وصفات حراير الكوزينة الجزء الثاني

[idron0]

السلق زينب 66

انا نقصو رقيق ونحطو في مقلة ونزيدلو قيس قل من ربع كاي ماء ونغطيه ونخليه يطيب حتى يطيب وينشف من ماه في مقلة اخرى نحط زيت زيتون ونضيفلو بصل مقطع وتوم مدروس في المهراس مع شوية ملح نضيفلهم كمون وراس حنوت وفلفل عكري حلو ونقليهم مليح وادا ما عندكش فلفل عكري ديري ملعقة صغيرة طماطم مصبرة بعد ما يتقلاو ضيفيهم للسلق وامزجيهم خليهم يطيبو مع بعض على نار هادئة ربع ساعة كاين اللي لما يطيب خلاص يخلطو حبة او تنين بيض على حساب كمية السلق وصبوها فوقو تخلطي البيض مع السلق وتتركيها تطيب دقيقتين يجي ايضا روعة .

[idron0]

كيك صالي dadou mascarienne


فيه بطاطا مقلية مكعبات و شوية دجاج كان باقي من الفطور و بيض حسب الحاجة و 2 م ك فرينة و نصف باكي خميرة الحلويات و ملح و فلفل كرام فراش و فرماج
خلطي كلش و ديريه فالمول .

إضغط هنا لرؤية الصورة بحجمها الطبيعي.

[rose white]

طريقة الكرمب المحبشي Lyzzbel
طريقتي في الكرنب المحشي ،، تقطعي بصلة شوية صغيرة بالطول شرائح رقيقة و تقليها في شوية زيت طبعا فالكوكوت ولا الطاجين ما يهمش و تبلي بالملح و الفلفل الاسود و شوييية زعفران و عود قرفة و نصف م ص كمون و تحركي بالملعقة على نار هادية و ترمي كمشة حمص و تمرقي ما تكثريش الما بزاف
و من جهة اخرى تنقي راس تاع كرنب و تنحي الاوراق الكبيرة بالعقل بلا ما تتقطع و اغسليها مليح و فوريها في كسكاس مغطي و لي بقى مالكرنب قطعيه قطع صغيرة و ارميهم فالمرق و اغلقي الكوكوت
مين يفور الكرنب حطيه في اناء واسع يبرد شوية و بالموس نحيله الجزء الغليظ لي يجي في الوسط
و تكوني وجدتي الحشو لي هو كمية من اللحم مرحي متبل بالملح و الفلفل الاسود و سنة ثوم رابي و معدنوس مقطع رقيق و شابلير و كمشة روز تقدري تديري البيض انا ما ندريهش و احشي ورقات الكرنب بطريقة البوراك لازم الجوانب يكونو مغلوقين
حلي الكوكوت بالعقل و ستفي المحشي حبة حدا حبة باش ما ينفتحوووش فالطياب و لي بقى مالحشو دريه دي بولات و خليي كلشي يطيب على نار اقل من متوسطة و في النهاية لاصوص تكون قليلة
و مرات نبدل ،، مين نحشي الكرنب نستفه في بلا تاع فرن و نصفي المرق و نصبه عليه و ندير فوقه قطع صغيرة من المارغرين و رشه فلفل اسود و نغطيه بالالمنيوم و ندخله يطيب فالفرن
تاني ديفوا نخلي كلشي يطيب فالكوكوت و من بعد نحط الكل فالبلا تاع الفرن و بلا ما نغطيه نخليه يتجمر و ندير عليه كمية مليحة تاع فرماج رابي

[rose white]

عصير الكابويا او اليقطين لام اسلام

اولا نحضر معجون الكابويا تقشري كمية من الكابويا وتقطعيها مربعات صغيرةحطيها في اناء ثقيل وافرغي فوقها كمية مليحة من السكر خليها 4الى5 ساعات او ليلةوالغد منذاك زيدي عصير ليمونة وحركي جيدا حطيها على النارمن اول غلية نقصي وخليها على نار هادئة1سا ثم زيدي زاست ليمونة وبرتقالة وقطع برتقال مقشر 3او4حبات وخليه حتى يطيب مليح1سا ارحيه لما يبرد خبيه اما العصير حطي كاس معجون كابويا وكاس عصير ليمون برتقال وليمون هندي pamplemousse وياوورت ذوق مشماش و1ل ماء بارد ومميكسيه وتتحصلي على الذ عصير طبيعي والكابويا ابدا ما تحسيش بالذوق نتاعها وما تبخلوش في الحمضيات خاصة البرتقالراه وقتو استغلوه وحضرو العصير لاولادكم وعصير الكابويا صدقوني لما تحضروه بهذي الطريقة مستحيل ما تعاوديهش

[idron0]

طبق om assem et loudjain

تقلي صدر دجاجة في شوية زبدة مع ملح وفلفل اسود و زنجبيل بودر ، كي يطيب الدجاج ضيفي معدنوس مقطع وبصلة مقطعة دي لامال
وتقلب مليح مليح حتى تتحمر البصلة و تضيفي لاكرام فراش حتى تعقاد وطفي
قدميها مع روز او بطاطا بيري وبالهنا والشفا.

[idron0]

عجينة السوفلي زينب 66

دفي كاس حليب كبير يعني 300مل وضيفيلو 1ياؤورت طبيعي ( ممكن تستبدلي اليايوورت الطبيعي بنصف كاس حليب رائب او لبن او حليب كخيار اخير )
ضيفيلو مغرفة صغيرة خميرة الخبز و 1ملعقة كبيرة سكر وخليها تخمر قليلا بعدها ضيفي الفرينة قليلا حطي فوقها نصف ملعقة صغيرة خميرة الحلو ولمي العجينة تاعك وغلفيها اتركيها ترتح 10او 15 دقيقة تلقايها خمرت شوية برك هزيها ضيفيلها ملعقة ونصف كبيرة سمن اعجنيها مليح مع السمن وادا ماكانش ديري زبدة نفس الكمية او 5 مغارف كبار زيت بعدها خليها تخمر مليح حتى يتضاعف حجمها وشكليها متل ما تحبي راهي تخرج طرية وما تنشفش لما تبات راهي .

[mimi mana]

رووووووعة روووووووووووووووعة

[idron0]

لبرانية القسنطينية زينب 66

هو عبارة عن مرق تحضريه باللحم تقلي الحم منقي ومقطع قطع متوسطة بعد ما يتقلى ضيفيلو بصل وتوم مكرفجين او مقطعين رقيق وملح وفلفل اسود ومعدنوس مقطع وتركي الكل يتقلى لمدة 5 الى 10 دقائق بعدها امرقي احنا نمرقو بالماء بارد لانو جداتنا يقولو ان الماء الساخن ينزع بنة اللحم هكدا قالونا هههه
بعدها امرقي قدار ما لازم يطيب اللحم ومن المستحسن على نار هادئة
من جهة اخرى تغلي البطاطا في ماءولكن تطهيها نصف طهي ومبعد تصفيها وخليها ترتح شوية لمدة5 دقائق قطها دوائر
امزجي 2 بيضات مع 2 مغارف كبار فرينة ومعدوس مقطع رقيق وكمون شوية برك
اغطسي دوائر البطاطا في الخليط واقليها في زيت ساخن حتى تكمل الاستواء تاعها

قدمي اللحم مع المرق ورسي فوقو دوائر البطاطا ورشي معدنوس وقارص دوائر
الاكلة هده نقدموها مع الكسرة.

[idron0]

صابلي بالشامية om assem et loudjain


إضغط هنا لرؤية الصورة بحجمها الطبيعي.
كي يطيب الصابلي تلصقي كل زوج بالخليط التالي والي هو سر البنة في هاذ القاطو
حلوة الترك و الكاوكاو مرحي رقيق وقليل من المربى + عصير نصف حبة قارص
يخرج طعم راااائع ، وديري تاني مربى فيه شوية عصير قارس باش تلصقي الكاوكاو على الجوانب
دعواتكم
إضغط هنا لرؤية الصورة بحجمها الطبيعي.

نسيت نشرحلك مقدار الزبدة هاذيك راهي ثلث علبة زبدة ستار
ويطلعلك اكثر من 100 حبة اذا رققتي الحلان كيما انا دارلي 110 حبات الله يبارك.

[idron0]

لطبيخ وفي بعض المناطق يسموها بو نارين زينب 66

تقدم هده الاكلة في المناسبات وفي الافراح متلا لما تدي العروسة لغدا او لما يديرو طهور ويقدم الوليمة وجبة غداء وهو طبق بين المالح والحلو
هنا تجيبي نصف كيلو لحم تقطعيه قطع وتقليه مع نصف حبة بصل ما نحطوش التوم وزبدة خليهم يتقلاو مليح وضيفيلهم ملعقة كبيرة ماء الورد او ماء الزهر اللي تفضليه وملعقة صغيرة ملح وشوية فلفل ابيض وتقلي مع بعض وبعدها امرقي ب4كاسات ماء هنا تضيفي قرفة وتتركي اللحم تطها على مهل بعدما تنظج تصفي المرق من اللحم
هنا اللحم ممكن تقدميها مع الاطباق الاخرى
نحتاج في هدا الطبق المرق الناتج من اللحم تعبري 2كاسات مرق مقابلها كاس عسل ونضيفلها 3 ملاعق كبار نشاء خلطي بارد في بارد رجعيهم فوق النار تكون هادئة وبدون التوقف عن التحريك حتى يتقال شكلو متل المهلبية ويوضع في صحون صغيرة ويزين باللوز والبيستاش .

[*وردة الشرق*]

اندرو لحبيبة عيني عليكي باردة والله تصيديه وهي في السما ربي يجازيك بزاف الاخوات قاعدين ييفادو من عملك بارك الله فيك

[azro]

اريد كمية الفريك الذي يستعمل في العرس و كذلك الدجاج و اللحم من فضلكن

[awladi]

وصفة تتبيل الدجاج للنرجوسة
طريقة تتبيل دجاجتي
مغرف ونص ك كمون
الملح انت وشحال تحبي تحطيلها انا نحبها مالحة
مغرف ص فلفل اسود
مغرف ص فلفل احمر
زعفران
ثوم مدروس
نص مغرف زعيترة
كاس قهوى مخلط ما بين الزيت والزبدة
زند
تدربي مليح هدا المواد وتبداي تطلي الدجاجة بعد متكوني منظفتها ودخلي مليه فالجوانب بين الافخاد ومن العنق والصدر تشربيها مليح حتى تشبع وداخل الدجاجة تعمريها مليح وتحطيلها الرند 2ولا 3 وتربطيلها رجليها مسكينة شفتني ههههههههههههه ودريها فالكيس و وتحطيلها نصف كاس قهوى ماء وتدخليها للفور مدة ساعة ونص وقلبيها في نصف الوقت كي تحسيها طابت افتحي عليها الكيس وخلي هداك الصوص فالبلا وااو شحال بنين وحطي البطاطات ديالك وفوقهم الدجاجة تحمار مليح كي تتحمر اقلبيها من الجهة الاخرى و البصحة والهنا

[*وردة الشرق*]

الميلفاي وصفة ارزاق
وصفة الملفاي درت العجينة المورقة لام انس هايلة لكن في الطريقة درت طريقة فلة حليت 3قطع تاع عجينة قد بعض طيبتها علي ظهر الصينية حطيت قبل ورق الخبز ثقبتها بالشوكة علي كامل الوجه دخلتها علي درجة 200د نسيت حطيت بلاطو اخر عليها باش متتنفخش وتطلع طيبيها مايح بصح متحرقيهاش هههههه حضرت كريم باتسيار بطريقة ام رامي هاااايلة وطلعت شويا شونتي بصح درتها شويا ثقيلة بعد ما بردت الكريم باتسيار مليييييح ضفتلها الشوني وخلطتها بالباتور حتي تتجانس مايح تحبي تحشي غير بالكريم باتسيار لكن كي تخلطيلها الشونتي احسن هدي فكرة ام رامي ربي يسترها بعد ما طيب القطع3 وتبرد حطي 1 وفوقها الكريمة و2 وفوقها الكريمة والقطعة 3 قلبيها وحطيها دري الفوندون او اخدمي وحدك انا درت تاع ام انس سكر ناعم +قطرات ليمون وقرصة ملون ابيض باش ميجيكش باهت ودري الحليب بالشويا لازم الخليط يكون شويا ثقيل حتي يتغطا الملفاي مليح نقصي منو شويا ضفيلو كاكاو وديري خطوط وزيني بالسكين لما ينشف مليح نحي الزوائد وقصي الحبات واستمتعي بالذ ملفاي والاهم انو صنع منزلي ونظيف

[*وردة الشرق*]

بسكويت مالح للاختalmazalina22
4 مثلثات جبن لافاش كيري + جبن اللبنة المخدوم في الدار + 1 م ص ملح + 1 م ك سكر ونخلط مليح + بيضة + نص الكيلة زيت + فنجان صيرون حليب+ نص باكي خمارة + نشف بالفرينة ممكن تاخذ حوالي 4 كيلات ممكن اقل ممكن اكثر وتولي عجينة ونحلها ونشكل وندهنها من فوق اذا حبيتي او لا ونزين بواش حبيتي انا درتو سامبل ودرتو بالجلجلان وممكن تحطيه فون دو تارت مالح او كيش او غراتا ن ام اماني المالح خير من اللي تشريه والصور يوضحو اكثر


ما تنسايش ثقبيه





هذا مدهون وفيه الخميرة


[IMG]وهذا ماشي مدهون وما فيهش الخمارة وهو اللي يصلح للتارت المالحة والكيش او ياكلوه الاولاد وحدو[/IMG]