شكرا لكم جميعا حشمتوني بردودكم وتعليقاتكم ربي يحفظكم
ام ماجد ما تعاوديهاش
هنا وحدة ما تتخير على اختها ماشاء الله كلكن طباخات وماهرات
اقتباس:
المشاركة الأصلية كتبت بواسطة رياحين الجزائر
ام رامي هذا وين تفكرت عندي مول سيليكون عادي انتاع ستة مش اللي اتجي مثقوب في الوسط مرة درت فيه في رمضان فلان كي جيت نحيه احصل وزيد الطبقات انفصو على بعضاهم ممكن خليتو برد بزاف بالنسبة للطبقات ولا واش هو المشكل وكيفاه اقلعتي انتاعك حطيتيهم في بلا ومن بعد قلبتي ولا كيفاه عاوني خوك
|
ايه صعيب شوية كي تجي تنزعيه حبات يفسدوا والطبقات ايضا ينفصلوا عن بعضاهم حبذا لو تديري طبقة واحدة احسن تجي متماسكة
انا غلبوني علابيها قلت لكم سايسوا
انا قلبتهم فوق مايدة وحملتهم بقراتوار
اقتباس:
المشاركة الأصلية كتبت بواسطة almazalina22
ام رامي رايحة تعاودى تنشري الحمى قتلتينا ما شاء الله روعة كور وديكور هههههه
ممكن سؤال انا الرولي يطيب مليح بصح كي نجي نروليه يتكسر ممكن نصيحة انت او الاخوات
وهذاك الفلان واش من تحت بلييييز والله يعطيك ما تتمناي
|
ههههههههههههههههههههه الحمى دوريجين موجودة كل يوم حاجة الجماعة راهي غير تزيد في الكيلوات ربي يستر
الرولي طيبيه خفيف برك مش لازم ينشف بزاف يتكسر اكيد لازم يبقى كي الاسفنجة وثم ثم روليه قبل ما يبرد
اللي تحت الفلان هو نفسه جينواز نتاع الرولي شوفي الصفحة 51
اقتباس:
المشاركة الأصلية كتبت بواسطة ميمنة الجزائر
الله يبارك ام رامي كلشي روووعة من يديك
ممكن تقوليلي على هذوك اللي مدلان ما عرفتش وين راهم درتيهم واش درتي باه جاوك من فوق شغل محبرشين اسكو درتيلهم سكر كخيستاليزي وشكرا حبيبتي مسبقا
|
الله يبارك فيك ميمنة
المادلان كي طاب دهنت الوجه بالعسل وزينت بالشكولا فقط
العفو
اقتباس:
المشاركة الأصلية كتبت بواسطة طير الرحمة
طريييييقتك هايلة فى تحضير المشااااوي
اممممممممممممم روووعة
هاتي الطريقة او الرابط لو سمحت
|
انت الاروع
هاذيك بطاطا كوكوت مع بسباس وجزر حطيتهالكم في قسم المقبلات
والشواء عادي كبدة وسكالوب وفلفل متبلين في شوية زيت وخل ملح فلفل اسود وكمون واشويهم فقط