هذا المساء.......ينطلق العرض الخاص بالقفطان

[OM AYA]

المشاركة الأصلية كتبت بواسطة stayfiya

السلام عليكم صباحكم بالخير مالقيتش ايقونات الشكر ؟ شكراً دودا لاميه سهيله
موجو راهي مزالت مريضه شوي فريوله
مانعرف لكان تلحق تكمل ولا لا. ام ايوش حاولي برك خيتي انا البارح طلعت الماشينات من لاكاف و ماجيت نريقلهم بالسيف. سيرتو تاع السيرجي مالقيتش لبالن تاوعهم و الدنيا مخلطه و مزال ما خلاصوش الضياف حشمت يسمعو حس المشينه يقولك هاو بيها(ربي يرحمو ) ماعندوش بزاف ميت و هي لاتيه تخيط بفففف. كوغير يزيدلنا الاخ عمر في الوقت شوي باش نلحقو وينهم باقي لبنات يقولولنا وين عادو فاطمه فيفي ام كوكو.... والباقي

راني معاك نضم صوتي لصوتك يا ريت يزيدلنا الوقت انا لقيت خصوني صوالح وراني اللي نخدمها نعاودها غير نغلط عيييت كل خطوة نضرب فيها نص نهاااار
وانت كي تخيطي اغلقي الباب و شعلي القراان للطرف و اللي في القلب في القلب ولازم الواحد يشغل نفسو سينو يجهل
فريولة ربي يشافيها ان شاء الله
موجو وين عدتي

[loudjeine2000]

مرحبا ببعودتكي معنا اختي سطايفية وان شاء الله اخر الاحزان
اما على قفطاني راه مزال نكمل في السفسفة المشكل رحت اليوم باش نزيد نشري لقيتو قافل زعما شريت بالزايد ما نعرف واش ندير يا ريت يزيدنا الوقت راه قفطان مش لعب اموا نخدموه خدمة نضيفة وياختي سطايفية اخدمي في الظلمة علابالي هذي ليمات ما تصيبيش الله يكون في عونك و عونا

[ام كوكو]

المشاركة الأصلية كتبت بواسطة stayfiya

السلام عليكم صباحكم بالخير مالقيتش ايقونات الشكر ؟ شكراً دودا لاميه سهيله
موجو راهي مزالت مريضه شوي فريوله
مانعرف لكان تلحق تكمل ولا لا. ام ايوش حاولي برك خيتي انا البارح طلعت الماشينات من لاكاف و ماجيت نريقلهم بالسيف. سيرتو تاع السيرجي مالقيتش لبالن تاوعهم و الدنيا مخلطه و مزال ما خلاصوش الضياف حشمت يسمعو حس المشينه يقولك هاو بيها(ربي يرحمو ) ماعندوش بزاف ميت و هي لاتيه تخيط بفففف. كوغير يزيدلنا الاخ عمر في الوقت شوي باش نلحقو وينهم باقي لبنات يقولولنا وين عادو فاطمه فيفي ام كوكو.... والباقي

مرحبا بيك سطايفية واش راكي انت و العائلة ربي يرحمو الوالد الكريم ما بقالكم الا الدعاء له بالرحمة و الصدقة عليه هذا ما راه ينتظر منكم اما ارضاء الناس راه غاية لا تدرك كيما ديري يهدرو و سلام الى فريولة ربي يشفيها
انا كملت قفطاني و بعثتو درت حاجة بسيطة جدا كنت نخدم غير في الليل الوقت في النهار ما تلقايش بالشوي و تلحقو ان شاء الله

[ام كوكو]

ام اية واش احوالك راكي ديما تضحكيني شهدي واستغفري ضرك تلقاي طريقك
لجين باذن الله تكمليه شوفي حانوت اخر بالتوفيق

[loudjeine2000]

المشاركة الأصلية كتبت بواسطة ام كوكو

ام اية واش احوالك راكي ديما تضحكيني شهدي واستغفري ضرك تلقاي طريقك
لجين باذن الله تكمليه شوفي حانوت اخر بالتوفيق

شكرا ليك ام كوكو والله شفت حوانت مش حانوت لي قولي كان عندي وخلص يقولولي ارواحي نهار الاحد نجبو السلعة والحانوت لي شريت من عندو قافل من زهري ديما نلقى عندو واش نحتاج

[stayfiya]

يعطيك الصحه ام كوكو لجين ان شاء الله مايكون غير الخير و تلقاي مطلوبك ام ايا معليش ماتكمليش المراحل كامل يعني اخدمي الحرج غير وين يبان برك انا خدمت الدخلاني و مزال الفوقاني فيه الخدمه و السانتورة نشريها واجده وينهم باقي لبنات ؟؟

[OM AYA]

ام كوكو علابالي بيك شاااطرة

لجين ان شاء الله تلقاي مطلوبك غدوة بكري الصباح اخطفي رجلك عندو

سطووووف فكرتيني في الحزام زعما معقش ياربي وزيد زعما زعما نخدم السفيفة باليد نشبحها شغل يدوي بصح الظااااهر اولااااااش

والعرس اللي زعما رايحة ليه غدوة انولي مسكينة العروسة في حالة ادعولها دعوة خير من عندكم ربي يفرج عليها ويشفي و يعافي لعريس ربي يفتح عليهم ما كتبش المكتوب بيناتهم والله قلبي تقطع عليهم

[نبض الفؤاد]

اسعد الله صباحكم.....ايييييييه يا سلام.....الله يوفقكم يا النحلات الفحلات......كلكن حذاقة...وشطارة وحيوية....رانا في انتظار الروائع.....

[stayfiya]

السلام عليكم واشراكم اهلا نبضو
عيشكم راني ملقيت كيفاش ندير حبستلي المشينه و ضك لوكان نكمل بالخيط و لبرا نطول. و الخدام مسكر اليوم لخميس ؟؟؟ بففف

[OM AYA]

مام انا سطووووف راني بالابرة و الخيط وما لحقتش مازالتلي خدمة

[stayfiya]

صحا ام ايوش و كيفاش نديرو ؟؟

[fatma1977]

المشاركة الأصلية كتبت بواسطة stayfiya

يعطيك الصحه ام كوكو لجين ان شاء الله مايكون غير الخير و تلقاي مطلوبك ام ايا معليش ماتكمليش المراحل كامل يعني اخدمي الحرج غير وين يبان برك انا خدمت الدخلاني و مزال الفوقاني فيه الخدمه و السانتورة نشريها واجده وينهم باقي لبنات ؟؟

مرحبا مرحبا سطايفية واش أحوالك وأحوال والدتك وخاوتك ربى يعطيكم الصبر ويرحمو ويجعل قبرو روضة من رياض الجنة هاذ وين صلحولى الميكرو حتى باقى المسابقة كنت نشوف من البرتابل فى التحديات ونخدم ونبعث مثل الاطرش فى الزفة تمنيت يزدنا الوقت لاكن الظاهر ما كانش الزيادة راح نبعثو ذرك وان شاء الله فيها خير وبالتوفيق لكامل البنات وشكرا لكل من سأل عنى وربىيشدلك فى يماك أختى السطايفية وما يهمكش فى كلام الناس ولوكان جات المشينة هى قوتك ما راحش تحبسيها وكيما يقولو إرضاء الناس غاية لاتدرك ربى يهدينا كامل .
أنا أختى العام الفات كانت مريضة قبل ما يموت خويا وكانت دايرة ملادى وكى مات خويا من السمانة الاولى رجعت للخدمة ضروف واش دارو الغاشى كيفاش تروح تخدم وخوهامازال ماكملش سبوع وكل واحد يهدر هدرة واش دير خويا الله يرحمو والمدير نتاع التربية واعر رجعت للخدمة رانى ما ندخلش وكى ندخل نكسرلكم ريسانكم ربى يعينكم كامل

[loudjeine2000]

مسا ءالخير عليكم راني كملت القفطان بقالي غير لصق الزيتونات مي ما نعرف لا يقبلو ولا و بتوفيق للجميع

[OM AYA]

المشاركة الأصلية كتبت بواسطة stayfiya

صحا ام ايوش و كيفاش نديرو ؟؟

ما عندنا ما نديرو سطوووف خارج صلاحياتنا

شوفي انا راني نلصق بيدي في السفيفة ومازاااال الشباح ما نقدرش نشارك بنص خدمة اذا زادلنا الله يبارك واذا لا نديرو فيها نهائي انا وياااك وحدناههههه
يسمعني يزعكني طوووووووووووووووول

[fatma1977]

أنا رانى كملتو وبعثتو ما علاباليش كيفاش جاء داير والله غير هذاك القفطان كرهتو لبستو للمنكا وصورتو وعاودت خبيتو فى الخزانة ما عدتش حابة نشوفو زعفنى مرضت عليه وزاد نهار الثلاثاء جاء سخون شعلنا المكيف ما قدرتش نخدم فيه البارح للزوج نتاع الليل واليوم من الصباح حتى لذرك ربى يجيب الخير وبالتوفيق للجميع