زيت القليان واش تديرو بيه ?????????

[زينب 83]

المشاركة الأصلية كتبت بواسطة أم نُسيبة العامرية

السلام عليكم
شكرا أختي زينب على المعلومة
لكن والله الامراض راهي في كامل المأكولات و انا واش ندير
قبل ما نزيد نطيب بيه نقرالو المعوذتين و سورة الفاتحة و استعيذ من كل شر و التسمية
ونتوكل على ربي
ندير بيه فطير اي الرخساس و نحمس بيه الاكل

يارب استرنا من امراض العصر و ارزقنا العفو و العافية

حبيبتي من التوكل على الله الأخذ بالأسباب ، هذا هو ديننا ،وو الاسلام يدعونا للحفاظ على صحتنا هذي نعمة من نعم الله علينا ، و كذا ان لا نرمي بأنفسنا الى التهلكة ، و اذا كان شيء مضر يجب تفاديه ، حنا بشر حبيبتي و رب العالمين انعم علينا بنعمة العقل يعني الانسان ملزم انو يفكر قبل ما يأكل ، و ماشي اذا المنتجين ضرونا بأغذيتهم الفاسدة حنا نزيدو نكملوا على رواحنا يا اختي الصحة راهي كنز كبير ما يعرف قيمتها غير الانسان لي مفتاقدها

اللهم أزرقان العفو و العافية

[ام نهوله]

مساء الخير عليكم
انا الزيت تاع المقروط ندير بيه الكسرة

[TOFNINE]

انا عندي القلي قليل في بعض المرات زيت القلي البطاطا نطيب بيه ومرات نرميه

[زهرة الريف*]

نطيب بيه وندير بيه كسرة لاخاطر ساعات نقلي في كمية كبيرة تاع زيت وخاصة كي نستعمل الفريتوز تهزلي من لتر حتى لتر ونص
يعني بزاف نطيش كل هاته الكمية

[sahala]

نديروا بيه الكسرة

[خيط الروح]

شكرا لكم لبنات على الردود
سييت بيه الكسرة من قبل و ماعجبتناش ...
نرميه كما كنت ندير وخلاص خاصة كي زدت قريت المعلومات تاع الاخت زينب

[كنت طفلة]

أرميييييييييييييييييه
خطير على الصحة

[خيط الروح]

المشاركة الأصلية كتبت بواسطة كنت طفلة

أرميييييييييييييييييه
خطير على الصحة

شكراااا اختي قررت باش مانستعملوش ان شاء الله

[hanan 26]

ندير بيه المثقب

[maiar]

زيت تع البطاطا نقلي بيه مرة و مانرميهش ندير بيه الكسرة كيما قالت الاخت الكسرة لازم ما تخطينيش لذلك عندي وين نحطو
اما الباقي كامل نطيشو

[ام ظافر]

زيت السمك .................الله غالب مالقيتلوش حل
زيت البطاطا ...............نعاود نطيب بيه عادي يعني ندوزن بيه البرمة عادي جدا
زيت الفلفل الحار فقط .......احيانا نستعملو في المطبقات او السمنيات او المحاجب يعطيهم بنة الحرور.......او نستعملو للهريسة والحميص
زيت المعجنات ..........اذا لم يتغير لونو نصفيه ونخليه ندهن بيه البلا او الفلفل للقليان وووووو
خلاصة القول مانرميش الزيت غير اذا فعلا يستحق الرمي والحافظ ربي

[ملكة النصر~]

انا من رايي نستعملو زيت القلي مرة وحدة

[ملكة النصر~]

خالتي ام ظافر حبيت نسقسيك وش هي البرمة ؟؟؟؟؟؟؟؟

[Esprit f]

السلام عليكن
شوفي اختي انا نتاع البطاطا نقلي بيه المرة التانية نرميه ونقدر نستعملو لقلي اشياء اخرى مثلا الشيفلور او الفلفل الى غير ذلك بصح من بعد نرميه خاصة اذا تلون بزاف

[خيط الروح]

المشاركة الأصلية كتبت بواسطة ملكة النصر~

خالتي ام ظافر حبيت نسقسيك وش هي البرمة ؟؟؟؟؟؟؟؟

البرمة هي القدرة او الطنجرة لي تدوزني فيها الماكلة.. معنتها لي تطيبي فيها