***اطباقي اليومية البسيطة ***

[ام حمزة22]

المشاركة الأصلية كتبت بواسطة om kamilia

روعة طيابك ام حمزة بارك الله فيك

وفيك بركة الله اختي كامليا شكرا لمرورك الطيب اسعدني دالك وان شاء الله ما تكونش اخر مرة
تقبلي تحياتي اختي ااكريمة

[ام حمزة22]

لبنات هدا فطوري لهدا اليوم والطريقة تجدونها في الصفحة الاولى


تحياتي الحاااااارة
صح فطوووووووركم

[ام حمزة22]

المشاركة الأصلية كتبت بواسطة omjoujou

غاليتي ام حمزة انا لوحيدة لي مرديتيش عليا ومرحبتيش بيا في موضوعك الجديد يعني غير مرحب بي هههههههه مع اني حتى انا باركتلك على موضوعك الجديد وفرحتلك
راني فهمت روحي
تقبلي مني فائق التقدير والاحترام
سلاااااااام

حبيبتي واش هاد ااكلام كيف ما نردلكش ونرحب بيك هدا من المستحيلات

والله النت راهي مهبلتني
خليتك انت وزاهو درتلكم رد كيفكيغ ولما بعتو تبلوكا وما حبش يروح خليتدرت قيلولة صغيرة كي فطنت لقيتو مازال ماراحش دخلت اسم عضويتي وبعتو
والله لا يجيب الزعل حبيبتي
انت النور كله

[ام هاديل وياسين]

السلام عليكم

الف مبروك اختي ام حمزة على فتح الموضوع الجديد


ويعطيك الصحةو على اطباقك الاقتصادية والي في متناول الجميع الي يتبحر يجي لهنا بتوفيق حبيبتي

[ام حمزة22]

المشاركة الأصلية كتبت بواسطة **ام هدول**

السلام عليكم

الف مبروك اختي ام حمزة على فتح الموضوع الجديد ان شاء الله يكون كما الموضوع الاول متعارفين ومتحابين

انا كما ام سوهيل صح غاضني بزاف لخاطرش كنا ندردشو فيه وخلينا فيه افراحنا واحزانا ان شاء الله هدا يكون احسن

ويعطيك الصحةو على اطباقك الاقتصادية والي في متناول الجميع الي يتبحر يجي لهنا بتوفيق حبيبتي

وعليكم السلام
حبيبتي الف شكر ليك
عللبالي الموضوا لقديم تعارفنا على بعضنا البعض وتحبينا فالله وكانت يمات جوزناها بحلوها ومرها لاكن الموضوع تبحرو تصاورة وكان لازم عليا نعاود نحط الاطباق باش يستفادو منها الجميع وهدا كان هدفي الاكبر اننا نفيد ونستفيد من بعضنا البعض
وبادن الله نكونوا ملمومين في هاد ااموضوع متل ما كنا فالموضوع السابق ونحكي على اطباقنا وعلى عاداتنا وتقاليدنا ولما لا على حياتنا اليومية
تحياتي الحارة ام هدول

[zaho207]

مساء النور حبيت نسقسيك يا احلى امراة معليش نحكيلكم على تحضيراتي هنا ولا نهدرو غير على الاكل

[ام حمزة22]

المشاركة الأصلية كتبت بواسطة zaho207

مساء النور حبيت نسقسيك يا احلى امراة معليش نحكيلكم على تحضيراتي هنا ولا نهدرو غير على الاكل

بنتي زاهو سامحيني والله النت راهي مهبلتني
حبيبتي احكي لي في نفسك مثل ما تحبي على الاكل او غيرو انت عروسة الموضوع ربي يقدرك على التحضيرات ويهنيك ويسعدك

[ام حمزة22]

لبنات استسمحكم بعد قليل نروح عند اهلي متعودة نشوفهم كل جمعة والجمعة لي فاتت ما شفتهمشكانت عندي عرضة وفي الغد تان مارانيش رايحة بادن الله نصوم وانا صيام فالبرد ما نقدرلوش يبردلي دمي هههههههههه نقعد فالبيت احسن لي

حبيباتي الا قدرت بعد رجوعي وكانت النت خفيفة راح نحط بعض الاطباق لي قدرت اتحصل عليها من قوقل لي كانت فااموضوع القديم

صح قهيوتكم

تحياتي الحارة للجميييييييييييع

[fatisousou]

مبروك عليك الافتتاح موضوع الجديد والله انت دائما متالقة وانا دائما انتبع وصفاتك شكرا لك جزاك الله خيرا
مع تحياتي لك وللعائلة

[حياة نور الدين]

اهلااااااا خياتي اللمة راه دفي
عجبني فطورك ام حمزة انا ندير نفس الاجواز لكت مرقة حمراء ان شاء الله نجربلوا مرقة بيضصاء ونموت على طماطم مقليبة خاصة نقططع معاها قرن حار اممممممم
تروحي وترجعي بالسيلامة وتالقايهم بخير ن شاء الله

[zaho207]

مساء الانوار راني جيت كنت ندير العشا درت فلفلة دولمة في الفور

[zaho207]

اه كي نكملها نصورهالكم درتها في لاصوص تومات و غطيتها بالمنيوم و كي يوجد ندير عليه الفرماج

[zaho207]

اه طاطا تشهيت قلب اللوز اذا راكي عاقلة مقادير نتاع غزالتي مديهالي

[sabine 1988]

شكرا جزيل لك

[zaho207]

[IMG][IMG][/IMG][/IMG]