عجينتها كيما الباقلاوة نخليها ترتاح ثم نحلها بالقنوووط رقيقة ونروليها على القصبات ونقليها ونحشيها بالكريمة التالية
الكريمة:
نصف لتر حليب وخمس مغارف سكر وزوج بيضات وزوج مغارف كبار نشاء او فرينة نحطهم على النار حتان تعقد وفي الاخير نضيف الفاني.

إضغط هنا لرؤية الصورة بحجمها الطبيعي.

[idron0]

قلاصاج حياتي كلها امل

القلاصاج انا نخدم سيرو كيلة سكر وزوج ماء ترونش قارص ونخليه بعدما يغلي عشرة دقايق ونطفي ونخليه يبرد تماما
في اناء ندير بياض بيضة ،مغرف زيت وفنجال تاع عصير ليمون وفنجال ماء الزهر ونضيف السكر رطب يكون مغربل زوج مرات ،نبقى نزيد ف السكر حتان تولي عجينة. نعجنها مليييييييح ملييييييح ندلكها ،بعدها مرة نضيف شوية عصير ليمون وسكر ومرة نضيف شوية سيرو وسكر حتان نوصل للقوام المطلوب تاع القلاصاج وللكميه طبعا ،خليه يريح شويه باه يخرجو منو الفقاعات الهوائية
فهاد القلاصاج استعملت عصير الليمون خاطر صابلي الليمون ،بالصح ف قلاصاج الحلويات الاخرى نخدم بالسيرو وماء الزهر ،وكى نقلاصيه وينشف نمسح الحبة مليييح بالناكخى ،ادا استعملتى ملون ادا سائل ضيفيه ما عندك حاجة وادا غبرة حليه ف ماء الزهر.


إضغط هنا لرؤية الصورة بحجمها الطبيعي.

[idron0]

المقروط lila z

المقادير:
* 3 كيلات تشيشة (متوسط) بومبي
* م ص معمرة ملح
* 2 م ك إلى 3 فرينة (في كل 1كغ تشيشة عندنا 4 م ك فرينة)
* كيلة سمن (3/4 سمن+1/4 زيت)
* كيلة مكونة من (حبة بيض+ماء زهر أكثر من الماء+ماء) نخلطوهم
الحشو:
* 1 كغ غرس من الأحسن يكون تع البطانة
* 150 غ مرغرين تكون طرية ماشي دايبة
* 50 غ لوز مرحي بالقشور
* شوية قرفة+شوية فاني+شوية فقط ماء زهر
[ ننقي مليح التمر و نعجنوه مليح مليح و امبعد نضيف بقية المكونات و نكمل نعجن مليح راح تلاحظو لون مغاير ]
طريقة التحضير:
* في جفنة نحط التشيشة+الملح و نخلط ثم نضيف الفرينة و نخلط، نضيف السمن و نخلط جيدا و نرش بماء الزهر و نتركه يرتاح حوالي نص ساعة.
* نضع الزيت يسخن أولا (كاسرونة صغيرة على نار هادئة)
* نخلط البيض و الماء و الماء الزهر ، نضربهم جيدا، نلقاو العجينة يابسة نخلطها و نبدا نشمخ بخليط البيض ، لازم الكيلة كاملة تدخل، نعجن بالتقطاع
* الآن نحكم 45 غ من العجينة و 6 غ من الحشو و نديرهم ف المول أو تديريهم مقروطات لكِ الاختيار
* من الزيت إلى العسيلة و شهيّة طيبة.

إضغط هنا لرؤية الصورة بحجمها الطبيعي.

[Benna-tv.com]

روووووووووووووووووووووووووووووووووووووووووووووعة مارسي

[lama Rimasse]

ااااااااامممممممممممممممممممممممممممم

[idron0]

الارز بالشعيرية عازفة الناي

تقلي الشعيرية فشوي زيت حتى تتحمر شوي من بعد نضيف لها الارز ونحركه حتي يسخن من بعد نضيف مرق الدجاج او الماء المقدار المناسب لكمية الارز و ندير الملح و عود قرفة و حبات هيل نص حبة ليمون نغطي الطنجرة و نقص النااااااار و نخليه يطيب .
ملاحظة: الارز استعملت البسمتي.

إضغط هنا لرؤية الصورة بحجمها الطبيعي.

[idron0]

القناوية عازفة الناي

نستعمل الخضراء الطازجة
الوصفة تاعها:
نقلّي البصل المرحي مع الثوم وشوي فلفل حار فالقليل من الزيت و نضيف لهم اللحم خاصة تاع الخروف و نقلي الكل و نزيد الطماطم المصبرة وشوي حب مرحية و نزيد الرند و البهارات الملح والفلفل الاسود ، و نمرّق ونخلي اللحم حتي يطيب
نغسل القناوية مليح ونحيلها الراس تاعها و نصفيها
كي يطيب اللحم ويبقى عليه مدة 15د ضيفي القناوية وخليها تطيب ماتاخذش وقت ورشي عليها المعدنوس
وممكن تقدمي معها صحن روز امممممممممممممممممم روعة و بصحتكم
القناوية تجي بلحم الخروف وخاصة الكرومة و الجيقو بنة مانحكيلكش.

إضغط هنا لرؤية الصورة بحجمها الطبيعي.

[idron0]

البريوش عازفة الناي

https://www.djelfa.info/vb/showthread.php?t=1773066
غيرت فالتشكيل
الشكل الاول:

إضغط هنا لرؤية الصورة بحجمها الطبيعي.

حليت العجين بشكل مستطيل و دهنته بمعجون التفاح و رشيت عليه زبيب منقوع فماء زهر و زدت شرائح من الاجاص و الخوخ وروليته وقطعته على شكل دوائر حطيتهم على بعض فالطرف و دهنتهم و طيبتهم من بعد رشيت عليهم سكر ناعم
الطعم روووووووووووووعة ورهييييييييييييييييييييييب خاصة الخوخ و الاجاص عطاوه بنة مانحكيلكش هههههههههههههههه
الشكل الثاني :

إضغط هنا لرؤية الصورة بحجمها الطبيعي.

عملت دوائر و حشيتهم بالنوتيلا و حطيتهم فالمول وخليتهم يخمرو ودهنتم بالبيض وطيبتهم من بعد مسحتهم بالعسل و زينت باللوز
الاشكال الاخرى عادية ههههههههههههه
من نفس العجين تعملي الاف الاشكال .