شارك في اختيار الملكة قبل انتهاء التصويت

[وليد مولودية]

المشاركة الأصلية كتبت بواسطة *أم كوثر*

السلام عليكم
جمعتكم مباركة
ان شاء الله الجميع بخير
بانتظار الاطلالة التانية
ترحيب خاص بام وليد
ان شاء الله متزعفيش مني لاني دايما نتدخل في مواضيعك بحذف الصور المخالفة
مظطرة للغياب مساءا
لكن في الليل ان شاء الله نتمنى كي ندخل نلقى شيئ في المستوى
وكلي ثقة في ملكاتنا

اهلا بسكرة المنتدى

علاه نزعف حنونة معلش الي سهيت عليه انا تفكروني فيه يعني الواجب اشكركم

شكرا لحبيبة

[وليد مولودية]

المشاركة الأصلية كتبت بواسطة stayfiya

اوووو ام وليييد راكي فحلة ونص نشالله لبنات يستفادو من تجاربك و انا ثاني ههههه يعطيك الف عافية

الله يعافيك حنونة تسلمي لي

[stayfiya]

في انتظار ليونة جبت من راسي شوي اسئلة نبدلو جو و نتعرفو من خلالها على شخصية كل وحدة و الاجابات راح تكون عفويه اكييد
واااش هي اول حاجة تخمي تحضريها كي تعرضي ضياف للدار
تخمي واش طيبيلهم و كيفاش تصنعي طابلتك و تفكري في تسلسل المينيو يعني مقبلات وشوربة و سلاد و...!! و تشوفي واش تحتاجي. باش تبداي تشري ..؟
ولا تخمي تروحي للاكوافيز و واش تلبسي باش تكوني بريزونطابل و كيفاش تكون طلتك هذاك اليوم
ولا تفرزي الدار و تغسلي الحالة و تجبدي ماعن جدد و تركبي ريدوات و فراش محدد و نظيف و باهي

و لا ماتعرضي ماتكسري راسك و ماتستقبليهمش و يادار مادخلك شر ههه؟؟؟


كيما تعرفو كاين اختلاف كبير بين.الاجيال السابقة و الجيل الحالي
حسب رايكم ويناه الجيل لي عاش مليح اذكريلنا لحوايج لي يعجبوك و لي ما يعجبوكش بين بكري و ضك و انتي لوكان خيروك بينهم واش من جيل تحبي تعيشي فيه جيل زمان ولا جيل الآيفون و الآيباد (انا عن نفسي مخظرمة هههه)


كل واحد فينا عندو اهل و صحاب و حباب لي يوقفو معاه وقت الشدة هو مايخليهم و هوما ديما يساندوه و يتحداو كلشي علاجالو كل وحدة تسميلنا 4 أشخاص او اقل لي مانساتش وقفتهم معاها و تقول هل الاصدقاء هم الاقرب ام الاهل و واش فايدة وجودهم في حياتها




كل وحدة تقوللنا مستواها الدراسي !!... و هل انت مع او ضد المرأة المتزوجة والعاملة في نفس الوقت و لاكنتي مع قوليلي رايك في التنسيق بين الاولويات يعني كي تزوج من الافضل تخدم ولا تقعد في بيتها و تربي ولادها

اكيد كل واحد فينا عندو هوايات كثيرة ممكن ماتكونش واظحة او مانعطيوهاش اهمية ممكن لضيق الوقت او لعدم توفر الامكانيات كل واحد يذكر اكثر حاجة تستهويه و يحب يمارسها وقت الفراغ بغض النظر لكان الهوايات هاذو عندهم عوائد مربحة كالحرف مثل خياطة او حلاقة او لكروشي او حياكة الزرابي ...إلخ او هواية ترفيهية و تثقيفية . كالرياضة بكل انواعها او القراءة
او السفر او...الخ
لاكنتي من المهتمين بالحرف قوليلي واش درتي بهوايتك طورتيها معناه زدتي قريتي و ديتي ديبلوم و اتقنتي جميع جوانبها و اثبتي روحك فيها و راكي تفيدي الناس بيها و لا دفنتيها و خليتيها بينك بين روحك

جربتي مرة تروحي لملجأ ولا دار ايتام ولا دار عجزة ولا مكز رعاية مسعفة و شفتي احوال الاشخاص ثما و جربتي تقدميلهم مساعدات وزياراتك بشكل دوري و لا جامي خممتي في الفكرة هاذي أصلاً

المرا بطبيعتها جميلة و تهتم بكل شي داير بيها و تحبو يكون مليح سواء دارها ولا لبستها ولا شعرها و لا شكلها و لاااا قرب عرس في لافامي و لا عيد تلقاها تجري ورا الماكياج و لي ماسك و الخياطة الجديدة و ااخر ما توصل اليه العلم (عِلم الحطة والمطة)
قوليلي واش تنصحي لبنات بحاجة جربتيها ونجحت معاك يعني كان عندك مشكل و عالجاتولك ممكن نوع ماسك للشعر او كريم للوجه
و قوليلي راي الناس فيك يهمك ؟ يعني هوما يشوفوك مليحة ولا لالا وانتي ايه نتي واش يعجبك في شخصيتك (وعلابالنا الجمال جمال الروووووووح) و لي يحكم على الناس من المظهر
واش تقوليلو

[stayfiya]

و هاو ليكم سفنج سخون هذوين طيبناه للنافس في خاطر ام ولييدووو لبنات مدو يديكم ماتحشموش

[•~ندية الجوري~•]

أهــلاً بكِ أختي أمْ وليدْ
نـــوّرتِ الجلســة و حليتيها ..
إن شاء الله تقضي معنا أوقــات ممتعـــة
و تفيدينــا بــ توجيهاتكْ و أفكـــاركْ

و شكــراً على النصائح التي قدّمتها

جعل الله أجــر تعبك و ما تقدّميه في ميزان حسناتكْ


////


الغاليـــة أم كــوثــر

أهلاً بــ إطلالتكِ البهيّـــة
إن شاء الله نكونوا في المستوى


/////


أختي الحبيبــة سطــايفيـــة


واووووو .... كل هذه الأسئلـــة
نقعد معاهم عشيّـــة باش نكمّلهم

أسئلتكْ كلهم راااائعين و في محلهم

.

جاري الإجابــة بإذن الله

[stayfiya]

هههههه ما يفوتكش يا ندية راني ليسانس في علم النفس والعمل ههههه بسيكولوغ يعني اصبري نكبلك شوي قهيوة جوزي بيها السفنج راه خفيف يسخف امممممم

[stayfiya]

4بيضات 2 مغارف كبار سكر 2زيت 1/2كاس حليب 1صاشي ليفير شيميك و كيلي ب باط لابيل رطل نص دقيق و نص فرينة ميش معمر مليح و تخلطي مليح و تبداي تقلي بعدما يحمى الزيت و تهزي قيس مغرف و تحطيها في الزيت و تسبطيها شوي و ترمي عليها الزيت بالمغرفة حتى تتنفخ و تحمار و شهية طيبه سيدتي

[stayfiya]

هاني عطيتلكم لا روسات نتاع السفنج

[•~ندية الجوري~•]

[

المشاركة الأصلية كتبت بواسطة stayfiya

في انتظار ليونة جبت من راسي شوي اسئلة نبدلو جو و نتعرفو من خلالها على شخصية كل وحدة و الاجابات راح تكون عفويه اكييد

.

واااش هي اول حاجة تخمي تحضريها كي تعرضي ضياف للدار
تخمي واش طيبيلهم و كيفاش تصنعي طابلتك و تفكري في تسلسل المينيو يعني مقبلات وشوربة و سلاد و...!! و تشوفي واش تحتاجي. باش تبداي تشري ..؟
ولا تخمي تروحي للاكوافيز و واش تلبسي باش تكوني بريزونطابل و كيفاش تكون طلتك هذاك اليوم
ولا تفرزي الدار و تغسلي الحالة و تجبدي ماعن جدد و تركبي ريدوات و فراش محدد و نظيف و باهي

و لا ماتعرضي ماتكسري راسك و ماتستقبليهمش و يادار مادخلك شر ههه؟؟؟

.



بطبعي نفكّــر في كــل شيء مع بعض
لأني فوضويّــة التفكير ...

و عادة تكون العرضـة قبل بــ يـوم أو يومين
قبل مــا يجيــو لعندنــا

و بالتّــالي ... نبداَ بــ الدّار و الأمور لي لازم نعدلهم
و نغســل الماعن لي نحتاجهم و نحطهم بـ جيهـ
بعدهــا نكتب واش نحظّــر واش لازم يكون على الطّاولة
و نشوف واش كــاين وواش يخص
باش يــروح المسيـــو يشــري واش لازم

نحظّر الأمور لي نحتاجهم في الطبخ ليلاً إذا كان غــداء
و صباحاً إذا كان عشاء
.

و طبعاً نهتم بـ شياكتي و شكلي و لكن بلا ما نروح عند الحلاقة
..

.

كيما تعرفو كاين اختلاف كبير بين.الاجيال السابقة و الجيل الحالي
حسب رايكم ويناه الجيل لي عاش مليح اذكريلنا لحوايج لي يعجبوك و لي ما يعجبوكش بين بكري و ضك و انتي لوكان خيروك بينهم واش من جيل تحبي تعيشي فيه جيل زمان ولا جيل الآيفون و الآيباد (انا عن نفسي مخظرمة هههه)


.

جيــل بكري ...وشكون في الأجيال لي فاتت
...
كان كل الجيل يتحدّد بحــوال 30سنــة

كــل 30سنــة يتغيّر الجيل حالياً في خمس سنين أو أقل تلقاي كل شيء تغيّــر
التفكير التّعاملات و نمـط العيش..


كاين امور نفضّلها كانت زمان و إختفت حالياً
و أغلبها القيّم و الأخلاق و الإحترام
لي كان زمان ...

يعني نحب من زمان التّــراحم و العلاقات الجميلة لي كانت فيه ...
و الطيبــة و التّعامل لوجهــه الله
لا للمصالح
و لا بـ استعمــال الحيلة

و نحب أسلوب العيش اليسيــر و توفّــر كــل شيء في هذا الجيـل

و طبعاً

هذا الزّمن أجمــل و أكثر تطوّراً بكثير
لولاَ أنّ سلبياته أتتْ على أجمــل الأشياء
و ذهبتْ بـ التــواددْ و الإقتراب العائلي الذي يفتقده الكثيرين حاليا

.


كل واحد فينا عندو اهل و صحاب و حباب لي يوقفو معاه وقت الشدة هو مايخليهم و هوما ديما يساندوه و يتحداو كلشي علاجالو كل وحدة تسميلنا 4 أشخاص او اقل لي مانساتش وقفتهم معاها و تقول هل الاصدقاء هم الاقرب ام الاهل و واش فايدة وجودهم في حياتها

4 أشخاص ...
مــاعرفتش واش نخيّــر

حاليا عندي الأهــل أهم ...صديقاتي علاقاتنا اصبحت ضيقــة
و كل شيء في الهاتف
..

.


كل وحدة تقوللنا مستواها الدراسي !!... و هل انت مع او ضد المرأة المتزوجة والعاملة في نفس الوقت و لاكنتي مع قوليلي رايك في التنسيق بين الاولويات يعني كي تزوج من الافضل تخدم ولا تقعد في بيتها و تربي ولادها
.

مستواي الدّراسي ... ليسانس علوم التّسيير //ماليّــة
متخرجة سنة 2006
//

المرأة المتزوّجة العاملة ... الصّراحــة
أنّ ميولي الأكبـر هــو ضدْ
إلاّ إذا كانت الظّروف تُحتّم ذلكْ
.

اكيد كل واحد فينا عندو هوايات كثيرة ممكن ماتكونش واضحة او مانعطيوهاش اهمية ممكن لضيق الوقت او لعدم توفر الامكانيات كل واحد يذكر اكثر حاجة تستهويه و يحب يمارسها وقت الفراغ بغض النظر لكان الهوايات هاذو عندهم عوائد مربحة كالحرف مثل خياطة او حلاقة او لكروشي او حياكة الزرابي ...إلخ او هواية ترفيهية و تثقيفية . كالرياضة بكل انواعها او القراءة
او السفر او...الخ
لاكنتي من المهتمين بالحرف قوليلي واش درتي بهوايتك طورتيها معناه زدتي قريتي و ديتي ديبلوم و اتقنتي جميع جوانبها و اثبتي روحك فيها و راكي تفيدي الناس بيها و لا دفنتيها و خليتيها بينك بين روحك

هــواياتي كثيرة ...لكن للأسف ما قريت ما ديت ديبلوم
في حتى شيء من هواياتي
لأنّي تزوّجت بعد التّخرج مباشرة و صعب نخرجْ
//
اكبــر حاجــة تستهويني الشّعــر و كتابة الخواطر
حبّي كبير للغــة العربية و ما يتعلّق بها

و طبعاً من صغري من ايام المُتوسطـة تعلّمت الكروشي
و بعدها إهتميت بـ الخياطــة
و اكيد كان إهتمامي بالمطبخ دائم و من زمان

و بعد زواجي و مُكوثي في البيت تعلّمت من النت
أشياء اخرى
مثــل الطرز بالساتــان و الماكرامي و الكُريّات السحريّــة
..... ووو

.
جربتي مرة تروحي لملجأ ولا دار ايتام ولا دار عجزة ولا مكز رعاية مسعفة و شفتي احوال الاشخاص ثما و جربتي تقدميلهم مساعدات وزياراتك بشكل دوري و لا جامي خممتي في الفكرة هاذي أصلاً

أيام الجامعــة و بعض النشاطات كنت نروح بعدها لا
..

.

المرا بطبيعتها جميلة و تهتم بكل شي داير بيها و تحبو يكون مليح سواء دارها ولا لبستها ولا شعرها و لا شكلها و لاااا قرب عرس في لافامي و لا عيد تلقاها تجري ورا الماكياج و لي ماسك و الخياطة الجديدة و ااخر ما توصل اليه العلم (عِلم الحطة والمطة)
قوليلي واش تنصحي لبنات بحاجة جربتيها ونجحت معاك يعني كان عندك مشكل و عالجاتولك ممكن نوع ماسك للشعر او كريم للوجه
و قوليلي راي الناس فيك يهمك ؟ يعني هوما يشوفوك مليحة ولا لالا وانتي ايه نتي واش يعجبك في شخصيتك (وعلابالنا الجمال جمال الروووووووح) و لي يحكم على الناس من المظهر
واش تقوليلو

[/quote]

.......

[وليد مولودية]

المشاركة الأصلية كتبت بواسطة stayfiya

و هاو ليكم سفنج سخون هذوين طيبناه للنافس في خاطر ام ولييدووو لبنات مدو يديكم ماتحشموش

سفنج و عليه لكلام يشهي

يعطيك الصحة حبيبتي و ربي يجعل ما زاد عندكم من الصالحين وبالشفاء للام الكريمة

[وليد مولودية]

المشاركة الأصلية كتبت بواسطة نـدِيـّة الجـُوريْ ~

أهــلاً بكِ أختي أمْ وليدْ
نـــوّرتِ الجلســة و حليتيها ..
إن شاء الله تقضي معنا أوقــات ممتعـــة
و تفيدينــا بــ توجيهاتكْ و أفكـــاركْ

و شكــراً على النصائح التي قدّمتها

جعل الله أجــر تعبك و ما تقدّميه في ميزان حسناتكْ


////


الغاليـــة أم كــوثــر

أهلاً بــ إطلالتكِ البهيّـــة
إن شاء الله نكونوا في المستوى


/////


أختي الحبيبــة سطــايفيـــة


واووووو .... كل هذه الأسئلـــة
نقعد معاهم عشيّـــة باش نكمّلهم

أسئلتكْ كلهم راااائعين و في محلهم

.

جاري الإجابــة بإذن الله

اهلا بك اختي لعزيزة نتمنى نكون خفيفة الظل عليكم

تشرفت بالتقرب منكن اكثر

السطايفية راهي شاده حيلها عصرتكم اسئلة اليوم عطلة فضات لكم ههههههههههههه

[stayfiya]

ياختي راني من و من راني في المشينة نرقع في حوايج للدار ضك يجيونا ضياف اني نزرب هههههه ام وليد عاقبتك لبنات اليوم راهم سباااات عمييييق نديه راني نسنى فيك تكملي ههههه

[صاحب الامل]

انهينا الطلة الثانية

التعليق لكم ؟؟؟؟؟؟؟
قبل ما يدخلوا الاساتذة

[•~ندية الجوري~•]

ماشاء الله عليكم ... نور المستقبل و فريــولة

و تأسّفت كثيراً لــ غياب عذراء الجبل
و ليـــان ... كان كــل املي انك تكوني معنــا


و يــا سلام ... على مطبخ نــور المستقبل و
فستـــان فريولة إبتسام

هذا أكثر ما اعجبني ...

[فريولة ابتسام]

المشاركة الأصلية كتبت بواسطة نـدِيـّة الجـُوريْ ~

ماشاء الله عليكم ... نور المستقبل و فريــولة

و تأسّفت كثيراً لــ غياب عذراء الجبل
و ليـــان ... كان كــل املي انك تكوني معنــا


و يــا سلام ... على مطبخ نــور المستقبل و
فستـــان فريولة إبتسام

هذا أكثر ما اعجبني ...

العشاء الرومانسي اتاعك يهبل