حكايات الزائر المشبوه

[البنشكاوي]

المشاركة الأصلية كتبت بواسطة ** مريم **

و عليكم السلام و رحمة الله وبركاته

أعجبتني هذه الصفحة كثيرا ، وضحكت كثيرا !! ههههههههههههههههههه

لا تحرمنا منها .

بارك الله فيك اخي

كنت حابة نحكيلك نكتة ، لكن ، ما نعرفش ههههههههههههه

أختي مريم شكرا على تشجيعك وعلى الشكر وان شاء الله ندير لي علي باش ما نحرمكمش من حكاياتي......... ماحكيتيش بصح ضحكت ههههههههههههه........سلاااااااااام.

[البنشكاوي]

قاللك واحد عندو شكارة صحيحه تلاقى مع واحد صاحبو زوالي مقطًع ...بصح عندو بنتو شابة شابة رعده...
قاللو واش تقول لوكان تزوجني بنتك ونعطيلك وزنها ذهب؟
قاللو لاخر اعطيني مهلة نتاع شهر!!!
قاللو علاش انت لازمك شهر باش تخمم في حاجة كيما هذي؟
قاللو لالا ماشي باش نخمم...باش نقرسها (نسمنها)............ههههههههههههههه.

[البنشكاوي]

كيما حنا نقولو بوس عينك حبابنا السوريين يقولوا.............. بلٌط البحر....
وهذا طفل سوري عندو عمو مازن يخدم الكارلاج.
بابا و ماما نتاوعو يحكيو عليه.....حبيبي إياد ..........
تع حبيبي إياد لأسألك كم سؤال....قلي حبيبي إياد مين شق البحر؟
قال....اللي شق البحر هو سيدنا موسى عليه السلام ..
ممتاز حبيبي إياد طب قلي مين بلطو؟
قال....عمي مازن...مين يبلط من غيرو يعني؟

[البنشكاوي]

قاللك وحد العام وحدة مصرية دخلت لمطعم عندنا....
دوموندات دجاجة ...طرطقتلها يمات يماها في 10 دقايق و راحت للسيرفور قالتلو....الفلوس كم؟
قالها واش هذيك الجاجة ما شبعاتكش حابة تزيدي فلوس؟

[البنشكاوي]

قاللك واحد كان يلقف ( يحتضر) وزوجتو قاعدة عند راسو وبدا يتمتم ويهدر معاها....
مليكة.....بقاو 02 دقايق في حياتي اذا كثر....نعطيك سؤال وجاوبيني بصراحة...كنتي fidele معايا طول حياتنا و عمرك ما خنتيني؟
قالتلو نجاوبك بصح قبل هذا نقولك سؤال وتجاوبني بصراحة وما تكذبش علي؟ قاللها ما نكذبش....
قالتلو قول والله غير نموت صح.........!!!!
iiiiiiiiiiiiiiii hhhhhhhhhhhhhhhh

[** مريم **]

المشاركة الأصلية كتبت بواسطة الزائر المشبوه

قاللك واحد كان يلقف ( يحتضر) وزوجتو قاعدة عند راسو وبدا يتمتم ويهدر معاها....
مليكة.....بقاو 02 دقايق في حياتي اذا كثر....نعطيك سؤال وجاوبيني بصراحة...كنتي fidele معايا طول حياتنا و عمرك ما خنتيني؟
قالتلو نجاوبك بصح قبل هذا نقولك سؤال وتجاوبني بصراحة وما تكذبش علي؟ قاللها ما نكذبش....
قالتلو قول والله غير نموت صح.........!!!!
Iiiiiiiiiiiiiiii hhhhhhhhhhhhhhhh

هههههههههههههههههههههههههههههه

وين راك تجيبهم هاذو ؟ هههههههههههههههه

[البنشكاوي]

قاللك في وقت كسرى كان الحوت عزيز و أنديسبونيبل قليل وين تشوف حوته...
وحد الصياد حكم حوته.............مزهار........
سمع بيه كسرى وأمر الحراس باش يجيبوه هو و الحوته...
قالو ...ايه يا الصياد واش حال رام عاطيين فيها؟......قالو ماعطاوش قالو وشحال راك طالب فيها قالو ماهيش للبيع....
ايا شحن كسرى وقال نغريه قال وش رايك نعطيك فيها كموسة دراهم...قالو هاك الحوته راهي ملكك....
ادا الكموسة و جا خارج.....الجارية حسدت زوجة الصياد في الدراهم بيناتهم عداوة...
قالتلو يا سيدنا كسرى خليتو كلخلك وادالك كموسةدراهم كيما هذيك على جال حوته ماعندكش حتى الفريجيدار باش ماتخسرلكش؟؟
كسرى خدمتلو...قاللها والله غير صح كلخلي بصح عيب ذرك نقوللو رجعهالي......
قالتلو خاطيك الشي انا ندبر راسي انت ماعليك غير تعيطلو يجي ليك.....
جابوه..قالتلو يا صياد هذي الحوته انثى ولا ذكر ...باش اذا قال ذكر تقول بصح السلطان يحوس على انثى واذا قال انثى تقول العكس..
فاق لها ...قاللها هذي الحوته خنثى يعني انثى وذكر تقدري تقولي.....اللي كانو حاضرين كامل ماتو بالضحك...حتى السلطان..وامر باش يعطوه كموسه دراهم اخرى على ذكاءو.....ادا الكموسات وجا رايح..وهو خارج طاحت لو قطعه نقدية.....احنى روحو ورفدها وما سمحش فيها........قالت الجارية قدام السلطان ياخي جيعان يا خي قطعه وما قدرتش تسمح فيها هذي قلة حياء..كيفاش يدير geste كيما هذا قدام السلطان..................السلطان عاودت خدمتلو ...قالو يا صياد...ارواح هنا .....واش قلة الحياء هذي عطيتك زوج كموسات وما ستحيتش تنحني باش ترفد قطعة قدامي...؟
قالو يا سيدي السلطان صفي النية راك غالط انا ماشي قصدي ما نسمحش فيها بصح علابالك بلي النقود راك ناقش فيهم تصويرتك وانا قلبي ما يخلينيش بعد هذا الخير اللي درتو فيا نخلي فيقورتك (صورتك) تطيح في الارض.....السلطان غاضتو عمرو وجاه البكا وقالو والله غير تسمح لي يا الصياد غلطت في حقك......زيدولو كموسة دراهم ووصلوهم لو حتى للدار.

هههههههههههههههههه

[محمد حانطي]

المشاركة الأصلية كتبت بواسطة ** مريم **

هههههههههههههههههههههههههههههه

وين راك تجيبهم هاذو ؟ هههههههههههههههه

اختي مريم

[البنشكاوي]

قاللك واحد فنيان فنيان فنيان حتى ما يقدرش يحل فمو ويهدر.......
راح للقهوه وراه قاعد ماعيط للقهواجي وهذاك ما جا ليه...والساعه راهي تدور ...ساعه زوج تلاته ربعه....
و واحد جارو يعرفو مليح قال اليوم مانروح نخدم غير نعسو وش راح يدير فيها.....
مبعد الفنيان هذاك تثاوب وبطا و هو حال فمو......جاليه جارو قالو .....دير plaisir في عمرك profitez l'occasion و demandez قهوة مادام حليت فمك...ياخي فنيان ياخي...

[** مريم **]

المشاركة الأصلية كتبت بواسطة محمد حانطي

اختي مريم

أعتذر لصاحب النص على هذه المداخة ، لكن ، محمد ، وين المشكل ؟

[البنشكاوي]

المشاركة الأصلية كتبت بواسطة ** مريم **

أعتذر لصاحب النص على هذه المداخة ، لكن ، محمد ، وين المشكل ؟

الاخ محمد seem to be confused مافهمناش وش حاب يقول لكن نقدرولو غيرتو على المنتدى وعلى الجزائر بصفة عامة حتى ولو انو استعمل طريقة خاطئة....بالنسبة ل مريم هذي الحكايات بعضها من عندي و بعضها من كتاب قديم عندنا في البيت...وأعدك بالمزيد كلما تسمح لي الفرصة ان شاء الله وهذا ماراهوش سؤال خصوصي حتى نستغربوه....خذي راحتك ..اتمنى لك ابحار ممتع.سلاااااااااااام.

[البنشكاوي]

قالك واحد شاف 02 ذراري ديما يمشو مع بعض.....قالهم الله يبارك خموس عليكم شحال شبان ...وتتشابهو بزاف انتما خاوة؟
قالولو ايه توام.......
قاللهم او الله يبارك.....قولولي انتما خاوة....من الام ولاب؟

[البنشكاوي]

قالك واحد يكره واحد بزاف بزاف بزاف...............
ايا سمع بلي راه يلقف (يحتضر) جا يستشفى فيه...
قالو ما تقنطش يا حبيبي الموت كاينة وتكون قغ نموتو...وشنو انت رايح رايح قلت نعطيك وصاية تلحقها في طريقك ل بابا ....
قالو اواه مانيش رايح من جيهة l'enfer كي تلحق دالتك اديهالو انت....................هههههههههههههههههه

[البنشكاوي]

واحد هامل قالولو كي تكون تمشي كيفاش تعرف يدك اليمنى من يدك اليسرى؟
قاللهم كي نكون نمشي الصبع الكبير تع اليد اليمنى يكون صاد لليسري
و الصبع الكبير تع اليد اليسرى يكون صاد لليمنى..........هههههههههههههههه.

[البنشكاوي]

قالك واحد يحب يسوق الطيارة....كي كبر سرق طيارة وبدا يسوق فيها على حساب واش يقول الكتاب اللي كان يرفدو معاه .......
ايا كي حب يحبط قلب الصفحة باش يشوف كيفاش يحبط.....لقا مكتوب...أم عن كيفية الهبوط فسنوافيكم بها في العدد المقبل ان شاء الله.