شبه طبي ام مدارس عليا ؟

[Amira.12]

اخاوتي قولولي على شبه طبي ربي يخليكم لازم نفس الولاية الي نسكنو فيها وواش هو احسن تخذير ولا قابلة واحسن معهد في الدراسة واقامة

[nadjet boumaraf]

أكـــــــــــــــــــيد مدارس عليا بدون منازع

[Amira.12]

اخاوتي فيدوني بررك على شبه طبي واحد لا عندو معلومات

[كلي امل ان شاء الله]

واش تحبي تعرفي على الشبه الطبي راني نفيدك
اسالي وانا نجاوبك

[Amira.12]

المشاركة الأصلية كتبت بواسطة كلي امل ان شاء الله

واش تحبي تعرفي على الشبه الطبي راني نفيدك
اسالي وانا نجاوبك

واش احسن تخصص فيه ؟؟ وماهو معدله هذا العام ؟؟ انا شعبة رياضيات معدلي 13.21 نصحوني بالتخذير وقابلة

[كلي امل ان شاء الله]

المشاركة الأصلية كتبت بواسطة amira.12

واش احسن تخصص فيه ؟؟ وماهو معدله هذا العام ؟؟ انا شعبة رياضيات معدلي 13.21 نصحوني بالتخذير وقابلة

يا ختي كل واحد يبانلو التخصص نتاعو احسن
انا مقتنعة بالتخصص نتاعي ( اشعة ) و كون يدور الزمان راني ندير نفس التخصص والله العظيم
المعدل هاذ العام يتوقف على العدد لي تقدم للتسجيل و الاماكن الشاغرة لي تمدهم مديرية الصحة لانو العدد محدد
يعني تقولهم خصني 6 راديو و 8 لابو و 120 فرملي خلاص اصحاب المعدلات الكبار يدو واش حبو و تما يلعب المعدل الدور نتاعو
ولي معدلو خايف مايجيبلوش تخصص ماعليه غير يدير ممرض باش يضمن مكان فالباراميديكال و خلاص
لانو ممكن واحد عندو 13 ولا 14 اختار تخصص و كان العدد خلاص ممكن يرفضوه و واحد مول 11 ولا 12 دار ممرض و كان العدد مزال راهم يقبلوه
التخدير حنا ماعندناش هاذ التخصص ... قالولي عليه مليح لكن زيدي سقسي لاني سقسيت عليه قالولي كون تزيدي لادوز للمريض غير شوية ممكن يرقد ماينوضش بعيد الشر .. يعني لازم تكوني حذرة بزاف لكن كون كان عندنا هاذ التخصص كنت نديرو ممكن
قابلة انا ماحبيتهاش مانحملش الدم كيما قلتلك فالموضوع الآخر نتاعك راني فهمتك باختصار على التخصصات يعني نظرة عامة تاع وحدة عاشرت كل الفئات جاوبتك روطار راكي حاصية راني مع القاطو ههههههههههه

[minachou]

أختي على ما أظن تقدري غير في الولاية الي تسكني فيها ..

[Amira.12]

المشاركة الأصلية كتبت بواسطة minachou

أختي على ما أظن تقدري غير في الولاية الي تسكني فيها ..

هيه شكرا اختي

[مريم القايسية]

وهل معدل 12.60يسمحلي نختارها

[Amira.12]

المشاركة الأصلية كتبت بواسطة مريم القايسية

وهل معدل 12.60يسمحلي نختارها

والله يا اختي على حسب واش فهموني هنا خاوتي ربي يجازيهم خير ممكن وهذا على حسب الولاية كل وحدة وين تحبس

[مريم القايسية]

المشاركة الأصلية كتبت بواسطة amira.12

والله يا اختي على حسب واش فهموني هنا خاوتي ربي يجازيهم خير ممكن وهذا على حسب الولاية كل وحدة وين تحبس

مشكورة اختي والله املي الوحيد هو الشبه طبي خاصة بعد صدمة المعدل اللي متوقعتوش خلاص ...

[si.si810]

السلام عليكم ورحمة الله تعالى وبركاته
انا ندرس قابلة سنة ثالثة رايحة نحاول نعطيك معلومات على شبه الطبي اولا القابلة رجعوها تدرس 5 سنين وحسب واش قالونا هي الان ليست في مجال الشبه الطبي رجعوها في مجال الطبي و échelons فهو 13 اما التخصصات الاخرى فالشبه الطبي فالدراسة 3 سنوات وبخصوص echelons فهو نظن 12 يعني القابلة تخلص اكثر من التخصصات الاخرى اما في خصوص السؤال نتاعك على تخدير في 2012 كلشي بدلوه باش ديري تخصص التخدير لازملك تقري 3 سنوات على اساس ممرض للصحة العمومية و تكون من الأوائل ثم تخدم عامين من بعد تقدر تفوت للكونكورنتاع ممرض مختص في التخذير ولا الكونكور نتاع ممرض غرف العمليات الجراحية ( مساعد جراحي ) وعلى حساب المعدل نتع الكونكور يعني لي جابها الاول يخير واش يحب والثاني تاني وهي رايحة وعلى حساب عدد المناصب يعني انتي و زهرك يا اما تصحلك تخدير يا اما متصحلكش اما فيما يخص سؤالك عن التسجيل يكون في الولاية نتاعك انا نعرف ناس سجلو في ولايات وحدخرين بصح راكي عارفة عندهم معرفة صحيحة ومكانش مسابقة هي تحطي ملف التسجيل نتاعك وعلى حساب عدد المناصب وعلى حساب المعدلات العام لي فات القابلة حبست في معدل 14,30 في هاد الحدود في تلمسان انا العام لي دخلت نقرا فيه كانت كاينة 3 معاهد فقط للقابلات كانت في تلمسان وعنابة وتيزي وزو ولكن العام لي فات غيرو كلشي واي اسئلة اخرى راني اهنا نعاونك

[Amira.12]

المشاركة الأصلية كتبت بواسطة si.si810

السلام عليكم ورحمة الله تعالى وبركاته
انا ندرس قابلة سنة ثالثة رايحة نحاول نعطيك معلومات على شبه الطبي اولا القابلة رجعوها تدرس 5 سنين وحسب واش قالونا هي الان ليست في مجال الشبه الطبي رجعوها في مجال الطبي و échelons فهو 13 اما التخصصات الاخرى فالشبه الطبي فالدراسة 3 سنوات وبخصوص echelons فهو نظن 12 يعني القابلة تخلص اكثر من التخصصات الاخرى اما في خصوص السؤال نتاعك على تخدير في 2012 كلشي بدلوه باش ديري تخصص التخدير لازملك تقري 3 سنوات على اساس ممرض للصحة العمومية و تكون من الأوائل ثم تخدم عامين من بعد تقدر تفوت للكونكورنتاع ممرض مختص في التخذير ولا الكونكور نتاع ممرض غرف العمليات الجراحية ( مساعد جراحي ) وعلى حساب المعدل نتع الكونكور يعني لي جابها الاول يخير واش يحب والثاني تاني وهي رايحة وعلى حساب عدد المناصب يعني انتي و زهرك يا اما تصحلك تخدير يا اما متصحلكش اما فيما يخص سؤالك عن التسجيل يكون في الولاية نتاعك انا نعرف ناس سجلو في ولايات وحدخرين بصح راكي عارفة عندهم معرفة صحيحة ومكانش مسابقة هي تحطي ملف التسجيل نتاعك وعلى حساب عدد المناصب وعلى حساب المعدلات العام لي فات القابلة حبست في معدل 14,30 في هاد الحدود في تلمسان انا العام لي دخلت نقرا فيه كانت كاينة 3 معاهد فقط للقبلات كانت في تلمسان وعنابة وتيزي وزو ولكن العام لي فات غيرو كلشي واي اسئلة اخرى راني اهنا نعاونك

شكرااا اختي تقدري تفيديني بخصوص تخصص تدليك

[sam-ka]

السلام اخي الا بغيت ندير مدرسة متعددة التقنيات نختار مدرسة تحضيرية ؟؟ يعني الالتحاق ليس مباشر
و التخصصات لي نديرهم من بعد وينه الاحسن و على اي أساس يعطوهلك

[algerino1212]

المشاركة الأصلية كتبت بواسطة sam-ka

السلام اخي الا بغيت ندير مدرسة متعددة التقنيات نختار مدرسة تحضيرية ؟؟ يعني الالتحاق ليس مباشر
و التخصصات لي نديرهم من بعد وينه الاحسن و على اي أساس يعطوهلك

و عليكم السلام و رحمة الله تعالى و بركاته أخي الكريم

أما عن المدرسة المتعددة التقنيات فيوجد ثلاث هي قسنطينة، الجزائر، وهران

نعم عليك اختيار الأقسام التحضيرية عنابة ، قالمة، تلمسان، وهران ،العاصمة أو عن الطريق اختيار الأقسام المدمجة في المدارس المتعددة التقنيات و العليا الأخرى مباشرة مثلما تجدها في الخيارات

أما عن التخصصات التي يمنحوك اياها فهي كثيرة، و الأساس المتخد في منحك التخصصات هو الترتيب نتاعك في الكونكور لي ديروه في السنة 2 ( كونكور وطني خاص بالأقسام التحضيرية)

بالتوفيق.