الفري كاسي من مطبخي * جربي و لن تندمي*

[أم عبد الله السلفية]

السلام عليكم

بسم الله الرحمن الرحيم

اليوم جبتلكم الفري كاسي من مطبخي صورتهم عندي أيامات و كل يوم نقول نحطهم و الله غالب ربي ما سهلش
هاذ الكيفية تعلمتها من قناة سميرة و عندي مدة و أنا معتمدتها نديرها مقبلة في رمضان أو ندير عشا خفيف أنا و زوجي علاخاطر زوجي يحبها و هاذ ليمات قالي ديريهالي قلت مالا نصورلكم المراحل.

لتحضير العجينة. 500غ فرينة
بيضة
علبة ياوورت عادي صغيرة
ملعقة أكل خميرة الخبز
ملعقة أكل سكر
2 ملاعق زيت
ملح
ماء دافئ




الكيفية: نخلط كل المقادير مع بعض و نلم العجينة بالماء الدافئ حتى نتحصل على عجينة طرية و ليست يابسة
ثم نعجنها قليلا فوق سطح العمل المرشوش بالفرينة ثم نتركها ترتاح حتى يتضاعف حجمها.





هنا نذهب لتحضير الحشو:
حبة بطاطا كبيرة مقطعة مكعبات صغيرة مسلوقة أو مفورة
حبة طماطم صغيرة مقطعة مكعبات
حبة بيض مسلوق و مبشورة أو مقطعة قطع صغيرة
حبة بصل مقطعة مكعبات صغيرة و الأفضل البصل الطويل
علبة طونة زيت
قليل من المعدنوس مقطع رقيق
زيتون أخضر مقطع شرائح
زيتون أسود مقطع شرائح
فرماج الكمية التي تحبين و النوع الذي تحبين أنا أحب شاف ندير نصف العلبة إلا إذا كانت الكمية أكبر.
رشة عصير ليمون و قلييييل من الملح إذا أنت أردت المزيد أنا لا أضيف لأن البطاطا مملحة و أيضا الزيتون







نرجع للعجينة بعدما تخمرت

نبسطها على سطح عمل مرشوش بالفرينة بالحلال على سمك نصف سنتمتر و الحجم اي تردين صغير أم كبير

و اليوم أحضرتلكم حجمين صغير و كبير








أنا كي نحضرها كمقبلة في رمضان نديرها صغيرة و كي نديرها عشا وحدها عشا خفيف نديرها شوي كبيرة
و أيضا تصلح للرحلات تغلفيها بالألمنيوم و تتمتعي بأكلة لذيذة و نظيفة و خفيفة.


بعدما تقطعي الحجم الذي تريدين ضعي الدوائر تخمر في صينية مرشوشة بالفرينة و غطيها.





بعد ما تخمر ديري المقلة تسخن طبعا فيها الزيت و ابدئي بالقلي
كي تهزي الدائرة هزيها بلطف باه ما تتفشش و تجي فارغة من داخل





و كي تحطيها في المقلة مباشرة حطي عليها زيت سخون باه تتنفخ



اقليها من الجيهتين حتى تحمار شوفي






هنا خلاص قليتهم مازال ما حشيتهمش



و كي تكملي افتحيها بالمقص نصف الدائرة فقط شوفي كيفاه جت فارغة و ريحتها لا تقاوم



خلطي الحشو نتاعك






و احشيهم





و هاذي الصورة النهائية للحجم الكبير






و هاذي للحجم الصغير الصحن راه تاع رمضان الي فات خبيتلكم الصورة









و أخيرا نقلكم ما تنسونيش بالدعاء لي بالذرية الصالحة

و انتظروا المزيد من الوصفات ان شاء الله

السلام عليكم