هذا المساء.......ينطلق العرض الخاص بالقفطان - الصفحة 35

fatma1977 · 2014-05-17, 13:51

يا الله إبعثى واش مازال يا الفحلة الظاهر الاخ عمر المرة هاذى هو اللى قلبو كبير بالزاف

OM AYA · 2014-05-17, 14:19

لبنات هذا وين جات النت راحتلي راني مع الصور نعدل فيهم

ام كوكو · 2014-05-17, 15:05

الحمد لله وين كملتي

OM AYA · 2014-05-17, 15:06

المنتدى متوقف نكتب ردود و ما نشوفهمش معلاباليش وش صاير اذا بديتو اعلموني عن طريق رساله بلاك نقدر نشوفها لان الصور قدرت نبعتهم

OM AYA · 2014-05-17, 15:07

خلااااااااااص راني نشوووف فالردود

ضرك نقولكم سامحوني راني رايحة للطبيب

fatma1977 · 2014-05-17, 17:53

إن شاء الله لاباس أم آية شكون اللى قالك راح نقدرو نبدو بلا بيك مساء الخير أم كوكو واش هذى الغيبة وين راها مومو جوجو وفيفى إن شاء الله المانع خير

stayfiya · 2014-05-17, 18:13

مساء النور فطوم خلود ام كوكو. ام ايوش الحمد لله كملتي ايا لباس. و فريوله ثاني بعثت معناها كامل خلصتو ! و باقي لبنات وينهم ؟؟ اخي ان شاء الله تكون بخير و عافيه .

OM AYA · 2014-05-17, 18:24

المنتدى رااااه تقيل

stayfiya · 2014-05-17, 18:29

انا راحتلي النت في الدار راني من الخدمه برك قوليلي ام ايوش نتي فينيتيه مليح قفطانك و لا غير وين يشوف عمر ؟

OM AYA · 2014-05-17, 18:34

ىىىىىىىىىىىىىىىىىىىىىىىىىىىىىىىىىىنننننننننننننننن نننننننننننننن

OM AYA · 2014-05-17, 18:55

القفطااان كملتو فينيتو بصح لحزام ما درتوش كيما كنت حابة بصح ساهل كي نكره منو نعاودو و كاين تفاصيل زدتهم في التصميم نتاعي وكي خدمت عجبني سامبل الوغ عملت حيلة درت الدرابي نتاع موسلبن يتنحاو و يركبو يعني نغير في المودال كيما نحب وكاين تفاصيل جمالية زيادة مش ضرورية راني حابة نظيفهم بصح في غرضي حتى نمخمخلهم مليح

stayfiya · 2014-05-17, 20:43

راني روحت و لقيت النت كاينه
ام ايوش ديري نورمال برك كل ما نحبو نتفلسفو نفسدو الحاله انا شهمت من المسابقات لي فاتو يخي كنتي معايا
وينهم الباقي علاش ميته الحاله هكذا ؟؟ هاذي المسابقه سامطه مانعرف علااه ؟

fatma1977 · 2014-05-17, 20:43

يعطيك الصحة أم آية مبعثتيش القفطان غير كى كملتى كيما حابة إنتىأنا الحزام ما صنعتوش كيما حابة وكى كملتو ما عجبنيش ما علاباليش علاش هذو الايامات الحجة الى نخيطها باه نلبسها لروحى ما تجينيش شابة وكى نخرج بيها من فوق قلبى بالصح كى يشوفوها الغاشى تعجبهم وأحيانا يقولولى منين شريتيها بالصح هذ المرة مع القفطان عميتها وبعثتو فى الوقت المحدد مع 16 و55 بالاك هذيك الزربة والسهر يومين وأنا نسهر ل2 نتاع الليل ويوم الخميس نهار كامل مع المشينة نضت غير غذيت زوجى وولادى وعاودت رجعت والله كى المهبولة وذرك راه فى الخزانة ما رانيش قادرة نشوفو حاستوخسارة وحدها بلا ما راح نلبسو بالاك كى تشوفوه ويعجبكم نغير راىى

stayfiya · 2014-05-17, 21:16

صحا فطًووم. انا سوفريت مع المشينه مع الاول مالقيتش بياساتها. كي ديمونطيوهالي و لات حبستلي و ليت كملتها بالبرا و الخيط و عاود خلاصلي القالون بالجمعه الصباح و مايفتحوش حتى ورا الصلاة و انا وزهري مين خلصنا الصلاة وانا ندور في القايله ..!سطيف قلبتو واحد ما فتح و كي فقدت الامل و جيت مروحه واحد فيهم طلع الريدو شي واش راح يجبد لصقتو و شريت من عندو و روحت نجري كملتو و تهنيت و صورتو على زوليخه جاها يعيف و مابانش وليت حاولت ختي قاستو و صورتها و كي جيت نبعث الصور راكم علابالكم المشاكل لي جااامي يحضرو يخرجولك بفففف المهم خلصتو و علقتو في السانتر و تهنييت

stayfiya · 2014-05-17, 21:20

فاطمه ماتقلقيش روحك والله ماتندمي على حاجه خدمتيها بيدك والله صافي بليزير الناس راهم مشتاقين يلقاو بلاصه عند الخياطه. و توجدلهم حاجتهم و يلبسوها و نتي الله يبارك عطاك ربي يديوات يخدمو حاجه من والو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري