خبيزات السلق والجبن الدرس رقم 9 - الصفحة 4

islam1aya · 2012-01-30, 19:34

اقتباس:

المشاركة الأصلية كتبت بواسطة omo mazen

بارك الله فيك وجزاك خيرا،

وفيك بركة اختي ام مازن انشاء الله تكون الوصفة نالت اعجابك نورتيني

my lamis · 2012-01-30, 16:41

يا الغالية درتهم البارح للعشا واش نقولك خرجو يهبلو راجلي ياكل و يقول الله الله هاذو بنان بزاااااااف
ربي يطيلك ما تتمناي
راني نعدل فالصور من بعد نحط تطبيقي
أنا ورفتهم شوية نحب الحاجة مرفة

سخري هشام · 2012-01-30, 17:14

يعطيك الصحة هايلين

islam1aya · 2012-01-30, 19:37

اقتباس:

المشاركة الأصلية كتبت بواسطة سخري هشام

يعطيك الصحة هايلين

مشكورة اختي على المرور العطر تسلميلي

أم سيرين1 · 2012-01-30, 18:25

روووووووووعة اختي ان شاء الله نجربهم يعطيك الصحة دايما متميزة باطباقك في انتظار جديدك تقبلي تحياتي غاليتي

islam1aya · 2012-01-30, 19:45

اقتباس:

المشاركة الأصلية كتبت بواسطة أم سيرين1

روووووووووعة اختي ان شاء الله نجربهم يعطيك الصحة دايما متميزة باطباقك في انتظار جديدك تقبلي تحياتي غاليتي

انت الاروع حبيبتي ام سيرين فرحتيني بكلامك الطيب واكيد هناك المزيد كوني من متتبعات لحظات مخبرية في الفنون المطبخية تسلميلي حبيبتي

janino · 2012-01-30, 20:34

نفس طريقتى فى عمل الشوصون روعة بارك الله فيك

غرداويه والزين فيا · 2012-01-30, 20:56

مشكورة جاوك ناجحين نطلب منك المزيد من الطرق

mama kika · 2012-01-30, 21:05

يعطيك الصحة

imi122009 · 2012-01-31, 10:25

rabi yjazik jaw hayline nchallah njarebhom,rabi ya3etik matetmanay ya rab

نزيف القلب · 2012-01-31, 10:39

اقتباس:

المشاركة الأصلية كتبت بواسطة islam1aya

السلام عليكن اخواتي

لحظــــات مخــــــبـــرية فــــي الفـــنـون المــطـبــــخـية

الدرس رقم 9

خبيزات السلق والجبن

مقادير الحشو

ربطة سلق
5سنينات ثوم
ملعقة صغيرة طماطم مصبرة
فلفل عكري
ملح
فلفل اسود
راس الحانوت
قصبر مطحون
كمون
2 ملاعق زيت
ماء
جبن

مقادير العجينة

2 كوب فرينة شوب تع القهوة
كاس شاي زيت
ملح
2 قرصات خميرة الحلوة
القليل من الماء لجمع العجينة

زيت للقلي
بياض بيض لتثبيت الخبيزات

طريقة التحضير
نغسل السلق جيدا ثم نقطعوه رقيق نحطوه في قددر نضيف له فنجان ماء ونغطيه ونتركه اطيب كيطيب نصفيه
في مقلاة نحضر التقلية ندرس سنينات الثوم نحط الملح الكمون راس الحانوت و فلفل اسود والعكري قصبروالزيت والطماطم مصبرة وقليل من الماء ونتركها تتقلى على نار قليلة ثم نضيف نصف كاس ماء كتغلي نضيف السلق ونخليه يتشرب التقلية حتى ينشف ويشرب كامل التقلية

نحضر العجينة بخلط الفرية والملح و2 رشات خميرة الحلوة والزيت انبسها مليح بالاصابع ونجمعها بقليل من الماء وما نعجنهاش

نحل العجين رقيقة نحطها في طابع السوفلي او نقطع دوائربكاس ثم نحط السلق لازم يكون ناشف ما فيهش الصوص باش ما يعجنش العجينة نحط قطع الجبن ندهن الحواف بالبياض ثم نغلق الدائرة ونثبت مليح باش ما تتفتحش ثم نقليها في الزيت على الجهتين مليح ونقدمها مع عصرات من الليمون مصحوبة بحساء او شربة
وممكن تعملي الخبيزات في الكوشة وتدهني الوجه بالبيض وترشي بشوية جلجلان ايضا اجي بنينة جدا

طريقة التقديم

جربوهم اخواتي لذيذ جدا

راني ننتظر في تطبيقاتكن لمزيد من لحظات مخبرية في الفنون المطبخية
دعوة خير تكفيني

مع تحيات ام اسلام واية ويوسف

يعطيك مئة الف صحة

تغرينية · 2012-02-23, 11:09

بارك الله فيك

faizarbh · 2012-03-04, 15:23

تبارك الله

asma 8 · 2012-04-13, 14:23

بارك الله فيك

مافهمتش برك واش حبيتي تقصدي فمقادير العجينة كتبتي

2 كوب فرينة شوب تع القهموة ؟؟؟؟

islam1aya · 2012-04-15, 00:00

اقتباس:

المشاركة الأصلية كتبت بواسطة asma 8

بارك الله فيك

مافهمتش برك واش حبيتي تقصدي فمقادير العجينة كتبتي

2 كوب فرينة شوب تع القهموة ؟؟؟؟

حبيبتي اسماء كماقلت 2 شوب كبار تع القهوة معمرين فرينة وبالتوفيق حبيبتي واي استفسار انا في الخدمة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري