اللي حاكمة مصروف الدار تتفضل معانا

[بنت الجزاير الغالية]

المشاركة الأصلية كتبت بواسطة hanna25

مرحبا
انا مزلت شابة ههه معنديش علاقة بالمصروف
ولطن وانا اتصفح المنتدى وجدت هذا القسم واعجبني موضوعك
نحن في البيت مصروفنا كبير رغم انا 3 اولاد وابي وامي
بالنسبة لشهرية ابي معلابليش قداه بصح نتصور مليحة لانو منين نقولولوا اعطينا يعطينا هو يقتصد ويجبدهم في الحاجة
واكثر شيئ اردت المشاركة به هو حوار دار بيني وبين امي البارحة ذهبت هي واخي وقدات قدية تع الشهر زيت دقيق طماطم صابون وغيرها
كيما جات رحت نلم لحوايج لقيت عندنا بالاك 3 قرع زيت تع 5 ليتر وهي جابت 2 قرع قلتلها او عندنا علاه جبتي 2 قالتلي نحتاجهم متدريش وش يسرا وزيد درك المصروف مش كبير بصح في رمضان يكثر المصروف ونوليو نستهلكوا بزاف الزيت يعني هداك نهار تظهر قيمتهم
ماما دائما كي يكون بابا عندو سوارد تشري لحوايج بزاف بح نهار يكثر المصروف خاصة في الاعياد والدخول تلقاهم
وحتى الصابون عندنا ولد خالتي يخدم فيه يجيبنا كلش ساعات ب 5000 (خمس مئة ) وساعات كثر ولافامي دايمن يقولوا لماما بزاف لمرة لفات قاللهم نتوما نجيبلكم بشوي بويسك ضيعوا بصح هي كي تجيبهم تحط سوارد مرة وحدة ويحكمولها بزاف
+
المصروف صعيب لانو دائما سبب خصام العائلات خصوصا نهار تجي فاتورة تريسيتي بابا يهبلنا ساعات نسلكوا مليون ههه
ربي يجيب الخير

هذي طريقتنا قبل في دار بابا كنا نشرو و نخبو مرة واحدة بصح كل شيخ و ليه طريقة هههههه
نورت الموضوع حنونة و ربي يرزقك بالزوج الصالح

[بنت الجزاير الغالية]

المشاركة الأصلية كتبت بواسطة nina32

السلام عليكم
اولا حبيت نشكر صاحبة الموضوع ربي يجازيها كل الخيروربي يحفضلها عائلتها

ثانيا انا اول مرة ندخل لهذا الركن ندخل المنتدى لكن هذا الركن اول مرة وقريت كامل واش كاين فيه من نصائح

وانا راني دايرة هاكذا من العام الاول تاع زواجي سنة2005

المهم رايحة ندخل ونشارك بتجربتي
لي عودة غدا باذن الله تعالى
ان شاء الله نكونو من الاحياء
وربي يديم نعمه على امة محمد كافة

اتمنى ان اكون خفيفة في هذا الركن وافيد من تجاربي واستفيد من تجارب الاخوات الكريمات ربي يحفظهم كامل

الى الغد باذن الله

لا شكر على واجب وطبعا تجربتك تهمنا

المشاركة الأصلية كتبت بواسطة nina32

عدت كما وعدتكم

انا شهرية زوجي تسعة ملاين وستمائة ندس منها 4 ملاين كل شهر

هذا هو التقسيم لي راني دايرتو......600 الف منها 300الف ليماه تاع حمامها......عندي زوج بنات 7سنين و3 سنين كل واحدة نديرلها 100الف في الشهر دايرة لكل واحدة كارني دو كناب.......100الف ربي يجعلها صدقة مقبولة كل خطرة نحطها في صندوق المسجد

هو عندو مليون وان كيف كيف كيما هو مصروفنا هو تاع برا وان كل خطرا واش ندير بيها...............

تبقى 7 ملاين قلت كل شهر 4ملاين تروح للتخزين دار مكاش باش نديرو ها ان شاء الله................

تبقى 3ملاين مصروف الدار دايرة كل اسبوع 500الف فيها اللحم الخضرة وكل شي تاع الاسبوع...... تولي 2 ملاين

يبقى مليون رفيطايما تستقاملي 700 الف خطرات قل خطرات اكثر المهم تبقى 300الف تاع لالا الانترنات والتلفون


كل هذا الغاز والما والكهرباء راني متهنية منهم ساكنة في سكنى تاع الخدمة تاع الزوج ديالي الور كلشي عليهم...............


اختي بنت الجزائر الغالية واش رايك بهذا التقسيم الى عندك كاش اقتراح ولا اضافة انا كلي اذان صاغية

تقسيم هااااااايل و عجبني إنك شاملة كل البنود الصدقة و دراهم للبنات للوقت و كذلك تقسيمك في المصروف رووووعة فقط حبيت نسقسيك 4 ملاين تاع التخزين تاع واش يعني واش درت بيها ؟؟؟؟؟

المشاركة الأصلية كتبت بواسطة nina32

اين انت يا اختي بنت الجزائر الغالية راكي مدة ما دخلتيش الركن ان شاء الله المانع خير

وان شاء الله تدخلي عن قريب

سامحوني على التأخير كنت نحوس مانيش في الدار

[بنت الجزاير الغالية]

المشاركة الأصلية كتبت بواسطة شوشو 11

شكرا اختي على الفكرة والمساعدة
حنونتي احسبيلي 3ملاين لعايلة فيها 5 اولاد وفيها كلش تاع المعيشة والكهرباء والنت
على خاطر زوجي هو اللي حاكم المصروف وانا ننقد فيه
وحابة نسيي المسوولية تاع المصروف
انا انتظر رايك
شكرا

المشاركة الأصلية كتبت بواسطة شوشو 11

حنونتي
النت 200 الف والكهرباءومعها الغازفالشتاء 700الف والصيف تنقص شوية
عندنا سيارة ولكن زوجي متكلف بها
جازاك الله خيرا اختي صاحبة العقل المدبر

3 ملاين نقصي منها 200 ألف للنت و 700 ألف للكهرباء و الغاز يعني 900 ألف و 100 ألف للخبز
تبقى 2 ملاين نقصي منهم 400 ألف خضرة كل أسبوع 100 ألف و 400 ألف للدجاج و اللحم و مشتقاته يبقى مليون و 200 ألف 800 ألف للريفيطايمة و 400 ألف للإحتياط كانش حاجة تستحقوها

[بنت الجزاير الغالية]

المشاركة الأصلية كتبت بواسطة معاذ عبدو

راني زعفانة منك بعثتلك موضوعي و ما رديتيثش علي

أكيد راك مخطيء لم تبعث لي أي موضوع

[nina32]

تقسيم هااااااايل و عجبني إنك شاملة كل البنود الصدقة و دراهم للبنات للوقت و كذلك تقسيمك في المصروف رووووعة فقط حبيت نسقسيك 4 ملاين تاع التخزين تاع واش يعني واش درت بيها ؟؟؟؟؟

اربعة ملايين راني غير كيما بديت نلمهم لان شهرية زوجي ماشي ملي تزوجت معاه وهي تسعة ملاين كان ثلث ملاين ونصف كي تزوجنا وكان عليه دين سيارةزمن بعد صار لنا حادث سيارة والحمد الله السيارة راحت رجعنا للصفر

لمينا شوية دارلو حجة للوالد تاعو وراه ناوي يدير حجة للوالدة تاعو ان شاء الله

راني خرجت من موضوعك

اربعة ملاين لي راني ندسها ان شاء للسكن اذا كتب ربي رانا ساكنين في دارالدولة غدوة يكمل الخدمة يقلولو برا حتى عند والديه شمبرة ما عندناش لازم نديرو مستقبل

راني شرحتلك شوية وان شاء الله انا نردلك عن اي تساؤل

[fani09]

السلام عليكم الاخت ميمي
انا عندي طلب ممكن تقولينا مصروف رمضان يعني هذا الشهر واش نسبق نشري فيه يعني شهر جوان
اللحم ام المصروف العادي الاخر
او نصف في شهر جوان والاخر في جويلية

[ميرال النوي]

اختي السلام عليك بعدما قريت تدابيرك الرائعة يبدو ان لك خبرة كبيرة في هذا المجال انا راح نكون عروسة جديدة بعد رمضان هذا ان شاء الله شهريتي مع تاع زوجي جوايه ثمن ملاين و ستمائة الف ربي يجازيك قوليلي كيفاه يمكن نظموا مصاريفنا والباقي نحب نلم باه ندير سيارة لي ان شاء الله ومشكورة مسبقا اختي

[ميرال النوي]

هل من مجيب

[بنت الجزاير الغالية]

المشاركة الأصلية كتبت بواسطة nina32

تقسيم هااااااايل و عجبني إنك شاملة كل البنود الصدقة و دراهم للبنات للوقت و كذلك تقسيمك في المصروف رووووعة فقط حبيت نسقسيك 4 ملاين تاع التخزين تاع واش يعني واش درت بيها ؟؟؟؟؟

اربعة ملايين راني غير كيما بديت نلمهم لان شهرية زوجي ماشي ملي تزوجت معاه وهي تسعة ملاين كان ثلث ملاين ونصف كي تزوجنا وكان عليه دين سيارةزمن بعد صار لنا حادث سيارة والحمد الله السيارة راحت رجعنا للصفر

لمينا شوية دارلو حجة للوالد تاعو وراه ناوي يدير حجة للوالدة تاعو ان شاء الله

راني خرجت من موضوعك

اربعة ملاين لي راني ندسها ان شاء للسكن اذا كتب ربي رانا ساكنين في دارالدولة غدوة يكمل الخدمة يقلولو برا حتى عند والديه شمبرة ما عندناش لازم نديرو مستقبل

راني شرحتلك شوية وان شاء الله انا نردلك عن اي تساؤل

إيه السكنة حاجة محتمة إن شاء الله ربي يكون في عونكم و تديريها و ربي يوفقك حنونة و أي حاجة أو أي استفسار راني هنا

[بنت الجزاير الغالية]

المشاركة الأصلية كتبت بواسطة fani09

السلام عليكم الاخت ميمي
انا عندي طلب ممكن تقولينا مصروف رمضان يعني هذا الشهر واش نسبق نشري فيه يعني شهر جوان
اللحم ام المصروف العادي الاخر
او نصف في شهر جوان والاخر في جويلية

أنا عن نفسي ننقص في هذا الشهر اللحم و الدجاج و اسكالوب و الزيت و المكسرات و القطايف و الزبدة و العوينة و الزبيب و المشمش و التوابل و الفريك و راني نقصت نصهم و مازال الباقي و كل واحدة طبعا حسب ظروفها

[بنت الجزاير الغالية]

المشاركة الأصلية كتبت بواسطة ميرال النوي

اختي السلام عليك بعدما قريت تدابيرك الرائعة يبدو ان لك خبرة كبيرة في هذا المجال انا راح نكون عروسة جديدة بعد رمضان هذا ان شاء الله شهريتي مع تاع زوجي جوايه ثمن ملاين و ستمائة الف ربي يجازيك قوليلي كيفاه يمكن نظموا مصاريفنا والباقي نحب نلم باه ندير سيارة لي ان شاء الله ومشكورة مسبقا اختي

شوفي 8 ملاين و 600 ألف تستعملي منها فقط 2 ملاين و 600 لأنكم في البداية 2 عباد يعني مصاريفكم قليلة
نقولو مثلا 600 ألف للتريسيتي و مليون ريفيطايمة و لحم و مليون منه النت و الباقي مصاريف شخصية مواصلات و دخان أو لا قدر الله طبيب و هذي 2 ملاين و 600 لمدة عام و نص فقط تصرفي بهذي الشهرية تبقالك 6 ملاين من كل شهر لمدة 18 شهر يعني عام و نص تكوني جملت 100 مليون و 8 ملاين حق السيارة و هك تكوني حققت الهدف الأول و من بعد تزيدي شوي في مصروفك من بعد لأنه عائلتك راح تكبر و يجيك مولود و تزيدي 2 ملاين يولي مصروفك الشهري 4 ملاين و 600 و تجملي 4 ملاين الباقية و تحدديلها هدف معين و هك تكوني أحسنت التصرف و خرجت بحاجة مفيدة
نتمنى نكون أفدتك ياختي و ربي يباركلك في رزقك إن شاء الله و يكملك على خير يارب

المشاركة الأصلية كتبت بواسطة ميرال النوي

هل من مجيب

آسفة جدا للإطالة كانت عندي ظروف

[nourline]

السلام عليكم خوتاتي عجبني الموضوع و حبيت نشاركم طريقتي في الصرف انا نروح نقدي كل اسبوع و في بداية الاسبوع ندير لائحة بالاكل الي نتيبو ف الاسبوع و نروح نقدى اللوازم لي نحتاجهم فقط هداك السبوع و هكدا كل اسبوع و في نهاية الشهر و الله ي قعدولي م الدراهم لخصصتهم فقط للاكل نستغلهم في حاجات اخري

[بنت الجزاير الغالية]

المشاركة الأصلية كتبت بواسطة nourline

السلام عليكم خوتاتي عجبني الموضوع و حبيت نشاركم طريقتي في الصرف انا نروح نقدي كل اسبوع و في بداية الاسبوع ندير لائحة بالاكل الي نتيبو ف الاسبوع و نروح نقدى اللوازم لي نحتاجهم فقط هداك السبوع و هكدا كل اسبوع و في نهاية الشهر و الله ي قعدولي م الدراهم لخصصتهم فقط للاكل نستغلهم في حاجات اخري

فكرة مليحة أختي ومرتبة تاني الله ينورك و نتمنى البنات يستفادو من طريقتك أنا تاني مرة جربت نشري بال 15 يوم قضيان و ندير الميني نشري القضيان على أساس واش راح نطيب في هاذيك ال15 يوم كانت أريح بكثير و جربيها أريح حتى من تاع الأسبوع
شكرا لمداخلتك المفيدة مرة أخرى

[nourline]

ايه صح اختي ب 15 يوم تانى مليح مي انا نحب بالاسبوع باش متفسدليش الخضرة و الفاكية بش تقعد فريشكا و كينا صحبتي دير ب الشهر و تخبي كولش فل الكونجيلاتوغ المهم الفكرة لحبيت النوصلها هيا نقدو غير و اش نسحقو و الله كاين ناس يروحو يقظو يحطو 2 ملاين كامل فل القديا تاع الشهر و كي يجو يتبو ميلقاوش و ش يتيبو يلقو روحم حاصلين في اخير الشهر علا خاطر نصف القديا سقايط انا هدى الطريقة سعدتني بزاف انشاء الله تسعدكم

[ام امجد14]

بنت الجزاير حبيبتى ساعدينى راكى عارفة راجلىرايح للعمرة ان شاء الله ساعدينى واش هو المبلغ الى تقترحيه على و كيفاش نضمو
ساعات نقولو 3 ملاين ساعاتنقولو 4 ملاين ساعدينى و انقدينى ربى يعيشك