[QUOTE=.زَيْنْ الْدِيِنْ.;3991429681]
و عليكم السلام ،،،
مرحبا اختي ...
1- الكتب أنا ماشريتش ،، كتابي الأناتومي تجيبيهم من المكتبة ،، كتاب بيوشيمي و آخر فالفيزيولوجي ،،، و ماقريتش بيهم بززاف لكثرة المواد و الوقت مكآآش 
يعني غير كي مانفهمش كاش حاجة نرجعلهم 
كتب السنة الأولى ماتحتاجيهمش ' كونك هانية 
'
2- البرنامج صح طويل و شارجي ،، مي أنا تعبت فالفصل الأول خرجتو ب 17 و خلاص مباعد المورال طالع و العام مضمون يعني كنت نقرا مرتاح ماتعبتش بززاف مآم لاشارج ماكنتش نقرا كل شيئ .... راح ننصحك تجيبي l maximum فالثلاثي الأول ،، لأنو ساهل و الاسئلة اغلبهم QCs يعني خيار واحد صحيح 
مباعد خلاص ...
كون تقراي 3 ساعات يوميا ،، راح تكوني à jours حاجة ماتفوتك 
بالنسبة للمواد اللي ديت فيها نقطة ضعيفة هي الشيمي فالثلاثي الثاني صعيييبة شوي ( جبت فيها 8 )
كـــاين مواد جبت فيهم 18-19-20 و كاين 13-14-15 يعني في هاذ المجال تحت ال10 فالثلاثي الاول ماجبتش ،، الثلاثي الثاني غير الشيمي ،، الثلاثي الاخير حدث و لا حرج ماقريت والو 
بكل بساطة تقدري تجيبي نقاط مليحة بسهولة
3- بكل صراحة كي دخلت كنت حاب نطلع العام برك ،، و النفس ياخي ماتشبعش ،، نلحق لل14 نقول 15 خير مع نلحق لل15 نقول لازم نجيب 16 و من ال16 لل17 و خلاص قنعت ،، هههه
الثلاثي الثاني كنت حاب نتفوق لكنهم قهرووونا و خممت فالنجاح و خلاص 
أما الثلاثي الثالث خدمت عالمعدل السنوي 
النجاح راكم تنجحوا كامل باذن الله ،، يعني اخدمي عالتفوق من البداية خير و خير
4- بالنسبة للمنافسة كاين و كاين ،،، شفنا اللي يتنافسو و شفنا اللي ماهمش سامعين بيها ،، خخخ ،، أنا من النوع اللي يقرا عالمعدل مايهمنيش الترتيب
5- لي فيشي ماتكثريش بزاف ،، اصلا ماراحش تلقاي الوقت ،، غير يلا كملتي البوليكوب 
و زدتي عليه شوي برك
6- السنة الأولى الحاجات اللي فيها ماراحش تحتاجيهم بززاف ،، الطب تاع الصّح يبدا فالسنة 3 ( يقولوا )
ميغسي بوكو الأخ زين الدين ,,,,,
مي قلتلي الكتب تجيبيهم من المكتبة ..مالا نبدا نديهم و نرجعهم هكا؟؟ صحا شحال يبقاو عندي ؟؟
و بالنسبة للقراية يعني تقدر تقرا وحدك بلا ما يعاونك حتى واحد ؟؟ مثلا انا كي كنت فاليسي نقرا وحدييي و نجيب 16 ؟؟؟
و واش حكاية لي كور اللي سمهت بيها ,,قالو كاين اللي يبداو يديروهم فالسنة 1 ؟؟؟؟
و اخر حاجة سيلvوبلي ,, نتا كي درت طب آآآآآسكو كنت داير في بالك بلي القراية صعيبة و كلش يعني انا ما نكدبش عليك راهي تبانلي نوغمال ,,,نبدا ندير مجهودي و حتما راح ندي حقي ,,,ولا راني غالطة في تخمامي ,,,,أنا دي فوا كي نلقا الناس يسقسو و يهدرو يخلعوني نحس هااد الطب مانيش عارفة كيفاه ,,,,فهمني في هادي بليييييز
و ربي يوفقك و يجازيك خير 
( تقرير عن مشاركة سيئة )، و الموجودة أسفل كل مشاركة .
2014-08-06, 13:57
العرض العادي
