اقتباس:
المشاركة الأصلية كتبت بواسطة مريم المتفائلة
اخي انا ضعيفة في الرياضيات
وانا تقني مرات نحل دوال شعبة رياضيات تجيني صعيبة ياسر
خايفة من القسمة في زاد
ووفي الفيزياء الميكانيك اييضا مخوفتني والله
موضوعك جد جد رائع لكن انا كسسولة مع العلم انني يوميا ادرس ويوميا لدي برنامج خاص لكن احس انا نمشي فالباطل وخايفة من المكانيك بزاف الافكار كثيرة
والفلسفة نفهمها لكن خايفة كاش مقال يجي وانا ولا علابالي
انجليزية لا اجيد كتابة الفقرات
الاخيررين تمام والحمد لله
شكرا اخي الغالي
|
مرحبا بك ... بالنسبة للرياضيـــ،ـات .. عقدة الخوف من التمارين ستذهب مع الاكثار من التمارين ...
انت تقني ركزي على باك تقني رياضي ابداي بالتقني رياضي وركزي عليهم وافهميهم سؤال بسؤال ,, لانو هذا هو الرسمي.. ثم روحي ل ع,ت .... شعبة الرياضيات
ماشو لازم تعرفي تحلي تمارين تاعهم الكل ... فقط هزي الافكار اللي في نظرك قادر تجيكم فقط .... في المحاور تاع الرياضيات الكل ركزي على باكالوريا تقني .. + مصطفاوي عبد العزيز,,, ( وخاصة المواضيع المقترحة خاصته ) واذا دخلتي في دوامة الاكثار من المراجع وتخصيص ايام للرياضيات ...رايحة تدخلي بعضاك ويروح الوقت هكاك وانتي قوليتها ( احس انا نمشي فالباطل) راكي عايشة في ضغط كبير ,,, ارتاحي نهار ,.. مثلا غدوة كامل متهزيش حتى كراس ... استرجعي انفاسك وكملي بوتيرة عادية ... + كاين اللي يقرا بضحكة مايفوتش 40 في كل وحدة ويدير sport وعايش بصح يجيبك في الباك 15 و16 ويدير ميدسين ويقرا مع جماعة 17 و 18 ... القسمة في زاد عليكم بفيديوهات نور الدين لتوضيح الامور ,, صدقيني عندي صحابي تقني قالو اول مرة خفنا منها ومن الجبر من بعد ولت تجيهم ساهلة ... فقط عليكم المواظبة ... بالمناسبة حذاري من هوس فكرة التحديات ( اليوم تحل 20 تمرين ... غدوة 60 تمرين ,, الباك قرب غدوة 100 تمرين ...من بعد لازمني تحدي 200 تمرين - غدوة ليلي بيضاء ,- راهو الباك-,, بعد غدوة لازم منرقدش ونبقى غير نريفيزي ... ) وهذه سبب بداية فشل اغلب الطلاب بالرغم من" انهم عندهم في الراس " لذا اختي بالعقل برك .. راني نحسك مضطربة ياسر ,,, كلشي يفوت ..اسمعي الميكانيك كون نحكيلك حكايتي معاه ,,,' ومع المتتاليات ايضا " اصابني احباط وكرهت الدراسة ,,, تخيلي محور كامل مانيش فاهمو .. وقرب الباك .. وانا منعرفش نحل تمرين تاع ميكانيك,, ,, وخاصة كي نشوف الزملاء يتنافسوا في جمع افكار الميكانيك وكلهم يناقشوا وووو ,,, جمعت انفاسي - بدلت العقلية - روحت للاستاذ شريفي تبعت فيديوهاتك فيديو فيدو -بالعقل وبهدوء - ( اذا مفهمتيش عنصر ,, حوسي عليه عند مولاي عمار .. وهذا مستبعد لكن وارد .. لان الاستاذ شريفي لازم تكمل كل فيديوهات وحدة ما باه تحكم اسكو فهمتي ولالا .... وحاجة متقوليش الفيديو طويل والوقت يضيعي ...
شوفي الوقت اللي راكي تضيعي فيه وانت في هاته الدوامة ..!!!! وركزي على تمارين كتاب المغني فيه افكارويحوي ايضا تمارين الباك ....
الفلسفة انا ماقريتهاش عام كامل ,,,, ومن بعد جبت 13,5 ,,, روحي اقري ردي الخاص الفلسفة تم اضافته للموضوع ,,,, + ومن بعد يطيحلك مقال ماتعرفيشوا ؟؟؟ وين المشكلة ؟؟؟ نحن الدفعة تاعنا ,,, 90 بالمئة كون حطي تجي يا اما مقالة الرياضيات او مقالة الفرضية .. او المنطق ,,, وما جت حتى وحدة فيهم ,,,, عادي ... متضخميش الامور في راسك ... بعد الاطلاع على طريقة المراجعة التي ذكرتها في الموضوع احفظي
كاقصى تقدير 3 مقالات متوقعة وشوفي النقاط المذكور في المخلصات اللي حطيتهم مع اتقان المنهجية .. باذن الله تخدمي مليح ....
انجليزية ... هنا يلزمك التدريب ,, اقري النصائح قبل اللي قولتهم في موضوعي بخصوص الانجليزية ( الكلمات المفتاحية لازم تكتبيهم ) ,, ثم اطلعي على نماذج من النت ( هذه النماذج هزي منها جمل فقط ) مثلا obesity .. الاسباب تاعها وطرق علاجها the causes and how to fight it هزي من مواضيع في قوقل .ولازم تربطيه مع اضافات من اسلوبك ,, ومتقوليش معندكش اسلوب,, اكيد عندك غير اكتشفيه .. واكتبي ابسط تعبير ممكن ,.,,, ابسط تعبير ولاتسخدمي تعايير معقدة ... اتركي فراغ في بداية كل فقرة ( المقدمة العرض الخاتمة ) ... وزيدي سقسي الاستاذ toulay راهي فتحت موضوع خاصة باستفساراتكم .....
اقتباس:
المشاركة الأصلية كتبت بواسطة Miss Princess
بارك الله فيك أخي على هذا الطرح القيم
أنا تقنية ولكني لا أفقه شيئا في الرياضيات لا أستطيع حل دالة حتى وفيديوهات الأستاذ نور الدين جزاه الله خيرا طويلة بعض الشيئ فمالعمل؟
بالأضافة إلى الفيزياء مذ بداية السنة لم أحل تمرينا -حتى في الفروض ولاختبارات- لكني بدأت منذ يومين بالوحدة الرابعة أنقل حل التمرين كاملا بعد تمرينين أستطيع تم نقلهما -بطبيعة الحال مع الفهم- أستطيع حل سؤال أو اثنين لوحدي، أوتظن أن هذا عادي خاصة وأني من شعبة التقني؟!
ومشكلتي الأخيرة عدم التركيز والتسرع في اختبار الرياضيات تركت الورقة بيضاء خرجة بعد 15دقيقة وبعد خروجي بدقائق أيقنت أني أستطيع حل تمرين الجبر كاملا وبسهولة لا أدري أين المشكلة ربما لأنني لا أستطيع تحمل أجواء قاعة الامتحان بمجرد أن يوضع الموضوع وأسأم منه "نلم قشي وبـرا 3:" أما التركيز فهو يغادرني خاصة إذا تكلم شخص ما في القاعة أحب الهدوء التام وهذا ما لا أجده في معظم الأحيان "الأساتذة يجمعوا ويهدروا أيا نتقلق بالبزاف أنا هاكا الله غالب إن شاء برك ما يجمعوش نهار الباك" وعند غياب الجو الملئم يذهب التركيز و أخرج دون تأنيب ضمير
بالإضافة ألى أني متأخرة في جميع المواد دون استثناء ماعدا التخصص "بديت نلقى روحي فيه"
ما نصائحك وعذرا على الثرثرة
دعواتي لك بالتوفيق أخي
|
لا تستطيعين حل اي دالة ...؟؟؟ ( اختي رانا في مارس ) ... كيما يقول
" زيري روحك شوي " فيديوهات نور الدين لقد ذكرت انها طويلة لذا خذوا ماينفعكم فقط .... وتبعي الطريقة المذكورة في الموضوع ( اقري مخلص المغني حتى وان لم تفهميه ,,, ثم توجهي مباشرة للاستاذ مصطفاوي عبد العزيز ,,, طريق حله تخليك تحلي اي دالة ,, فهو يحل بطريقة نموذجية .. هزي بنصيحتي وجربي ... ثم انتقلي للبكالوريا الخاص بالتقني فقط - لانك متاخرة حاليا - .... حتى الفيزياء واضح انك على شفا حفرة .... مانيش نخوف فيك ... لالا انا نقولك في حقيقة الوضع ... لانو واضح انك من اول العام تقري في المواضيع التحفيزية لكن لم تستطيعي فعل شيء .. .. فقط ثابتة في مكانك وسلم الزمن يمضي ." وكاين قداه من واحد عايش نفس حالتك " .. انا نحاول نساعدك ,,, روحي لكل وحدة ماكيش فهمتها في الفزياء والمات و تبعي فيديوهات شريفي في اليوتيوب ,,, حتى لو اخذ هذا اياما منك ... لانك قلتي" أستطيع حل سؤال أو اثنين لوحدي " وانت تقنية ,,, اذا الاسبوع هذا اجري غير وراء الفيزياء ..تبعي شريفي مليج .. ومن بعد روحي للمغني ( المغني فيه افكار + البكالوريا مرتبة ) ولازم ضبط النفس لاتوجد خلطة سحرية للنجاح ,,.,, باذن الله اذا تحليتي بالارادة تقدري توصلي ... فقط حطي هدف في راسك ... الخروج بعد 15 د - هو انت فعلا مشكورة على صراحتك - لكن هذا يسمى
استهتار وانتي هي الخاسرة .. ..الاساتذة شهريتهم اي ماشية .. واللي معاك يحاولو قدر المستطاع , وانتي "جمعتي قشك والبرا "وليكن في علمك ان مثل هذه التصرفات التي لا تعلمين اصلا لماذا تقومين بها ... تبعث رسائل لعقلك وتقنعي روحك باللي راك فاشلة و ماكيش تاع باك ونفسك تصدقك وتمشي في هذا الطريق .. نسقسيك كي روحتي بعد ماخرجتي قبل بداية المباراة ( 15 د ) قدرتي تراجعي في الدار ؟؟ الاجابة حتما لا ....اياك ثم اياك وفعلها في الباك ,, ستندمين طول عمرك ... عفوا ...
((كيفاه حتى خليتي الخوف من الخسارة يدفعك الى عدم اللعب )) حتى لو كان سوجي صعيب كملي الوقت الكل ,,, وديري لتقدري عليه ,... واستغفري الله وكملي ,.. حتى فكرة معرفتيهاش ..
متخرجتيش حتى تكون خربشتي فيها شوي .. شدي الرحال وابدي من عدوة بداية تاع صح ... اقرا النصائح وديري لتقدري عليه... باه مهما تكون النتيجة ومايكونش عندك الندم ......
بالنسبة لحكاية التركيز يروح ... هذا لانو - في منزلك ربما - والفتي الهدوء المطلق .... النفس مكانش ... وهذا خطر كبير .. نقلك علاه ... اول الباك توقعي كوارث .. ( بنات يطوح يدوخوا... الذكور يضربوا رواحك .. تجي l'ambulance ... توقعي هذا ... وحطيه في حسابك ) .... وحتى ولو نجحتي في الباك .,.. ياخي تو تتطلعي للجامعة ... والاقامة الجامعية يا اختي هي غرف لشخصين ,.,, شكون قالك زميلتك في الاقامة تكون عاقلة والحس مكانش ...
(( يلزمك بعض الضجيج احيانا ))... حطيها قاعدة ... الحل : وقت كي تكوني تراجعي في الدار خلي الباب مفتوح .. النافذة مفتوحة ." مشاكل الجيران وضحيج الحي الامتناهي .. واذا كانت عندك اخوتك صغار .. خليهم يلعبوا بجوار الباب ,, وخلي شوي فوضى ,,, وانت حاربي نفسك
وحاولي تركزي وتحلي التمارين وسط القليل من الفوضى فهمتيني ؟؟ بالشوي بالشوي ,,, توالفي .. وهذا لمصلحتك ... لان في الجزائر عموما ... مكانش حاجة اسمها الجو الملائم في كل حاجة ...
ان شاء الله اكون افدتك اختي .... بالتوفيق لك ... ربي ينجحك ( وزيدي اقري النصائح فوق ردك هذا .. ستفيدك )
اقتباس:
المشاركة الأصلية كتبت بواسطة Aya Ya
من فضلك اريد الاجابة عن اي المراجع احسن بالنسبة لمادة لعلوم ..؟
|
ارجعي للموضوع .... تم اضافة كل شيء في الموضوع ...