الجزء 96 من واش طيبتي ,,,,ابداع حراير الجلفة تفضلوا غالياتي

[ام عبودة]

صباااح الخير
كوزينة مبروكة ان شاء الله

[kaouka]

صباح الخير ام عبود وشراكي ﻻباس وش هد الغيبة هتي بﻻطو تاع القطو به نفطر قبل مينوضو البطبوطات خخخخخخ

[kaouka]

المشاركة الأصلية كتبت بواسطة faizonna23

ربي يحفضك و يخليك يا ام اماني و svpوصفة المطلوع تيعك و وصفة تارت الشوكولاطة ام روعة روعة bravo bravo .اني في الاننظار يا غالية

صباح الخير اختي روحي ﻻرقم 7 ركي تلقي الوصفات رهي حطتهم ام اماني

[Oum yousra]

صباح الخير

[عازفة الناي]

اسعد الله صباح الجميع
يوم جديد ان شاء الله ييحمل معه كل خير و بركة و اخبار سارة للجميع
اليوم راني ناشطة هههههههههههههههههه

[أم ماجد]

يوم سعيد باذن الله
شمخت المطلوع وجيت نطل عليكم حبيباتي

[أم ماجد]

[QUOTE=أم ريمة*;3992043906]شكرا دائمة الحمد للرد لمحاجب نفس طريقتى لكن انا نجبدهم مثل الشخشوخة ونطبقهم شكرا على فكرة البيكاربونات نجربها ان شاء الله انتاع الرخساس ثانى يشهو يعطيك الصحة وجزاك الله خيرا
ام محمد شكرا لك ياالفحلة والله تفكرتك فالتيراميسو قلت لكان جات قريبة نبعثلها تلسح حتى تشبع بصحتك الطعام عند عجوزك
ام ياسين ارواحى تدى اللبن راه بزبدة انتاعو وبصحتك لعشا
ام ماجد يعطيك الصحة على لعشا كبيرة بصح خير من الصغارات ههههههه
خنان مممم البيتزا تشهى والقاطو باين يذوب فالفم ممممم
ومحاجب لهنة روعة يعطيك الصحة محترفة باتم معنى الكلمة
ام هوبة اللوبيا والمعجنات يشهو ممممممم
لبنات سقسيتكم على طاجين النمرة يكون مثل الكرة مخصص للشخشوخة ومعروف فى جيجل وقسنطينة وسكيكدة وميلة لبنات لى من هذا المناطق يعرفونا بيها باش مخدوم بالطين او بالحديد وكيفش يطيبو بيه وثمنو وياريت لو يحطو الصور ولكن جزيل الشكر


كاين واحد في راسي من بعد نصورولك شفتو عند معارفنا
وكي كنت نربي في ماجد الجيران القدم عندهم سلفتو وطيبت عليه الفطير اهههههههه فكرتيني في الصغر وفي جيران قمة
هو من الطين

[أم ماجد]

المشاركة الأصلية كتبت بواسطة x ام رحاب x

ادرارية ربي يكون معاك ويقويك حبيبتي والله غير بزاف هادي تعرضو كامل ناس ادرار ربي يعاونكم كاملين ويقويكم
ام ماجد درت اليوم كروكي تاعك جاني هايل يعطيك الصحة

فرحتيني ماذابيك الصور باه نفرح اكثر هههههههههههههههه

[أم ماجد]

المشاركة الأصلية كتبت بواسطة دائمة الحمد

لبنات واش رايحين طبقو في هذي الكوزينة انا نقترح خبز حبوبتي الفحلة افروديت وكل وحدة راهي حرة في وا ش يرافقو اوباش تحشيه
والي عندها اقتراح تطبيق اخر تطرحو وعلى العين والراس راهي كوزينة ديمقراطية هههههه

راني معاكم انت وام ريمة وانا لعجايز هزوا يديهم الاولين هههههههههههههههه
مين يزود

[OUM TAKIEDDINE]

صباح الخير على كل الحراير ربي يبارك فيكم راكم مزهيين الكوزينة والف مبروك العتبة الجديدة
اختي أم ريمة طاجين النمرة اللي نعرفو واحنا نستعملوه يكون مصنوع من الطين ويكون شكله مثل القبة ومسطح قليلا عند القمة نطيبو فوقو الفطير وهو مثل الرقاق
العجينة تكون سميد ماء وملح نعجنها مليح وهي ناشفة حتى تتعجن مليح بعدها نزيد الماء بالشوي ونعجن بلا ما نقطع حتى تعود العجينة طرية نلوزها ونخليها ترتاح بعدها نمدد القرصة شوي باستعمال زيت يكون خليط من زيت الزيتون وزيت المائدة ثم تحطيها عل الذراع وتجبدي باليد الاخرى حتتى تولي ورقة رقيقة وتلوحيها فوق الطاجين راح تطيب بسرعة تدهنيها بشوي زيت وتقلبيها مباشرة مدة قصيرة وتنحيها والفحلة او النمرة هي اللي ما تحرقش ذراعها لما تلوح الورقة فوق الطاجين وتكون الورقة تاعها مثل ورق شفاف
هذا الفطير لذيذ جدا مع حليب الصباح أو نفوروه مرة واحدة ونسقيوه بمرق احمر ونطيبوه خصوصا في الشتاء
اسمحيلي اختي الطاجين عندي بصح ما عنديش باش نصور والثمن ما علاباليش الطاجين التاعي عندو 7 سنوات
اتمنى نكون افدتك

[أم ماجد]

يعطيك الصحة ام تقي هذااك اللي نتكلم عليه ونظن تقصده ام ريمة

[أم محمد تاج]

صباحوووووو يابطابيييييييط ونهاركم زين وسعيد وبطبووووط كيما انتوما هههههههه
رووووعة ام اسلام طيابك والف اهلا وسهلا حنونتي
حبيباتي قريت ردودكم الطيبة ياطيبات ويعطيكم الصحة
ادرارية حنونتي وااااااو بزاف عليك وربي يعاونك ويسهلكم الاموووووور
غدايا مودر وزيد خارجة مع زوجي ح والاولاد نكسيهم للشتا ضرك نحصلها فيه ويجيب حاجة من برا ياويلو ويقولي نحيب دوبارة خخخخخخخخخخخ
راني معاكم يالصبيات في تطبيق خبز حنووووووووونة ههههههههههههه

[أم ماجد]

طريق السلامة ام تاجو واشفقي على الراجل شوية هههههههههههههههههههههههههههههههههههههههههههههههههه ههههههه
دوبارة بزاف عليك هات معاك واحدة بابا يموت عليها هههههههههههههههه
ونعطيك المطلوع كي يطيب ههههههههههههه

[حياتي نبع امل]

السلام عليكم
اسعد الله يومكم وعطره بذكر الرحمان
رانى معاكم في تطبيق خبز حنان ياك تاع الشاورما ؟؟؟؟؟
ام الجود انى رفعت يدي ،هيا شوفينى وحطينى معاكم ف القائمة

[أم محمد تاج]

هههههههههههههه ام الجووووووووووووووود ماتخافيش دزيلي برك الكسرة بصح عند تحرقيها وندزلك حبيبات فووووول وست حبات حمص ودزي منهم لباباك هههههههه