صآبـلي بشكلِ جديْدٍ منْ مـطْـ عآشقة الجنَةُ ـبــخْ

[ضآحكة مستبشرة]

السلام عليكن و رحمة الله تعالبى و بركاته
مسائكم سعيد
ان شاء الله تكونوا بخير

متضحكوش عليا لانو راني مبتدئة في هذا المجال خاطرش مزالني صغيرة :$:$ مدا بيا منكم تشجيع

اليوم جبتلكم صابلي بنقش جديد من مطبخي

اولا نبداو بالمقادير



- 4 صفار بيض
- 1 علبة زبدة
- كاس سكر قلآصي { مسحوق }
- مبشور برتقـآأل
- 2 خمارة
- الفرينة
- كاكاو

للتزيين :



- شكوكولاطة ذائبة على حمام مائي
- قلاصآج
- حلوى فارميسال
- معجون

طريقة التحضير :

نضيف البيض و نخلطوا مليح و نضبلفوا الزبدة { من الاحسن انك تخلطي البيض و الزبدة بيدك }
نضيف كاس سكر قلاصي
و مبشور البرتقال
نخلطهم الكل مع بعض

و نضيف الفرينة و فوقها 2 خماة و نكون العجين

- نقسم العجين الى قسمين

نصف نخليه عادي و النصف الثاني نضيفلوا الكاكاو الى ان تصبح لدي 2 انواع من العجينة



نجيب اي طابع يعجبك شكلوا و قطعي الحلوى اعداد متساوية من كلى العجينتين الملونتين باش كي تجي تلصقي تصيبيهم متساويين




بعد تقطيع العجينة بالطابع ندخلها الفرن على نار هائدة
بعد ان نخرجوها من الفرن و تبرد نلصقوها



من الجهة البيضاء نديروا قلاصاج و نرشوها من لفوق بحلوى الفارميسال



و من الجهة البنية نديرولها شكولاطة و نزينوها بالقلاصاج




و في الاخير هاهو الشكل النهائي




نتمنى تعجبكم