واش طيبتي اليوم؟؟الجزء 03

[أم محمد تاج]

صباح الخيرات والليرات على أحلى صبايا المنتدى الغالي

[natacabell]

المشاركة الأصلية كتبت بواسطة أم ماجد

صباح الخير عليكم كامل ان شاء الله نهاركم زين ومبارك وزاخر بالأطباق الشهية

sbah el khire ya oum majed nchalah tkouni rayahti chwiya labess alik inchaalah

[natacabell]

المشاركة الأصلية كتبت بواسطة ام اماني77

صباح الخيرات على الجميع
مبروك افتتاح الجزء الثالث لعقوبة للجرء100
نقولكم يعطيكم الصحة ياحراير الجلفة اطباقكم تشهي يعطيكم الصحة كاااامل ةربي يدومها نعمة
اختي الهام راني نقرا ونضحك صراحة دمك عسل ياعسل ربي يرزقك الزوج الصالح عاجلا غير اجل ويعطيك على قد نيتك ياطيوبة
غالياتي ام ماجد،ماري ربي يشفيكم ويعافيكم
اختي ام ابراهيم حلويات هايلة فقط بالنسبة لحلوى المناديل باه تجيك مورقة مليح لازم تفرغي عليها كمية سمن مليحة كي شغل تقليها في الفرنمن بعد كي تطيب تتخلصي من السمن الزائد
قلت ماندخلش بيديا فارغين جبتلكم قاطو الجلجلانية بالبيمو امممممم

عن قرب امممممممم

https://

إضغط هنا لرؤية الصورة بحجمها الطبيعي.



راني حطيتها موضوع وهذا الرابط
https://www.djelfa.info/vb/showthread.php?t=1245425
بصحتكم واش طيبتو للغداء انا مازلت نخمم واش نطيب

mmm l gateaux hayel yatik esaha ya oum amini
ana lyoum ndire nchalah spaguetti bel margez hada wech sabt ndire

[أم محمد تاج]

حبوبتي الهام خسارة هاذا هو الأسبوع اللخر تاعك حنونة راح نتوحشوك بزاف بزاف بزاف ووعدتك نحطلك البيون تاعي ولي سوفلي تاعي البارح جاو قريحة عطلوني الضياف جاو على فجأة وأنا فت خمرتهم مالا خدمتهم خدمة واش عندي فيك هههه المرة الجاية نسرق شكل لينا فرات ههههه وهام ليك الصور ليك وللصبايا:

[إلهام07]

المشاركة الأصلية كتبت بواسطة ام لقمان02

صباح الخير حبايب النات راه ثقيل بزاف شوف هذ البسبوس تاع منبعد نراجع دروس [IMG]httphttps://img708.imageshack.us/img708/5433/image0159z.jpg://[/IMG]

ماخرجتش الصورة

[natacabell]

المشاركة الأصلية كتبت بواسطة أم محمد تاج

حبوبتي الهام خسارة هاذا هو الأسبوع اللخر تاعك حنونة راح نتوحشوك بزاف بزاف بزاف ووعدتك نحطلك البيون تاعي ولي سوفلي تاعي البارح جاو قريحة عطلوني الضياف جاو على فجأة وأنا فت خمرتهم مالا خدمتهم خدمة واش عندي فيك هههه المرة الجاية نسرق شكل لينا فرات ههههه وهام ليك الصور ليك وللصبايا:

mmmm hata el bouyoun thaftih yatik esaha kan ghire jit m3ahoum difa ana taniyatik esaha hanouna

[أم محمد تاج]

المشاركة الأصلية كتبت بواسطة natacabell

mmmm hata el bouyoun thaftih yatik esaha kan ghire jit m3ahoum difa ana tani:d:dyatik esaha hanouna

الله يبارك فيك حنونة يالوكان مانزوقوش ماياكلوهش ولادي وراكي تعرفي البويون والفوائد تاعو تسلمس ختي وشكرا لك

[souma.f]

صباحكم طيب و نهاركم سعيد يا حراير المنتدى راني جيت و جبتلكم باه تفطروا
هيا تفضلوا و قولولي رايكم راني عاودت درت البراج اليوم راهو دخول الربيع 21 مارس زيد راه عيد الأم
صح عيدك يا أمي و كل أمهات منتدى الجلفة و لعقوبة ليا ان شاء الله نولي أم



و هذه الورود لكن يا أمهات منتدى الجلفة

[أم ماجد]

تسلمي ام محمد شكرا ناتاسابال علي سؤالك
الهام ردي علي ولا نجي مع عائلتي نهجم عليك ههههههههههههه

[souma.f]

حبيبتي الهام وين راح تروحي و علاه هذا هو آخر يوم يا ختي المطبخ هذا بلا بيك يولي كئيب
ما تخلينيش نروح لجاك المرسول و نبعثلك رسالة...........هههههههههههههههه

[كوزينة هديل]

المشاركة الأصلية كتبت بواسطة touta2010

هديل وصفة القاطو تاع شكولا من فضلك

صباح النور كامل لبنات

أختي توتة سمحيلي هاذا وين قريت

هاكي الرابط راني درتو في قسم الحلويات

https://djelfa.info:8080/vb/showthread.php?t=1245211

اتمنى أنك جربيه لخاترش بزاف بنين

[إلهام07]

المشاركة الأصلية كتبت بواسطة أم محمد تاج

حبوبتي الهام خسارة هاذا هو الأسبوع اللخر تاعك حنونة راح نتوحشوك بزاف بزاف بزاف ووعدتك نحطلك البيون تاعي ولي سوفلي تاعي البارح جاو قريحة عطلوني الضياف جاو على فجأة وأنا فت خمرتهم مالا خدمتهم خدمة واش عندي فيك هههه المرة الجاية نسرق شكل لينا فرات ههههه وهام ليك الصور ليك وللصبايا:

هههههه ، الشعب نتاعنا ماحبش يتربى ، راكم تلاحظو باللي ضيافنا كامل ضياف نتاع الغفلة
المهم ، أنا عجبني زواق نتاع البويون ، رووعة ، قوليلي هاذيك كرام فراش ؟
بصح السوفلي يبان مليح ماعليهش

[أم محمد تاج]

المشاركة الأصلية كتبت بواسطة إلهام07

هههههه ، الشعب نتاعنا ماحبش يتربى ، راكم تلاحظو باللي ضيافنا كامل ضياف نتاع الغفلة
المهم ، أنا عجبني زواق نتاع البويون ، رووعة ، قوليلي هاذيك كرام فراش ؟
بصح السوفلي يبان مليح ماعليهش

حبيبتي هذيك مايش كرام فراش راهي صوص تاع الفرماج وهي كاتالي: حبيبتي ضربي 4 فرماجات مع فنجال حليب وعصرة قارص وسنينة ثوم وملح وفلفل أسود خبطي باشوي في الميكسور وانت تحكمي في لخثارة تاعها على خاطر دقيقة تجمد وتولي مايوناز لازم تخليها جارية باه تقدري تزوقي بيها:d:d:d:d:d:d:d:d:d

[إلهام07]

المشاركة الأصلية كتبت بواسطة أم ماجد

تسلمي ام محمد شكرا ناتاسابال علي سؤالك
الهام ردي علي ولا نجي مع عائلتي نهجم عليك ههههههههههههه

هههههههههه ، خوفتيني ، لالا ماشي مارديتش ، عندي خدمة بزاف لا خاطر هذا آخر يوم عمل ، لازم نخلص كل شيء قبل 12 ومازال ماحطيتش موضوع نتاع التطبيق ، راني عدت نطبق ونتكاسل نحط التطبيقات نتاعي

المشاركة الأصلية كتبت بواسطة souma.f

حبيبتي الهام وين راح تروحي و علاه هذا هو آخر يوم يا ختي المطبخ هذا بلا بيك يولي كئيب
ما تخلينيش نروح لجاك المرسول و نبعثلك رسالة...........هههههههههههههههه

هههه ، عندي عرس أختي الأسبوع القادم ومستحيل نكونيكتي مع الجراد الأصفر اللي في الدار
نغيب أسبوع ونرجع ليكم ، راهي أم ماجد هنا تتهلى فيكم مليح

[souma.f]

المشاركة الأصلية كتبت بواسطة إلهام07

هههههههههه ، خوفتيني ، لالا ماشي مارديتش ، عندي خدمة بزاف لا خاطر هذا آخر يوم عمل ، لازم نخلص كل شيء قبل 12 ومازال ماحطيتش موضوع نتاع التطبيق ، راني عدت نطبق ونتكاسل نحط التطبيقات نتاعي

هههه ، عندي عرس أختي الأسبوع القادم ومستحيل نكونيكتي مع الجراد الأصفر اللي في الدار
نغيب أسبوع ونرجع ليكم ، راهي أم ماجد هنا تتهلى فيكم مليح

الف مبروك لأختك ربي يهنيها و يعمر دارها بالذرية الصالحة
و لعقوبة ليك يرزقك ربي بالزوج الصالح اللي يتمناه قلبك

وهذا الباروك تاعي سلمي على اختك و قوليلها سومة بعثتلك هاذو تديهم معاك