دورة خطواتي الواثقة لأصبح ربّة بيت متألّقة

[جهينة اليقين]

الله يبارك اسيل راكي كيم تاع اليوتوب ههههههههههههه عجبني بزاف نظامك ام فطيمة ربي يعاونك على المجهود الي راكي ديري فيه وراكي تربي ماشي ساهل الى الامام يا فراشات ياالله نكملو المطبخ هذا الاسبوع ان شاء الله

[ام شمسو محمد]

الهدف ..المطبخ النظيف
الخطة..روتين يومي .روتين اسبوعي .روتين شهري .روتين سنوي
الروتين اليومي مدته نص ساعة فرز الثلاجة و الكوشة .غسل اواني الفطور .مسح الاسطح.
الروتين الاسبوعي ..الاحد البوتاجي.الثلاثاء الخزانة .الاربعاء الكوشة .الخميس الثلاجة ..اغسل كل شيء بالماء و الصابون استعمل فيري روعة .المدة نص ساعة
الروتين الشهري كل اثنين المدة ساعتان تنظيف عميق كل اسبوع حاجة الثلاجة او الخزانة...
الروتين السنوي ..دورتا تنظيف في السنة للصيف والشتاء المدة اسبوع الى عشرة ايام
النظام فعال ...عيب وحيد لايتحمل الحالات الطارئة تتسبب في برامج عالقة
ارجو افادتي بانظمتكن

[fati 29]

السلام عليكم الله يبارك الله يبارك
النشاط داير حالة راني متابعتكم
الله يبارك عليكم ريبي يزيد
انا راني خدامة وراجلي يجي مرتين فالسمانة
مزلت محكمتش روحي مليح يا ربت نلقا نصائح عندكم

[~اسيل ريحانتي~]

يعطيك الصحة حبيبتي ام فاطيمة راكي نشيطة ماشاء الله بصح ماتخدميش كلش في نهار تتعبي ديري جدول اسبوعي كل اسبوع نظفي حاجة نقصد تنظيف عميق هكا باه ماتحسيش بالتعب انا كنت كيفك نوض نقلب الدار قنت قنت كنت نطيح مالعيا عينيا يحوالو والان كل يوم نخدم حاجة والمطبخ نقسمو الى ايام الفكرة شفتها في قناة هناء لي تعلمت منها بزاااف قناتها اسمها\\ تنظيم البيت بافكار بسيطة\\ والله علمتني كيف نظم بيتي بدون تعب

[~اسيل ريحانتي~]

المشاركة الأصلية كتبت بواسطة جهينة اليقين

الله يبارك اسيل راكي كيم تاع اليوتوب ههههههههههههه عجبني بزاف نظامك ام فطيمة ربي يعاونك على المجهود الي راكي ديري فيه وراكي تربي ماشي ساهل الى الامام يا فراشات ياالله نكملو المطبخ هذا الاسبوع ان شاء الله

هههههه جهينة فقتيلي راني نظل ننقل ماليوتيوب خاصة قنوات المغرابيات نحل فمي معاهم ماشاء الله عليهم شاطرات

[حياتي كلها امل]

اسيل راكي وشمن نظام واناقة وجمال ماشاء الله وافكار هايلة
ام فاطمة بلعقل يامخلوقة راكي تربي وتحوسي تخدمي كل شيء في وقت واحد بزاف هكذا تلقاي روحك عيتي وفي نفس الوقت تولي غير تروني كيما انقولو اخدمي بلعقل تكسبي راحتك وعمل متقن ربي يعينك
حبيبتي جهينة انا لهوت نغسلها كل مانعمل تنضيف اسبوعي للفرن يعني على الاكثر كل 15يوم ترفد بزاف الدهون

[ام اكرم31]

حياتي كلها امل ما شاء الله عليك
اخدت منك فكرة الارفف في الحمام و انا من رايي تضعي السلة فوق الرف عوض سلة مواد النتنضيف ضعيها في رف في بلكونة او تحت البوتاجي انا هدا راي وهكدا شفت في اليوتيوب
ما شاء الله عليك

[نبض الفؤاد]

ما شاء الله ....ريحة النقا وكيما يقولو عجايزنا مزين النقا لوكان يبقى....هههه......
هما كانو يقولوها تمعكيس بصح احنا نخلوها قاعدة بحول الله وان شاء الله النقا يبقا...بالنظام والحرص........
راني اليوم مع البلاكار لازم بادن الله نفريها اليوم ما فيها لا5د لا15د....ههههته غسلت البلارات والاواني....وغسلت الجدران من الداخل.....ولوازم الحلوى...تنظيف رهيب....
بعد الفطور ...وقت القيلولة راح....بعد القهيوة ان شاء الله نرجع نخمل ونرتب العلب الشفافة ...عندي البلاكار عميق للداخل...لازم حيلة في الترتيب والا كي يفتحو الواحد يتوه....
ربي المعين......

[omelbanin]

السلام عليكم، أسيل، الله يبارك عليك نظام ماشاءالله، مام راكي تنقلي من يوتيوب راكي هايلة
اختي أم فاطيمة، ربي يكون في عونك ان شاءالله.
انا. درت جدولي الاسبوعي.

[ام متين]

[مساءكم طيب فحالت ما شاء الله ربي يبارك وربي يحفظكم جميعا
انا الشيئ الكبير المركزة عليه هو الفرز والتخلص من كل ما هو زائد ووضع كل شيئ في مكانو
انا البيت الي ساكنة فيه ماهوش نتاعي يعني راني كارية ومع ذلك نعمل فيه وكانو بيتي لكن ما نقدرش ندير تغييرات فيه وعلى هذا الاساس نتقلق ساعات لكن الحمد لله
بالنسبة لليوم بعد الصلاة والاهتمام القليل بنفسي وتناول القهوة وطلة على النت من بعد الاولاد وفطورهم وملابسهم كنت محضرتها من الامس رتبت الفراش وفتحت النوا فذ من بعد ديتهم للمدرسة ومن بعد كان عندي موعد لاجراء بعض التحاليل لمارجعت للبيت كانت تقريبا التاسعةيعني الصباح فات الحالة كانت نظيفة ومرتبة حطيت الفطور والعشاء يطيبو وغسلت ماعن القهوة ولميت الكوزينة شوية لحق وقت الاولاد جبتهم فطرتهم وغسلت لماعن صليت ورجعتهم للمدرة لما عدت للبيت كملت رتبت الكوزينة وريحت شوية وعاودت رجعت للمدرسة وليدي يخرج على 2.30وبنتي على 3.30يعني نبقى نستنا حتى نجيبهم من بعد حليب العشية والصلاة والماعن وراني معاكم تقريبا هذه يومياتي ومع ذلك نحاول نعمل ولو جزء بسيط (غسلت الكوكوت مليح )

[ام ملاك 22]

مساء الانوار ام تغادير وجمييع الاخوات انا جديدة في المنتدى وهده اول مشاركة لي ارجو ان تقبلوني في

الدورة

[حياتي كلها امل]

اهلا بيك ام ملاك الدار دارك ويارب تفيدي وتستفيدي
ام اكرام هذيك اسيل لصورت الطاجيرات ماشي انا
اهلا ام متين ونبض الفؤاد

[ام صفصف]

ماشاء الله عليكم
والله كي نشوف كاين نساء راقيات نفرح
عياتنا صورة المراة الي تضال تغتاب، ولا مع المسلسلات، وتبع فالتفاهات
ربي يهدينا

[ام صفصف]

اليوم الاحد عندنا ويكاند
ومع الامطار ،الجميع راهم فالبيت

[ام صفصف]

فيما يخص الروتينات راني نحاول نطبق قدر المستطاع
فيما يخص التنظيف العميق ، راني بديت بالمطبخ معاكم
انتهيت من لثلاجة، وكل مرة نظم جيهة