السلام عليكم و رحمة الله
يسعدني اهتمامك أخية..صراحة السنة الثانية ماتخوفش بالنسبة لي لقيتها أسهل من السنة الأولى بكثير و تحصلت على معدلات أحسن الحمد لله.
بالنسبة للمواد الأدبية كيما الفرنسي و الأدب و الأنجلي قطعة حلوى السنة ماتضيفو والو جديد مراجعة للسنوات الماضية خاصة الانجليزية برنامج قصيير و ساهل .
نبداو بالمواد العلمية..الرياضيات ماعليك إلا بالمراجعة الدائمة + حل تطبيقات الكتاب المدرسي وان شا الله تقدري تتحصلى على العلامة الكاملة مافيهاش حاجة صعيبة مع الول تديرو الدوال تدرسو الدالة من راسها لسا سها كيما يقولو حاجة خفيفة ظريفة تقدري تعتبريها تسلية وشنهو لازم تكوني على علم بالمبدئيات ليقريتوهم في السنة الأولى نتاع الدوال المشهورة و من بعد تقراو الدوال كثيرة الحدود و المشتقات و النهايات و المتتاليات أسماء جديدة مي شوية اجتهاد + حل تمارين ان شا الله تلقايهم مــاء
وزيدي تقراو في الهندسة المرجح و التحاكي الجداء السلمي و حساب المثلثات لازمهم تركيز برك
بالنسبة للعلوم والله فن هاد العام تلقاي متعة كبيييرة في دراستها تبداو بدروس النقل المشبكي و تاني الدروس تاع ال adn تركيبه و التطور و التضاعف والله متعة هادو الدروس ساهلين مي ركزي عليهم مليح باسكو نحتاجوهم في الباك ان شا الله و تاني تقراو التحكم العصبي و التحكم الهرموني و التحكم العصبي الهرموني و في الأخير جيولوجيا تشبعو حجاارة و مستحاثات ههه
أما بلنسبة للفيزياء الجميع يقول صعيبة مي راهي رايعة اعرفي برك كيفاش تتعاملي معاها والله ناس ملاح مسكينة حنا ليحاقرينها لووول
في الفيزاء ننصحك ترجعي لدروس الثالثة متوسط حول السلسلة الوظيفية و الطاقوية و الحوصلة الطاقوية راجعيهم مليح باسكو الفصل الاول تقريبا كامل عليهم واش عليكي غير تحفظي القوانين عن ظهر قلب و من بعد التطبيق و التطبيق ننصحك بكتاب الجديد في الفيزيا صح مستواه عالي شوية مي كي تركزيلو تلقاي الامور بسيطة و تاني كتاب المراسلة حاولي تتحصلي عليه باسكو فيه تمارين ساهلة و شاملة تبينلك بطريقة سهلة لعفايس ليممكن تصادفيهم في التمارين و في الكيمياء عندكم مع الأول نمودج الغاز المثالي و لا أسهل صدقيني رايع و من بعد الناقلية وفي الاخير دروس ممتعة و داخلة في الباكالوريا هي الأحماض و الأسس و الأكسدة الإرجاعية و الكيمياء العضوية.
هذا ملخص لواش تقراو ان شا الله العام الجاي ربي يكون في عونك و ان شا الله تتحصلي على امتياز
( تقرير عن مشاركة سيئة )، و الموجودة أسفل كل مشاركة .
2012-06-04, 13:12
العرض العادي
