أيهما أفضل شعبة الرياضيات أم العلوم التجريبية

[سوسو95]

المشاركة الأصلية كتبت بواسطة katrine

هههه يعني انا ايضا سنة اولى ورايحة ندير مات
لمعلوماتك الانسان لازم يكون متفائل و يسبق الخير والمرض قضاء وقدر ما لازمش نخمموا كون جات هكا نوليو ما ناكلوا ما نخرجوا من الدار ياك ديما كاين نسبة خطر على صحتنا ولا لالا ههه لدا ارجوك اخي صاحب الموضوع ان لا تضع هذه الفكرة في بالك ابدا
ثانيا حبيت نسقسيك قاعدين تقراو على الدرات فالعلوم وانا معلباليش .اختي العلوم عبارة عن موسوعة معلومات يمكنك شراءها من اي مكتبة اما الفيزياء والرياضات ام العلوم هي قوانين ودكاء وجبيد مخ باه تقدر عليها والدرة ماعندهاش علاقة بالعلوم كل وحدة في مجال وقطاع مختلف
اضافة الى انوا في شعبة العلوم الرياضيات تافهة بعض الشيء مقارنة بما سيدرسة طالب شعبة رياضيات كدلك بالنسبة للفيزياء لدلك تكون معدلات تلاميد العلوم في الباك مرتفعة لانها تعتمد على العلوم على عكس العلوم اللي تكون تافهة في برنامج الرياضيين عكس ما هي عليه في برنامج العلميين
الرياضيات والرياضي تقني هي الشعب دات المستقبل هنا في الجزائر لانوا العلوم اللي يديرها يديرها على جال الطب اللي ولا الغاشي بوكول مدايرها )))كون يقراو هدي الجملة وحايد اليوم ينعتولي
المهم هدا رايي
بالنسبة لكاخي لا تستمع لما يقوله الغير لانك انت صاحب القرار وانت الذي تعلم ان كانت الرياضيات سوف تناسبك ادا كنت شخص يحب الاجتهاد سوف تستطيع بكل تاكيد تحقيق اعلى المعدلات في الشعبة لا تتوان في اختيار هده الشعبة لان طموحك بان تصبح عالم درة مناسب لها تماما
ملاحظة اخرى
اختي الرياضيات في الثانوية تاعنا نقدر نقولك فيها غير العقول النابغة وبالنسب لما قلتيه حول كون ملئها باي شخص فقط ربما في ثانويتكم لانوا حنا عندنا بزاف اللي الله يبارك عليهم في الرياضيات وعلى حساب معلوماتي رانا قريب نوصولوا عشرين اللي خيرنا مات ((( على اعتبار انوا رانا الاوائل تاع الليسي)) يعني اختي راهوم في حالة ما كانوا الاوائل خيروا علوم ومن حقهم تلبية طلباتهم يعني ما يقدروش يجيبوا واحد قاري وقال نحب نروح علوم ويبعتوه مات لانوا يقدر يدير الطعن ومن حقوا يدي الرغبة تاعوا عليها يروحوا يهزوا اللي ما عندهومش معدلات ملاح ويعمروا بيهم القسم لانهم معندهومش الحق فالطعن معناه انوا فالليسي تاعكم القاريين ماهمش يخيروا فالمات لانهم يخافوا منها وهدا باين من تفكيرك السلبي على المات اكيد كل زملاءك يخمموا بنفس الطريقو وزيد الموجهة تاعكوم تاني راهي تهدر هكا يعني الفكرة عندكم راهي منتشرة
هدا مجرد راي واسفة ان كنت قد اخطات في حق اي احد

و الله يا اختي كلامك الملون بالاحمر خاطئ ومن قال لكي ذللك هل درستي في شعبة العلوم الاتجريبية
قلتي ان العلوم تكتفي فقط بالمطويات راكي غالطة بزاااااااااااااااف العلوم اصعب من الرياضيات لانو العلوم ممكن يطرح عليك سؤال تروحي تفهميه بطريقة ثانية اذن العلوم مادة ر يمكن الحسم فيها
اما قوللك الرياضيات تافهة عند العلوم التجريبية ههههههههههههههههههههه ضحكتيني اولا الرياضيات عندنا مثلها مثل شعبة الريايات الا انهم بعض الفروق البسيطة والدليل ان معاملها عندنا 5 لو كانت تافهة مانش عطاوها 5 كانو عطاوها كيما لفرونسي 2 بر تكفيها

وفي الاخير نقوللك لا تتكلمي من غير علم رواحي قراي غير شهر في العلوم التجريبية و قولي رايك
العلوم ولات شعبة تافهة ههههههههههههههههههههههههههههه ضحكتيني صح لسان ما فيه عظم

وصاحب الموضوع نقوللك دير على حسب ميوللك كيما انا نحب العلوم درت العلوم وما ديرش على حساب الناس

[ASMA PINK]

المشاركة الأصلية كتبت بواسطة katrine

هههه يعني انا ايضا سنة اولى ورايحة ندير مات
لمعلوماتك الانسان لازم يكون متفائل و يسبق الخير والمرض قضاء وقدر ما لازمش نخمموا كون جات هكا نوليو ما ناكلوا ما نخرجوا من الدار ياك ديما كاين نسبة خطر على صحتنا ولا لالا ههه لدا ارجوك اخي صاحب الموضوع ان لا تضع هذه الفكرة في بالك ابدا
ثانيا حبيت نسقسيك قاعدين تقراو على الدرات فالعلوم وانا معلباليش .اختي العلوم عبارة عن موسوعة معلومات يمكنك شراءها من اي مكتبة اما الفيزياء والرياضات ام العلوم هي قوانين ودكاء وجبيد مخ باه تقدر عليها والدرة ماعندهاش علاقة بالعلوم كل وحدة في مجال وقطاع مختلف
اضافة الى انوا في شعبة العلوم الرياضيات تافهة بعض الشيء مقارنة بما سيدرسة طالب شعبة رياضيات كدلك بالنسبة للفيزياء لدلك تكون معدلات تلاميد العلوم في الباك مرتفعة لانها تعتمد على العلوم على عكس العلوم اللي تكون تافهة في برنامج الرياضيين عكس ما هي عليه في برنامج العلميين
الرياضيات والرياضي تقني هي الشعب دات المستقبل هنا في الجزائر لانوا العلوم اللي يديرها يديرها على جال الطب اللي ولا الغاشي بوكول مدايرها )))كون يقراو هدي الجملة وحايد اليوم ينعتولي
المهم هدا رايي
بالنسبة لكاخي لا تستمع لما يقوله الغير لانك انت صاحب القرار وانت الذي تعلم ان كانت الرياضيات سوف تناسبك ادا كنت شخص يحب الاجتهاد سوف تستطيع بكل تاكيد تحقيق اعلى المعدلات في الشعبة لا تتوان في اختيار هده الشعبة لان طموحك بان تصبح عالم درة مناسب لها تماما
ملاحظة اخرى
اختي الرياضيات في الثانوية تاعنا نقدر نقولك فيها غير العقول النابغة وبالنسب لما قلتيه حول كون ملئها باي شخص فقط ربما في ثانويتكم لانوا حنا عندنا بزاف اللي الله يبارك عليهم في الرياضيات وعلى حساب معلوماتي رانا قريب نوصولوا عشرين اللي خيرنا مات ((( على اعتبار انوا رانا الاوائل تاع الليسي)) يعني اختي راهوم في حالة ما كانوا الاوائل خيروا علوم ومن حقهم تلبية طلباتهم يعني ما يقدروش يجيبوا واحد قاري وقال نحب نروح علوم ويبعتوه مات لانوا يقدر يدير الطعن ومن حقوا يدي الرغبة تاعوا عليها يروحوا يهزوا اللي ما عندهومش معدلات ملاح ويعمروا بيهم القسم لانهم معندهومش الحق فالطعن معناه انوا فالليسي تاعكم القاريين ماهمش يخيروا فالمات لانهم يخافوا منها وهدا باين من تفكيرك السلبي على المات اكيد كل زملاءك يخمموا بنفس الطريقو وزيد الموجهة تاعكوم تاني راهي تهدر هكا يعني الفكرة عندكم راهي منتشرة
هدا مجرد راي واسفة ان كنت قد اخطات في حق اي احد

السلاااام عليكم
حنونتي كاترين
مازلت في الولى لعام لجاي نشوفو شطارتك
ليكن في علمك انه شعبة الرياضيات والعلوم التجريبية متشابهة الى حد ما
والدليل على ذلك اختبار الفترة1و2 رياضيات يكون موحد
ونزيدك حاجة...شعبة العلوم تحصل على اعلى النقاط
اما عن قولك العلوم موسوعة اي كان يحفظها...هههه....على حسب قولك لكان كل الناس اطباء....
اسمعي اذا كنت فاهمة الرياضيات وانا لا اقلل من شانها بل احبها وافهمها.........هل ستنفعين الناس كما لو كنت حافظة العلوم وكنت طبيبة............لا اظن ذلك
اسمعي قول ابو نواس:
قل لمن يدّعي في العلم فلسفة--------علمت شيئا وغابت عنك اشياء
هذا راه علم واسع لا نستطيع الاستهانة باي علم فكل علم بقدره
وهي ارزاق كل على حسب قدراته وميوله فالاختلاف نعمة ولو كان كل الناس متشابهين لما كانت الحياة ممتعة او جميلة
لذا انصح كل من هو مقبل على الاختيار باختيار ما يميل هو اليه ويفهمه لانكم جذع مشترك اي انكم لا تتعمقون كثيرا بل تتطرقون الى نظرة شاملة كي يسهل عليكم الاختيار
لا تنسوا صلاة الاستخارة
موفقين ان شاء الله
جمعة مباركة....صلوا على النبي...
سلاااااااااااااااااااااام

[miinette]

المشاركة الأصلية كتبت بواسطة قطرة تفاؤل *أمينة*

خير الشعبة لي تناسبك

بالنسبة لي في السنة الاولى ديت 17 وطلعوني علوم تجريبية وراني مليحة فيها الآن

ونقلك حاجة كاين ناس دايرين بلي شعبة الرياضيات يروحو ليها العباقرة ......... كذبة......... لي راح لشعبة الرياضيات غير المحتوم .......... وصدقني أنهم يوجهوهم رياضيات مش على حسب الرغبة ولا على العلامات ولكن على حسب المقاعد البيداغوجية فمثلا إذا كان لازم يديرو قسم فيه 30 تاع علوم مايقدروش يزيدو عليه ...... يوليو التلاميذ الأوائل لي خيروا علوم يلبيولهم الرغبة والبقية يحطوهم باه يعمرو الأقسام ........ وصدقني هكا يديرو كيما قاتلي مستشارة التوجيه في الليسي


ونزيدك حاجة الرياضيات رايحة تولي صعيبة بزااااف -مارانيش نخلع فيك- مي أنا راني علوم تجريبية وفي السنة الأولى كنت منطيحش على 20 ولا 19.5 في الرياضيات مي جاتني صعيبة وتحتاج مجهود كبيييييييير راني ندور في 17

فإذا وجهوك رياضيات المعامل تاعها 7 في هاذي الشعبة ................. وقدرلك ربي نهار الامتحان تاع الرياضيات تمرض مثلا وماتخدمش ................ دير في بالك بلي راحت عليك

هذا عكس شعبة العلوم لأن المعاملات متوازنة عندك العلوم 6 والرياضيات والفيزياء 5 إذا ماخدمتش في وحدة تقدر تعوض بالأخرى

اسمحولي تاوع الرياضيات مانيش نحطم فيكم مي راني نحكي في الصح


مي فيها حاجة مليحة أنو في الباك تقدر دير حوايج مليحة وبمعدلات ماشي كبيرة

وأنت قلت حاب تكون عالم ذرة -- الله يبارك وربي يوفقك ---

أحسن شعبة ليك هي العلوم التجريبية لأنك في علم الذرة تحتاج العلوم والفيزياء أكثر شيء

اسمحلي طولت عليك حبيت برك نمدلك رأيي و الحقيقة لي راها صايرة في بلادنا

علابالي ضرك يبداو تاع الرياضيات يطاكيوني بالسبان ............... ههههههه

ربي يوفقك ودير لي ريحلك بالك

ولا نقلك صلي صلاة الاستخارة أحسن شيء

راكي تخلعي فينا ختي امينة ! يخاه هههههههه انا ادرس شعبة الرياضيات و لست نادمة ابدا على قراري
شعبتنا تحتاج الى الشجاعة و حب التحدي و هي شيقة فعلا، اسئلتنا في الياضيات و الفيزياء اصعب طبعا من اسئلتكم، و لذلك فهي تحتاج الى الجد و الكد و حل اكبر عدد ممكن من التمارين و نسبة معينة من الذكاء.
بالنسبة لفكرة انو العباقرة برك لي يروحولها راني معاك، و الله يا ختي غير كاين لي داو العام لي فات 10 المعدل السنوي و في الرياضيات متوسطين برك و قبلوهم ... رانا في 32 فينا .. تتصوري ؟ قسم رياضي بهاد العدد ؟ جامي صرات فالتاريخ هادي .. و زيادة عن ذلك حنا قسم فوضوي بزاف، الهدرة و ... حتى في ساعة الرياضيات ! الكل يشتكي منا .. ان شاء الله يقسمونا لعام الجاي، دعولنا خاوتي
و بالنسبة للمعاملات راني معاك 100%، ما تخدمش فالرياضيات خلات عليك، الله غالب عندنا غير مادتين اساسيتين .. نتوما عندكم فرصة اكبر منا لتحقيق معدل جيد فالباك، لانو مجموع معاملات المواد الاساسية تاعكم 16 و حنا 13، تسمى لازم نخدمو فالمواد الاخرى تاني ..
و زيآآآآآآآدة عن ذلك، التلميذ لي خير هاد الشعبة يعني كرياضي لازم يلقى برهان لكل المبرهنات لي نديرو و بشكل "رياضي" و يكون عندو المنطق ... الخ الخ الخ !! المهم، الشعبة تاعنا تتميز بالصعوبة بسبب كل ما ذكرته الآن و لكن كل واحد و واش يحب، و ادا حبيت دير حاجة تقدر تنجح فيها .. انا لست نادمة لحد الآن و لن استسلم ابدا باذن الله تعالى.
لذلك اخي انصحك باختيار ما تراه مناسبا لك فقط
وفقنا الله و اياكم، دمتم في امان الله
سلام

[Unknown G!rl]

لا لا اختي هادوك تقني رياضي لي يقراو الهندسة احنا ناقرو غير رياضيات و الفيزياء

[souad souad]

المشاركة الأصلية كتبت بواسطة unknown g!rl

لا لا اختي هادوك تقني رياضي لي يقراو الهندسة احنا ناقرو غير رياضيات و الفيزياء

سلام أختي أنا نقرا 1 ثانوي و عندي معدل الرياضيات 19.6 نحبها و نفهمها بزاااااف نكره جد القراية كامل غير الرياضيات نحبها صح " نتي تقراي رياضيات عيشك انصحيني أنا كي عطاولي بطاقة الرغبات خيرت رياضيات بصح خوفوني و قالولي في الجامعة و الله ما تلقاي وش تقراي و كي شفت فالانترنت لقيت بلي كيف كيف الرياضيات و العلوم التجريبية صح ؟؟ عيشك اختي جاوبيني و جزاك الله خيرا

[sapin]

لاتهتم في قول الناس دير واش يقولك راسك والميول نتاعك انشاء الله التوفيق

[حنان ع]

سير و لا تتردد حتى انا خلعوني و قالولي بلي الرياضيات صعيبة مي انا منديرش على حديث الناس و لي دار على حديثهم ماراحش يعيش و درك درت شعبة رياضيات امش و توكل على رب و تفائل دائما خير و لا حبيت ندرسو مع بعض ومع طلبة الرياضيات و نحلو التمارين و نستغلو واش بقي من الصيف و شكرا

[جزائرية كوول]

انا درت رياضيات ربي يوغفنا كامل.
ولي قالت الرياضيات يروحولها لي في اخر الترتيب تع العلوم هدا قبل مبقتتش دورك

[zaki.jojo]

شعبة رياضيات احسن

[zaki.jojo]

ولكن شوف روحك انتا لعدت تفهم في الرياضيات والفيزياء ومتعرفش رايضيات

ويرجع الخيار لك

[HADA02]

رياضيات فوور بزاف انا تاني وجهوني رياضيات واللي نعرفهم كاع قالولي ماشي فيليار بيا ومانيش عارف كي ولاو يصعبو فيها
مي انا بغيتها وان شاء الله ربي يوفقني و يوفقكم فيها
وفيما يخص ترونسفار جا قرار مالوزارة مكاش الي يقدر يتحول يا لوكان عندو معارف صحاح و الحالة زيرت في هادو لعوام
واللي فيها الخير ربي يجيبها ويسهلنا فيها

[cathy]

سلام عليكم و الله انا حبيت ننصحكم و الله غير شعبة الريضيات افضل بكثير انا متحصل على شهادة البكالوريا ب 16 مي راني كارهة لانه اخدت في العلوم الطبيعية 13 برك لوكان ديت مليح كنت ندي وحد 17 مي والله غير ننصحكم كامل شعبة الرياضيات افضل بكثير و الرياضيات في شعبة العلوم تقريبا نفسها في شعبة الرياضي ..... والله يوفكم جميعا

[أحمد الوفاق]

المشاركة الأصلية كتبت بواسطة slahino

أنا طالب سنة أولى لدي معدل:16.91 ولا أريد أن يتراجع معدلي بسبب إختيار خاطئ
لقد إخترت شعبة الرياضيات ولكن من شدت ما قيل عنها أريد تغييرها ولهذا أنا في شك وفي مفترق طرق أريد معرفة الآفاق الجامعية لها فأنا أطمح أن أصبح عالم ذرة أفيد وطني وديني

إنها أحسن وأروع شعبة ياولدي العزيز فلا تتردد

[بهاء الدين 93]

سلام عليكم
يا اخي نقولك يلا تحب الفزياء المات ولقيت روحك ما تكيلس للعلوم غير روح ماتيلام
انا ثان أعشق الرياضيات وما عنديش مشكل في الفزياء لكني لا اميل الى العلوم
رغم ذلك
ما عندناش ماتيلام في الثانوية
ثم انني انتبهت متأخرا الى امكانية تغيير الثانوية من اجل الدراسة في هذه الشعبة الرائعة
والدليل على ذلك ان افضل تلميذ في باكالوريا هذا العام هو من شعبة رياضيات وانا اطلعت على كشف نقاطه
طلعاتو الفزياء والمات
ثم انه لبالامكان الحصول على العلامة الكاملة في هتين المادتية عكس العلوم التي لن تنال العلامة الا بشق الانفس عند مصححي الباكالوريا (لا اتكلم عن تصحيح الفروض والاختبارات )
أسأل لك كل التوفيق في شعبتك هذه ولتكن قاعدتك هي كالتالي
رفق
بحيث
ر = رغبة
ف = فرصة
ق = قدرة
سلام

[مسلم أمره لله]

انا ربحت الباك شعبة رياضيات
ونقلك حاجة
اذا كنت قادر على شقاك في الرياضيات والفيزياء ديرها
لانها من افضل الشعب
+ اغلب الي يروحو ليها الله يبارك اخلاق + قراية