الجزء 31من واش طيبتي اليوم؟ - الصفحة 46

إلهام07 · 2013-10-09, 13:47

اقتباس:

المشاركة الأصلية كتبت بواسطة ام بسومة

السلام عليكم حباباتي توحشتكم مووووووووووت
الله يعطيكم ماتتمناو راكم فحلات ناع الصح
ربي يبعد البلاء علينا كامل

المهم راني حابة ندير غريبية ام كوثر بصح عندي استفسار
هاذي اول مرة ندير الغريبية في اي رف نطيبها الفوقاني ولا التحتاني
وثاني شحال السمك نتاعها ؟؟؟
وثاني درجة الحرارة انا ماعنديش هذاك المفتاح تاع درجات الحرارة
يعني 150 هي الدرجة الناقصة كامل ؟؟؟

ماتتجاهلونيش جاوبووووووني ؟؟؟؟

جيت نجاوب لقيتهم جاوبوك

كاشما خصك ماتحشميش

اقتباس:

المشاركة الأصلية كتبت بواسطة ilbeldelmondo

السلام عليكم و رحمة الله و بركاته
اليوم دارت ليدي خبز الدار و كفتة
و انا راني نتعافر مع الخياطة درت pause نغلف الكوووووكييييز للأطفال في العيد هيا من بعد

يعطيك الصحة طمطومي حشمتيني أنا درت الغريبية البارح تكاسلت حتى نحطها في لي كيسات خبيتها هكذاك

حقة قولي ليدي كعك النقاش مايديش خلاص الغرس أنا في 50حبة استعملت حوالي 250غ فقط

fati21 · 2013-10-09, 13:50

سلام الاخت لي سقسات علي لغريبية بالسمن ولا المرغارين
انا درتها بالمارغارين بعدما دوبتو وجمد ونحيتلو المائ جات روعة
ودرت قاطو الملفوف ام اماني راه يبرد من بعد نديرلو الشكولاطة
لبنات قولولي الشكولاطة وش تزيدولها ا

أم محمد تاج · 2013-10-09, 13:51

جارتي لحبيبة هاو ليك كروكيا ماتشوفي لحتى واحد راني هنا ههههه
شوفي كيلي كاس بيض وكاس ونص سكر وكاس ونص زيت وزوج خميرة وفاني كثري منها وزاست تاع القارص كثري منو ثاني ولمي بالفرينة لازم مايكونش يابس بزاف ومايكونش جاري بزاف يعني يبقى يلصق في اليد وشكليه حرابش نشتيهم رقاق وأدهني الوجه بصفار البيض مخلط مع شوي حليب مذوب فيه النيسكافي وأدهني الوجه ورشي السكر قلاصي ولا نواد كوكو ولا خليه عادي وأعمليلة رشمات بالفرشيطة وحطيه يطيب كي يحمار قصيه وقلبيه وعاودي رديه غير يشيح شوي برك وشهية طيبة جارتي الغالية

إلهام07 · 2013-10-09, 13:53

اقتباس:

المشاركة الأصلية كتبت بواسطة المبتدئة

لهومة تعيشي نتي تعرفي لي مول تاع الحلوة البارح خرجت نشري لوازم الحلوى حبيت ندير غريبية ام كوثر بالمول كيما تاع بروقة لقيت واحد صغييييييييييير متكون من قطعتين واحدة تطبع وواحدة ترشم الحبات تاع البنات يبانولي سوية كبار قوليلي كاين نوع كبي واخر صغير

لالا هذوك البنات كي يصورو يديرو الزوم تبانلك الحبة كبيرة على العموم انا مالفة نشوفهم يتباعو بصح ماشي صغار كيما راكي تقولي

اقتباس:

المشاركة الأصلية كتبت بواسطة nihale89

الهاموووووووو هيه هذاك بالذات وسامحيني
كي هبلتك ههههههههههههههههه

ههههههههههه عادي خفت نعطيك وصفة حاجة أخرى هههههههههههههه
6 بيضات
3 خميرة
2 كيسان سكر ماشي معمرين مليح ( كاس متوسط نتاع القازوز ماشي كاس نتاع 200ملل )
فاني
2 كيسان زيت ماشي معمرين مليح ( كاس متوسط نتاع القازوز ماشي كاس نتاع 200ملل )
تشيحي بالفرينة ولازم تخليه يبقى جاري لايشتى يندبك المهم يكون جاري يجي هشوش يهبل
ضرك نجيو للنصائح تسحقي ولا ماكلاه ههههههههههههههههههه

ladymillion · 2013-10-09, 13:54

صح غداكم لبنات لي تغدااااااو كااااااااامل
ام اناس ماشاء الله غداي يهلللللل خاصة السلطة بصحتكم

الهام بالنسبة للغريبية نتاعي ماشي شرط ديريها بالفستق حنا نديرها ذوق فاني تاني تجي تهبل

ام محمد تاج بصحتك الغداااااااااااااااا 4444444444 فحلولة
راني نستنى كيفاش درتي لبساط الريح ازربي لانجييييييييك غبارة ونبعثولك 2 ك و ك ي ز
ام ياسو نتمنى تكوني لاباس مانسيتكش بالدعاء حبيبتي طمنينا علييييك

ام ماجد واش راح ديري قاطو للعيييييييييد واذا حبيبتي نجي نعاونك شوي واش قلتي

إلهام07 · 2013-10-09, 13:56

اقتباس:

المشاركة الأصلية كتبت بواسطة fati21

سلام الاخت لي سقسات علي لغريبية بالسمن ولا المرغارين
انا درتها بالمارغارين بعدما دوبتو وجمد ونحيتلو المائ جات روعة
ودرت قاطو الملفوف ام اماني راه يبرد من بعد نديرلو الشكولاطة
لبنات قولولي الشكولاطة وش تزيدولها ا

بصحتك فاتي الغريبية كنت حاطة يدي على قلبي كي قلتي نديرها بالمارغارين
المهم الشكلاطة كل وحدة وكيفاش انا نزيد شوية برك حليب وكي تذوب وتخلص نزيد فيها شوية برك زبدة للمعان
وكاين اللي يزيدو فيها قطعة جليد وكاين اللي يزيدو فيها النيسكافي شوفي معاهم يقولولك

ladymillion · 2013-10-09, 13:57

دخلت نهدر ونسيت نحطلكم الخبز كفتة ماصورتهاش مخلاتنيش الحكووووووومة تكره كي نكون نصور خاصة الصحن لي تكون تاكل هههههههههههه

هاهو خبز الدار مندخلش بيديا

ام ساجد · 2013-10-09, 13:57

[SIZE="6"]السلام عليكم وصح غداكم كامل [/SIZE]

كرواسو الهام عفوا متالقة المعجنات هههه بصحتك اللقب لهومة

ضاعفت الكمية ودرت كبير جاني هشوش يهبللللللللللللللللللللللللللللللللللللللللللللللل ل

وهذا غدانا اليوم

الاخت لي سالت على الغريبة انا نديرها بالمارغرين لابال وتجي روعة

أم إناس · 2013-10-09, 13:58

اقتباس:

المشاركة الأصلية كتبت بواسطة ilbeldelmondo

شكرًا لبنات على الشكر و الردود انا نروح نكمل قندورة اختي راني غلطت و راح نعاود ادعيولي

ماشاء الله عليك روعه فكر مليح للاطفال

إلهام07 · 2013-10-09, 13:59

Thank You Ladymillion
شفتس واش قتلك على الغرس ؟ راهو كعك النقاش مايديش خلاص الغرس ماتتصوريش زغبة برك ديرلك قداش من حبة

أم ساجد الكرواسون خرج رووووعة يعطيك الصحة
بصح مافهمتش والش هو الغداء

وضورك تسكتو تخليوني نهدر ولا كيفاش ؟

ام ساجد · 2013-10-09, 13:59

بالتوفيق طومة ويعطيك الصحة ربي يفرحك كيما تحبي تفرحي الاطفال

ladymillion · 2013-10-09, 14:00

فاتي قوليلي كيفاش جاك الملفوف مليح ؟؟

الشوكولا انا نستعمل منى مثلا في 600 غ نذوبها ونزيدلها ساشي صغير نيسكافي ، صفار بيضة ، ونحرك مليييييح ونزيدلها الماء ونحرك راح تقسى شوي لكن مع التحريك ترجع سائلة وشوفي القوام لي تحبيه

ان شاء الله يزيدوا يفيدوك الاخوات

طير الرحمة · 2013-10-09, 14:01

مساء الخيرات عليكم كااامل صحى غداكم انا اليوم طيبت الغداء بطاطا المسروووقة للهومة الى الان راهى بنتها فى فمي هههههههههه
ودرت معاها مطلووووووووع بدون لباب ايضا لالهاام جانى خفيف كالقطن ربي يخليناكامل الاخوات فى المنتدى للاسف لا استطيع ان اوافيكم بالصور لكن رانى لاحقتكم رانى فى 122 تطبيييييق
لهومة راكى نسيتي ما حطتيش الرابط نتاع صوص التوفى
والشكر لك على القلاصاج رايحة ندير بيه التشارك قلاصى

fati21 · 2013-10-09, 14:02

اقتباس:

المشاركة الأصلية كتبت بواسطة إلهام07

بصحتك فاتي الغريبية كنت حاطة يدي على قلبي كي قلتي نديرها بالمارغارين
المهم الشكلاطة كل وحدة وكيفاش انا نزيد شوية برك حليب وكي تذوب وتخلص نزيد فيها شوية برك زبدة للمعان
وكاين اللي يزيدو فيها قطعة جليد وكاين اللي يزيدو فيها النيسكافي شوفي معاهم يقولولك

تسلمي يا ملكة
بلا بيك نضيع

oum ibrahim · 2013-10-09, 14:02

بصحتكم الغدا كااااااااااااااااااااااامل
غدايا سباقيتي مع سردين مقلي امممممممممممممممم
ام محمد البساط السحري يهوس رووووووووووووعة انتظر التعديلات
بروووووووووووقة اين كنت ؟؟؟؟؟ الغريبية تحفة يسلمووووو
ام اناس اممممممممم على الاكلات الشهية
طووووووووووووووومة الزينة ابعثيلي حق اولادي من الكو كي زهههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري