من لديه مثل شعبي جزائري فليتفضل مشكورا

[ferdjioua sabaaaaah]

شووف هذ المثل كيفاه قاوي
اللي تحلفو فيه الرجال يبات راقد و اللي تحلفو فيه النسا يبات قاعد

[ايمن جابر أحمد]

-غابت الطيور و عشات الهامة تدور
2- الطمع يخسر الطبع و لي ماهو ليك غير يعييك
3-خيرها في غيرها
4-انا باللقمة لفمو و هو بالعود لعيني
5- لي نعطيه لجارتي نديرو في حنجارتي
6- سبعة عظام ما هم تظيقة
7-من عندي ومن عندك تنطبع و الا غير من عندي تنقطع
8- انا نقولك سيدي و انت اعرف قدري
9-ما خص العمية غير الكحول
10- حمار حماري و ركابي من رول
11- المندبة كبيرة و الميت فار
12-الي متغطي ب تاع الناس عريان
13-النار تجيب الرماد
14-لي في كرشو التبن يخاف من النار
15-رضيت على الهم ما رضى عليا و بيتو عند راسي اصبحلي عند كرعيا
16-انا نعون في قبر امه و هو هاربلي في الفاس
17-في عرس الناس رقاص و في عرسه نعاس
18-يقول لا و يموت بالعلة
19-ضربني و بكى و سبقني و اشتكى
20-تعيا العين تكبر و يجي الحاجب فوقها
21-معرفة الرجال كنوز
22-الكرش شكارة و رباطها العقل
23-النفخة خير من الطعام
24-خفيف الرجل يتمل و لو كان مرايا
25-يعيا المداد و ما يعيا الشداد
26-الحر بالغمزة و البرهوش بالدبزة
27-وجه الخروف معروف
28-عين الشاري تجي حمرة
29-الا مات ولد السلطان عزي و الا مات السلطان ما عندك فتعزي
30- يتعلمو الحسانة في راس اليتامى
31- العقبة في وجهة الحباب حدورة
32- الي يجني بالسباط انجيه بالحفى
33-خوك خوك ولا يغرك صاحبك
34- الحجر الصحيح ما يديه الريح
35- ما يبقى في الواد غي حجارو
36_سطيحة فوق سطيحة فريها ولا نعطيك طريحة

[الحشادي]

الي خانو سعدو يقول بيا سحور

[شريف اصيل]

لكل سقوط لقوط

1. عمرو الماء ما يطلع العقبة

• كل شاه معلقة من عرقوبها
• المذبوحة تضحك على المسلوخة والمقطعة شابعة ضحك
• خوك خوك لا يغرك صاحبك
• ادي بنت العم حتى لو بارت وادي الطريق المسقمة حتى لو دارت
• الحمية تغلب السبع

[abdou6]

اللي عقدها بيديه يفكها بسنيه

[دمعة راحلة]

اللي بغا الشبح مايقول اح

[ferroum80]

ما يبقي في الواد غير حجارو

[touhi222]

نوصيك يا واكل الراس في البير ارمي اعظامو .العب و اصحك مع الناس و فمك متن لجامو

[حمو عبد الكريم]

السلام عليكم
تزخر الجزائر بموروث لفظي عجيبب يستحق العناية والاهتمام، ولعل اللهجات المتنوعة لدليل على ذلك.
فكل اقليم له ميزة مختلفة عن الاقليم الاخر.
اقول مثل:
اللي قرساته اللفعة يخاف من الحبل.
مادرتش ماتخافش.
ماتضرب حتى تقرب وما تصحب حتى تجرب............

[imane8814]

لي ماعندو نسيب يروح يسيب

[bilall19]

مثال شعربي يقول كي يجي مول التمر مولى البلوط يقلى

والف شكرا على الموصوع القيم

[جزايري مان]

لي امو فلبيت ياكل الخبز والزيت ولي امو البر ياكل ضر
الدنيا بالوجوه والاخرة بالفعايل

[avolina]

المندبة كبيرة والميت فار
الخاين شكاك والمجراب حكاك

[قَاسِمٌ.قَاسِم]

المضعورة ما الحبل تدوى

[قَاسِمٌ.قَاسِم]

ما كم من قمحي ما ني من تبنكم