~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 41

سيرين 5 · 2016-05-09, 15:01

اخترت لكم من موضوعي وصفة غراتان خضر بالدجاج وصفة صحية و غنية و شهية في نفس الوقت مممممم جات بنيــــــــنة

1- في طنجرة رابي بصلة + سنات ثوم + معدنوس + ملح + فلفل أسود +شوية قرفة + شوية قصبر مرحي + م ك زيت زيتون + صدر دجاج و نحطوهم يتقلاو على نار قليلة

2- كي يتقلى البصل نمرقو غير شويا برك ما نسحقوش لاصوص بزاف و نحط ورقتين رند للبنة

3- و في الأثناء نقي الخضر لي عندك و قطعيها مكعبات و حطيها تفور بالتسلسل من صعبة الطياب لسهلة الطياب، أنا حطيت الجزر بعدها البسباس بعدها اللفت بعدها الكابويا بعدها الجلبانة و ملح و غطيهم و خليهم يفورو

4- لما تفور الخضرة و طيب المرقة تاعك فتتي الدجاج و حطي في مول طبقة من الخضر بعدها الدجاج المفتت

5- و زيدي طبقة أخرى من الخضر

6- و سقيها بالمرق و حطيها في الفرن واحد 15 د فقط

7- لما تنشف لاصوص و الخضر تتشرب ببنة لاصوص نجبدها من الفرن

8- حضري في صحن البيض (أنا استعملت 4 حبات مع العلم أن الطبخة ل4 أشخاص) + المعدنوس + قارص + علبة ياوورت طبيعي (ترددت نحطها قلت يا تصيب يا تخيب هههه)

9- و نغطي سطح الغراتان كامل بالبيض و إلى الفرن

10- و هايليك لما جبدتها من الفرن مممممم نجحت الفكرة تاع علبة ياوورت طبيعي في مكان لاكرام فراش

11- و قدميها بالصحة و الهنا هاوليك صحني

12- و هذا غذائي للغد باش ما نشريش الأكل من برا نربح صحتي و جيبي

بصحتكم الأكل الصحي، ترقبــــــو المزيد من الوصفات الصحية

loudjaine · 2016-05-09, 15:18

شكرا اخت سيرين راني ماقدرتش نشوف موضوعك الى الان الا قدرتي تحطي النصاءح راح نكون شاكرة ليك

سمراء الدنيا · 2016-05-09, 15:39

اختي سيرين بارك الله فيك راني موافة و نبصم بالعشرة
مش قادرا نكتب اكثر عندي ضيوف دخلت نطمن عليكم فقط

حياتي كلها امل · 2016-05-09, 15:41

يا اخت سرين حبيت انسقسيك كيفات تقدري تعرفي عدد السعرات الي انت تسحقيهم هذه واحدة وبنسبة لصالات الرياضة مشي حكاية دراهم ولا مكانش الوقت كاي كل شخص وضروفه انا مثلا ساكنة مع بيت شيخي يعني عجوزة ولوسة وسلفة وشيخ وهوما كامل رقاق يعني مكانش ثقافة انقاص الوزن وزيد انا كون نقول راني رايحة ندير سبور في صالة خلات موراية وزيد بنتي صغيرة ومكاش شكون يشدها كون راني رايحة طبيب مثلا تشدهالي لوستي بصح رايحة دري صبور ونشدلك بنتك مستحيييييييييييل.
متقدريش تحطيلنا تمارين انديروهم في الدار علبالي كثرة عليك وصرعتك

سيرين 5 · 2016-05-09, 15:54

اقتباس:

المشاركة الأصلية كتبت بواسطة حياتي كلها امل

يا اخت سرين حبيت انسقسيك كيفات تقدري تعرفي عدد السعرات الي انت تسحقيهم هذه واحدة وبنسبة لصالات الرياضة مشي حكاية دراهم ولا مكانش الوقت كاي كل شخص وضروفه انا مثلا ساكنة مع بيت شيخي يعني عجوزة ولوسة وسلفة وشيخ وهوما كامل رقاق يعني مكانش ثقافة انقاص الوزن وزيد انا كون نقول راني رايحة ندير سبور في صالة خلات موراية وزيد بنتي صغيرة ومكاش شكون يشدها كون راني رايحة طبيب مثلا تشدهالي لوستي بصح رايحة دري صبور ونشدلك بنتك مستحيييييييييييل.
متقدريش تحطيلنا تمارين انديروهم في الدار علبالي كثرة عليك وصرعتك

حياتي كلها أمل بالعكس ما كترتي ما والو نفرح كي نشوف المهتمين بموضوعي بالنسبة للسعرات ما نحسبش كيما لبنات في موضوع معا من أجل جسم رشيق كيما جربت ما عرفتش هههههه
لكن لما طيبي كيلو شوفلور مثلا يجيك بلا غراتان كي تاكلي نصو راكي كليتي الكمية اللازمة من الخضر و كذلك بالنسبة للحم ممكن تحسبي 150غ لكل شخص أو البيض حبة كاملة + بياض بيضتين أنا تجيني ساهلة لأني غير أنا و راجلي
بالنسبة للرياضة سأدرج صور كنت حطيتها من قبل في موضوعي تقدري ديريهم في بيتك و واحد ما يسمع بيك

سيرين 5 · 2016-05-09, 15:54

اقتباس:

المشاركة الأصلية كتبت بواسطة loudjaine

شكرا اخت سيرين راني ماقدرتش نشوف موضوعك الى الان الا قدرتي تحطي النصاءح راح نكون شاكرة ليك

العفو لجين

سيرين 5 · 2016-05-09, 15:56

اقتباس:

المشاركة الأصلية كتبت بواسطة سمراء الدنيا

اختي سيرين بارك الله فيك راني موافة و نبصم بالعشرة
مش قادرا نكتب اكثر عندي ضيوف دخلت نطمن عليكم فقط

الله يسلمك سمراء الدنيا ربي يقدرك ههههههههه عجبتيني ما صبرتيش علينا

omelbanin · 2016-05-09, 16:08

حبيبتي سيرين ،بالنسبة لوجبة السحور ،مع لي رانا في شعبان نحبو نصومو مين ذاك واش ناكلو باش ما نصبحوش ثقال ودايخييين.

سيرين 5 · 2016-05-09, 16:18

تمارين رياضية يمكنك القيام بها في المنزل:
1-أولا حددي المدة الزمنية ساعة مثلا من السابعة إلى الثامنة
2- قومي بتحمية الجسم أي الجري لمدة ربع ساعة مبدئيا لمدة شهر بعدها مددي المدة لنصف ساعة و عند الشعور بالتعب لا تتوقفي و انما امشي
3- بعدها قومي بالتمارين الرياضية و عند الشعور بالتعب و هذا طبيعي لان الجسم غير معتاد احذري من الجلوس أو التمدد بل امشي او قفي امام النافذة لاستنشاق الهواء او اشربي قليلا من الماء (جغمة هههه) و لا تشربي أكثر من ربع لتر أثناء ساعة الرياضة
4- احذري من تناول اللبان أو العلكة أثناء الرياضة فقد تبلعين لسانك و تصيبك نوبة اختناق تؤدي إلى الوفاة لا سمح الله
5-في الأيام الأولى اشربي أسبيجيك لأنك بعد فترة ستشعرين بآلام في مفاصلك هذا امر طبيعي لان جسمك غير معتاد على الرياضة اشربي كثييييييرا من الماء في اليوم الموالي و قومي بتمارين التمدد سأدرجها بعد التمارين الرياضية

تمارين التمدد تقومين بها في الختام و عندما تستفيقين في الغد لتجنب آلام المفاصل

هاذو للحامل

سيرين 5 · 2016-05-09, 16:21

اقتباس:

المشاركة الأصلية كتبت بواسطة omelbanin

حبيبتي سيرين ،بالنسبة لوجبة السحور ،مع لي رانا في شعبان نحبو نصومو مين ذاك واش ناكلو باش ما نصبحوش ثقال ودايخييين.

أنا شخصيا نشرب قهوة حليب بدون سكر ب 30 غ خبز نحطلو م ص زيت زيتون أو 50غ جبن خال من الدسم و حبة فاكهة أو عصير
راح يكون عندي بحث و تعمق في هاذ الخصوص بمناسبة قروب حلول شهر رمضان

omelbanin · 2016-05-09, 16:30

حبيبتي سيرين شوفيني اذا ناخد الراي:
الشربة راح ندير مرمز
البوراك راج نديرو في الكوشة
دولمة بيذنجان راح نقطعو بالطول وندهنو الزيت زيتون و نديرو في الكوشة قيسمة يدبال ، مانحشيهش باللحم المرحي ،شريت الداند

وزوجي شرا القازوز قلتلو انا اشريلي فيشي.
ها اا واش رايك؟

حياتي كلها امل · 2016-05-09, 16:38

يعطيك الف صحة وعافية يالغالية
انا النظام الذي كنت متبعاتو ناكل الا في وقت مانكولش بين الوجبات اي شيء ونقصت في حجم الوجبة ومناكلش الخبز الا في الصباح بصح انقصت بواحد3كغ في مدةشهرين بصح في الفترة الاخيرة لشيت شوية
الان راح نبدا معاك وشكرا على التمارين

سيرين 5 · 2016-05-09, 16:48

اقتباس:

المشاركة الأصلية كتبت بواسطة omelbanin

حبيبتي سيرين شوفيني اذا ناخد الراي:
الشربة راح ندير مرمز
البوراك راج نديرو في الكوشة
دولمة بيذنجان راح نقطعو بالطول وندهنو الزيت زيتون و نديرو في الكوشة قيسمة يدبال ، مانحشيهش باللحم المرحي ،شريت الداند

وزوجي شرا القازوز قلتلو انا اشريلي فيشي.
ها اا واش رايك؟

أم البنين راكي هايلة الله يبارك كملي هكذا والله غير رجعتولي العزيمة بعد ما كنت فشلت في المساء راح نطيب أكلة صحية جديدة ان شاء الله تلقاوها في موضوعي علاجال في الغد عندنا جانب آخر نهتمو بيه

سيرين 5 · 2016-05-09, 16:51

اقتباس:

المشاركة الأصلية كتبت بواسطة حياتي كلها امل

يعطيك الف صحة وعافية يالغالية
انا النظام الذي كنت متبعاتو ناكل الا في وقت مانكولش بين الوجبات اي شيء ونقصت في حجم الوجبة ومناكلش الخبز الا في الصباح بصح انقصت بواحد3كغ في مدةشهرين بصح في الفترة الاخيرة لشيت شوية
الان راح نبدا معاك وشكرا على التمارين

حياتي كلها أمل الأكل بين الوجبات يزيد من معدل الحرق أنا ننصحك بيه تناولي حلجة خفيفة فاكهة مع علبة ياوورت طبيعي أو خيار بجبن خال من الدسم سلطة فاكهة أو أي شي تحبي في الاطار المسموح
مليح المهم نقصتي و ما زدتيش أنا تان المدة الأخيرة لاشيت لكن سأعود بقوة ان شاء الله

سيرين 5 · 2016-05-09, 16:58

أيا سلام عليكم نخليكم دركا راني خارجة رايحا لداري و أخيرا لحقت الخمسة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري