لنتشارك للتحضير بهدوء للشهر الفضيل

[نزهة الربيع]

موضوع جميل نتمنى انهم يثبتوه
نحكيلكم شوي على تحضيراتنا في دار نزهة الربيع حنا شرينا التوابل و الفريك وخبيناهم وكذلك شرينا القارص و البرتقال غسلناهم كاين قصيناهم عالنصف والاخرين خالينهم كعب ديرناهم في الشكاير والى الكونجيلتار باه نديرو عصير فراش في رمضان ههههههههههههه
كذلك خبينا المواد الغدائية على قول جدتي كيما السكر الطماطم الزيت اللخ حتى ساعات الخل و ماء الزهر
و بالنسبة لباقي المشتريات كيما الأواني نشريهم هذا الوقت وانا نشري حتى طبلية جديدة للكوزينة
وهذا وقت الفول و الجلبانة نقشروهم و نظفوهم ونكجيليهوم نطيبو بيهم ولا نديرو بيهم سلاطة
عندي عمتي تشوي الطماطم والفلفل حلو و حار وتكونجيلهم ديرهم سلاطة مشوية و كل مرة تجبد طرف في رمضان
حتى كيما يطيح الثوم نقشروه و نكوجيلوه
وكذلك نشريو ملابس العيد نوجدوها ومانساوش تنظيف الدار و غسيل الحيوط و ا لأفرشة
نقولكم كان تضحكوا كيما كانت تقول جداتي بكري الله يرحمها و ينعمها انا حتى من البخور مخبيتو ومش اي بخور راهو بخور الحج ههههههههههه باش نبخرو في رمضان هههههههههههههههههههههههههههههه وكذلك شرينا اسدال اللي هو لباس الصلاة و مخبية زربيات صلاة جديدة لرمضان و كذلك شريت عباية باه يسهلي ربي السنة و نروح نصلي التراويح ادعيولي ربي يسهلي السنة
نتمنى اني ماطولتش عليكم راهو عجبني الموضوع ياسر
نشااله رهضان مليح ونقول لأم راضية فكرة الحصالة عجبتني و حندير وحدة ان شاء الله

[الوهرانية 1]

حبيبتي اكيد نتجاوبو مع الموضوع وفعلا فكرة الحصالة ناجحة جدا انا ما غاديش نكدب عليك ونقولك صدقت منها العام الي فات درنا الحصالة كيما هاد الوقت يعني في شهر ابريل وقبل رمضان المبارك فتحناها ولقينا مبلغ ساعدنا في التحضير اشترينا توابل وبرقوق و.........ووووو

المهم فيما يخص الدجاج احنا نقطعها اطراف ونحطهم في صنية كيما قالت الاخت الفاضلة اريج طبعا كي يجمد نحط في اكياس كونجلاسيو هدا ادا كنت حابة نجمدو مدة قصيرة اما مدة طويلة وطبعا اقصاها 6 اشهر وهاد المعلومة من خبير تغدية وانا نستعملها من مدة في هدة الحالة نغلف الدجاج بورق الالمنيوم ونغلق باحكام حتى مياخدش بنة الكونجيلاتور ويكون محمي وحتى ادا انقطع التيار لساعات الالمنيوم يشد البرودة كل كيس حطي فيه تاريخ التجميد وابداي بالاول الي درتيه
ممكن تغلفي 3 او 4 اطراف في المنيوم واحد تكوني جمدتيهم في الصنية اولا تسهل عليك العملية
طبعا ندير الفخودة وحدهم والصدورة وحدهم
كل ما يكون عندك صدر قطعيه بسكين على شكل شرائح اسكالوب وجمديهم بنفس الطريقة من هنا لرمضان تكون عندك كمية مليحة ممكن تحشيهم ولا تقليهم ولا ........
ونخطف مرة على مرة دجاجة صغيرة ونحطها هكداك كاملة في الامنيوم هادي ادا حبيتي دجاجة محمرة ولا محشية
المهم كاش ما نتفكر راني نقولكم وحتى الاسماك راني بديت نجمدها لانها تجيننا من البحر مباشرة خويا يصيدها
ودائما بطريقة الالمنيوم انشاء الله نصورلكم التحضيرات

[terrou]

المشاركة الأصلية كتبت بواسطة ام راضية

الفكرة الثانية حبيباتي
تحضير التوابل
عندما تشتري التوابل او تحضريها دائما نقصي كمية وخبيها في مكان جاف ومتهوي وخليها وهده الطريقة استعملها في سائر العام وكل مرة هكدا حتي تلمي كمية مليحة وكي يفوت شويه وقت وتطول عندك اشري ما يعادلها واستعملي القديمة واحتفظي بالجديدة وهكدا علي ما ياتي وانا دائما افكر في الظروف الطارئة
ابداي من الان وان شاء الله في رمضان لن تشتري التوابل وستوفري ثمنهم حطيه في الحصالة ههه
طبعا هده الطريقة لكل التوابل اللي تستعمليها
ان شاء الله تعجبكم الفكرة

بارك الله فيك اختي
فكرة مليحة عجبتني

[ام ملاك.]

موضوعك رائع راني نستنى فيك باش تبداي ونشوف الاخوات باش نستفاد منكم

[ام راضية]

المشاركة الأصلية كتبت بواسطة الوهرانية 1

حبيبتي اكيد نتجاوبو مع الموضوع وفعلا فكرة الحصالة ناجحة جدا انا ما غاديش نكدب عليك ونقولك صدقت منها العام الي فات درنا الحصالة كيما هاد الوقت يعني في شهر ابريل وقبل رمضان المبارك فتحناها ولقينا مبلغ ساعدنا في التحضير اشترينا توابل وبرقوق و.........ووووو

المهم فيما يخص الدجاج احنا نقطعها اطراف ونحطهم في صنية كيما قالت الاخت الفاضلة اريج طبعا كي يجمد نحط في اكياس كونجلاسيو هدا ادا كنت حابة نجمدو مدة قصيرة اما مدة طويلة وطبعا اقصاها 6 اشهر وهاد المعلومة من خبير تغدية وانا نستعملها من مدة في هدة الحالة نغلف الدجاج بورق الالمنيوم ونغلق باحكام حتى مياخدش بنة الكونجيلاتور ويكون محمي وحتى ادا انقطع التيار لساعات الالمنيوم يشد البرودة كل كيس حطي فيه تاريخ التجميد وابداي بالاول الي درتيه
ممكن تغلفي 3 او 4 اطراف في المنيوم واحد تكوني جمدتيهم في الصنية اولا تسهل عليك العملية
طبعا ندير الفخودة وحدهم والصدورة وحدهم
كل ما يكون عندك صدر قطعيه بسكين على شكل شرائح اسكالوب وجمديهم بنفس الطريقة من هنا لرمضان تكون عندك كمية مليحة ممكن تحشيهم ولا تقليهم ولا ........
ونخطف مرة على مرة دجاجة صغيرة ونحطها هكداك كاملة في الامنيوم هادي ادا حبيتي دجاجة محمرة ولا محشية
المهم كاش ما نتفكر راني نقولكم وحتى الاسماك راني بديت نجمدها لانها تجيننا من البحر مباشرة خويا يصيدها
ودائما بطريقة الالمنيوم انشاء الله نصورلكم التحضيرات

حبيبتي الوهرانيه انا قلت الحصالة تساعد الاخوات في قضاء بعض الحوائج واللي ضروفها لاباس ديرها تتصدق بيها تكسب الاجر
مشكورة علي معلوماتك

[kakinova]

انا من عندي نعطيكم افكار

لما تكون اسعار الخضر نازلة لرمضان او لغير رمضان من الافضل شراء كميات كبيرة و وضعها فالمجمد

مثلا الليمون
الجلبانة
القرنون يتنقى و يتفور اويتغلى 5 دقائق و لما يبرد يتجمد
الجلبانة
الزليقو لي زاليكو

الطماطم ممكن نجمدها حبات او نطهوها و نرحيها و فوق النار نخثرها تصبح صلصة و نجمدها في مكعبات صغيرة للطبيخ او في اناء بلاستيك كبير للبيتزا و غيرها

الثوم تتجمد فصوص بقشورها او ممكن نرحي كمية كبيرة فالميكسور و فوق كيس بلاستيكي نضع ملعقة صغيرة و يكونو بعاد على بعض شوية و نجمدهم لما يجمدو مليح نضعهم في علبة محكمة الاغلاق و كل مرة نستعمل كويرة

شراء الفريك و غسله جيدا و تركه يجف تحت الشمس مع الملح ثم تنقيته و رحيه ثم تصفيته و طعمو اممممممممممممممممم حتى ولو كمية اللحم قليلة الجاري ط الشربة " تكون بنييييييييييييييينة احسن من المشري نتاع الحوانت لي حتى الغسل ماش مغسول من التراب الى المرحى الي الديار يكون معمر اتربة و حصى صغار

التوابل من الافضل انها تشترى حب و كل يومين مثلا تحمص فوق النار قد ما تسخن فقط ثم ترحى رح تكون رائحة قوية و بنتها عظيمة احسن من المرحية لي عندها مدة طويلة

اللحم المرحي من الافضل انك تشري قطعة لحم و ترحيها فالمنزل رح يكون طعمها غير و مافيهاش الرائحة مثل المشري لانو الرحاية يستعملها الجزار عشرات المرات فاليوم بدون تنظيف

و حذاري ثم حذاري تشريو اللحم الكونجلي لانو يعملو فيه دواء خاص بالموتى " دواء للتحنيط " حتى يحافظ على لونو و شكلو اكبر مدة ممكن و لهذا يكون لونو احمر على غير العادة

لي ما يحبش زوجها الخبز او افراد عائلتها الخبز مثل عائلتي ممكن تعملي كمية كبيرة من الكسرة و لماتبرد حطيها مباشرة فالمجمد و لما تحبي تستعمليها اجبديها من المجد تسخن قليلا ثم الي الفرن سخون رح تسخن و تصبح كأنها جديدة و بهذا رح تقتصدي فالغاز و خصوصا انو الطاجين يلزملو ربع ساعة او اكثر حتى يسخن كل مرة و ايضا مع اقتراب الصيف رح تتفادي انك تلهبي المنزل كل يوم بالطابونة بالاضافة لحر الصيف و ممكن تعملي خبز الدار او الخميرة رخسيس او معجونة و ايضا بريوش شريك و تجمديهم و كل مرة تجبدي نوع او اثنين فالمائدة

الفلفل الحلو اغسليه تشويه فالفرن و تقشريه ثم يقطع شرائح رقاق و يخزن في علب مثلا بلارات او علب لابال و لما تحتاجي تعملي حميص ضيفي الثوم و الزيت و الطماطم و الحار لي يحب و على نار حتى يطهى مع بعض

اذا تفكرت المزيد رح نشاركم بيه

[ام راضية]

تحضير المواد الغدائية
صراحة اخواتي انا ضد شراء كميات كبيرة وتخزينها
قلت نحضر بهدوء وبدون اخلال بالميزانية مثلا لنفرض انك تستهلكي2 كيلو طماطم مصبرة في الشهر اشري ثلاثة كيلو استهلكي 2 وواحد خبيه وهكدا كل شهر وكي تشتري الجديد استعملي القديم وهده الطريقة لكل المواد الغدائية
وبما انه يفصلنا علي الشهر المعظم ثلاثة اشهر طبقي طريقتي وستجدي عندك مخزون كافي لرمضان ولن تضطري للشراء وثمنهم خبيه في الحصالة ههه

[it's me]

موضوع رائع و خصوصا اني نفوت رمضان هاذ العام مع زوجي يعني رايح تتبدل حياتي كلها على بعضها هههه
افدتوني بافكاركن شكرا لكن
اللهم بلغنا رمضان

[terrou]

المشاركة الأصلية كتبت بواسطة kakinova

انا من عندي نعطيكم افكار

لما تكون اسعار الخضر نازلة لرمضان او لغير رمضان من الافضل شراء كميات كبيرة و وضعها فالمجمد

مثلا الليمون
الجلبانة
القرنون يتنقى و يتفور اويتغلى 5 دقائق و لما يبرد يتجمد
الجلبانة
الزليقو لي زاليكو

الطماطم ممكن نجمدها حبات او نطهوها و نرحيها و فوق النار نخثرها تصبح صلصة و نجمدها في مكعبات صغيرة للطبيخ او في اناء بلاستيك كبير للبيتزا و غيرها

الثوم تتجمد فصوص بقشورها او ممكن نرحي كمية كبيرة فالميكسور و فوق كيس بلاستيكي نضع ملعقة صغيرة و يكونو بعاد على بعض شوية و نجمدهم لما يجمدو مليح نضعهم في علبة محكمة الاغلاق و كل مرة نستعمل كويرة

شراء الفريك و غسله جيدا و تركه يجف تحت الشمس مع الملح ثم تنقيته و رحيه ثم تصفيته و طعمو اممممممممممممممممم حتى ولو كمية اللحم قليلة الجاري ط الشربة " تكون بنييييييييييييييينة احسن من المشري نتاع الحوانت لي حتى الغسل ماش مغسول من التراب الى المرحى الي الديار يكون معمر اتربة و حصى صغار

التوابل من الافضل انها تشترى حب و كل يومين مثلا تحمص فوق النار قد ما تسخن فقط ثم ترحى رح تكون رائحة قوية و بنتها عظيمة احسن من المرحية لي عندها مدة طويلة

اللحم المرحي من الافضل انك تشري قطعة لحم و ترحيها فالمنزل رح يكون طعمها غير و مافيهاش الرائحة مثل المشري لانو الرحاية يستعملها الجزار عشرات المرات فاليوم بدون تنظيف

و حذاري ثم حذاري تشريو اللحم الكونجلي لانو يعملو فيه دواء خاص بالموتى " دواء للتحنيط " حتى يحافظ على لونو و شكلو اكبر مدة ممكن و لهذا يكون لونو احمر على غير العادة

لي ما يحبش زوجها الخبز او افراد عائلتها الخبز مثل عائلتي ممكن تعملي كمية كبيرة من الكسرة و لماتبرد حطيها مباشرة فالمجمد و لما تحبي تستعمليها اجبديها من المجد تسخن قليلا ثم الي الفرن سخون رح تسخن و تصبح كأنها جديدة و بهذا رح تقتصدي فالغاز و خصوصا انو الطاجين يلزملو ربع ساعة او اكثر حتى يسخن كل مرة و ايضا مع اقتراب الصيف رح تتفادي انك تلهبي المنزل كل يوم بالطابونة بالاضافة لحر الصيف و ممكن تعملي خبز الدار او الخميرة رخسيس او معجونة و ايضا بريوش شريك و تجمديهم و كل مرة تجبدي نوع او اثنين فالمائدة

الفلفل الحلو اغسليه تشويه فالفرن و تقشريه ثم يقطع شرائح رقاق و يخزن في علب مثلا بلارات او علب لابال و لما تحتاجي تعملي حميص ضيفي الثوم و الزيت و الطماطم و الحار لي يحب و على نار حتى يطهى مع بعض

اذا تفكرت المزيد رح نشاركم بيه

merciiiiiiiiiiiiiiiiiiiiiii

[ريم الفلى]

رمضان مبقالوش حنا هاد العام عدنا ضياف على هاديك الي راه خاصنا بزاف مواعن هههههههههه وراهي بدات وزيرة المالية ست الحبايب في ااختيارها للاواني وابي طبعا ميفوتوش باش يشري التوابل وشربة الفريك مي مازال مشراش ربي يبلغنا رمضان ان شاء الله

[سؤدد الجنة]

موضوع رااااااااائع بارك الله فيك صاحبة الموضوع
على الأقل نستفادو ونديو أفكار باه نتفرغو للعبادة ان شاء الله
اللهم بلغنا رمضان
أختي الوهرانية الكاوكاو ترحيه وتكونجليه طول يارييت طريقتك وشكرا مسبقا

[الوهرانية 1]

المشاركة الأصلية كتبت بواسطة سؤدد الجنة

موضوع رااااااااائع بارك الله فيك صاحبة الموضوع
على الأقل نستفادو ونديو أفكار باه نتفرغو للعبادة ان شاء الله
اللهم بلغنا رمضان
أختي الوهرانية الكاوكاو ترحيه وتكونجليه طول يارييت طريقتك وشكرا مسبقا

حبيبتي الكاوكاو نحطه حب في اكياس ومرات في علبة كبيرة وكي نحتاج نجبد الكمية الي نستعملهلا فقط نخليها تدوب في حرارة الغرفة ومن بعد نستعملها عادي ادا الحلوى تحتاج كوكاو محمص نحمصو وادا لا نرحيه مباشرة
المرة الجاية نصورلك الطريقة
تحياتي

[معاً إلى الله]

أسعد الله مسائكنّ و طابت أوقاتكنّ ..
بوركتِ أختي الكريمة أم راضية على هذا الطرح القيّم ..

كنتُ بصدد تحضير موضوع و فكرة مشابهة فسبقتيني ..
بارككِ المولى و أحسن اليك .. ان شاااء الله سنكون معكم هنا ..
- يستحقّ الموضوع التثبيت -

مميّزة و جميلة هي الأفكار التي طرحتموها ..
جزاكم الله خيرااا ..
و بلّغنا الله و اياااكم شهر رمضااان و نحن في أحسن الأحوال ..

متابعيــــــــــن ..

[حورية الحر]

لسلام عليكن يا اخواتي حقا اعجبني كثيرا هذا الطرح المبارك و خاصة انه يتيح لربة المنزل في رمضان الاهتمام بالعبادات و قراءة القرءان بدل الاهتمام بالمصروف والطبخ
اناعندي فكرة التحضير المسبق خاصة وان رمضان يجي في الصيف
يعني اطيبي الكسرة و تحطيها في اكياس ثم في الكونجيلاتور و كذلك خبز الدار و البريوش نفس الطريقة و تقدري تجبديه في الليل حتى يذوب لسحور و ربي يوفق الجميع و يعقبو علينا بمزيد من الاجر و الثواب

[الصوامعية]

السلام عليكم جميعا
عزيزتي ام راضية يعطيك الصحة على الموضوع الراااااااائع كروعتك دائما تجينا بأفكار جميلة
أيضا حبيت نشكر كل وحدة حطت فكرة
بالنسبة لرمضان قد يكون الشهر الوحيد لنخمولو بزااااااااف
بالنسبة لدار الصوامعية التحضيرات متشابهة مع تحضيرات كل الجزائرين
راني معاكم باش نخبو الجلبانة والفول والقرنون و......... وقتهم قصير وبلخف يخلاصو
ملاحضة حابة نقولها لبزاف أخوات كي تحبو تخبو الخضروات خبو الخضرة لمتكونش متوفرة في هذاك الفصل ليتزامن مع الشهر الكريم على سبيل المثال علاش نخبو الطماطم والفلفة و القرعة وهي اصلا تكون متوفرة في رمضان وبأسعار معقولة
او العكس كي يتزامن رمضان مع فصل الشتاء نخبو الخضروات المتوفرة فالربيع والصيف وهكذا
هك باش نضمنو مساحة في الثلاجة ونخبو فيها أشياء أخرى نحتاجوها