الجزء 73lن واش طيبتي اليوم كوزينة النجاحات

[chez biba]

صباح الخير
دائمة الحمد، oum radja ، omomnia، awladi أم ماجد
اطباقكم ما شاء الله كلها تشهي
الله يعينك ام انس، أنا ثاني اليو ميناج ان شاء الله
وأخيرا درت قلب اللوز وديتو لدارنا وهذا ما قدرت نصور ما لحقتش عليه

والبارح كان عشانا فريت اوملات زينتو بشرائط فلفل حلو مقلي



يوم سعيد للكل

[دائمة الحمد]

نروح نكمل اخر روتوشات الميناج
غدايا سلاطة بطاطا وسلاطة مشوية وبيري للمازوزي ما يحبش السلايط والف حمد لله
ودلاعة راهي تبرد ومثلجات الهام بعد القيلولة باذن الله

[omomnia15]

اولادي ربي يشافيلك راجلك واطباقك روعة
ام ماجد بصحتو حفيظ الحفلة

[ام سهام 02]

[دائمة الحمد]

بيبا ماشاء الله والفريت طريقة تزيينها روعة
وقلب اللوز خرجلك فيلم على قول عزيزتنا ليزا ربي يجيبها على خير

[دائمة الحمد]

ام امنية واش صبحتي من لا قريب
ام سهام نهارك مبروك

[ام سهام 02]

اولادي لاباس على زوجك ما يكون غير الخيرالله يشفيه ويعافيه وبشفي جميع مرضانا ااامييين

[omomnia15]

يسال عليك الخير دائنة الحمد هذا الحمل الله يستر ركبلي كامل لمراض

[ام سهام 02]

دائمة الحمد يومك سعيد و بصحتك المقروظ ممممممم
بيبا هايل القلب اللوز يعطيك العافية

[ام سهام 02]

ام امينة صباح الخير ساعفي روحك و ربي يسهل لك الحمل

[omomnia15]

ففطوري مسفوف باللبن وراني رايحة ندي التحاليل للطبيبة ونجي سلامي للكل

[lyzzabel]

صباااااح الخييييييير يا الغاااالياااااااات توحششششتككككمممممممم واااااااي ههههه موااااااااح موااااااااااااح مواااااااااااح نتمنى تكونو قاااااع لاباس و بألف صحة و عافية يا عميراتي ،،،، ونهاركم سعيييييد و طيب يا رب

الف مبروووووك حبيبتي كيا افتتاح الكوزينة الجديدة و الف الف مبروووووك لبنت خالتك النجاح و العقوبا لل BEM ،، ماشاء الله كلشي حطة فالاحتفال و الطيابات قاااااع يشهو يعطيكم الصحة نتيا و خالتك و بصحتكم العشا لي دارتهلكم

هاذو صور الحلويات لي درتهم في طهارة منصف و الحمد لله ،، ما راهمش مرتبين من بعد انشالله نحطلكم قعدة هي
حبيبتي كيا تفضلي باروكي







حبيباتي من بعد نولي بإذن الله ،، جيت غير البارح فالليل و راه عندي ميناااااج كبيييييير خخخخخ يادرا كي غادي يصرا مع حبيبي منصف راه يقولي قاع ما تحطينيش من يديك

الى الملتقى TCHAAAOOOO

[دائمة الحمد]

تحفة ليزا حلوياتك روعة الله يبارك في ايداياتك وربي يعاونك ويشفيلك منصف
والف مبروك لعقوبة للنجاحات ولزواجوباذن الله

[مرام 1987]

أهلاااااااا ليزا أهلااااااا بالحبيب الغاليييييي عاش من شافك وألف ألف ألف مبرووووووك على وليدك لعقوبة لعرسو إن شاء الله
والحلويات راهمم فووووووووور يعطيك الصحة وربي يعينك على الميناج

[مرام 1987]

واشنو غداكم يا لحباب
حنا وحد السخاااانة يا لطيف تدوخ ما ينفع فيها غير كاس قازوز باااااااارد يا سلام
بسم الله الذي لا يضر مع اسمه شيئ في الأرض ولا في السماء وهو السميع العليم