الجزء 152 من واش طيبتي اليوم

[lمنال]

المشاركة الأصلية كتبت بواسطة ام ساجد

ام عبدو وملاك عسلامتك اختي وبصحتك واش طيبتي


ام يسرا تعيشي حبيبتي ماشي خسارة في لحباب

اختي ملاك ملاكي شكرا اختي اسعدني رايك ومرحبا بيك معانا وهاي الوصفة

اختي الله يبارك على هاد الابداع ما نيش موالفة انحط تعليقات في هاد القسم خاطرش كي انشوفكم تتبادلو اطراف الحديث بيناتكم نحشم انقول ما كلاه ندخل انحس روحي متطفلة هههههه مي كي شفت الطورطة انتاعك عجبتني و قلت و الله راني كاتبة تعليك الله يسهل انا عجبتي و خلاص :d بارك الله فيكي

[Oum yousra]

ليزا العزيزة فرحتوني بعودتكم و شكراااا لكي على التطبيق ربي يحفضك روووووعة. .

[ام سارة18]

ام ساجد الله الله على الطارط ساهلة ومقادير بسيطة نقدر مانديرش فيها الفاني خرجت حوست الدنيا كامل مالقيتش خلاصلي اللي جبتو معايا
ليزا نجي نتعشا وندي معايا يهبلو لوكان تشوفي نتاعي شهر وانتي تضحكي
ام وعبدو وملاك نورتينا حبيبتي
توبة والله خرجت الدوزان وعجزت قلت غدوا ساخفة عليهم وزيد راسي مخلط خرجت نحوس على فاني مالقيتهاش
ام ملك ملاكي مرحبا بيك معنا طلعينا المورال شوية بروحك المرحة حقا وين نتباع الفاني علاش انتي تاني مغتربة
جيادا اهلين بيك المهم نشوفوك مام ماتحطيش الصور
ام ياسين والله عجبني كلامك
شي بيبا طلي علينا ساعة ساعة طيابك يعجبني بزاف وزيد مقادير وصفاتك بسيطة

[Simassim]

السلام عليكم واش راكو. مادام الصفحات راها تجري يعني تقلتو الكوزينة بالخيرات. مالحقتش نراجع. وموحال. راني مدقدقة. نهار كامل غايبين على الدار فطرنا بيتزا. والعشا درت لي بات ليوسف وحنا. كلينا فواكه

[أم ضياء عبد الرحيم]

البحر الصافي المقروض هايل بإذن الله نجرب الوصفة
أم أماني عجبتني الكيكة شكل قلب ربي يدوم محبتنا
توبة الحبوبة كون علابالي راح تكتبي رد رني استنيتك انقل عليك شوية خخخخخ ما شاء الله راكي تلميذة مجاهدة
غدا إن شاء الله ندير لمحاجب
ليلة سعيدة حبيباتي

[Oum yousra]

. امممممم ماخليتيش فيا نتاع الحراير يسلمو . نقطة ضعفي هي البراج و المقروض يسلمو حنونة . يميم تشهيييي. يعطيك الصحة حنونة . كلشي يسخف اممممم ربي يحفضك أختي. . بصحتكم حنونة واااااع فكرتيني في الحوت جابه لي الصباح حطيتو في الثلاجة و نسيتو من الهول

[سرور2]

لبنات حبيت نجرب كرواصوانتاع ام ساجد بصح الزبدةعندي ناقصة شوي وشندير باش يجني مليح ولانقص في المقاديروخلاص

[ملاك ملاكي]

المشاركة الأصلية كتبت بواسطة lyzzabel

صح عشاااكم حبييبااتيي و مأكووول الهنااا

اليووم فالعشاا طبقت المحاااجب لعيوون حبييبتي ام يسرى جااو ممممممممم و الحمد لله عل نعمه حمدا كثييراا طييباا مبااركاا فييه

بسم الله






مازاال ما رااجعتش ،، من بعد نوليي بإذن الله


الله أكبر كبيرا و الحمد لله كثيرا و سبحان الله بكرة و أصيلا

ياااااااخااااه وذرك قوليلي كيفاه ندبييير راهي العاشرة يا لا
ربي يعطيك غير الخيييير سخفتيني في نص الليالي هاهاهاهاها
حبيبتي الله يبااااارك ما شاء الله روعة روعة يشهيو بصدق تبارك الله متحوفين على الشعرة مخدومين بالمسطرو هاهاهاها
مليح راني كنت نتوحم وراسك غيييير نجيبك عندي في نص الليل وديريهوملي هاهاهاها
اختي ما شاء الله تسلم ايديك ربي يبارك فيك ويعطيك صحتك
بالصحة والهناء

[om wassim]

ههههه توبة عجبتني المرأة الحديدية راكي طلعتيلي المورال ربي يحفظك و اطباقك ماشاء الله روووعة انتي لي صغيرة و فحلة الله يبارك
جيدا ارشيفك رووووعة المهم تشاركينا مانعرف علاش نفرح كي نشوفك معانا إحساس غريب مافهمتوش هههه

[شمس الشتاء]

مسفوف اللفت نحب بزاف اكلات زمان ياريت تحطينا الوصفة

[ام نوردين]

[QUOTE=آسيا 27;3994617757]مسا الخير ام نور الدين شوفي هاذي الوصفة تاع امي و ما نعرف اذا يشبه للي راكي تحوسي عليه يعني انا من الغرب
و انت باغية الكعك تاع العاصمة




لكمية تاع كيلو فرينة ديري كاس زيت كاس سكر ملعقة خميرة الخبز و كيس خميرة كيميائية مبشور و عصير ليمونة فنجال صغير جلجلان و2 ملعقة خنجلان مطحون [الخنجلان هو الشنان ] ملعقة صغيرة فاني كاس مايزينة ملعقة قشر البرتقال مجفف و مطحون شوية ماء زهر و ماء دافي حتي تتلم العجينة اعجنيها 10 دقايق و خليها تخمر من بعد شكليها كرات و خليها تريح
من بعد كل كرة تاع عجين شكليها حربوش و قطعي من جهة بالسكين اقفلي الحربوش وخلي الكعك يخمر و كي يخمر سخني الفرن و ادهني الكعك من الفوق ببيضة مخفوقة مع ملعقة خل و ملعقة صغيرة فاني و طيبيه عادي
ان شاء الله تجربيه و يعجبك[/

الف الف شكر على الوصفة حنونة لكن انا نقصد اكعك الي يديره فى العيد وهو طبعا مشهور فى العاصمة راه يتحشى بالغرس يديروه منقوش ولا ملبس بالسكر رطب ادا تفكرتو كانش وحدة فيكم تفيدنا بالوصفة واجرها على الله

[ام نوردين]

مساء الخير على الموجودات وصحى عشاكم عشانا لوبيا قريني ولله الحمد والمنة

[ام نوردين]

ام نور الدين بالشفا عليك حبيبتي..... قوليلي مشي نتي اللي بنتك مريضة ولا راني غالطة فيك؟؟؟؟

فية حبيييييباتي وادعولي ربي يفرج عليا والله ماراني مليحة

سبحان الله وبحمده عدد خلقه ورضا نفسه وزنة عرشه[/quote]
لالا ماراكيش غالطة والله يبارك مانسيتى حتى وحدة انا والله مانقدر نكتب ونتفكر كلشى اسمحولى
ربي ان شاء الله يفرج همك وييسر امرك الى ماهو خير لك ويعطيك ايام هانية ويعطيك الصبر على مابلاك

[om wassim]

جبتلكم العشا لي دارتو اختي اليوم دورتها شرقي هههه





حمص
تبولة
بابا غنوج
شيش طاووك

[مسلمة بالفطرة]

زينب 83 وقيلا نسيتي وعدك ليا كيفاش تحمير الدجاج؟!!!!!!!!