جيبي مشينتك و ارواحي .....سطايفيه

[faiza2008]

شوفي يا بنتي singer20u43 ملبحة بصح gemsyدروات ما اديرش الحس كامل.(انا راني نهدر على الي شفتهم).
صغيرة .قصدي على الماشبنة.
على حساب رايي على راكي حابة تخدمي بيها لناس لازملك industrielle.
و على تخيطي غير الروحك و اولادك ودارك وجيرانك.................وشيخك..................... ..وحدة صغيرة بزاف اعليك.وانتي تعرفي امكانياتك.
انا مبتدئة وين ما يرح يخدم راجلي راني معاه.نرحل 2مرات فالعام .على هاذ الشي الي فضلت وحدة صغيرة.

[faiza2008]

زيدي شوفي راي السطايفية راهي ماهرة و مجربة

[OM AYA]

فايزة يعطيك الصحة ربي يجازيك و يعطيك ويمنيك ان شاء الله و سطووووف كي نحكمها ما نطلقهااااش

[faiza2008]

هاهم ليك هاذو 2 فيديو فيهم كل شىء
https://www.youtube.com/watch?v=YaKQvRucaYQ
https://www.youtube.com/watch?v=FpJNvDJs-ts

[ندى قدور]

https://download.mrkzy.com/u/0914_09b0aa20a93c1.jpg
رجاء من الاخوات اللي تعرف تركب قفلة انتاع لاتنسيو مشينة سوبر زقزاق تفهمني طارتلي بياساتها وكي حاولت انرجعها نسيت كفاه كانت مركبة المهم الغرزة اترخفت ولات اتدير الحس............. اللي تقدر تعاوني ما تبخلش راني كي شريتها رايحة نقنط

[faiza2008]

شوفي ختي ندى بلاك هاذ الرابط يقدر اعاونك.وعلى ما قدرتيش ما تخلطيش فيها بزاف اديها عند واحد يخدمهم.المهم ما عندك ما قنطك خيتي المشكل ما يستهلش
https://machinesacoudre.over-blog.org...-68588917.html

[وبشر الصابرين]

السلام عليكم
نشركم جميعا على هذا الموضوع
ماشينتي تويوتا 2700 نخيط بيها ساعات برك كانت هايلة تخيط وحدها
عندي مدة طويلة ماجبدهاش
كي جيت نخيط بيها لقيتها تقطع الخيط بزاف شيبتني نركب الخيط نضعط على البيدال يتقطع
قلت بلاك الخيط والووووووو
الحقوني الحجاب راه نص بلييييييز

[ندى قدور]

شكرا ليك اختي فائزة ربي يفرحك بصح بانتلي لاتنسيو انتاع المشينات القدم مشينتي شوية مختلفة ونزيد نحاول معاها شكرا مسبقا

[stayfiya]

المشاركة الأصلية كتبت بواسطة om aya

وهادوك لبياسات زعما تاعش

هههه هاذو لبياسات ديكوراسيون برك هههههه
المشينه فووور الله يبارك
لباسات هاذو 1.2.5.4. يركبو بين المشينه و الطابله راني صورتلك تاعي و 14و 15 وين تركب كبة الخيط كي تستعملي وحدة صغيره المفتاح و التورنيفيسات باينين و لي كانات و بيدون الزيت ههههه 16 لا كروا كي تستعملي موتور صغير تسحقيها 3.7 ماعرفتهمش تاعاش ؟؟؟

[stayfiya]

من بعد نكمل نجاوب راح عليا الحال سلام

[OM AYA]

تفضلي سطووووف الخلاصة علابالي دوختك بالتصاور و التوقيع اللي قد الدنيا هههه

1 سطوف هايليك الماشينة نتاع اختيي تخيط برك انا مازال ما قررتش ووش نشري هادي ولا مودال صغيرون
قاتلك البوبيناج تاع لاكانات هبلني ماحبش يدور مليح,يدور غير بلعقل راهي تعمر الخيط غير بالحيلة زعما وين المشكل؟
و تاني قاتلك اذا فيها بيسات اخرين يعاونوا قصدها كيما هادوك البورتاتيف فيهم بيي كيما تحوس عليهم فايزة ) يركب لقفالي ويدور الكفة و خاص بتركيب الفاغميتوغ و....
وانا سؤالي زعما زعما كون نشري وحدة جي ام سي برودي +خياطة نقدر ندير بيها سوغجي ااو حاجة تشبه لاني مش معولة نشري ماشينة السرفلة



2 انا قلت بلاك نشري وحدة من هادوا تاع فيتنام خيري معايا حاجة مليحة و (...................................سؤال بايخ حذفتو ههه............................................... .....................)

راني دوختك بصح علابالي تتقهواي و تريقلي راسك مليح باه تددخلي و دعوة خير من عندي هذا ما نقدر يا لعزيزة كون جيت نعرف بلاصتك راني جبتلك لبرااااج ولا نبعتهملك مع لافامي هههه

[stayfiya]

المشاركة الأصلية كتبت بواسطة faiza2008

يا السطايفية خيتي هاهم ليك .الله يعطيك على حساب قلبك

صباح الخير فايزه ختي اني حكمت تصاورهم من بعد على 12 نهبط للسوق لصحاب لماشن و نشوفلك ان شاء الله نلقالك و نردلك لخبر

[stayfiya]

المشاركة الأصلية كتبت بواسطة OM AYA

وهادوك لبياسات زعما تاعش

ام ايا يعطيك الربح علاش ما قلتيليش على التصويت هههه باش نطلعلك البورسونطاج ههههههه ايا سي بون راني فوطيت
هاهم لبياسات لي قتلك يركبو هنا

[stayfiya]

المشاركة الأصلية كتبت بواسطة faiza2008

شوفي يا بنتي singer20u43 ملبحة بصح gemsyدروات ما اديرش الحس كامل.(انا راني نهدر على الي شفتهم).
صغيرة .قصدي على الماشبنة.
على حساب رايي على راكي حابة تخدمي بيها لناس لازملك industrielle.
و على تخيطي غير الروحك و اولادك ودارك وجيرانك.................وشيخك..................... ..وحدة صغيرة بزاف اعليك.وانتي تعرفي امكانياتك.
انا مبتدئة وين ما يرح يخدم راجلي راني معاه.نرحل 2مرات فالعام .على هاذ الشي الي فضلت وحدة صغيرة.

عندك الحق فايزه حتى انا قلت هكذا. ام ايا لكان عندك مشاريع مستقبليه بالمشينه و عندك ليستع و حابه حاجه مكنزه زيدي شوي و اشري اندوستريال خير تعاونك مع نتي مرا قلوقه ثم ثم تنحي عليك تحطي رجلك تطير نص ساعه تخلصي روبه ههههه و لكان شايفه روحك تستعمليها غير للترقاع ياسر عليك وحده صغيرة بصح لازم بياسها يكون حديد من داخل صقصي لي يخدم لماشن ميش لي يبيع برك

[stayfiya]

المشاركة الأصلية كتبت بواسطة ندى قدور

https://download.mrkzy.com/u/0914_09b0aa20a93c1.jpg
رجاء من الاخوات اللي تعرف تركب قفلة انتاع لاتنسيو مشينة سوبر زقزاق تفهمني طارتلي بياساتها وكي حاولت انرجعها نسيت كفاه كانت مركبة المهم الغرزة اترخفت ولات اتدير الحس............. اللي تقدر تعاوني ما تبخلش راني كي شريتها رايحة نقنط

شوفي القفله راهم لبياسات لي يجيو داخلها و الروسور كل حاجه عندها الروبير تاعها مرت خويا عندها وحده من بعد نصلها و نعاود نركبها و نصورلك المراحل