= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ =

[* عبد الجليل *]

ان شاء الله يا العزيزة بارك الله فيك ربي يخليك ديما منورتنا بردودك الطيبة العطرة

[yacine-08]

الله يحفظكم و يستركم اخي عبد الجليل و الاخت سطايفية

جمعة مباركة لكما

في بالي ماغاديش ندخل لراتراباج ، لانه على غير العادة لم تكن هناك مقاييس صعبة المراس و نحن طلبة الكلاسيك درسنا اغلب المقاييس التي تدرس حاليا في الماستر و كانت لدينا فيها une base مليحة من حسن حظنا ، على العموم حتى اغلب الطلبة نتائجهم كانت جيدة .

ديلبيراسيون مازال و الراتراباج على حساب ما سقسيت قالولي حتى وراء العطلة لاصحاب الماستر ، دايما روتار على اصحاب الليسانس .

على العموم السوماستر التاني لم ادخل له بعد بكامل قواي الفكرية حتى بعد العطلة ان شاء الله رانا نحضروا فقط فوق الخاطر حتى الاساتدة اغلبهم لا يأتوا .

لان الامتحانات استنزفت طاقتي وانتضر العطلة لكي نروح شويا ونبدلوا الجو ..

[سطايفية بكل فخر]

الحمد لله انو مراحتش قرايتكم تاع لكلاسيك باطل واستفدتو منها هدا العام
+
حنا ايضا خلاو الراتراباج بعد الامتحان
+
والله عندك حق الامتحانات جعلت قوانا في الاسفل انتم على الاقل مزلتو مبديتوش شوف لحالتنا حنا يوم الاحد انتيرو
ادعيولي معاكم ربي يقويني

[yacine-08]

.................................................. ....................

[سطايفية بكل فخر]

لانكم اخوتي ووجب علي تنبيهكم للقوانين حتى لا تتعرضوا للمخالفات دون علمكم
شكرا لك للتعديل

[yacine-08]

.................................................. ...................

[سطايفية بكل فخر]

بالمناسبة اخي ياسين هل لديكم دوكتوراه في تخصص او حلوهالكم في جامعة غير جامعتكم

[yacine-08]

المشاركة الأصلية كتبت بواسطة سطايفية بكل فخر

بالمناسبة اخي ياسين هل لديكم دوكتوراه في تخصص او حلوهالكم في جامعة غير جامعتكم

في جامعتنا لم تفتح دوكتوراه ال لام دي

لانه هناك شروط يجب ان تتحقق لـ تأطيرها منها وجود بروفيسور في المادة و يكون متفرغ ..... الى غير دلك

و تخصصي تسيير تخصص مالية ..... هو اكتر تخصص يفتح فيه الدوكتوراه وماجيستير و كل شيئ

ليس هناك جامعة ليس لديها تخصص تسيير ودائما اعدادهم تكون اكتر من التخصصات الاخرى

ببساطة لانه يسهل ايجاد عمل .... المهم هدا التخصص ليس فيه مشكلة في الدوكتوراه لان هناك كترة في الاستادة في الاختصاص كما هناك اقدمية لـ الاختصاص ليس متل بعض التخصصات التي ظهرت في مدة قريبة ...

مع دلك سنطالب بفتح دوكتوراه في جامعتنا لكي يكون الحظ اوفر اكبر للمرور الى الخطوة التالية بعد الماستر ...

[* عبد الجليل *]

ربي يحفظكم وينجحكم يا اخوتي الكرام

[سطايفية بكل فخر]

تقريبا الجامعات الاخرى تفتح للطلبة الخارجيين 5 بالمئة من مقاعدها يعني الاولوية لطلبتها الا في التخصصات دات التسجيلات الوطنية وهنا متتحددش النسبة ولي يكلاسي ينجح وهدا واش راهو صاري في معهدنا للاسف الطلبة نتاوعو خرجوهم لانهم مكلاساوش وتاع الولايات الاخرى دخلوهم لانهم كلاساو
+
نظام ال م د اخي مداير الا للفئة دات النفس الطويل لانو الانتقال من مرحلة لمرحلة يقلو فيه عدد الطلبة ويبقى غير لي قرا صح
وبين قوسين في بلادنا مداير لصحاب المعريفة وليكراك هدا مكان لباقي ليسانس او ماستر ادا صحلو وروح تروح
وانت ادرى بهدا مني لانك علابالك بقصة لكلاسمون

[سطايفية بكل فخر]

جيد ادا ربي يوفقك اخي ياسين وطيرلك بلاصة

[شـــهاب]

السلام عليكم و رحمة الله
اخواني و الله هبلنا نظام ل م د ،
كما تعرفون الأسبوع الأخير هذا و بعده العطلة ،
و بعد العطلة مباشرة عندنا راتراباج ،
و حتى الأن عندنا 4 مقاييس ما أفيشاوش ، و عندنا مقياس ما درناش فيه الامتحان ،
و زيد الأسبوع هذا كاين اضراب للأساتذة لمدة 3 أيام ،
وقتاش الأفيشاج ، ووقتاش نديرو الامتحان اللي ما درناهش ، ووقتاش يافيشي ، ووقتاش الديليبيراسيون ،
و كيفاه نعرفو رواحنا اذا دخنا راتراباج أو لا !!
و الله العظيم حرنا مع هذا النظام ؟؟

[سطايفية بكل فخر]

المشاركة الأصلية كتبت بواسطة معسكر الجحيم

السلام عليكم و رحمة الله
اخواني و الله هبلنا نظام ل م د ،
كما تعرفون الأسبوع الأخير هذا و بعده العطلة ،
و بعد العطلة مباشرة عندنا راتراباج ،
و حتى الأن عندنا 4 مقاييس ما أفيشاوش ، و عندنا مقياس ما درناش فيه الامتحان ،
و زيد الأسبوع هذا كاين اضراب للأساتذة لمدة 3 أيام ،
وقتاش الأفيشاج ، ووقتاش نديرو الامتحان اللي ما درناهش ، ووقتاش يافيشي ، ووقتاش الديليبيراسيون ،
و كيفاه نعرفو رواحنا اذا دخنا راتراباج أو لا !!
و الله العظيم حرنا مع هذا النظام ؟؟

روح للادارة وسقسي لانو جامعة ماهي زي اختها ممكن ياخروهلكم او يافيشيولكم هدا الاسبوع

[شـــهاب]

الادارة غير مسؤولة عن الأفيشاج ،
اذا أعطاهم الأستاذ يافيشو ، و اذا ما أعطاهمش يقولو ما علابالناش ،
+++الراتراباج ما نظنش يأجلوه ،
حتى العام الماضي معدلات السداسي الأول أفيشاوها في 5-6 جوان ،
و هذاك الأسبوع كان انطلق الراتراباج للسداسي الأول ، و كاين ناس دخلوا الراتراباج وكانوا مخرجين السداسي ،

المشكلة الأن هو الاضراب الذي سيكون لمدة 3 أيام
سيتعطل كل شيء

[سطايفية بكل فخر]

احسن حاجة اخي روح للاساتدة نتاوعكم وحاولهم يمدولك لانوت نتاعك هكا باش تعرف روحك دخلت او لا