حلقات السيدة يعلى حصريا - الصفحة 37

assiremhayet · 2012-07-31, 16:00

السلام عليكم واش دارت اليارح مع الوصفات إن امكن وشكرا

aziza05 · 2012-07-31, 21:16

لم اجدشيئ في الموقع

oum salim · 2012-07-31, 22:38

اقتباس:

المشاركة الأصلية كتبت بواسطة aziza05

لم اجدشيئ في الموقع

معليش اختي انا راني سجلت الحصة ورايحا نحطهم

oum salim · 2012-07-31, 22:52

4 حبات بصل مقطع شرائح+ 4 حبات طماطم مقطعة على 4+قطع لحم+ نصف كاس عدس +نصف كاس حميصة مشمخة+ربطة كسبر مربوطة+كاس صغير زيت+ملح+فلفل اسود+1ملعقة كبيرة ممسوحة سكنجبير +1ملعقة كبيرة ممسوحة كروية نحمس مليح على نار هادئة ثم نمرق بماء ساخن ونضيف 1ملعقة كبيرة طماطم .
بعدما تطيب الحريرة ننزع قطع اللحم و ربطة الكسبر ثم نرحي الخضر ونصفيها نرجع اللحم للطنجرة.
نحضر العقدة ب نصف كاس فرينة +كاس ماء +عصير حبة قارص نضرب مليح نفرغها على الحريرة نحرك ونخليها تغلي شوية حتى تطيب الفرينة نطفئ و ندير شوية كسبر مقطع رقيق.

oum salim · 2012-08-01, 00:07

بوراك بالجبن (سيقار)

اوراق الديول تقسم على2.
قالب جبن تاع الميزان نحطوه في المجمد شوية ثم يقطع الى شرائح بالطول ونقطع كل شريحة الى شرائط طيلة عرضها نصف سم .
نضع شريط من الجبن على طرف ورقة الديول الجهة اللي قطعناها ونلفوه ونلصق الاطراف ببياض البيض نقطع الاطراف اللي
مافيهاش الجبن بالمقص ونقليها حتى تتحمر تقطر وتقدم في كاس طويل (une coupe)

oum salim · 2012-08-01, 00:19

طبسي جلبانة (bol)تفور حتى تطيب مليح.
250غ لحم مرحي+ملح+فلفل اسود+ثوم مرحي +معدنوس مقطع رقيق نعجن مليح.
حبة بصل صغيرة مقطعة رقيق +4ملاعق كبيرة زيت نقلي حتى يذبال البصل +اللحم المرحي نحمس حتى يطيب .
الجلبانة +اللحم المرحي + جبن مبشور +معدنوس مقطع رقيق نمزج .
العقدة=5حبات بيض +2ملاعق ممسوحة فرينة+2 سنات ثوم مرحي +2ملاعق كبيرة زيت +شوية ملح +فلفل اسود نضرب مليح
+جبن ابيض مقطع مكعبات نفرغها في قالب مدهون ندخلها الفرن تنشف فقط .

hano10 · 2012-08-01, 00:21

نشدو بول نتاع الشوربة جلبانة ونفوروها مليح مليح .ومن جهة اخرى نتبلو اللحم اللي يحتاج 250 غ لحم مرحي+ملح+فلفل اسود+ثوم+معدنوس ونعجن الكل مع بعض مليح ومبعد نشدو مقلة نحطولها 4 مغارف زيت ونحمس فيها حبة بصل مقطعة رقيق ومبعد نحطو عليه اللحم المرحي المتبل ونحلوه يتحمس مليح

نحطو الجلبانة في saladier ونحطو فوقو اللحم المفروم ونزيدولو فرماج rapé مع شوية معدنوس
ونحضرو العقدة اللي هي 5 حبات بيض +2 مغارف فرينة+2 سنات ثوم مرابيين بالرقيق +2 مغارف زيت +قرصة ملح+فلفل اسود ونخلط الكل مليح مليح ونضيفولها فرماج مكعبات ونخلط
ومبعد نضيفو العقدة للجلبانة مع اللحم ونخلط مليح ونفرغوها في مول مدهون وندخلوها للفرن

وشهية طيبة

hano10 · 2012-08-01, 00:23

وانا اليوم ساييت هاد الطبق جاني فوووووووور ويهبل كامل عجبهم فالدار

يعطيها الصحة السيدة سليمة

oum salim · 2012-08-01, 00:27

بصحتك اختي انت وكل العائلة

hano10 · 2012-08-01, 00:40

اقتباس:

المشاركة الأصلية كتبت بواسطة oum salim

بصحتك اختي انت وكل العائلة

شكرا لك اختي يعطيك الصحة حنونة

islam1aya · 2012-08-01, 00:51

شكرا حبيباتي على الوصفات بارك الله فيكن

الماسة النادرة · 2012-08-05, 15:54

وين راكم وين راه الجديد

hano10 · 2012-08-05, 21:01

السلام عليكم وصحا فطوركم

من فضلكم بنات اللي عندها الوصفة نتاع الطوماطيش فارسي اللي داراتها السيدة سليمة تكتبهالي
راحتلي الوصفة
وشكرا مسبقا

oum salim · 2012-08-06, 19:02

اقتباس:

المشاركة الأصلية كتبت بواسطة hano10

السلام عليكم وصحا فطوركم

من فضلكم بنات اللي عندها الوصفة نتاع الطوماطيش فارسي اللي داراتها السيدة سليمة تكتبهالي
راحتلي الوصفة
وشكرا مسبقا

وعليكم السلام .ويسلمك وربي يتقبل منا ومنكم.

طماطم محشية
4حبات طماطم نقطعها من فوق ونخويها .
نحضر الدرسة .ثوم مرحي +ملح+فلفل اكحل +معدنوس مقطع رقيق +كاس خبز يابس مرحي (chapelure) نخلط مليح ونحشي حبات الطماطم نضعها في صينية ونضع قطعة مارغرين (25غ) فوق كل حبة وندخلها الفرن تتحمر.
وصح فطورك

hano10 · 2012-08-07, 13:34

اقتباس:

المشاركة الأصلية كتبت بواسطة oum salim

وعليكم السلام .ويسلمك وربي يتقبل منا ومنكم.

طماطم محشية
4حبات طماطم نقطعها من فوق ونخويها .
نحضر الدرسة .ثوم مرحي +ملح+فلفل اكحل +معدنوس مقطع رقيق +كاس خبز يابس مرحي (chapelure) نخلط مليح ونحشي حبات الطماطم نضعها في صينية ونضع قطعة مارغرين (25غ) فوق كل حبة وندخلها الفرن تتحمر.
وصح فطورك

عن جد مالقيتش واش نقولك يعطيك الصحة والعافية وربي يخليك لينا ويرزققك
الف شكر لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري