الخبر اليقين حول اعفاء 2011

[salim cham]

المشاركة الأصلية كتبت بواسطة nadjib biskra

أخي بارك الله فيك من أي ولاية أنت وهل سألتهم عن الفحص الطبي أم هم الذين قالوا ذلك بأنفسهم

من فضلك يا نجيب اذا كنت من بسكرة صونطر سقسينا في مكتب التجنيد وسقسينا على الشروط

[سجّل أنا جزائري]

شكرا لك اخي ظهرت الحكاية ما فيها حتى فايدة الاغلبية الساحقة لا تتوفر فيهم هذه الشروط خاصة لافيزيت

[علي مخاطة]

المشاركة الأصلية كتبت بواسطة محمد1700

كثر الحديث حول هذا الموضوع و درءا لأي معلومات مغلوطة تنقلت رفقة صديق الى مكتب الخدمة الوطنية في مدينتنا اين تبين لنا ان هناك. شروط للاستفادة من الاعفاء وهي ان تكون مولود من 85الى 92 و ان لا تكون عاصي او روشارشي و ان لا يكون قد استدعيت في ماي او قبله وان تكون مجتازا للفحص الطبي و ان تنهي دراستك قبل نهاية 2011 الشروط كما تلاحظون تعجيزية و قليل من يشمله الاعفاء اذا توفرت فيك الشروط تسلم لهم نسخة من بطاقة الهوية و اخر ديبلوم2011.ضف الى ملأ استمارة تمضي و تبصم في اخرها مع تنبيهك الى انه في حالة التصريح الكاذب تفقد حقوقك و تتعرض للمتابعة القضائية...في الاخير تم تسليمنا استدعاء الى غاية ديسمبر و نحن في وضعية قانونية الي غاية ان تظهر نتائج التحقيق خلال مدة6 اشهر هذه .ان كنا منقطعين فعلا عن اي تكوين جامعي او في مدرسة او معهد او حتى تسحيل في باكالوريا -تشدد كبير- سيتم تسليمنا الاعفاء ان كتب الله عز وجل في حالة العكس كما سلف المتابعة تنتظر المصرح الكاذب.
في الختام انا وصديقي محامون.سلام

أخي أنا ذهبت متطوع دفعة جانفي 2015 طفراوي خرجت بسورسي 6 أشهر بعد الفحص الطبي بالثكنة هل تنصحني بالذهاب للعلم أنا من مواليد 86 و تخليت عن الدراسة في 2010

[محمد1700]

المشاركة الأصلية كتبت بواسطة علي مخاطة

أخي أنا ذهبت متطوع دفعة جانفي 2015 طفراوي خرجت بسورسي 6 أشهر بعد الفحص الطبي بالثكنة هل تنصحني بالذهاب للعلم أنا من مواليد 86 و تخليت عن الدراسة في 2010

للاسف انت خرجلك استدعاء مادام توجهت لطفراوي لانه من ضمن الشروط ان لا يخرجلك حتى استدعاء و ان خرجلك لازم يلغى بتأجيل قبل نهاية 2011

[سجّل أنا جزائري]

وهذو لي رفضولهم ملفاتهم كشما خذاو عليهم ديبلوم او اي وثيقة ؟؟ اظن انهم سيتلقون استدعاءات للدفاعات القادمة يعني صيدوهم

[محمد1700]

المشاركة الأصلية كتبت بواسطة سجّل أنا جزائري

وهذو لي رفضولهم ملفاتهم كشما خذاو عليهم ديبلوم او اي وثيقة ؟؟ اظن انهم سيتلقون استدعاءات للدفاعات القادمة يعني صيدوهم

ساحاول نوصلك المعلومة اول نا تسقسي ع الاعفاء يقلك اعطيني بطاقة الهوية و روح اقعد ارتاح نروح نشوفلك باه ما تشقيش روحك تجيبلنا وثائق و انت لا يشملك الاعفاء ...من بعد يرجعلك يخبرك اذا كنت من حقك تعطيه الوثائق مش من حقك يقولك السبب يرجعلك بطاقتك و يقلك سلام...صدقني لا يهدر معاك لا يقلك حتى كلمة...اصلا نحن اللي مربوطين بالبطاقة هادي و مستقبلنا يتوقف عليها تسمى حنا لنصيدوهاههههههه و كافة المعلومات عندهم عليك...ما تكسرش راسك...ما تقدرش تخدعهم و الاستدعاء لي يخرجلك ما يوصلكش للدار انت اللي تحوس عليه..و هناك الاف راهم روشارشي لانهم يخموا بعقلية يصيدوني...بالعكس نحن اللي محكومين ع اليد اللي توجعنا للاسف بالتوفيق اخي تقبل مروري

[سجّل أنا جزائري]

المشاركة الأصلية كتبت بواسطة محمد1700

ساحاول نوصلك المعلومة اول نا تسقسي ع الاعفاء يقلك اعطيني بطاقة الهوية و روح اقعد ارتاح نروح نشوفلك باه ما تشقيش روحك تجيبلنا وثائق و انت لا يشملك الاعفاء ...من بعد يرجعلك يخبرك اذا كنت من حقك تعطيه الوثائق مش من حقك يقولك السبب يرجعلك بطاقتك و يقلك سلام...صدقني لا يهدر معاك لا يقلك حتى كلمة...اصلا نحن اللي مربوطين بالبطاقة هادي و مستقبلنا يتوقف عليها تسمى حنا لنصيدوهاههههههه و كافة المعلومات عندهم عليك...ما تكسرش راسك...ما تقدرش تخدعهم و الاستدعاء لي يخرجلك ما يوصلكش للدار انت اللي تحوس عليه..و هناك الاف راهم روشارشي لانهم يخموا بعقلية يصيدوني...بالعكس نحن اللي محكومين ع اليد اللي توجعنا للاسف بالتوفيق اخي تقبل مروري

والاستدعاء من اي نوع امر استدعاء او امر التحاق ؟؟

[young rising]

ktaltona ba rachhhhhhhh sahbi gol haja mliha wala skot matahdarch ga3 khir
yarham waldik w saha ftourak

[سجّل أنا جزائري]

المشاركة الأصلية كتبت بواسطة young rising

ktaltona ba rachhhhhhhh sahbi gol haja mliha wala skot matahdarch ga3 khir
yarham waldik w saha ftourak

الله غالب خويا لازم نعرفوا واش راه صاري كيفما كان حلو ولا مر مارانا خاسرين والو

[young rising]

makanch ga3 sah hna ghi lkhorti sahbi fimizak nta chat wahad mkamal 2011 makhrajlah or d'appel hadi ga3 maakch manha wila rahom baghyin za3ko 3lina hadi haja

[سجّل أنا جزائري]

المشاركة الأصلية كتبت بواسطة young rising

makanch ga3 sah hna ghi lkhorti sahbi fimizak nta chat wahad mkamal 2011 makhrajlah or d'appel hadi ga3 maakch manha wila rahom baghyin za3ko 3lina hadi haja

بصح راهم يقولو ordre de route امر التحاق مش امر استدعاء والله اعلم

[محمد1700]

المشاركة الأصلية كتبت بواسطة young rising

makanch ga3 sah hna ghi lkhorti sahbi fimizak nta chat wahad mkamal 2011 makhrajlah or d'appel hadi ga3 maakch manha wila rahom baghyin za3ko 3lina hadi haja

يا اخي كاينين غير هوما و انا واحد منهم كملنا في 2011 وما جاتنيش حتى استدعاء و ما خرجليش امر بالالتحاق...و نحن نعني بالاستدعاء aor

[nisou43]

salam 3likum mes freres, est ce que li ydir formation fi institut privé apres 2011 ma3andouch le droit ?
baraka allah fikoum

[محمد1700]

المشاركة الأصلية كتبت بواسطة nisou43

salam 3likum mes freres, est ce que li ydir formation fi institut privé apres 2011 ma3andouch le droit ?
Baraka allah fikoum

يا اخي اعتذر منك طولت عليك...اخي في الله ...حسب ما قال لي العون المكلف ان لا تسجل في حتى تكوين تابع للدولة او خاص حتى اجتياز شهادة الباكالوريا مرة اخرى يحرمك من الاعفاء....ها انا انقل فقط ما قيل لي.

[mohamed mahi]

مواليد 88 جامعي متخرج في 2011 درت الفحص عادي جاوني 2 استدعائين وماروحتش هل انا معني ؟