الجزء 130 من واش طيبتي اليوم

[رنيم1]

لبنات من فضلكم قولولي شحال سبيعو معجون تاع اناناس الي بالمكسرات وكيفاش يحسبوه يعني ثمن تاعو

[oum islem]

تفضلي اختي الريفية
قلتلك تاع لامبورتاسيون احسن متوفرين في شارع دبي باحجام مختلفة والاسعار الله اعلم
يحبو ستحفيظ ما تغسليهمش وهما سخونين بالماء البارد
ما يلصقوش طيبي فقط على نار هادئة
انا مخبيتها غير لرمضان سائر الايام نخدم بالكوكوط
اما تاع الفخار كي تشقت نحط فيها الحليب وقطرات ليمون ورشة سكر ونغطيها بالخف يروب
تعرفي رمضان والمسفوف

[oum islem]

المشاركة الأصلية كتبت بواسطة om wassim

هذا فطوري عند ماما صحه فطوركم

ام وسيم بصحتك الفطور عند ست الحبايب ربي يخليهالكم
وش راهم الكتاكيت؟

[oum islem]

المشاركة الأصلية كتبت بواسطة رنيم1

لبنات من فضلكم قولولي شحال سبيعو معجون تاع اناناس الي بالمكسرات وكيفاش يحسبوه يعني ثمن تاعو

ما عنديش فكرة اختي
ممكن يجاوبوك لبنات

[oum islem]

المشاركة الأصلية كتبت بواسطة ام رويدة

السلاااام عليكم ورحمة الله

هاااااااني جيت...جابتني ام اسلام حبيت نطمنها بلي ما دوختنيش السخانة راني غير هنا نطل عليكم من بعيد وحااااشمة ندخل بيديا فارغين

التفنيين قتلني ماشي برك دوخني يديا تكتفوا عياااانة

وزادو قابلونا الامتحانات ربي يجيب الخير برك

جبت لكم قاطوتاع وحد العرس

وعشاي وحد النهااار

ام اسلام راكي تسالي باروك ان شاء الله...تستاهلي كل خير

المهم كي تكوني بصحة وعافية
طمنينا عليك
ومرحبا بك
نحبوك ديما حاضرة ما عليش بلا باروك انت الخير والبركة

[oum islem]

المشاركة الأصلية كتبت بواسطة ليال 22

مساء الخير للغوالي نتمنى تونو بخير يادرى عرفتو شكون الحامل ولا نروح ننتحر هههه باروكي المتاخر صابلي ام رامي وصفتي المعتمدة مانبدلهاش.[img][/img]

اصبري ماتنتاحريش
نقدمولها الصابلي تاعك روعة يهبل نرشيوها بلاك يحن قلبها

[oum islem]

مساء الخير جميعا
هبة الله صغري الصور ومتعينا بابداعاتك
وهيبة عندك حساسية موسمية تاع غبار الطلع كما انا او حساسية اخرى
نوال يا فرحتي بك اختي صراحة انا نهبل من الطجين في الصيف نطيب على 6 صباحا
اية 69 اسمهان عندها عرس لما تدخل جاوبك اكيد لانها تقرا كل الردود وجاوب عليها
عازفة ربي يعطيك على قد نيتك وقلبك الطيب يا حبوبتنا
روضة ما عليش حبيبة ربي يرحمو ويوسع عليه
هيلين شكرا على البسبوسة اممممممم
ام الاء صبرا على العروسة اذا تعبتك اعطيهالي من ذك نخبيها لوليدي وش درتي حلوى للنافس؟
فديلة34 منورة الكوزينة يا الغالية وربي يعينك على الاعمال الشاقة

[oum islem]

المشاركة الأصلية كتبت بواسطة samah samah

السلام عليكم
اسمهاان اختيي ممكن االطريقة لو سمحتي

تلقايه في قسم الحلويات لفوق موضوع مثبت

[oum islem]

https://www.djelfa.info/vb/showthread...712996&page=49
رحمة والريفية
تفضلو رابط تحلية المسرارة ام المسرارين
كاتمة اسرار الحوامل
رقم المشاركة 730

[oum islem]

ليزا وين راكي اختي طلي طمنينا على صحتك

ام زينب مش عوايدك تغيبي وما طليش علينا
والوالدة راهي لاباس؟؟؟

[oum islem]

ام سهام حطيتي المثقبة مع التاي تهبل تهبل
معسلة وما فيهاش الغرس؟
حطيلي الوصفة وندعيلك بالشي لي متمنياتو


البنات راكم تدعيو لوالدة الاستاذة دائمة الحمد ولا نسيتو
ولوالد وهيبة
الهي اشفي جميع المرضى وخفف عنهم يا رب

[oum islem]

لحراير بما انو فصل الصيف وكامل ما نحبوش نبقاو في المطبخ ساعات طويلة
كل واحدة تحط وصفة سريعة مجربتها ولو بدون صور
المهم تكون مجربتها وخفيفة توالم مع السخانة

[Aya69]

نوال حبيتي مرسي على الاجابة ربي يحفظك
ام اسلام شكرًا حبيبتي معلابليش بلي اسمهان عندها عرس لوكان داتنا معاها نحينا على قلوبنا شوية لمهم بصحتها وربي يهني لعرسان ولعقوبة للصبايا نتاوعنا في القريب العاجل يارب
وفكرتك مليحة لأنوا كرهنا وش نطيبوا مع هذي سخانة

[oum islem]

شهر رمضان باقيلو ايام قلائل
والناس كامل يحبو شريبة فريك
حبيت نحط طريقتنا في تحضيرو
اولا نشرو الفريك تاع الحب نغسلوه جيدا من الغبار ومن السواد تاع الشواء تاعو
لانو يخلي المرق لونو وطعمو مش مقبول
نزيدولو شوية ملح ونحطوه يجف في مكان نظيف ومعرض لاشعة الشمس
لما يجف نقوه مليح من الحصى الصغيرة وكامل الشوائب لي فيه و نبعثوه للطاحونة وكاين لي يحب يرحيه في الرحاية تاع القهوة
ثم نغربلوه في الغربال لي عينيه كبار يعني سلاك الواحلين
ثم نعاودوه في سيار اخر ما يكونش مغلوق ياسر لي يغربلو بيه المسفوف
نتحصلو على فريك نظيف وحبيباتو قد بعضهم يطيبو كامل في نفس الوقت
بالغربلة نتخلصو من الدقيق الناعم لي يخلي المرق يلصق في قاع الطنجرة

كاين لي يحب يخلط معاه المرمز لي هو عبارة عن شعير محمص يزيد في البنة والريحة امممممم تهبل

على بالي كاين بزاف لي يعرفو يخدمو الفريك
لكن حبيت يستفادو لبنات الصغار
او لحراير لي متعودين يشروه جاهز ويستعملوه مباشرة لازم ينتابهو لصحة عائلاتهم
اللهم بلغنا رمضان واعنا على الصيام والقيام

[oum islem]

المشاركة الأصلية كتبت بواسطة aya69

نوال حبيتي مرسي على الاجابة ربي يحفظك
ام اسلام شكرًا حبيبتي معلابليش بلي اسمهان عندها عرس لوكان داتنا معاها نحينا على قلوبنا شوية لمهم بصحتها وربي يهني لعرسان ولعقوبة للصبايا نتاوعنا في القريب العاجل يارب
وفكرتك مليحة لأنوا كرهنا وش نطيبوا مع هذي سخانة

اللهم تقبل الدعاء
هي قالت انها مشغولة بتحضيرات عرس بنت خال زوجها
ربي يخليها لوليداتها ويهنيها مرحة وقلبها طيب ما شاء الله عليها