إلى مراقبي وأعوان الإحصاء الاقتصادي الأول

[المتنبــــي]

المشاركة الأصلية كتبت بواسطة خليل 1984

القلقة راها من الشيطان .

الشياطين تصفد في رمضااان


القلقة من خليل


صح فطورك

[طيب وابن حلال]

المشاركة الأصلية كتبت بواسطة souad571

نعم راه دخل الراتب نتاع المراقبين في ولاية سطيف

شحال صبولهم حتى في ولاية تبسة مراقب معايا قالي صبولي بصح 5 ملايين انا ما زلت ما شفتش

[souad571]

المشاركة الأصلية كتبت بواسطة طيب وابن حلال

شحال صبولهم حتى في ولاية تبسة مراقب معايا قالي صبولي بصح 5 ملايين انا ما زلت ما شفتش

السلام عليكم رمضان كريم
اخي بلغ الراتب 50000 هذه اكيدةو نظن 500 دج فقط يعني 50500 دج وراهم يقولوا فيها بريم والله اعلم وخلال هاته الايام يبعثولكم شهادة عمل وارقام الضمان الاجتماعي تاع كل عون ومراقب

[souad571]

المشاركة الأصلية كتبت بواسطة خليل 1984

في ولاية سطيف دخل الراتب اختي سعاد 100/100 انت من المنطقة الشمالية
عموشة ول عين الكبيرة ول ...باسكو احنا المناطق الجنوبية + بلدية سطيف +...
مدخل والوا رانا نستناو
سلاك تاع المراقبين مكانش مي تاع العدادين راهم من 27 في جويلية خلصوا
ربي يجيب الخير .ذي الدولة و المسؤولين يتمهبلوا بينا
تبالي مناش مطولين علي العصيان المدني كيما صرا في تونس .مصر .ليبيا....
ذو دواب حاشة من يسمع يسيروا فينا .بلاك كلاوكم هههههههههه.
اخر سلام صحا رمضانكم ياربي و اغفرلي
القلقة راها من الشيطان .

لا يا اخي ما تتقلقش اعلم انوا بلدية العلمة دخل راتب المراقبين يوم الاربعاء فقط يعني يوم 4 اوت2011 ودخل غير راتب نتاع شهرين المهم نتاع العلمة انهوا احصاء المناطق نتاعهم وما بقي الا احصاء النقل وهذا يوم الاحد انشاء الله يسلمولهم كامل الخدمة نتاعهم وربي يوفقكم انشاء الله وتصيبوا عمل دائم احسن وافضل من هذا وربي يقدملكم الي فيه الخير انشاء الله وصح فطوركم

[طيب وابن حلال]

المشاركة الأصلية كتبت بواسطة souad571

لا يا اخي ما تتقلقش اعلم انوا بلدية العلمة دخل راتب المراقبين يوم الاربعاء فقط يعني يوم 4 اوت2011 ودخل غير راتب نتاع شهرين المهم نتاع العلمة انهوا احصاء المناطق نتاعهم وما بقي الا احصاء النقل وهذا يوم الاحد انشاء الله يسلمولهم كامل الخدمة نتاعهم وربي يوفقكم انشاء الله وتصيبوا عمل دائم احسن وافضل من هذا وربي يقدملكم الي فيه الخير انشاء الله وصح فطوركم

السلام عليكم
حنا في ولاية تبسة طلب منا المسؤول في الولاية اعطاء العمل بدون تاع النقل والخدمة مازال ما كملنهاش ممكن السمانة هاذيو بنسبة للبريم راي حسب الاستمارات والعمل هكا قالي فيصل المسؤول تاع الاحصاء على تبسة من ولاية فسنطينة

[حمزة البوسعادي]

ما نظنش البريم حسب العمل أخي، فهي ثابتة، وتسديد الأجور ليست دفعة واحدة، وإنما كل مرة ويسلكوا جماعة، احنا في بوسعادة كامل خلصنا ما عدا مراقب واحد، الأمور مش مفهومة وغامضة جدا، والمشكل أنه لا يوجد مقصود يعطينا الصح، حتى فيصل ما عندوش المعلومات بالضبط على تسديد الأجور

على كل حال، الله المستعان

[master dadel]

ولاية أم البواقي تم تسديد أجور العدادين و المراقبين ( العداد 40600، المراقب 50500 دج * شهرين*)
يا جماعة المهمة كملت و مدة العقد بقالها شهر و احنا ما شفنا حتى وثيقة من عند ons ، لا عقد ولا محضر التنصيب ولا شهادة عمل....
كيفاش راح نعملوا معاهم؟

[حمزة البوسعادي]

رحت أمس للولاية وقابلت ممثل الولاية للإحصاء، وأكد لي بأنه دار طلب باه يعطونا العقود نتاوعنا وشهادات العمل، ومن جهة أخرى أكدلي بأن الشهرين الموالين يخلصونا إذا كان عون الإحصاء 46000 دج إضافة إلى حوالي 6000 دج يعني قيمة النقصان المسددة في الشهرين الأولين، حيث تم تسديد أجور الأعوان 40500 دج ومن المفروض 46000 دج يعني الفرق يضاف إلى الشهرين الموالين إضافة إلى المردودية التي تحتسب بحوالي 4000 أو 5000 دج للشهر,

فاجأتني المعلومات هذي لدرجة أني نسيت أن أسأله متى يتم تسديدها هل في سبتمير أو بعدها.

صح فطوركم والسلام عليكم

[yacine121]

ههههه و الله غير عندك الصح خويا
خبر كيما هذا راه يفرح بصح وقتاش يفرجوا علينا يا خاوتي

[beno2]

المديرية الجهوية للوسط دورو احمر ما زال ما شافوه
المدير الجهوي للوسط كذب كي قال في اجتماع في احدى الولايات للاعوان تصوموا رمضان و الدراهم تكون دخات. المهم 11 ولاية على حسب علمي راها تستنى

[chinigami]

المشاركة الأصلية كتبت بواسطة beno2

المديرية الجهوية للوسط دورو احمر ما زال ما شافوه
المدير الجهوي للوسط كذب كي قال في اجتماع في احدى الولايات للاعوان تصوموا رمضان و الدراهم تكون دخات. المهم 11 ولاية على حسب علمي راها تستنى

اخيرا واحد من الوسط عمبالي خلصتو غير حنا في المدية

[قاسم.2010]

أنا من ولاية قالمة مازال ما خلصناش و ماهو راتب عون الاحصاء و هل توجد منحة المردودية

[حمزة البوسعادي]

سبحان الله أول إحصاء اقتصادي ومن المفروض يتم تسخير كل الإمكانيات اللازمة لذلك

مجرد تسديد أجور الأعوان والمراقبين حصلوا فيها

[chinigami]

المشاركة الأصلية كتبت بواسطة حمزة البوسعادي

سبحان الله أول إحصاء اقتصادي ومن المفروض يتم تسخير كل الإمكانيات اللازمة لذلك

مجرد تسديد أجور الأعوان والمراقبين حصلوا فيها

جابلي ربي خافو نجبدو الخلاص نديرولهم ازمة سيولة ههههههههههههه
صح فطوركم

[امين1986]

واش كاش أخبار على الخلاص في ولايات الوسط رانا غير نسناو كل سمانة يقولونا سمانة الجاية