** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله *

[لمسة حنية]

روووووووووعة فيوزة راكي نااشطة ماشاء الله

[faizarbh]

المشاركة الأصلية كتبت بواسطة kokotg

موضوع اكثر من رائع

المشاركة الأصلية كتبت بواسطة souheila dz

فكرة هايلة مشكوووورة اختي

ربي يخليكم حبيباتي

المشاركة الأصلية كتبت بواسطة الصوامعية

حتى اليوم باه شفت موضوعك يا فايزة مشكورة عزيزتي
أنا يعجبوني بزاف وصفات الشاف مصطفى
ان شاء الله كل اربعاء تلقايني حاضرة في صفحتك

ان شاء الله الصوامعية فرحتيي

المشاركة الأصلية كتبت بواسطة ouricia

مساء الخير حبيبتي فايزة حربت المسكوتشو وجا روعة
موضوع فعلا مميز

اوووو يا عمري مزية عجبك قوليلي ما عندكش صورة لتطبيقك ؟

المشاركة الأصلية كتبت بواسطة لمسة حنية

روووووووووعة فيوزة راكي نااشطة ماشاء الله

الله يسلمك حنونتي هههههه وجدي روحك للمكون هههههههههههههه

[أم شيماءْ]

طارو بيه ولادي قبل مانصورهههههههههههههههههههه

[أم شيماءْ]

تصبح علي خير فايزة غدوة انشاء الله

[faizarbh]

المشاركة الأصلية كتبت بواسطة ouricia

طارو بيه ولادي قبل مانصورهههههههههههههههههههه

المشاركة الأصلية كتبت بواسطة ouricia

تصبح علي خير فايزة غدوة انشاء الله

ههههههههههههههه معليش اختي ربي يخليهوملك

[ساندي 28]

[faizarbh]

نورتي اختتتتي

[sarra5]

faiza rabi ykhalik rani mtab3a lmawdo3 men lyoum

[مونيا غنية]

شكرااااااااااااااااااااا على الوصفااات ربي يحفظك

[sarah022]

بارك الله فيك

[magdoleen dz]

بارك الله فيك

[faizarbh]

وصفات يوم الاربعاء2013/02/20


غراتان بالارز:
في طاجين ندير رطل ارز + ماء بارد جدا+عصير حبة ليمون+ملح+فلفل اسود+ملعقة زيت و نتركه ليلة كامل ثم نصفيه.
في مقلاة ندير كاس آتاي زيت + 2بصل مربعات+كمشة معدنوس + ملح و فلفل و نقلي 15د ثم نضيف حبة فلفل مربعات و نقلي 10د ثم نضيف 200غ لحم مفروم ثم نتركه يتقلى 10د حتى يطيب.
من جهة اخرى نضرب 4 حبات بيض + ملح و فلفل + 150غ جبن شيدار+ نصف فنجال عصير ليمون و نضرب + 2ملاعق اكل مايزينة و نضرب .
ندهن المول تاع الغراتان بالزبدة ثم نحط فيه الارز على شكل اهرام اجينا 6 اهرام او 8 اهرام ثم ندير في كل هرم حفرة ندير فيها حشوة اللحم و نكمل مع باقي الاهرام ثم نفرغ فوق كل هرم خلطة البيض و الجبن و ندخله للفرن 25د
ملاحظة الارز لازم يكون من من نوعية مليحة اللي يجي مفور.



الرشتة:
كيلو سميد رطب +500غ فرينة + ملعقة صغيرة ملح + ماء و شوية زيت
ندير السميد + الفرينة + ملح و نعج بالماء و اجي العجينة ناشفة و نتركها ترتاح 30د ثم نشكلها حرابيش و نقسمها بسكين و نحلها بالحلال و نضعها فالمشينة تاع البقلاوة و نحلها رقيييييقة ثم نديرها فالماشينة تاع الرشتة و نفورها و نرش بالزيت .



خبز:
كيلو فرينة + 20غ ملح + 20غ سكر + 30غ حليب بودر + 75غ زيت / 20غ خمارة خبز + باكي خميرة حلوى / نصف لتر ماء و نلمها ثم ندخل فالعجينة 30غ زبدة قطع و ندلكها فيها و نخليها ترتاح و تخمر ثم نفشلها خمورها و نزيد نخليها تخمر ثم نحلها دوائر و نحشيها بالجبن و نشطل باقيت صغار و ندهنها و نرشها بالجلجلا و الى الفرن .



معجون البرتقال:
4حبات برتقال نرابيلهم القشرة تاعهم كلها و نرابيها بالسكرفاج الرقيق ثم نقطع البرتقالات ابراج و نضعهم في شاش طبي نديرهم على شكل كموسة مع شوية مل و عصير حبة ليمون و نعقد الكموسة و نضعها في طاجين فيه كمية من الماء و نتركها ليلة كاملة بعدها نرمي داك الماء و نتركها تقطر في كسكاس مدة ساعة كاملة ثم ننزعها من الشاش و نضع ابراج البرتقال في طاجين و نضع معاها 800غ سكر حرش + كاس ماء زهر و مغرف قهوة قشور برتقال و نتركه ينضج في كوكوت بدون غطاء مدة 3ساعات و نطفي.



حلوة الرولو:
250غ مرغرين + نص كاس سكر قلاص +3 صفار بيض + حبة بيض كاملة + باكي خمارة حلوة + مغرف قهوة فاني + و نلمها بالفرينة حسب الطلب و تولي لابات كيما تاع الصابلي طرية .
نحل العجينة بالحلال العادي ثم نفوت عليها بالحلال المزخرف اي الرولو المزخرف

مثل هادا تاع ام اماني


و نحلوه هكدا


ثم نقطعها مربعات او قلوبة او مثلثات كيما تحبو و نطيبهم 15 د و نلصقهم بالمعجون و الجوانب نديرلهم جوز الهند.



المسمن:
السميد الرقيق + حفنة فرينة + 2 ملاعق سكر قلاص+ باكي خمارة حلوة و نخلط بالماء الدافئ و ندلكه و يجي يابس شوية .
و ندير دي بول و نبدا نحل و بي الواحدة و اختها ندير زيبدة \ايبة و كمشة سميد حرش باش يجي مورق و ندهن بيه المسمن و من تحت نحل بالزيت باش تساعدنا في الحل .و نطيبوه عادي.



المقروط:









حلوة الطابع:



يتبع

[كوزينة هديل]

المشاركة الأصلية كتبت بواسطة faizarbh

غراتان بالارز:
في طاجين ندير رطل ارز + ماء بارد جدا+عصير حبة ليمون+ملح+فلفل اسود+ملعقة زيت و نتركه ليلة كامل ثم نصفيه.
في مقلاة ندير كاس آتاي زيت + 2بصل مربعات+كمشة معدنوس + ملح و فلفل و نقلي 15د ثم نضيف حبة فلفل مربعات و نقلي 10د ثم نضيف 200غ لحم مفروم ثم نتركه يتقلى 10د حتى يطيب.
من جهة اخرى نضرب 4 حبات بيض + ملح و فلفل + 150غ جبن شيدار+ نصف فنجال عصير ليمون و نضرب + 2ملاعق اكل مايزينة و نضرب .
ندهن المول تاع الغراتان بالزبدة ثم نحط فيه الارز على شكل اهرام اجينا 6 اهرام او 8 اهرام ثم ندير في كل هرم حفرة ندير فيها حشوة اللحم و نكمل مع باقي الاهرام ثم نفرغ فوق كل هرم خلطة البيض و الجبن و ندخله للفرن 25د
ملاحظة الارز لازم يكون من من نوعية مليحة اللي يجي مفور.

شكرا لك أختي فايزة يعطيك الصحة

[أم خليلو]

شكرا يا عزيزتي عيشك حطي معجون البرتقال اللي مدو الشاف لان راح الضو وماكملتوش وشكرا على المجهود

[faizarbh]

المشاركة الأصلية كتبت بواسطة كوزينة هديل

شكرا لك أختي فايزة يعطيك الصحة

ربي يخليك هدولة بصح دوك نزيد الوصفات