موضوع مميز وصفات من حراير مطبخ وش طيبتي اليوم - الصفحة 60

lilouchaf · 2014-04-24, 15:24

طريقتي في تحضير الطماطم لشهر رمضان

داكور ام نوردين شوفي انا نشري الطماطم بكمية كبيرةونغسلها ونقطعها في قدر ونطيبها غير بالملح وشوية زيت برك
من بعد نرحيها بالميكسور ونجوزها في المولينات تع الخضرة الرقيقة كامل باه مايجوزوش القشور والزريعة
من بعد نفرغ في لي بوات تع الياوورت كما قلتلك ونجمدهم
كي نصيبهم جمدو انحيهم من البوات ونعمر السواشي ما ديريش السواشي الكحولا خيري البيض ولا اشريهم ورديهم للمجمد
كي تطيبي الشربة تاعك تصيبي الطماطم جاهزة ديري واحدة ولا زوج على حساب العايلة
نستعملها مام في لي صوص تع المقارون هايلة بزاف او للخدامات كما بحالي

oum ibrahim · 2014-04-24, 16:17

ام سهام 02
خبز الدار
المقادير:

-01 كلغ فرينة / 04 مك زيت / 04مك حليب سائل / 01 بيض / 02مك خميرة خبز / 01مك ملح / من 1/2 2 الى 03 كؤوس ماء /

1/2 مص سانوج و حبة حلاوة.

الطريقة :

-نضع في جفنة كل المقادير و نلم بالماء الدافئ و خبطيها بيدك كيما السفنج ثم ضعيها في كيس مبلل على طريقة الوهرانية

ربي يحفظها كي تخمر هبطيلها الخمور و قرصيها و رمديها في سميد رطب . خليها ترتاح شوية و حليها خبيزات رقاق

بالحلال و رشيها بالسميد ونتي تحلي فيها .ديريها تخمر مرة ثانية فوق قطعة قماش كي تخمر ديريها فالصينية و الى الفرن.

انا عندي كوشة تاع حديد نطيب فيها و ندير فيها طاس حديد فيه الماء على جال باه يدير الرطوبة.و هذي الطريقة نديرها

مع جميع المخبوزات (هذه المقادير دير 04 خبزات)

oum ibrahim · 2014-04-24, 16:20

رقيقة بطبعي
250غ زبدة طرية /كاس سكر مسحوق /م كبيرة لفاني / غرفية تاع فلن جلجلان محمص فوق النار بدون طحن / نفس الغرفية لوز محمر مليح ومطحون / 2صفار بيض وحدة كاملة ونلم كلش بلفرينة حتي نتحصل علي عجينة طرية
ملاحضة : لمشي متوفر عندها اللوز تستعمل الكوكاو في مكانو بصح يكون محمر مليح باش يعطيك البنة
اصلا السر في بنة هد القاطو هو الجلجلان
محمص واللوز المحمر والمطحون بجي بزاف بنين
إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.

فايزة44 · 2014-04-24, 20:10

وصفة الغالية ريهام 16

موسكوتشو البرتقال 1
المكونات الكأس يزن 250 مل

3بيض بحرارة المطبخ

كأس سكر عادي

نصف كأس زيت
ربع كاس حليب

1 باكي خميرة حلوة

1 برتقالة متوسطة (قشور + عصير)
لافاني
قرصة ملح

1كأس + 3/4 فرينة مغربلة (كأس + كأس ناقص 2 أصبع)

التزيين لكي الاختيار

التحضير

سخني الفرن على °180
في ميكسور ارحي عصير البرتقال + قشور البرتقال (باش يعطي لون جميل للموسكوتشو روووووووووووووعةةةة) كما تقدري بلا ما ترحيهم و تستعمليه
في اناء ضربي البيض مع قرصة ملح بالباتور جيدااااااااااااا ثم أضيفي السكر ولافاني و ضربي ملييييييييييييييححححححححححح
أصيفي الزيت بالراحة بالباتور
زيدي العصير و قشور البرتقال ألي سبق رحيتيهم ثم كمية الحليب
في الأخير و بواسطة الملعقة زيدي الفرينة مع لخميرة
فرغي الخليط في صحن الفرن ألي يكون مدهون و مرشوش بالفرينة
دخليه للفرن
كي يبرد زينيه كما تحبي
تقدري تزينيه بسكر غلاص + شرائح البرتقال

إضغط هنا لرؤية الصورة بحجمها الطبيعي.

كما تقدري تزينيه كما في الصورة خليت شوية من العجينة و زدتلها فرينة + كاكاو,كي طابت من تحت و بدات تحمار من فوق جبدتها من الفرن و رسمت فوق الكيكة لازم تكون شوية باردة باش العجينة الأفقية تحكم روحها و ما تسيحش و رجعيها للفرن تزيد تحمار غير شوية من الفوق
زينيها بالمربى و ليت نزيدلو لاجولي باش يبقى محافظ و نشكر بالمناسبة أم أماني ألي ديت الفكرة من وصفتها لقاطو بالمعجون ربي يجازيها

إضغط هنا لرؤية الصورة بحجمها الطبيعي.

أيضا تقدري تزينيه كما درت في كيكة البرتقال الرائعةةةةة للغالية أم يسرااااااااااااا ربي يبارك فيها (كريمة الشونتي + حبات برتقال مخدومة بعجينة اللوز)

إضغط هنا لرؤية الصورة بحجمها الطبيعي.

أي اسيفسار راني هنا عزيزتي و التزيين ماهي الا أفكار و لكي الاختيار حبيبتي

أم أحمد عبد الصمد · 2014-04-25, 10:38

اقتباس:

المشاركة الأصلية كتبت بواسطة oum ibrahim

رقيقة بطبعي
250غ زبدة طرية /كاس سكر مسحوق /م كبيرة لفاني / غرفية تاع فلن جلجلان محمص فوق النار بدون طحن / نفس الغرفية لوز محمر مليح ومطحون / 2صفار بيض وحدة كاملة ونلم كلش بلفرينة حتي نتحصل علي عجينة طرية
ملاحضة : لمشي متوفر عندها اللوز تستعمل الكوكاو في مكانو بصح يكون محمر مليح باش يعطيك البنة
اصلا السر في بنة هد القاطو هو الجلجلان
محمص واللوز المحمر والمطحون بجي بزاف بنين

إضغط هنا لرؤية الصورة بحجمها الطبيعي.

حبيبتي ممكن استفسار هذه الوصفة مفيهاش خمارة ؟

R I A D · 2014-04-25, 16:07

أم ماجد · 2014-04-25, 18:17

لكريم بنيين وهده الطريقة لعيونكم

وصفة النرجوسة

إضغط هنا لرؤية الصورة بحجمها الطبيعي.

3حبات بيض
3 مغارف سكر قلاسي
70 غ شانتيي وشوية حليب بارد
الطريقة نفصل البياض ونطلع كما الثلج ونخليه على جنب
ونطلع الصفار مع السكر وزوج مغلرف كبار لفاني حتى يصير ابيض اللون ونخليه على جنب
ونطلع الشنتيي ونخليها على جنب
نخلط الشنتيي مع صفار لوجدناه بالباتور
ونجيب البياض ونقعد نحط بالمغرف لخليط البياض والشنتيي ونخلط من تحت لفوق
ونقسم الخليط كما نحبو للادواق ليكونو عندنا مثلا انا قسمتو على 3 ودرت واحد فيه دوق الفراز و واحد دوق البنان و واحد خلته فاني
ونديره فالبوايط و الى البراد مدة 5 ساعات ونتحصل على لكريم كما لنشروه بالغلا وشكرا

أم ماجد · 2014-04-25, 18:18

السلام عليكم
كيراكم حبيباتي غاية ايا الحمد لله
اما بعد الله يبارك طيباتكم و حلوياتكم يهبلو ما شاء الله الله يعطيكم الصحة
اختي زهرة بالنسبة لسؤالك عن هذه
إضغط هنا لرؤية الصورة بحجمها الطبيعي.
هدي اختصار فقط للوصفة الاصلية لضيق الوقت اخدت الشكل فقط و زينته بالزيتون و الصوص طوماط و الفرماج
اما الوصفة الاصلية فهي
سباقيتي بالبيشاميل بشكل حلزوني
نديرو السباقيتي في الماء و الملح فوق النار و كي يطيب نقطروه و نوجدو الصوص بيشاميل من الاحسن نديروها بالفرماج
الان ناخد السبافيتي بعد ما قطرت و نحطها بشكل طولي يعني نسرحها و من بعد نبقى نرفد بالمجموعة و نغمسها في الصوص بيشاميل ثم نحطها في صينية الفرن بشكل حلزوني و في الوسط نحط زيتونة او كرية لحم مرحي وشوي فرماج رابي و ندخلها للفرن
و شهية طيبة

أم إناس · 2014-04-26, 11:05

اولادي
وصفة الكاشير بدون ملونات

وصفة الكاشير بدون ملونات

كاس اللحم مرحي (او دجاج)
5 مغارف كبار سميد رقيق
5 مغارف كبار روز مرحي
التوابل:م ص ملح-م ص فلفل احمر.م ص هريسة.م ص كمون.فلفل اسود.1/2 كاس زيت.معدنوس مقطع رقيق (انا مادرتوش مايحبوهش).4بيضات.2 جبن كيري او أي جبن.6فصوص ثوم
الوصفة ماشي تاعي القيتها في الفايسبوك

أم إناس · 2014-04-26, 11:28

لينا
وصفة لينا في كاك

.

المقادير :
03حبات بيض
9مغارف كبار سكر
9 مغارف كبار حليب
9 مغارف كبار زيت
15 مغرفة فرينة
1 خميرة
قشور حبة ليمون او تشينا
نخلطو سكر مع بيض مليح ونزيدلو حليب ونخلط ونزيد زيت ونخلط
ندير فرينة +خميرة ونغربلهم مليح ونزيدهم ونخلط مليح مليح
بالنسبة للمعطرات مادمنا في وقت تشينا ديري مبشور تاعو او قارص ذوقو يعجبني خير مممممممم
نصبو في مول ومن فوق بحذر باش مايهبطش فالطياب ويتحرقلك من تحت
ملاحظة: يرجى وضع ورق طهي تحت البلا باش كي تطيب ماتلصقش وتسهل خروجها مممممم

2014-04-26, 16:42

وصفة التيراميسووللمتالقة ام تاج
اربع مغارف كرام شونتيي مع كاس حليب مخبطين حتان تطلع خلطي معاها زوج ياؤورت تاع الف الذوق لي تحبو انا درت فراز ومغرف كبيرة سكر قلاصي وزوج فرماجات لافاش كي ري ومن جهة غمسي قاطو بتي بوغ في القهوة وحطي طبقة قاطو ومبعد طبقة كرام ورشي الكاكاو بالصفاية وعاودي القاطو ومبعد لاكرام والكاكاو هذا ماكان والسر تاعو لازم يبرد مليح اقل شئ اربع ساعات وكي يبات مانحكيلكمش مممممم دايما نخبي وحدة كي يروحو يقرا نجبدها نتلزز بيها ههههه

awladi · 2014-04-26, 16:58

للمتالقة ام محمد تاج

كريمة الفودج تاع بساط الريح ممممممم
كيلو بات ا قلاصي بيضاء نذوبها على حمام مائي كي تذوب نضيفلها باطة نيستلي وثلاث مغارف لحظة غبرة ومغرف كبيرة اكستري تاع الكرامال وخلطي حتان تصبح عجينة طرية نحطها على وجه بساط الريح ونسوي الوجه مليح بالقنوط ونخليها تبرد راهي مممم لي ذاقها يحير واشي هي نياهاهاهااا شفتو مخماخاتي
وكاين حلوة الفدج هاي ليكم
نفس الطريقة وتقدرو ديرو حتى الشيكولا السوداء وفي البلاطو اعملو مزيج بين السوداء والبيضاء وتخرج على شكل رخام وخليوها تبرد ومبعد قصوها مممممم
وتقدرو ديرو كل طبقة وحدها ثاني مممممممم

imene mimicha 05 · 2014-04-26, 17:40

اهلا طبعا ممكن
125غ زبدة فلوريال استعملت و زوج مغارف سكر قلاسي مش معمرين بزاف وفاني واعجنيهم مليح وزيدي الفرينة كتتحصلي على عجينة متماسكة ديري قيس مغرف ولا زوج ماء عينك ميزانك وخلطي مليح وحطيها في ساشي وخليها ترتاح 10 د او 15د
حضري كرام باتيسيار
حبة بيض ومغرف سكر عادي بالفوي او باتور وزيدي مغرف مايزينة وكاس حليب وحطي فوق النار مع التحريك تثقال نحيها وخلطي مليح
وحطيها تبرد منين ذاك خلطيها
تحبي تزيديها شوية زبدة تولي كرام اونقلاز انا ما زدتش
واطلعي شوية كرام شونتيي بماء مثلج ثاني عيني ميزاني بلاك درت فناجن صغير لكل منهما وحطيهم في الثلاجة يبردو مليح وخلطيهم مع بعض الكرام باتيسيار والكرام شونتيي ورجعيهم للثلاجة
حلي العجينة رقيقة قيس نص سم واطبعي بلي مول تاع الترتولات وطلعي مع لحواشي وثقبيها بالفرشيطة وطيبيهم اذا تنفخو خرجيهم هبطيهك ورجعيهم يكملو طياب
كيطيبو خليهم يبردو وعمريهم بلاكرام وحطي الفاهة الي عندك وادهنيهم بلاجولي وقدميهم
التزيين اختياري
درتلهم جولي الكيوي وخطوط شيكولا منى ووريدات كرام شونتيي
ملاحظة خدمت كونتيي وخبيتهم لضيوف الغفلة ملاح يتقدمو باردين مع العصائر وفي سهرات رمضان
وممكن استعمال العجينة المورقة

عاشقة الوردة · 2014-04-26, 22:46

بريق الامل
حابة نقوللكم لبنات على الطريقة لهذ الطبق لانها تعجبني ولذيذة بزاف وحابتكم تجربوها
تجيبي قطع لحم بقري وتحطيهم في لا كوكوت عصر السرعة ولينا ما نستغناوش عليها نسينا الطياب تاع الجدود لمجمر على الفحم ولا نار قليلة مهيلة ههههههههه
تحطي عليه زيت وتقلي مليح تشوفي بدى يتبدل اللون ديري بصل مقطع رقيييييييييييق وقلي حتى يذبال ويبدل اللون ايضا
هنا ديري شوية فرينة واستمري حركي وقلي شوية و مرقي بالماء
ديري شوية ملح ما تكثريش وفلفل اكحل وشوية طماطم مصبرة ورشة زعيترة ونص ورقة رند وغطي وخليها اطيب
قبل ما تعقد
تكوني قليتي الفقاع في شوية زبدة وقليل من الفلفل الاسود وذرة ملح ارميه مع للحم حتى تعقد وطفي وقدميها
بنة روعة نتمنى تعجبكم وتجربوها
هي بنتو في اللحم البقري وممكن تغيري مشالة ذوق والجود بالموجود جربتو ثاني بليبولات جا امممممممممممم

*عاشقة الجنة* · 2014-04-26, 23:16

الاخت عاشقة الوردة حطت الوصفة دون صورة
لكي تتضح الوصفة اكثر نعاود نحطها

بريق الامل&

ابة نقوللكم لبنات على الطريقة لهذ الطبق لانها تعجبني ولذيذة بزاف وحابتكم تجربوها
تجيبي قطع لحم بقري وتحطيهم في لا كوكوت عصر السرعة ولينا ما نستغناوش عليها نسينا الطياب تاع الجدود لمجمر على الفحم ولا نار قليلة مهيلة ههههههههه
تحطي عليه زيت وتقلي مليح تشوفي بدى يتبدل اللون ديري بصل مقطع رقيييييييييييق وقلي حتى يذبال ويبدل اللون ايضا
هنا ديري شوية فرينة واستمري حركي وقلي شوية و مرقي بالماء
ديري شوية ملح ما تكثريش وفلفل اكحل وشوية طماطم مصبرة ورشة زعيترة ونص ورقة رند وغطي وخليها اطيب
قبل ما تعقد
تكوني قليتي الفقاع في شوية زبدة وقليل من الفلفل الاسود وذرة ملح ارميه مع للحم حتى تعقد وطفي وقدميها
بنة روعة نتمنى تعجبكم وتجربوها
هي بنتو في اللحم البقري وممكن تغيري مشالة ذوق والجود بالموجود جربتو ثاني بليبولات جا امممممممممممم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري