همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[عطوفة]

المشاركة الأصلية كتبت بواسطة أم بدر الدين

الحمد لله على فضل الله تحصلت اسماء على افضل معدل على مستوى المدرسة في هذا الامتحان التجريبي الثاني بمعدل 9.80

اللغة 10 وهي الوحيدة التي تحصلت على هذه العلامة ولاول مرة و الرياضيات 10 و الفرنسية 9 وقد احتسبوا لهم الاخطاء مع ان

الامتحان مليئ بالاخطاء

اما نور تحصلت على 9 في اللغة و 9.5 في الرياضيات و 9 في الفرنسية بمعدل 9,20

العاقبة للشهادة و لكل نحلات المنتدى

أنتما رائعتان: أسماء و نور الهدى
ماشاء الله .

[~ حراير ~]

السلام عليكم و رحمة الله تعالى و بركاته

دخلت باش نقرا الصفحات البزاف الي فاتوني حتى لقيت هاد الخبر
يا لطيف اكثر كلمة نكرهها ...السرطان

العمة الله يهديها ماعندكم غير انكم تسامحوها
يمكن من فجعتها على خوها ماعرفتش تتصرف
لكن مش راح يفيد انه نلومو سامحوها و الي فات مات

بنتي زينة ما تخافيش خلاص على باباك راه راح يبرا و يرتاح و يصير افضل من بكري
انا ثان في سبتمبر سمعت خبر مش مليح خلاص لدرجة اني انهرت من البكاء و انا امرأة كبيرة
الخبر هو اختي مريضة بالسرطان
انا مع سمعت ماعرفتش كيفاش نتصرف
خاصة و انها هي تعيش في غربة على اهلي و انا ثان نعيش بعيدة عليهم
لكني اصريت اني نروح و نشوفها
مشينا في الليل على الساعة 7 انا و بنتي سلسبيل و وصلنا مع الصباح على الساعة 6 يعني مسافة طويلة بزاف و متعبة
تخيلي لم انم و لو للحظة
و انا انتظر فقط في اللحظة الي نشوف فيها اختي و كنت متخيلة اني راح نلقاها منهارة و نفسيتها مش مليحة و انها حزينة
لكن تخيلي المفاجآة الكبيرة

لما دخلت لمنزلها لقيتها متبسمة و لما احتضنتها حسيتها انسانة قوية بزاف
حتى اني كنت متخيلة روحي لما نشوفها راح نبكي

تخيلي و لا دمعة نزلتلي لأني حسيتها مريضة بأي مرض عادي مش مرض مخيف
كيما راهو شائع عندنا

المهم انه بعد مارحتلها تقريبا بشهر و بالضبط قبل العيد الكبير باسبوع دارت عملية استئصال الورم و كنت انا معاها و كان والدي
لما دخلت للمستشفى كانت هي تصبر في المرضى و تقلهم انه اي حاجة كتبهالنا ربي راح تصرالنا سواء فرح او قرح

على هك انت ثان يا زينة لازم تكون ثقتك كبيرة في ربي
انت يا بنيتي تتعاملي مع اله الكون ... مع الي خلق كل شيئ ... و هو اله و رب حنين و كريم و يحب عباده و يرحمهم
على هك تحدثي مع ربي و قوليلو وش كاين في قلبك و اطلبي منه انه يشفيلك باباك الحنين و ينجحك انت ثان

حبيت نقلك انه اختي دارت العملية و نجحتلها و كانت غرفتها دائما مملوءة بالتلاميذ الي يحبوها لأنها معلمة
و بعد ما شفات من العملية دارت المرحلة الثانية و هي الكيميائي
هاد الكيميائي الناس كل يخافو منه لأنه واعر بزاف و يضر الجسم
لكن اختي لم تحس ابدا بالامه تغير شيئ فقط فيها هو انه شعرها سقط لكنها اصبحت جميلة و شعرها مش موجود
و الآن راهي في المرحلة الأخيرة و هي "راديو تيرابي" و هاد المرحلة معروفة انه الجلد تاع الإنسان يتحرق و يصبح اسود
لكن ربي سبحانه اراد لأختي انه لا تظهر عليها و لا شيئ وجهها صاف و جلدها لابأس به
ان شاء الله يوم الأربعاء كي باباك يكون في العملية اختي تكون هاديك اخر حصة ليها و اخر مرحلة علاج
يعني نهار الأربعاء تكمل علاجها "لعقوبة لباباك حبيبتي زينة"

بنيتي زينة طولت عليك بالهدرة لكن حبيت نقلك انه كيما راكي خايفة على باباك انا ثان كنت خايفة على اختي و ثان بابا كان خايف على بنته لدرجة انه شبع بكاء عليها و هي في غرفة العمليات رغم انه رجل قوي و هو مجاهد و رغم هذا لم يتمالك ان يمسك نفسه

يعني الخوف على احبابنا امر عادي و نورمال انك تخافي على باباك لأنك تحبيه
لكن الي مش عادي انك تستسلمي للخوف

انت دزيرية فحلة و الجزائريين معروفين انهم دمهم حامي و لا يتنازلو ابدا ابدا على اهدافهم و احلامهم و امالهم بلعكس يقاومو كل الظروف و يجيبو حقهم
على هك حبيتك تتمسكي بقوتك و تفوتي امتحانك على احسن ما يرام و تأكدي انه باباك لما يفيق من العملية و اول حاجة راح يسأل عليك و على امتحانك
فانت حرة بنيتي اذا حبيتي كوني قوية و جاوبي مليح و فرحي باباك ... صح و الا لا؟؟
و نقلك باش تكوني قوية لازم تتمسكي بصلاتك و بالدعاء في كل وقت

بنيتي زينة صح طولت عليك لكني علابالي بلي راكي بنت ذكية و راح تفهمي كلامي ..صح؟؟

حق نسيت تعرفي قصة النبي ايوب عليه السلام؟؟
اذا تعرفيها اكيد راكي تعرفي الدعاء الي دعا بيه باش يبرا
ننصحك جيبي ورقة و قصيها على شكل قلب و اكتبي فيها رسالة لباباك و اكتبيلو الدعاء
وش رايك؟؟

و كوني عاقلة في الدار انت و خاوتك باش ما تعبوش ماماك حتى هي تحبكم لاخاطر

سلام حبيبتي

[أم بدر الدين]

أنتما رائعتان: أسماء و نور الهدى
ماشاء الله .

وانت الأروع أختي عطوفة الفاضلة بدعمك لنا و وقوفك معنا طوال هذه المدة بمعلومات قيمةو بتصحيح التمرينات و لم تبخلي علينا يوما بشيئ فجزاك الله كل خير.

[~~ أغيلاس ~~]

السلام عليكم و رحمة الله و بركاته؛

دخلت لأبارك للنحلتين التوأم فإذا بي أجد كلام أريج الذي يُعتبر بردا و سلاما على القلوب، أتمنى أن تقرأه زينة في أقرب وقت،

أول حاجة راح يسأل عليها أب زينة بعد العملية هو كيف كان عمل زينة،

نتمناو منك يا زينة أن تفرحي باباك و تفرحينا جميعاااااااااا،

خولة راهي تصلي المغرب في هذه اللحظة،

صلي و ادعي لباباك يا نحلتنا الجميلة،

ــــــ

مبدعتان أسماء و هدى،، إن شاء الله الامتياز في الشهادة لجميع النحلات .

[بيبيشة ماماها]

شكرا استادة عطوفة الله يكتبلك الحجة اللي تتمنايها
[[/LEFT]
اختبار الفرنسية في الرابط؛

https://www.gulfup.com/?PqUZUI
هذا حل زينة
Compréhension de l’écrit*:
1_- Les satellites artificiels sont fabriqués par l’homme. vrai
_ Les satellites artificiels sont des fusés faux
_ Les satellites artificiels tournent autour de la terre. vrai
2___ on prévoir les inondations et les cyclones , Grâce au satellites artificiels
3__ , les téléphones mobiles et l’internet
4__ Observation
5__ Les astronomes envoient des satellites dans l’espace
GNS GV
6___
a__ Demain, il sera……………… très utile.
b___Vous …pouvez…………..observer la terre.
7___ Le satellite est envoyé dans l’espace
Production écrite
_ Le téléphone portable rend de nombreux services , on peut l'utiliser à tout moment , partout ou l'on se trouve .
il sert à envoyer des s.m.s ,Jouer des jeux ,ecouter la musique, photographier des photos , et aussi sert a voir des vidéos.

[بيبيشة ماماها]

شكرا اخت اريج و الله يشافي اختك
مبروك للنحلتين اسماء و نور الهدى و ان شاء الله الامتياز بالشهادة
استاد عبد الناصر زينة راهي كل ما لقات الفرصة تضرب طلة على مزرعتك و تقول ما شاء الله والله يبارك رائعة خاصة الخرفان و الدجاج فهي تحب الحيوانات و هي تمتلك دجاجة و بط بحديقة المنزل و قالت لي لما يشفى بابا ان شاء الله نقلو يشري لي خرفان كذلك

[أم بدر الدين]

تعبير أسماء حول مزرعة عمها عبد الناصر.

عمي عبد الناصر يقضي معظم أوقات فراغه في مزرعته الجميلة ولطالما أحبها . فعندما تطأ قدميه تلك الجنة الصغيرة ويرى حيواناته اللطيفة ونباتاته المختلفة وعصافيره المزقزقة يغمره فرح كبير ، فهو يستيقظ صباحا تاركا وراءه رداء الخمول و الكسل ليطمئن على حيوانته و مزروعاته وحين يأتي موعد سقي التباتات و اطعام الحيوانات يذهب اليها مبتسما فتراه يطعم فراخه الصغيرة الجائعة وحيواناته المدللة ثم يسقي الفلفل و شتلات الطماطم والبصل اما الخضروات الاخرى كالتفاح و الرمان فموعد قطفهما لم يحن بعد.
ما اجمل صنع الباري يريح البال و يهدأ النفوس و يبعد عن القلب تعب النهار وهذا ما يحتاجه كل فرد منا هو التمتع بما خلقه الله لنا من اشجار وحيوانات . فلك الحمد ربي على نعمك العظيمة.

[serine alger]

أختي**أم بدر الدين**ماشاء الله على أسماء و نور.ربي يحفظهم ويفرحوك أكثر بمعدل 10 في الشهادة ان شاء الله.سلامي لهما.

[الأمنيات]

السلام عليكم واسعد الله يومكم
ربي ينجح نحلات همزة وصل وينجح كل الممتحنين
وربي يشفي والد زينة ويفرح بنجاحها يا رب

[yacidani]

السلام عليكم و رحمة الله و بركاته
أتمنى الجميع بخير

أين البنات النحلات الجميلات؟

اليوم و غدا ننصحكم تراجعوا ساعة فقط في اليوم ...خلاص قريتوا بزاف

اشربوا الماء كثيرا و كلوا الفواكه في الصباح مثل : الموز, الفراولة, الكرز, التفاح
اشربوا الحليب و كلوا الجبن و الياووت
و بالنسبة لأطباق الأكل كولوا سردين , الخضر ...les gratins

غدا دوشوا ديروا سشوار و جدوا لباسكم الأنيقة كيلي راكوا رايحين للعرس.. ما ديروش الماكياج هذاك نهار الاحتفال بالنجاح
..و ان شاء الله كل شيء سيمر على ما يرام
و اختبارات تكون ساهلة خير من تجريبي باءذن الله

زينة خولة أريج ياسمين نور الهدى أسماء سرين

ما تنساوش أرقدوا بكري و الدعاءءءءءء و توكلوا على الله

[~~ أغيلاس ~~]

السلام عليكم و رحمة الله و بركاته؛

المشاركة الأصلية كتبت بواسطة بيبيشة ماماها

https://www.gulfup.com/?PqUZUI
هذا حل زينة

محاولتي لتصحيح حل زينة؛

Compréhension de l’écrit*:
1_- Les satellites artificiels sont fabriqués par l’homme. vrai 0,25/0,25
_ Les satellites artificiels sont des fusés faux 0,25/0,25
_ Les satellites artificiels tournent autour de la terre. vrai 0,25/0,25
2___ On prévoir les inondations et les cyclones , Grâce aux satellites artificiels 0,75/0,75
3__ , les téléphones mobiles et l’internet 1/1
4__ Observation 0,5/0,5
5__ Les astronomes envoient des satellites dans l’espace (C.C.L)
GNS GV 0,75/1
6___
a__ Demain, il sera……………… très utile. 0,5/0,5
b___Vous …pouvez…………..observer la terre. 0,5/0,5
7___ Le satellite est envoyé dans l’espace 1/1
Production écrite 3,75/4
_ Le téléphone portable rend de nombreux services , on peut l'utiliser à tout moment , partout ou l'on se trouve .
il sert à envoyer des s.m.s ,Jouer des jeux ,écouter de la musique, photographier des photos et aussi sert à voir des vidéos.

ــــــــــــــــــــ

الوظيفة الأساسية للهاتف النقال هي الكلام، من الواجب أن يذكر التلميذ ؛ sert à parler و بعدها الخدمات الأخرى،

العلامة النهائية : 9,5/10

ذكرتِ أن مستوى زينة في الفرنسية متوسط، العكس، مستواها ممتاز و خير دليل حلها لهذا الاختبار الذي يُعتبر اختبارا في المستوى خاصة فيما يتعلق بالفهم،

يبقى التصحيح مجرد محاولة .

[بيبيشة ماماها]

المشاركة الأصلية كتبت بواسطة ~~ أغيلاس ~~

السلام عليكم و رحمة الله و بركاته؛
الوظيفة الأساسية للهاتف النقال هي الكلام، من الواجب أن يذكر التلميذ ؛ sert à parler و بعدها الخدمات الأخرى،

العلامة النهائية : 9,5/10

ذكرتِ أن مستوى زينة في الفرنسية متوسط، العكس، مستواها ممتاز و خير دليل حلها لهذا الاختبار الذي يُعتبر اختبارا في المستوى خاصة فيما يتعلق بالفهم،

يبقى التصحيح مجرد محاولة .
[/b]

شكرا اخي على المحاولة انا لما صححت لها منحتها 2,5 في الوضعية و هي الان فرحانة لانك منحتها علامة اعلى مرة ثانية شكرا
بالتوفيييييييييييييييييييييييييييييييييييييييييييي ييييييييييييييق يا شاطرات كل واحدة باسمها

[أبو ياسين29]

السلام عليكم

و أخيرا إنتهى الموسم الدراسي و أخذ ياسين اليوم العطلة الصيفية التي إنتظرتها أنا بفارغ الصبر ـ ياسين إستيقظ راك متأخر ـ

وإن شاء الله الجميع يرتاحو في العطلة

[yacidani]

المشاركة الأصلية كتبت بواسطة أبو ياسين29

السلام عليكم

و أخيرا إنتهى الموسم الدراسي و أخذ ياسين اليوم العطلة الصيفية التي إنتظرتها أنا بفارغ الصبر ـ ياسين إستيقظ راك متأخر ـ

وإن شاء الله الجميع يرتاحو في العطلة

بصحتو ياسين العطلة المدرسية و لكن لا أضن سيأخذ العطلة في البيت مازال كاين أشغال

[yacidani]

السلام عليكم و رحمة الله و بركاته
أتمنى الجميع بخير

أين البنات النحلات الجميلات؟

اليوم و غدا ننصحكم تراجعوا ساعة فقط في اليوم ...خلاص قريتوا بزاف

اشربوا الماء كثيرا و كلوا الفواكه في الصباح مثل : الموز, الفراولة, الكرز, التفاح
اشربوا الحليب و كلوا الجبن و الياووت
و بالنسبة لأطباق الأكل كولوا سردين , الخضر ...les gratins

غدا دوشوا ديروا سشوار و جدوا لباسكم الأنيقة كيلي راكوا رايحين للعرس.. ما ديروش الماكياج هذاك نهار الاحتفال بالنجاح
..و ان شاء الله كل شيء سيمر على ما يرام
و اختبارات تكون ساهلة خير من تجريبي باءذن الله

زينة خولة أريج ياسمين نور الهدى أسماء سرين

ما تنساوش أرقدوا بكري و الدعاءءءءءء و توكلوا على الله