قوارب بالفروماج والبيض فالفرن

[لينا11]

بالنسبة للعجينة
150غ فرينة
ملعقة اكل سكر
نصف ملعقة كبيرة حليب مجفف (لحظة)
نص مغرف صغيرة ملح
ملعقة كبيرة خميرة الخبز
ملعقة كبيرة بيض(يعني ناخذ بيضة ونخفقها مليح وناخذ منها مكيال ملعقة كبيرة )
وماء زيدو بشوية حذاري تجروها

نلموها مليح ونعجنها شوية
نديرها كرية ونحط عليها حوالي ملعقة كبيرة زبدة او مارغارين

ونخليها تخمر شوية

من بعد ندخل زبدة مليح فالعجينة
وندير منها كريات صغار
حجم القارب انتي تحدديه (يعني لاحبيتي حبات صغار ديري كويرات صغار وسرحي مليح العجينة

حلي الكريات بالتناوب وحطي فيهم فروماج رابي كثري وماتخافيش ممممممم

ودوري فالجوانب حتى للوسط كيما صورة
والجوانب غلقيهم مليح مهم جدا
زيدي حطي فالنص فروماج ممكن تزيدي انواع اخرى كالشيدر او موزريلا فالنص وفقسي عليها البيضة
وجوانب مسحتها بالبيض ورشيت عليها جلجلان

ملاحظة مهمة ماتشعليش الفرن قبل
كي تكملي من تشكيل العجينة شعليه باش يطيب لك العجينة قد قد مع البيض
ودرجة حرارة الفرن انا درت 200 بعد ماشفت تحت طابت زدتها ل240درجة وحمرتها من فوق

هذه اهم النصائح
الان ناتي الى عالم صور كالعادة









هذه هي نتيجة ماشاء الله تبارك الرحمان






دعواتكم لأمي وابي بالرحمة ان شاء الله