|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
اللي حاكمة مصروف الدار تتفضل معانا
|
أدوات الموضوع | انواع عرض الموضوع |
2013-05-02, 15:07 | رقم المشاركة : 361 | |||||
|
اقتباس:
أهلا بيك شذى باين عليك شطورة الله يبارك أنا تاني وجدت 2 بايط قطايف نحبوها في رمضان و شريت الجلبانة و الثوم و البسباس و كونجيليتهم و تاني 3 كيلو تشينة للعصير و ورحيت الرز و حطيته في علبة للمحلبي و رحيت الخبز و غربلته و زدتله الفلفل الأكحل و الملح و حطيته في بواط كبير
حوايج ياسر كي نتفكر نزيد نكتبلك
|
|||||
2013-05-02, 15:08 | رقم المشاركة : 362 | ||||
|
اقتباس:
الله يبارك سمورة بصح حبيت نولهك 10 كغ كسكسي في الشهر بزاف لوكان تديري كل جمعة يعني 4 كغ فقط تكفي و زيدي الفرينة و السميد ننصحك إشري بال 25 كغ تحكملك أكثر أنا نشري الفرينة ب 60 ألف و السميد ب 110
و حبيت نسألك على اللحم إنت قلت 2 كغ ب 180 ألف يعني عندكم الكيلو ب 90 ألف راه رخيص إحنا ب 130 ألف نتمنى تتوفقي في المصروف و ما تنساينيش من دعوة الخير |
||||
2013-05-02, 15:17 | رقم المشاركة : 363 | ||||
|
اقتباس:
حاولت إني نساعدك بصح للأسف ربي يباركلك من عنده
|
||||
2013-05-02, 16:23 | رقم المشاركة : 364 | ||||
|
اقتباس:
|
||||
2013-05-02, 16:35 | رقم المشاركة : 365 | |||
|
السلام عليكم |
|||
2013-05-04, 19:11 | رقم المشاركة : 366 | |||
|
انا حبيت نقول لبنت الجزائر ربي يجازيها ويكافيها بكل خير والله راهي تبدل في مجهود كبير ونستعرف بيك يامدبرة المنتدى انا حبيت نقول انا نخاف من المصروف كي نحكموا راجلي شوية صعيب ويقلي ادا حكمتي المصروف لازم ماتقوليليش راهم كملوا وهو كي يحكم المصروف مايخبي منو والو وانا حبيت نخبي كيما يقولوا دورو للزمان مع العلم يسلك 4ملاين و7 مية وعندي شوية تع دين بالله عليك تقسميهالي بلاك نلقى عندك الحل مع العلم عندي 3 اولاد اكبرهم12سنة 11 و5 سنوات دبري عليا كيفاه نقسم المصروف ويجعلها في ميزان الحسنات |
|||
2013-05-05, 10:10 | رقم المشاركة : 367 | |||
|
انا راني نطبق في التقسيم وعلى حسابوراه ناجح وبديت نوفر من الريفيطايمة من دوركي باه كي يلحق رمضان نكون وجدت الريفيطايمة انتاع رمضان ونكون وفرت 600 لي نصرفها ونزيدها لحاجة واحداخرا على رمضان مصروفو ياسر جربوها انتوما ثاني |
|||
2013-05-05, 11:07 | رقم المشاركة : 368 | |||
|
ربي يوفقنا و نسيرو منازلنا على اتم وجه |
|||
2013-05-05, 11:41 | رقم المشاركة : 369 | |||
|
chariyti w chahriyto fi hodoud 9 mlayen |
|||
2013-05-05, 13:53 | رقم المشاركة : 370 | |||
|
العفو حنونة أنا في الخدمة و ربي يباركلك
|
|||
2013-05-05, 13:55 | رقم المشاركة : 371 | ||||
|
اقتباس:
أهلا بيك معانا
أولا أبداي بالحوايج الضرورية الريفيطايمة و اللحم و الدجاج و حوايج النظافة هاذوما الأولين و من بعد اللي يبقى تصرفي على أساسه و بنظام و حاولي دايما تبدي بالأولويات و ما تصرفيش في حاجة ممكن تندمي عليها |
||||
2013-05-05, 13:58 | رقم المشاركة : 372 | ||||
|
اقتباس:
هههههه فرحتيني بدعواتك ربي يفرحك إن شاء الله شوفي قوليلي 4 ملاين و 700 تاع أكل و شرب فقط و إلا مصاريف البيت بكله بالفواتير و البنزين و غيره و إذا بالفواتير إكتبيلي قداه موالفة تجيكم بالتقريب باش نديرلك ميزانية قد قد
|
||||
2013-05-05, 14:00 | رقم المشاركة : 373 | ||||
|
اقتباس:
الله يبارك الله يبارك على الفحلة نتاعنا و الله فرحتيني هكذاككلشي بالنظام و عندي فكرة أخرى ديري كرني صغير إكتبي فيه كل يوم واش صرفتي و في آخر الشهر تكتشفي الحوايج اللي شريتيها بلا معنى و كلاتلك دراهمك تعودي في الشهر الآخر تستحفظي أكثر
|
||||
2013-05-05, 14:02 | رقم المشاركة : 374 | |||
|
اللهم آمين
شكرا على المداخلة الطيبة |
|||
2013-05-05, 14:13 | رقم المشاركة : 375 | ||||
|
اقتباس:
هههههه ضحكتيني باللي مكتوب بالأحمر يا ختي شكون ماشي ساقط و يحب الماكلة رانا كامل هكذا بالصح في الحدود يعني صراحة صراحة و بدون ما تغضبي ياسر 9 ملاين في الشهر أحسن حاجة فكرة الطوموبيل على الأقل تكونوا خرجتوا بحاجة قلت تدفعو فيها كل شهر 2 ملاين و 550 ألف يبقى 6 ملاين و 450 ألف تنقصي 2 ملاين و تخبيهم و تنسيهم خلاص و تصرفي فقط 4 ملاين و ال 450 ألف تبدي تشري الحوايج تاع الشهر نتاعكم راكم زوج عباد فقط يعني 2 ملاين لحم و دجاج و ريفيطايمة تعيشو bien أنا راح نبحبحهالكم و نخليها 2 ملاين و ال450 ألف شوفي تشري بيدون زيت 4 باطات طماطم تاع رطل 2 هريسة نتاع رطل 1 ملح 1 زهر 1 خل 3 كغ كسكسي 2 كغ حمص 2 كغ أرز مفور 2 كغ معجنات اللي تحبيها مقرونة أو سباقيت أو رشتة المهم ما تفوتيش 2 كغ يعني 4 ساشيات نتاع رطل 2 ملوخية 2 لحظة 3 قهوة 2 لا تاي 3 إيزيس 3 أريال 3 جافيل مكنسة منشف طابيات تاع غسيل الماعن 2 بلاوات بيض 4 باطات فورماج فاش كيري 4 باكيات تن 4 كاشير و باتي المجموع ما يفوتلكش مليون و الباقي ديريه في شقاقة لوكان يبقى واش يبقى هاذاك صدقيه باش ربي يطرحلك البراكة في حوايجك يبقالنا مليون و 450 ألف تشري 3 دجاجات ب 180 ألف كيلو لحم عادي ب 130 ألف كيلو كوتلات ب 130 ألف كيلو مرحي ب 130 ألف 2 كيلو حوت ب 70 ألف المجموع 640 ألف يبقالك 810 تنقصي منها 400 ألأف نتاع خضرة كل أسبوع يعني في الأسبوع 100 ألف خضرة و 410 ألاف خليها للفاكهو و كان إنت من المهتمين بصنع الحلويات إشري منها كريم شونتي و الزبدة و الكونفتير و الشوكولاء أما 2 ملاين اللي وفرتيها فتقدري تشري بيها حاجة باينة في الدار سواء ميكرووند أو تلفيزيون أو ماشينة غسيل أو تحبي تدفعيها و تشري بيها حاجة دهب أو تقدري تقسميها إنت مليون و زوجك مليون و كل واحد يشري واش ناقصه برفانات و صبابط و قش أو تخبيها مع 2 ملاين تاع كل شهر و تجملي مبلغ مليح و تشري طرف تراب تبني عليه هناك الكثير من الأفكار المهم تبدي دائما بالمهم و كيما وصيتك ما تنسيش الصدقة و راح تشوفي أثرها بنفسك نتمنالك التوفيق و يعجبك تقسيمي في حالة ما نجحتي يا ريت ترجعي للموضوع و تحطيلنا تجربتك وواش استفدت منها |
||||
الكلمات الدلالية (Tags) |
مصروف, معانا, المد, الدار, تتفضل, حاكمة |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc