واش طيبتي اليوم?الجزء92 كواليس عيد الاضحى***

[سميحة 01]

[IMG][/IMG]
[IMG][/IMG]

بسيف لطلعولي الصور ما قدرتش نديرهم في رد واحد

[السيدة كرمين]

صباح الخير لحراير
مبروك لعتبة الجديدة
وش اخباركم؟

[طالبة الجامعة]

السلام عليكن واسعدتن صباحا
مبروك افتتاح الكوزينة

[Aya69]

صباح الخير عليكم ومبروك كوزينة حبيبتي بيبا ان شاء يجعلها فاتحة خير علينا يارب
لي عودة بالباروك ان شاء الله

[Aya69]

يادرى وش غداكم ليوم انا راني نستنى في راجلي يقطع لي جزرة ذبحنا غير لبارح

[أم ياسين الزهراء]

صباح الانوار

كوزينا مربوحة والف مبروك بيبا

لي عودة

[touta2010]

صباحكم سعيد وعيدكم مبارك وكل عام وانتم و عاءلتكم بالف خير وينعاد علينا وعليكم باليمن والبركات
الف مبروك لافتاح المطبخ
لبنات منقدرش ندخل هذه الايام راني مريضة ادعولي

[kaouka]

صباح الخير يا حلوين وش نوين الغداء بلك ندير السﻻوي

[kaouka]

صباح الخير توتة صح عيدك كل عام وانتي بخير ربي يشفيك توتة وش جاك لوحم وعر بشوي على روحك

[biba04]

أَصْبَـحْـنا وَأَصْبَـحْ المُـلكُ للهِ رَبِّ العـالَمـين ، اللّهُـمَّ إِنِّـي أسْـأَلُـكَ خَـيْرَ هـذا الـيَوْم ، فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ، وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه.

[biba04]

ام ملك مشكووورة والحلوى تهبل والطمينة ممممممممممم
ام بيسان في اقرب وقت نبعتلك صورتها
امنيات يبارك فيك حنونة
سميحة ياشاطرة الحلويات تحفة ياريت والوصفة الصورة الاولى
سيدة كارمن وطالبة الجامعة اسعد الله صباحكم
اية يبارك فيك الغداء مزال ماخممتش وش ندير وش ندير في رايك؟؟؟؟؟شواء ههههههه
صباح الخير توتة ربي يشفيك ويعافيك
صباح النور kaouka

[أم ضياء عبد الرحيم]

صباح الخير عيلكم كامل اختي بيبا مبروك الكوزينةالجديدةربي يجعلها فال خير علينا كامل
عندي خبر ميش مليح للاسف كنت حامل و رميت fausse couche غضبت غضب شديد حتى سقط الحمل نفسيتي تعبانة توحشت امي وما حبيتش نهدرمعاها في الهاتف تتقلق وهي مريضة و مالقيت مع من نحكي الغربة صعيبة بزاف
بنات حبيت تدعيولي معاكم في هذه الايام المباركة ربي يفرج همي و يبعد عليا كل من اراد بي سوء

[om kamilia]

السلام عليكم ورحمة الله وبركاته صباحكم سعييييد ومبارك عيدكم ان شاء الله لعقوبة للعام الجاي, حنا ماذبحناش برك راجلي ذبح تاع قريبتو للصدقة و نحا لنا الزليف, والكرشة و الكبدة وشوية من اللحم و البارح رحت لدارنا وليييت وتعشنا كسكسي , لا ريحة العيد كل واحد وحدو كما الغربة و موالفة عجوزتي تعرضن ثاني يوم هذو عامييين لا لا انا كنت نعطي لهم من هذاك تاع الصدقة و نجوزو لعشية بالشواء هما لا واحد عيطلنا ولقيتهم في الليل دارو سهرية ,قو لو لي ياناس هاذي عقلية تقدرو تعيشو معاها, نبكي ,حسيت بلي ماشي فرد معاهم , يهدرو و يمنشرووو عليا وفي وجهي يضحكو لي, علابيها حبيييت نخدم ام مااااجد عقليتهم لي مرضتني

[أم ضياء عبد الرحيم]

صباح الخير ام كاميليا ادخلي للدردشة

[oumadoumawayouta]

صباح الخير
مبروك الكزينة
جيدة وش نقولك متزدتش تزعفي مش مليح كي تكوني فاليمات لولا تع الحمل
درك فاتت لازم تروحي طبيب وتسعف روحك
راني جزت أنا ثاني درت فوس كوش وراهي تعب أكثر من زيادة
لازم تريح وتبعدي الى كامل صوله ليزعفك